حل مشكلتك

السلام عليكم ورحمة الله وبركاته

أوقات كتير باحس إن في ناس كتير لما تحصلهم مشكلة بيفضلوا إنهم ينغلقوا جوا المشكلة دي
ومش كده وبس دي بتأثر سلبيا جدا عليهم
يمكن كلنا مرينا بمشاكل كتير ولكن هل إني أحبس نفسي جوا المشكلة أو إني أتأثر بيها سلبيا ده الصح
هل إني أؤذي نفسي وأؤذي اللي حواليا ده اللي صح ولا إني أحاول أحل المشكلة وأستشير اللي حواليا وأفضفض للناس على مشاكلي يمكن أسمع نصيحة أو ألاقي حل للمشكلة
يا جماعة إيه رأيكم نخرج بره دايرة المشكلة ونروح لدايرة الحل

جربوا ومش هتندموا

مبروك .. خطبت كام مرة السنة دي؟؟

مبروك .. خطبت كام مرة السنة دي؟؟

سهير : بحبك يا أحمد

أحمد : وأنا كمان بحبك أكتر

سهير :طيب وآخرة حبنا

أحمد : حبنا لازم يعيش

سهير : يعني هنعمل إيه يا أحمد؟؟

أحمد : حتقدم لك .. وأخطبك

سهير : هو انت لاقي تاكل يا أحمد..وبعدين أنت لسه في سنة تانية ومحلتكش حاجة ؟؟

أحمد : مش مهم عشانك أتحدى الدنيا .. أنت واثقة فيّ ؟

سهير : طبعا ياأحمد

أحمد : يبقى خلاص ..أنا حتصرف

زملاءنا ..

ليس هذا جزء من مشهد في فيلم هندي .. لكن الحكاية دي أو شبه دي بتحصل في جامعتنا كتير - طبعا مع تغيير الأسماء والأشخاص - و أنا مش هكلم عن شرعية علاقة زي دي لأننا عارفين طبعا إنها حرام .. لكننا فعلا عايزين نتكلم عن الخطوبات اللي بالهبل اللي بنشوفها في الجامعة

في يوم عادي جدا وأنا رايح محاضرة برضه عادي جدا .. ألاقي الشلة بيبصوا على ولد وبنت قاعدين على جنب لوحديهم والإتنين هاتك يا سهتنة .. ولقيتهم بيقولولي : مش فلان خطب فلانة!!.. أقولهم : بجد ؟؟ ..طيب الخطوبة كانت إمتى؟

- لأ.. ما هو محصلش خطوبة

- طيب فين الدبل ؟؟

-لأ.. ماهو مفيش دبل

- يبقى أكيد قرأوا فاتحة ؟؟

- لأ برضه!!

-الله ..أمال اتخطبوا إزاي يعني ؟؟ كده بالنية يعني ولا إيه ؟؟

-أنت مش فاهم .. أصل أهلهم عارفين الموضوع وموافقين

- مش تقولوا كده م الأول!! يا سلام هما دول أهل ؟؟ لا يا جماعة مش معقول وهو في أب يرضى لبنته كده ؟؟

- آه طبعا في !!

- اضرب كف بكف .. وأصرخ : عليه العوض ومنه العوض

بصراحة أن سمعت من مصادر غير موثوق فيها .. إن في أمهات بيوصوا بناتهم يوقعوا عريس .. وطبعا يكون محترم وده عشان أزمة الجواز اليومين دول وقلة العرسان فالأم بتخاف على بنتها من العنوسة .. بس اللي أنا فاهمه إنها توقع عريس .. مش تتخطب كل شوية لعريس

المهم .. تلاقي الواد جارر البنت وراه في كل حتة ومقضين اليوم في الكلية سرمحه ..يا إما قاعدين في كافيتيريا الكلية وشهم في وش بعض وهيمانين ومسهتنين ومتنيلين.. واللي يسأله مين دي يرد : دي الجماعة خطيبتي يعني.. وهي ترد :ده خطيبي...

وفي يوم تاني عادي برضه ..رايح محاضرة .. ألاقي فلان إياه واقف لوحده في حتة وفلانة إياها في حتة تانية .. وطبعا نفس الشلة بيبصوا عليهم ويقولوا : مش فلان و فلانة انفصلوا !! .. يا حلاوة .. لما بسمع الكلام ده بجد ببقى خلاص حتشل .. هما اتخطبوا بجد عشان ينفصلوا ؟؟ .. ناقص تقولوا ده طلقها !!

وطبعا ممكن الشلة تتدخل قي حل الموقف .. والتنسيق بين الطرفين ..وعمل مباحثات مشتركة لحل الأزمة ..ويرجعوا لبعض تاني ..أو كل واحد يشوفله حد تاني يعيش معاه الفيلم من جديد ..وطبعا أوعى حد يجي في دماغه حاجة كده ولا كده كلها خطوبة مش صحوبية وخلاص .. لأ طبعا..ده أحلى م الشرف مفيش !!!

المهم إن كل اللي قابلتهم أو عرفتهم من العالم دول .. أقعد أقنع الواد إن اللي بيعمله ده غلط ..وأقوله : أنت لسه مخلصتش ومحلتكش اللضى ولسه الجيش والشغل .. والجواز زي ما لازم يكون فيه عاطفة لازم يكون فيه عقل برضه .. ولما تعقد تمشي معاها من دلوقتي .. فيقاطعني : أنا مش ماشي معاها .. دي خطبتي

فأرد : ماشي ياعم الكتكوت .. وعلى فرض إنها خطيبتك معايير اختيارك لشريكة حياتك حتتغير بعد الـ 4 أو 5 سنين اللي فاضلنلك

- أنا بحبها ومقدرش أعيش من غيرها.. ولو حصلها حاجة أنا ممكن أموّت نفسي ..ده هيّ النور اللي في حياتي اللي بيصحيني من عز النوم وأقولهم ياجماعة طفوّا النور

- يا بني اللي عايز يتجوز يبني بيته م الأول على رضه ربه عشان يوفقه مش يبتديها بمعصية

- فيقاطعني مرة آخرى : أنا مصمم .. خلاص

- فأنهي الحوار وأنا في قمة القرف : خلاص أنت حر بس افتكر إني في يوم نصحتك

والقصص من دي كتير ..وكل واحد أقابله يحلفلي مية يمين أنه خلاص لقي اللي بيدور عليها .. وأنه مش حيسبها لأي سبب من الأسباب .. وأقعد أحاور وأقنع وأتخانق .. والنتيجة واحدة .. والرد واحد " خلاص يا بني دي بقت خطيبتي " والمشكلة فعلا إن أنا مقتنع جدا جدا جدا إن ده شغل مراهقين والعالم الخطّيبة دول بيخنوقوني من الدور اللي عايشينه ..

المهم تمر الأيام وأقابل صاحبنا ..فأسأله بعد إذيك وبقالي سنة ماشفتكش والكلام ده : إيه أخبار الخطوبة ؟؟

فيحمر وجهه ويبقى عامل زي الطمطماية بتاعت الطبيخ: أصل حصل بينا....

فأقاطعه والنشوى تملأ صدري - اللهم لا شماتة- :أنا يا بني مش قولتلك

يا جماعة.. فعلا أنا قابلت قصص من دي كتيييييييييييييييييير وكلها وهم كبير ..و أنا متأكد إنكم برضه قابلتم قصص خطوبة وهمية والمهم إن الرابط بينها واحد إنها عاطفة مراهقة مندفعة .. وعلى رأي واحد صاحبي إتلدع مرة ففهم الموضوع ..قالي: لو جبت أي واحد وقولتله البنت الجميلة اللي واقفة هناك دي بتحبك - والبنت أصلا واقفة بظهرها وهو مش شايف وشها - حيولقك أنا حبتها وعايز أخطبها.

خالد عمر

دي مصر اللي بتفخر بولادها

لكل محبي عصام الحضري ونادي الأهلي ... إليكم هذا الخبر السعيد
عصام الحضري يعود لمصر
وعلى رأي المثل ... اللي يشرب من مية النيل لازم يرجعلها تاني
دي مصر اللي دايما بتفخر بولادها
وأفرحوا يا شعب مصر الكريم لاقينا اللي نقوله
أرقص يا حضري
ونقول ربيتي يا مصر

إسم التهمة إخواني

وجع وفى قلب يتعبني

فى وسط الليل مغلبني

وبسأل نفسي ليه بابني

وغيري بيهدموا فيكي

وارجع تانى واناديكي

يروح عمري وافديكي

ولو ترضى اكون ليكي

واموت مبسوط ما خاف من سوط

ورغم الضرب اعلى الصوت

لمين غيرك يهون الموت

يامصر يا اعز اوطاني

ولو قالوا فى يوم جاني

واسم التهمة اخوانى

ورغم ما اشوف وما اعاني

هقول برضه يطول عمرك ياسجاني

ويهديك ربي ياجاني

وتعرف حق اوطاني

واموت لو موتى فيه راحتك

واعيش ساكت عشان خاطرك

ولو حكموني بعساكر وجيش كامل

هيفضل قلبي ليكي حامل

وانا راضى وهتحاكم

ومهما يكون مين الحاكم

ولو قالوا فى يوم شاطر

ويعرف يكسب الخاطر

عشان خاطرك لازم اخاطر

لو حتى منش قادر

واصحي ولادي من نومهم

يشوفوا شيطان بيخنقهم

ويسرق بسمه من فوقهم

عشان يبقى على الكرسي

وترسي زي ما ترسي

ياحلى سفينة فى حياتى

عليكي حلم اولادي

ولاجلك كل شئ عادي

يامصر يا غالية يابلادي

اهداء الى المهندس خيرت الشاطر واخوانه

بقلم / محمود المصري

الصحوبية بين الولاد والبنات عيب ولا حرام؟؟

الصحوبية بين الولاد والبنات عيب ولا حرام؟؟

هو عيب ولا حرام
اصحابي كلهم ماشين مع بنات و مش بنت واحدة لا ممكن اكتر من بنت و ماشين معاهم على حب وكلام كدة يعنى وكانوا بيعرضوا عليا أنى اخرج معاهم وهما يعنى حيجبولى بنات وانا اخرج معاهم
بس انا كونت برفض فا ممكن اعرف هو انا كدة عبيط ولا لاء وايه راى حضراتكم مش احسن ما اخرج مع البنت دى النهاردة والتانيه بكرة ويبقى لعب بالبنات صح ولا انا غلطان والنبى ردكم حتى لو حطلعونى غبي مش مهم بس اعرف كدة إيه رايكم

الــــرد

هو عيب وحرام
أولاً: هو عيب:
• عيب انك تخدع بنت لأنها ( أغلب البنات ) ضعيفة بعواطفها، تشتاق لكلمة طيبة، وإن سمعتها من شاب تعلقت به، وظنت أنها ملكت الدنيا بها ، وليس من المروءة أن تخدع الضعيف .
• عيب في حق رجولتك أن يدفعك لما لا تقتنع به أن تكون مثل أصحابك. أنت أنت ولست مضطر أن تكون غيرك فقط كن نفسك تكسبها وتكسب بها.
• عيب انك تشك في نفسك لدرجة أنك تتهم نفسك بالعبط لمجرد أن فطرتك السليمة ترفض فعل خاطئ ورغم أن كل من يفعلوه إلا أن فعلهم لن يغير الخطأ، فيجعله صواباً فكن واثقاً من نفسك ولا تتهمها بل اشكرها وثبتها ثبتك الله.
ثانياً: هو حرام .
• حرام أنك تخون الأمانة وتنقض العهد لقوله صلى الله عليه وسلم:" آية المنافق ثلاث: إذا حدّث كذب, وإذا أؤتمن خان, وإذا وعد أخلف " حديث صحيح..
• صحيح مسلم حديث شريف
• حرام أنك تتخذ أخدان ( رفيقات من غير زواج ) لقوله تعالى مُحْصِنِينَ غَيْرَ مُسَافِحِينَ وَلاَ مُتَّخِذِي أَخْدَانٍ وَمَن يَكْفُرْ بِالإِيمَانِ فَقَدْ حَبِطَ عَمَلُهُ وَهُوَ فِي الآخِرَةِ مِنَ الْخَاسِرِينَ }المائدة5 "
• حرام أنك تنساق وراء الخطأ، وإن كان شائع لقول رسول الله صلى الله عليه وسلم: " لا يكونن أحدكم إمعة يقول أنا مع الناس إن أحسن الناس أحسنت وإن أساؤوا أسأت ولكن وطنوا أنفسكم أن إذا أحسن أن تحسنوا وإن أساؤوا أن تجتنبوا إساءتهم"
باختصار رأينا الذي تسأل عنه هو: اثبت يا راجل على ما أنت فيه واترك شلة الفساد اللي حولك دول، وابحث عن أصحاب كلامهم وحياتهم غير ذلك فيعينوك على الحق بدلاً من أن يزينوا لك الباطل.

الدكتورة / هبة عبد العزيز بغاغو مستشارة الموقع

منقول من موقع جامعة أون لاين

رسالة إلى كل ديك وكل فرخة

منقول من موقع جامعة أون لاين

رساله الى كل ديك وكل فرخه

اخى الديك الكريم اختى الفرخه

بعد التحيه والسلام ابعث اليكم بخالص أمنياتى القلبيه أنا وجميع شباب جامعه الاسكندريه بالشفاء العاجل وأن ترزقوا الصبر والسلوان فى مصابكم الجلل بفقدانكم الالاف من الاهل والاصدقاء فقد فقدت مصر كوكبه من خيره فراخها بسبب هذا المرض المسمى بأنفلونزا الطيور

الله يرحمكم يافراخ ياكبار اتعلمنا منكم كتير بالذات الفرخه اللىكانت بتطلع ف الاعلانات وتصرخ وتقول( ادبحنى يامعلم قطعنى يا معلم) اتعلمنا منها التضحيه بالنفس من اجل راحه الاخرين وكذلك اتعلمنا منكم الفقس فعرفنا ازااى نفقس الحكومه بتاعتنا الى عامله زى المنشار طالع واكل ونازل واكل

اللى بيننا وبينكم اكتر من عشرة عمر أنا لوحدى من ساعة م اتولدت حتى الآن لاهط بتاع500صدر وورك حتى ماما وأنا صغير كانت بتضحك عليا وترضعنى شوربة قال ايه عشان لما أكبر أريش0

نعلنها للدنيا كل الدنيا وللعالم كل العالم أن لحم كتفنا من خيركم وعمر اللحمه أوالسمك ماهيسدوا الفراغ اللى انتوا هاتعملوه فى بطننا مين يقدر ينسى الصدور الحنينه اللى ياما اتعاركت عليها أنا وأخويا الصغير ومين هيقدر ينسى الوراك ولا الكبد والاوانص والشوربه وسنين الشوربه (فاصل من البكاء) ياما اخد ناكم لحم ورمناكم عضم خلاص مفيش رحمه حتى الحكومه بتاعتنا سايقه عليكم النداله بدل ماتقف جنبكم عماله تدبح وتموت فيكم انا سامعهم بيقولوا من يومين أنهم عندهم حل من اتنين إماإنهم يدبحوكوا عشان ما تعدوناش أوإنهم يدبحونا عشان منتعديش منكم وكان نفسنا نقوم معاكم بالواجب لكن نعمل ايه الحكومه بتاعتنا ايديها طايله ولوشمت خبر ممكن تعدمنا معاكم وإحنا شعب أغلب من ا لغلب

والسلام ختام

اخوكم جمعاوى

سؤال الحلقه للفراخ اللى ف المنازل ياترى الفرخه بتلد أم تبيض ؟

ترسل الإجابات على قفص بريد الموجود بشارع الفرخه الديخه ولا تنسوا يرفق بالخطاب بيضه بلدى

لو البنات حكموا العالم ... هيكون شكله إيه؟

حد فكر لو البنات حكموا العالم ، العالم هيكون شكله إزاي

دي محطة البنزين

وده الصاروخ


دي الطيارة الحربية

ودي المكنسة الكهربائية

قولولي هل فكرتم؟

السلام عليكم ورحمة الله و بركاته

قولولي يا جماعة ... هل حد فيكم فكر هو شايف بيته عايز يبنيه إزاي
يعني " غير المتزوجين " هل فكرتم عايزين بيتكم تبنوه إزاي؟
حلمت مرة بشكل البيت يعني ألوان الحيطان ، عدد الحجرات
هل فكرت العفش هتيجبه منين؟
هل فكرت في أسماء أولادك؟
هل فكرت هتوديهم مدارس إيه؟
هل فكرت في شريك أو شريكة حياتك ؟ ما هي صفاته
هل أهلت نفسك أن تتحمل مسؤولية بيت وأسرة؟
هل رسمت لحياتك حياة تحلم أن تحولها لواقع
هل فكرت إيه الأساس اللي عايز تبنيه عند أولادك

أنا مثلا ناوية إن شاء الله بعد ما أخلص كليتي أروح أتدرب في كلية رياض أطفال إن شاء الله

أوقات بافكر بالاقي إن الحياة اللي بعد الزواج هي دي الحياة اللي ممكن أرسمها على مزاجي
بمعنى أنا في بيت أهلي - ربنا يحفظهم ويخليهم يا رب - عايشة في بيت مش أنا اللي اختارته أودتي مش أنا اللي مختاراها من وأنا صغيرة ودي أودتي
كنا بنبيض شقتنا من فترة وأنا مصرة على لون معين وبرضه بابا وماما عملوا اللون اللي هما عايزينه
لكن في بيتك دي فرصة إنك ترسم صورة وتحققها كمان ، ما تضيعوش الفرصة دي من إيدكم

هاحكيلكم حكاية واحد رسم لبيته حياة وعاشها زي ما هو عايز بالظبط

هو عشق الله وعشق الإسلام وقرر أن يتحول بيته لجزء من حياة الصحابة
أولاده أسماؤهم : البنات ... خليدة وأمامة وسنينة وسراء ونسيبة ورفيدة
الأولاد ... خلاد وأويس وأبي
هذا الرجل عشق اللغة العربية كان يتحدث معهم في البيت باللغة العربية الفصحى
وقت مذاكرتهم كان يقول لهم " أحبوا العلم " وكأن لديك ضيف وتريد أن تشوقه لأكله مثلا
عندما كان يرى أي عطل في المنزل " كهرباء مثلا " كان يقول أحب الإصلاح وكان يقصد إصلاح العطل وإصلاح كل فاسد حوله ومنها إصلاح لقلوب أولاده
عند زواج كل بنت من بناته كان يحضر لهم هدية من ضمن الهدايا طقم فضة ومكتوب عليها وصايا
ونفس الكلام مع أخواتها واحده أهداها رخام ومكتوب عليها أيضا وواحده حافر لها على خشب

كان في أعياد ميلادهم كان يحضر لكل منهم كارت مكتوب عليه أبيات من الشعر

لا يخرج من بيته إلا ومعه كتيبات ومطويات ليوزعها على إخوانه
كان أحب أوقاته عندما يسأله أحد عن الصلاة أو القرآن

كان دكتور وكان يعمل في تخصص يخدم دعوته للإسلام

هذا الرجل توفي يوم الخميس الماضي ... قبل أن يتوفي كان مريض مرض شديد كأن الله يريد أن يضعه في مكانة كبيرة
وبعد وفاته أحد معارفه رأى له رؤية أنه في إختبار وحصل على الدرجة النهائية

أختي راحت العزاء يوم السبت اللي فات بتقولي بنته بتقابلها بإبتسامة غريبة جدا وبتقولها البيت نازل عليه سكينة وطمأنينة من وقت وفاة أبيهم

أنا معرفش تفاصيل من حياتهم بس ده اللي اتحكالي

ربنا يغفر له ويحشره مع الحبيب المصطفى ويرضى عنا ويعزنا ويجعلنا خدام لدينه

شوفتوا يا جماعة ده راجل رسم حياة جميلة وكان قائدها ومعاه زوجة أعانته على تحقيق حلمه وأولادهم ناس تفخر بيهم أمم
كونوا فريق رائع هم زخرا للإسلام

فكروا وأبدعوا وإرسموا حياتكم عايزينها إزاي

فك قيدك

... شوفوا لي حل

لما عصام الحضري يسيب مصر ... هنقول لمين دلوقتي أرقص يا حضري

لما الأسعار تغلى وما نلاقيش ناكل ... نقول بقلب جامد وبصدق تحيا جمهورية مصر العربية

لما يدفعوا فلوس بالهبل علشان اللعيبة او علشان حفلات نانسي عجرم ... يبقى وقتها نثبت للعالم إن العرب أغنياء وإن مصر عندها فلوس كتير أصلنا عندنا فلوس كتير مش عارفين نوديها فين ولا فين

لما الناس تروح آخر البلاد علشان تحضر حفلة لتامر حسني ... نقول للعالم إحنا عمرنا ما هنكون جديين وهنمشي دايما ورا مزاجنا

لما الناس تسهر للساعة 3 و4 الفجر علشان تتفرج على فيلم وييجي وقت الفجر وتنام ... يبقى نقول لربنا إننا عندنا حاجات أهم دينك

لما يعرضوا أفلام في السينما ويحطوا قيمة صح جوا ألف قيمة غلط ... نقولهم حاضر إحنا هنشتري السم اللي انتم حاطين عليه نقطة عسل

لما الممثلات اللي الناس مهووسة بيهم يلبسوا الحجاب ويخلعوه ... نقول إن شاء الله هنقابل الرسول بفن وموضه و و و وليس بدين ونصر للإسلام

إيه يا شباب إحنا فين هل هنستنى لما مخططاتهم تكتمل علينا خلينا واقعين وبلاش الكلام اللي بيقول مخططات ايه ولا نقول يا عم خلينا نتبسط
عمر ما كانت السعادة في البعد عن ربنا ولا في الانبساط بطريقة تغضب ربنا

افتكروا يا جماعة قول ورقة بن نوفل للرسول الكريم حين أخبره بنبوته قال له " ليتني اكون فيها جدعا إذ يخرجك قومك " ... تذكر أسامة بن زيد عندما قاد جيشا وهو لم يتعد العشرين عاما

وقتنا دلوقتي قبل ما نفتن في ديننا ...
خلوني أحكي لكم على موضوع مأثر في جدا ... موضوع كنت قرأته في كتاب بيتكلم عن الدعوة لدين ربنا ...
الكتاب بيقول إن في بلاد - وللأسف بلاد عربية - بتمنع البنات والسيدات من إنهم يلبسوا الحجاب
تخيلوا معايا الوضع هناك عامل ازاي
ووقت الامتحانات منعوا بنات من دخول الامتحان لمجرد انهم محجبات ولما البنات خلعوا الحجاب خدوا عليهم تعهد في قسم الشرطة انهم مش يلبسوه تاني
طيب لو انت او انتي في مكان زي ده هيكون إيه تصرفك ... نفسك تلوذي بنفسك وأهلك من الفتن اللي في العصر ده
ولكن احنا دلوقتي في بلد إلى حد ما لم نصل لنفس هذا المستوى الموجود في البلاد التانية يبقى دورنا كبير دورنا نوصل للناس دين ربنا كبير وأكبر من إنه يكون ضمن خططنا ولكن لابد أن يكون هو من نخطط من أجله

خلوني أختم بحاجة

لما يظهر دعاة زي أ /عمرو خالد و أ / معز مسعود و أ / مصطفى حسني ... وقتها نقول " وكان حقاً علينا نصر المؤمنين "

الإسلام مش بيستنى حد وهينتصر هينتصر يا إما تكون ممن ينصرون هذا الدين وإما أن تكون من المتفرجين
خذ خطوة إيجابية وكن علما من أعلام هذا الدين

هعيش واتحدى احزانى

ما دام الشمس لما تغيب بتطلع فوق مكان تانى
هروح وياها كل مغيب واخلى شروقها عنوانى

بنبض وعزم اصرارى هجيب الورد من الصبار
واجيب من ضلمتى نهارى .. واشق الصخر والاعصار

ومهما يعاند التيار همد لاخر المشوار
وهمشى فى سكه الابرار
واخلى الدنيا سمعانى

هعيش واتحدى احزانـــــــــى

هشيل احلامى فوق ضهرى وهمشى بالامل رحال
لحد ما يجى يوم زهرى يهون قسوه الترحال
وألاقى جواب لكل سؤال
واشد الآه من الموال
واشوف قمرى طلعله نهار وانس الااه وتنسانــــــــــــــــــــى

هعيش واتحدى احزانى
هعيش واتحدى احزانى

ما دام الشمس لما تغيب بتطلع فوق مكان تانى
هروح وياها كل مغيب واخلى شروقها عنوانى

يا ليالي الفرح خدينا

يا ليالي الفرح خدينا وخلي النور يسبق خطاوينا وخلي البال يرتاح

خلي الفرح معدي يهدي نرسم بيه الحلم الوردي ونملا الكون أفراح

أشتقنا والله للفرحة وبعدنا عن القسوة الجارحة ونسينا الآه

وبقت أيامنا بتحلالنا شايفنها بتضحك أدامنا الله الله

يا رب ... صفحة جديدة

‏"اللهم إني أعوذ بك من فتنة النار وعذاب النار وفتنة القبر وعذاب القبر وشر فتنة الغنى وشر فتنة الفقر اللهم إني أعوذ بك من شر فتنة ‏ ‏المسيح الدجال ‏ ‏اللهم اغسل قلبي بماء الثلج والبرد ونق قلبي من الخطايا كما نقيت الثوب الأبيض من الدنس وباعد بيني وبين خطاياي كما باعدت بين المشرق والمغرب اللهم إني أعوذ بك من الكسل والمأثم والمغرم"

"يا قلوب مشتاقة أكيد والله للبهجة وللأفراح"

يا رب أغفرلي وفرحني
وأبدلني خيرا مما كنت
وإن كنت على حق أرني وقدر لي الخير وإن كنت على باطل أرني وأمنعه عني

‏

فن التجويد

التجويد
فعلا التجويد ده فن
بتحس إنك بتقدر القرآن أوي وإنت بتجوده
بجد إحساس مختلف تماما من القراءة المجودة والقراءة الغير مجودة
انا بانصح اللي ميعرفش تجويد إنه يتعلمه
بجد مش هتندموا بالعكس هتحسوا إحساس مختلف تماما
جربوا وقولولي رأيكم

جعلنا الله وإياكم ممن يقال له اقرأ وارتقي ورتل كما كنت ترتل في الدنيا

تعديل ...

السلام عليكم ورحمة الله وبركاته

فاكرين يا جماعة لما كتبت عن صلاح الدين وقلت إنه ماكانش بيضحك أبدا ولما سٌئل لماذا لايضحك قال "كيف أضحك والأقصى أسير"
إمبارح كنت في مناقشة في الموضوع ده واقتنعت - مع إحترامي الشديد لصلاح الدين - أن صلاح الدين كان خاطئا في هذه النقطة فرسولنا الجميل كان يُقال عنه " ما رأيناه إلا بساما ضحوكا " وما أشد ما كان فيه الرسول الكريم من إبتلاء واسمحولي إن قلت إنه كان أشد من صلاح الدين ومع ذلك كان بساما ضحوكا ...
يا حبيبي يا رسول الله

إسمحوا لي أني مسحت هذه المقالة

بحلم لو عاد الإسلام يحكم من تاني

بحلم لو عاد الاسلام يحكم من تاني

و يخلى صحارى الأوطان خضرة وأمانى

بحلم لو عاد الاسلام يحكم من تانى

ويخلى صحارى الأوطان خضرة وأمانى

بحلم لو نسمة ايمان هزت اركاني

ييجي الفجر ويطوى الليل حسنه الرباني

ييجي الفجر ويطوى الليل حسنه الرباني

بحلم لو عاد الاسلام يحكم من تاني
و يخلى صحارى الأوطان خضرة وأمانى

بحلم لو عاد الاسلام يحكم من تانى
ويخلى صحارى الأوطان خضرة وأمانى

بحلم لو نسمة ايمان هزت اركاني
ييجي الفجر ويطوى الليل حسنه الرباني
ييجي الفجر ويطوى الليل حسنه الرباني

بحلم ان العدل يسود

عدل عمر وجنوده أسود

تحمي الحق وعنه تذود لا تخاف الجانى

تحمي الحق وعنه تذود لا تخاف الجانى

بحلم لو عاد الاسلام يحكم من تانى

ويخلى صحارى الأوطان خضرة وأمانى

حلمنا لو اتجمعنا صفوف

كفى فى كفك نبقى ألوف

ونموت جوانا الخوف ونعود من تانى

ونموت جوانا الخوف ونعود من تانى

بحلم ان جيوشنا كتير

وسيف الدين عاد للتحرير

والأقصى ينادي يا أمير..طهر أركاني

والأقصى ينادي يا أمير..طهر أركاني

الحلم اللى القلب ناداه

شعب بيهتف باسم الله

ويخلى ايمانه وهداه...نهج القرانٍ

ويخلى ايمانه وهداه...نهج القرانٍ

بحلم لو عاد الاسلام يحكم من تانى

بحلم

ويخلى صحارى الأوطان خضرة وامانى

بحلم

بحلم لو نسمة ايمان..هزت اركانى

بحلم

ييجى الفجر ويطوى الليل حسنه الرباني

مجرد قلم وورقة

السلام عليكم ورحمة الله وبركاته
هاقولكم على مشكلتي بس محدش يتريق علي
أنا باحب الكتابة والرسم جدا بس مابعرفش أكتب ولا أرسم بس باحس بجد إن الكتابة ممكن تطلع حاجات كتير جوا الإنسان وممكن توصف حاجات كتير إنت شايفها وممكن توصل بيها رسالة
وكمان الرسم إنك تحس إنك بتبدع بمجرد ورقة وقلم شعور جميل
أنا نفسي حد يتبنى موهبتي المفقودة
:D
أول مرة أكتشف إن الكتابة والرسم فيهم حاجة مشتركة
إنهم مجرد قلم وورقة

كلمات خالدة

حاجة جديدة ... انطلقوا

إيه رأيكم نعمل حاجة جديدة
يعني إيه حاجة جديدة يعني هنخترع اختراع محدش اخترعه قبل كده ولا هنعمل ايه ما توضحي يا إنجي شوية
لا مش اختراع ولا حاجة ايه رأيكم لو بدأنا نعمل حاجة جديدة في حياتنا يعني كتير جدا مننا اللي عايش حياة روتينية تماما إيه رأيكم لو عملنا حاجة جديدة
زي إيه مثلا؟؟
هاقولكم زي إيه ... ممكن إننا نشوف أيام أجازتنا إيه سواء في الشغل أو في الدراسة ونحاول نبدأ في تأليف كتاب مثلا
أو نحاول إننا نتعود على عادة جديدة بس عادة سليمة زي مثلا أنا - وأنا بجد مخنوقة أوي من الموضوع ده - لما باكون في البيت بأقعد وقت كبير على الكمبيوتر أنا بجد تعبت نفسيا من الموضوع ده بقيت مدمنة الكمبيوتر وامبارح كان عندي مشوارين مهمين جدا ولغيتهم وقلت هاقعد مع اهلي وللاسف اغلب الوقت كان على الكمبيوتر
ممكن مثلا أيام الدراسة بين المحاضرات أجمع بنات والشباب يجمعوا شباب ونقعد نتكلم في أي حاجة نتكلم عن حياتنا نتكلم عن مستقبلنا نتكلم في ديننا
ايه تاني يا انجي ايه تاني
اه ممكن إننا نتفق مع صحابنا ونحاول نعمل حاجة في الكلية جديدة نسيب بيها ذكرى ويقولوا شوفوا المسلمين عملوا ايه
زي إيه مثلا هاقولكم بس دي مش تعتبر حاجة دي تعتبر مهارة نكتسبها إننا نكون واجهة لأي نشاط جديد مؤثر بمعنى إننا اللي نطلع نتكلم في المدرج نكلم الناس مثلا عن النشاط ده
وأحلى حاجة ممكن إننا نعملها إننا نكون قدوة للنااااااااااااااس كلها إزاي
يعني بالأخلاق وبالتعامل وبالمبادرة سواء في الدراسة او في الحياة و بالمظهر
واحنا بنتكلم معاهم نقولهم أد إيه إن النشاط ده بيفيد المسلمين كلهم

طيب وأبدأ إمتى في الموضوع ده أبدأ إمتى في إني أخرج من الصندوق وأعمل حاجة جديدة هأبدأ إمتى أكون مؤثر في الدنيا بأخلاقي وبتديني
إمتى أحاول إني أعمل حاجة تنفعني وتنفع المسلمين

كنت باتكلم مع واحدة صاحبتي وباقولها كلها كام سنة وكلنا بإذن الله هنتجوز طيب وهل انتي فاكرة اننا لما نتجوز هنقدر نعمل حاجة قلتلها انا شايفة الموضوع ده بعيني دلوقتي ما هو اخواتي متجوزين وبفضل الله رزقوا بأولاد ولكن هل بيقدروا يعملوا اللي كانوا بيعملوه قبل الزواج بنفس المجهود والوقت أكيد لأ
يبقى احنا دلوقتي نبذل أقصى جهد لينا لأنه لو قل بعدين هيكون مش قليل أوي لكن لو ما بدأناش دلوقتي وبدأنا بعدين فأظن إن الجهد هيكون قليل جدا

أبدأ ولو بكلمة فالعظماء صنعتهم كلمات

لا إله إلا الله

السلام عليكم ورحمة الله وبركاته
كنت باحاول اتناسى موضوع وفاة هبة معرفش ليه كنت بامنع نفسي من اني افكر فيها او افكر نفسي بوفاتها
كل ما كانت تيجي على بالي اقوم اعمل اي حاجة تانية علشان ما افكرش في الموضوع ده
انا بجد كنت بحبها جدا ومش متخيلة اني مش هاشوفها تاني
النهارده اللي قلب عليا المواجع وخلاني مش قادرة ما افكرش فيها اني لقيت ماما بتنده عليا وبتقولي صاحبتك الكلية منزللها نعي في الأهرام
أنا بصيت للنعي وكنت عايزة اصرخ واعيط ومالقيتش حاجة اعملها تطلع اللي جوايا غير اني اكتب
ربنا يرحمها برحمته يا رب ويغفرلها ويدخلها فسيح جناته

فلسطينى انا اسمى فلسطينى

بحب النور

بحب النور وصوت عصفور يناجى فى السما ربه


واحب الخير ولو للغير وبسال ربنا قربه


واحب اللقمه من فاسى واحب اللمه بين ناسى


ومهما كبرت مش ناسى ندا قلبى واحساسى


>> بيرسلمى طريق مقدور


بحب النور وصوت عصفور يناجى فى السما ربه


بحب القلب لو طيب واقول الله


دى كلمه حب تكفينا لا مال ولا جاه


تعالوا نزرع الدنيا بحب الله


ندوس على كل اوجاعنا وقولة اه


نلاقى ارضنا جنه ماليها النور



بحب النور وصوت عصفور يناجى فى السما ربه



بحب الحب يجمعنا نعيش احباب


وحلم جميل يرجعنا قلوب اصحاب


ويرحل ليل مواجعنا ويبقى سراب


يشقشق فجرنا وينده على الابواب


ترد قلوبنا وتغنى مع العصفور



بحب النور


بحب النور

حياتي كلها لله

نفسي في هدية

السلام عليكم ورحمة الله وبركاته
نفسي اصحى الصبح ألاقي حد بيخبط علي وجايب لي هدية

خليني نايمة أحسن

هيا انهضوا

أمة القرآن آن أن تقومي من جديد
أن تعيدي الخير للأرض تعطين بجود
يا عباد الله هيا
بلغوا الدعوة إلينا
وأنشروا الدين جميلا
جل إشراقا يحتوينا
وإحملوا الجد بقلب
يعرف الحق يقينا
يركب الصعب ويمضي
في العلا نجما لاح فينا
قم بإسم الله وإرفع أركان
كم بالله قامت أمجاد

يـــــــــــــارب

وهبة أشد ما تكون إلينا
كل ما تحتاجه هو دعائنا
أمنوا يا جماعة

يا ربنا يا عظيم يا جواد يا كريم
انت تعطي بلا حساب فأنت الكريم وتأخذ بلا حساب فهذه عطيتك
لك ما اعطيت ولك ما اخذت
ياربي يا ربي ارحم اختي في موتها يا ربي ارحم اختي في حسابها يا ربي ارحم اختي في سؤالها
يا ربي ارزقها جنة واسعة تجري من تحتها الانهار
يا ربي عزها واسترها تحت الارض ويوم عرضها عليك كما سترتها في الدنيا وكانت خير اخت مسلمة لنا جميعا
يا ربي يسر امرها ويسر سؤالها ويمن كتابها
يا ربي ابدلها مسكن غير مسكنها
يا ربي ارها مكانها الآن في الجنة
يا ربي اكتبها مع النبيين والصديقين والشهداء
يا ربي نعلم انها اذنبت فأغفر لها فأنت أهل المغفرة ونعلم انها قصرت فأنت رحيم الدنيا ورحمن الآخرة
يا رب ارحمها يا رب ارحمها
يا رب اسعدها وارها مكانها الآن في الجنة يا ربي اكتب لها الخير كله
يا ربي عزها واحفظها واجعلها كما كانت في الدنيا مثال للعفة وأخذنا منها عبرة وتعلمنا منها درسا اجعل من موتها درسا نتعلم منه
يا رب استرها تحت الأرض ويوم العرض يا رب نور قبرها ويسر حسابها وثبتها يا رب العالمين
يا ربي الحقنا بها إن كان هذا هو الخير لنا فقد اشتقنا لرؤياك

" اللهم اغفر له وارحمه ، وعافه ، واعف عنه ، وأكرم نزله ، ووسع مدخله ، واغسله بالماء والثلج والبرد ، ونقه من الخطايا كما نقيت الثوب الأبيض من الدنس ، وأبدله داراً خيراً من داره ، وأهلا خيراً من أهله ، وزوجاً خيراً من زوجه ، وأدخله الجنة ، وأعذه من عذاب القبر ، وعذاب النار".

" اللهم اغفر لحينا ، وميتنا ، وشاهدنا ، وغائبنا ، وصغيرنا وكبيرنا ، وذكرنا وأنثانا ، اللهم من أحييته منا فأحيه على الاسلام ، ومن توفيته منا فتوفه على الإيمان ، اللهم لا تحرمنا أجره ولا تضلنا بعده ".

آمين آمين آمين

إنا لله وإنا إليه راجعون

السلام عليكم ورحمة الله وبركاته
انا مش عارفة اقول ايه مش عارفة اكتب ايه
مش قادرة اقول غير إنا لله وإنا إليه راجعون
واحده زميلتي وصاحبتي في الكلية توفيت النهارده
لا حول ولا قوة إلا بالله
يا رب ارحمها برحمتك يا عظيم
يارب

مبروك :)

السلام عليكم ورحمة الله وبركاته
إمبارح كان أحلى يوم في حياة أنتيمتي
ربنا يباركلها ويكملها الموضوع على خير يا رب
قولوا آمين
ألف ألف مبروك يا أحلى آيات ربنا في الأرض
ومبروك كمان للبشمهندس وربنا يتمملهم الموضوع على خير وببركة إيمانهم ربنا يعزهم ويحفظهم يا رب العالمين

قولوا آمين يا جماعة
يا ربنا الكريم يا ذا العرش العظيم احفظ شباب وبنات المسلمين
يا ربنا اكتب الخير لبنات وشباب المسلمين
يا ربنا اكتب لحبيباتي الخير وارزقني واياهم الأزواج الصالحين الذين يعينونا على عبادتك ونشر دعوة الإسلام الحنيف
يا ربي اصلحنا واجعلنا من الطبيات حتى نرزق بالطيبين
يا ربي ليس لنا سواك ندعوه
يا رب اصلح احوالنا وارضنا بما قسمته لنا واجعلنا من عبادك المؤمنين الذين يصبحوا ويمسوا في خير
يا ربنا اجعلنا بأنفسنا وببيوتنا قدوة لغيرنا يا رب العالمين
يا ربي لا تحزنا ولا تخزنا وارفع رأسنا وأعلى شأننا
يا ربي اجعلنا خير قدوة لدينك واجعلنا سببا في هداية الناس يا رب
يا رب استخدمنا ولا تستبدلنا
يا ربي إن لم نخدم دينك فما للدنيا من طعم
يا ربي أنت ولينا إحفظنا وقنا شر الفتنة يا رب العالمين
يا رب لا تجعل الدنيا أكبر همنا ولا مبلغ علمنا ولا تجعل يا رب العالمين إلى النار مصيرنا
يا رب نحن نذنب كثير ونقصر في حقك كثير كثير كثير لا تعاملنا كما نعاملك انت الكريم والرحيم
جود علينا بكرمك وعطفك
احفظنا يا رب
يا ربنا الكريم يسر لنا أمورا
آمين آمين آمين

بداية

الجرح والدواء

السلام عليكم ورحمة الله وبركاته
عندما يجرح الإنسان لابد من أن يأخذ دواء حتى يطيب
ولكنه يضطر أن يأخذ مسكنات تنسيه ألمه قليلا ولكن عندما يعود المرض يبدأ الألم في الصراخ
فعلينا أن نبحث عن الدواء الصحيح وليس المسكنات
وأقبل على الحياة فهي تنتظرك ولا حياة بدونك

:)

بتمثلك إيه الصورة دي؟

شعور

يـــــــــــــــــــــــــــــــــــــ بتعبر عن اللي جوايا دلوقتي ـــــــــــــــــــــــــــــــــــــــــــاه

وحشتيني

وحشتيني أوي ونفسي أشوفك

يـــــــــــــ أريج ــــــــا

اتقابلنا في أحلى عمر لينا - كما يقولون - أيام البرأة
هي مش أيام البرأة أوي يعني

أنا أعرفها من أيام ما كنت في أول سنة في حضانة
وكانت معايا لحد ما وصلنا 3 ثانوي
وباقول احلى عمر لينا اقصد بيه ايام حضانة وابتدائي واعدادي كمان
لكن ايام ثانوي دي انا ما كنتش بحبها خااااااااااااااااااااااالص

وللأسف من وقتها ما شوفتهاش ولا مرة
بس على طول بنتكلم في التليفون
البنت دي وحشتني جدا ونفسي أشوفها
المهم أريج بقى من اسبوع كده حلمت لي حلم جميل أوي
يا رب يكون المعلومة اللي قالتهالي في الحلم تكون صحيحة أو لو لسه ما اتحققتش تتحقق
ويا رب المعنى اللي فهمته في الحلم كمان يتحقق يا الله

بس بجد أنا نفسي أشوووووووووووووووووووووووفها أوييييييييييييييييييييي

لو كسبنا هنرفع العلم .. طب لو خسرنا !! هنحرقه !

"حتى لا ننسى أن الميم قبل النون"

في مثل هذا اليوم منذ سنتين تنفس أكثر من 70 مليون مصري الصعداء بعد 120 دقيقة من اللعب بالأعصاب -قبل الكرة- في نهائي كأس الأمم الأفريقية.. وخرج النفس المكتوم طويلاً على هيئة زفرة حارة صارخة باسم مصر..

أكثر ما جذب اهتمامي في البطولة هو روح الوطنية التي “سكنت” فئات من الشعب لم تكن تعرف لها انتماءً من قبل.. من أول أطفال الشوارع الذين يهربون من المدارس صباحًا ومن بيوت ذويهم ليلاً ولا يعرفون كيف يكتبون “مصر”.. وحتى طالبات الجامعات إياها اللواتي لا يعرفن عن مصر سوى أنها البلد “دي” التي نشأن فيها والتي كان يمكن أن تكون أفضل لو أنها كانت نسخة متطابقة مع البلد الفلاني..

أعلى مبيعات بعد تذاكر البطولة كانت مبيعات الأعلام المصرية.. وانتشرت موضة تلوين الوجوه بألوان علم مصر الثلاثة لا على الصعيد الشخصي فقط.. وإنما تحول الموضوع لبيزنس رائج مثلما يستغل الجزارون موسم العيد ويستغل الحلاقون موسم الحج !

وأنا أشاهد آلاف الأعلام في الاستاد والشوارع والسيارات والمشاريع والوجوه والملابس فكرت في فكرة هامة جدًا..
المصريون تذكروا العلم ولوحوا به مع توالي انتصارات المنتخب..
فما الحال لو هُزم في أي مباراة -ناهيك عن النهائي- وخرج من البطولة (أو على الأقل لم يحصل على المركز الأول)..؟

هل سيقومون بحرق العلم……….؟!

فهذه عادة محببة لدينا نحن العرب للاعتراض.. ولا أكثر من الاعتراض على خسارة منتخب مصر الذي يحظى بتمويل حكومي -وضرائبي بالتبعية- أكثر من ذاك الذي يحصل عليه البحث العلمي في البلاد !

لأننا شعب يسوده الجهل -أكثر من الأمية- للأسف.. ينسى الكثيرون أن حرف الميم في اللغة يأتي قبل النون.. أي أن “مـ”صر قبل الـ”نـ”صر.. لا يجب أن نفخر بمصر لأننا انتصرنا فحسب.. وعار علينا أن تكون كل علاقتنا بمصريتنا هي انتماء كروي (مع كامل احترامي لكل الكرويين الذين أصبحت منهم مؤخرًا)..

لست خير من يتكلم عن الانتماء (وأعرف صديقًا لي بالذات سيدخل ليسب ويلعن موضوع الانتماء والوطنية والقومية هذا).. لكن أن تكون كل فكرة المصريين عن الانتماء تتمحور حول كرة قفّازة فهذا هو السخف بعينه !

يا ليتنا نتذكر ترتيب الحروف في اللغة.. كما نتذكر تاريخ انتصارات المنتخب المصري و(ننسى خساراته) !

كريم العيسوي

منقول من موقع جامعة أون لاين

الحجاب

الحجاب ... فخر لكل مسلمة

مبروك -2

السلام عليكم ورحمة الله وبركاته

جاتلي النهارده خاطرة وانا في الفرح
سألت أختي على بنت فقالتلي دي اسمها أمامة
UMAMA
واختها اسمها خليدة

الحقيقة أنا لما سمعت الأسامي دي وأنا في الجو الإيماني الرائع اللي كنت فيه في الفرح
اتمنيت ان اسمي يكون زي اسمائهم
وبرغم ان الاسامي ممكن تحس انها غريبة شوية الايام دي وممكن الناس تتريق على صاحب الاسم ده إلا إنهم يحببوا الناس في الأسامي دي بجد
ما شاء الله البنتين بيحسسوك بإن الإسلام متجسد فيهم بنات تتمنى بجد ان بناتك يكونوا زيهم في الادب والاخلاق والتدين والإسم
فتخيلوا البنات دي ممكن تاخد ثواب اد ايه لانهم يعتبروا قدوة للمسلمين في كل مكان
انتم عارفين ان حفيدة الرسول عليه الصلاة والسلام اسمها امامة
يعني أولا هما بياخدوا ثواب من اسمائهم لانهم بيحيوا سنة ويحسسونا اننا عايشين في عهد الرسول الكريم
ثانيا باحس في التعامل معاهم ان اسماؤهم فخر ليهم مش بيتكسفوا منهم

النهارده كنت بافكر في اسامي
فقلت انا ان شاء الله لما ربنا يكرمني واتزوج فهاسمي بناتي ريم أو مريم أوجوان أومنه
ولكن بعد اللي شفته النهارده غيرت رأيي تماما
لازم ولادي يكونوا قدوة في كل حاجة واولها اسمائهم

الشوكة والسكينة

السلام عليكم ورحمة الله وبركاته

أكيد لما بنخرج ونأكل في أي مكان شيك بيجيبلك شوكة وسكينة
وانت تحاول تبان بقى إنك متعود على الشوكة والسكينة وانك من صغرك وانت بتفهم في الذوق والاتيكيت
:D
وتقطع بالراحة وتاكل بالراحة والكلام الجميل ده
المهم كلنا عارفين إن الشوكة بتتمسك بالإيد الشمال والسكينة باليمين
المهم لأن ديننا الجميل بيقولنا اننا ناكل باليمين ففي ناس بعد ما بتقطع اللي هتاكله وهي ماسكة الشوكة في الشمال تروح قبل ما تاكل تغير مكان الشوكة وتجيبها في إيديها اليمين
وده تصرف صح تماما علشان ننفذ اللي رسولنا الكريم وصانا عليه
المهم انا بقى باعمل حاجة تانية خالص و باحس اني مبسوطة اوي لما باعملها

انا لما باقطع الأكل بابقى ماسكة الشوكة في ايدي اليمين و السكينة في الشمال يعني مش زي المتعارف عليه

معرفش ليه باحس اني مبسوطة أوي ... يمكن لأني باكون مختلفة عن كل الناس
:D
أو لأني مقتنعة إقتناع تام بحاجتين أول حاجة
إني أعمل أي حاجة أنا عايزاها مادام الحاجة دي مش حرام ولا بتضر حد
تاني حاجة
إني مش ملزمة إني أنفذ أي حاجة الغرب قالوها
متهيألي حته ان الشوكة تكون في الشمال دي من الغرب

ممكن ناس يتكسفوا انهم يحطوا الشوكة في اليمين والسكينة في الشمال احسن الناس يقولوا عليهم انهم مش بيفهموا في الذوق والإتيكيت
وفي ناس ممكن تتكسف إنها بعد ما تقطع الأكل تبدل مكان الشوكة وتحطها في اليمين علشان الناس مش يتريقوا عليهم

ولكن لو كان عندك ثقة في نفسك وثقة في أنك ممكن تغير عادة انت شايف انها ممكن تكون غلط وقتها تقدر تعمل المعجزات
فأبدأ بنفسك وكن قدوة للمسلمين

على فكرة ان احنا نقطع الاكل واحنا حاطين الشوكة في الشمال والسكينة في اليمين ديه مش حاجة غلط تماما ولكن الغلط اننا ناكل بالشمال

أتمنى إني أكون فيدتكم

مبروك -1

السلام عليكم ورحمة الله وبركاته
ازيكم يا جماعة؟؟
الفرح كان تحفة
فعلا لقيت فيه معاني جميلة اوي
الفرح كان منفصل يعني البنات لوحدهم في قاعة والشباب في قاعة
وفعلا كنت شايفة الناس كلها نفسها تبسط العروسة والعريس ولو بكلمة مبروك
هيصنا وفرحنا وعملنا كل اللي نفسنا فيه ومن غير ما نغضب ربنا
فعلا الفرح ده من أحلى الأفراح اللي حضرتها في حياتي
كان فيه إيمانيات عالية أوي
والله أنا داخلة القاعة حسيت براحة كبيرة أوي من غير ما يكونوا بدأوا أي حاجة
كل البنات عايزين يفرحوا العروسة ولو بإبتسامة
وأحلى حاجة إن الأغاني كانت حلوة أوي كلها أغاني إسلامية جميلة أوي
وكل الناس جايين علشان هدف كبير أوي إسمه التآخي في الله وإدخال السرور على قلوب ناس مؤمنة
بجد أنا سعيدة
كان نفسي إن الناس كلها تحضر الفرح ده علشان تعرف إن بإسلامنا الحياة أحلى بكتير
ربنا يباركلهم ويعزهم يا رب

بارك الله لهما وبارك عليهما وجمع بينهما في خير

السلام عليكم ورحمة الله وبركاته
ازيكم يا جماعة؟؟
النهارده ان شاء الله فرح اخت زوجة اخي
هي لفة كده كبيرة ما لكوش دعوة بيها
بس أنا سعيدة جدا لأن أسرة مسلمة جديدة هتتبني
أنا أتعاملت مع العروسة كتير بجد إنسانة تستاهل كل خير وأنا فخورة أن الدنيا هتكسب أسرة مسلمة جديدة بسببها
ربنا يسعدها يارب
أمانة على أي حد يدخل المدونة يدعيلهم ويقول
" بارك الله لهما وبارك عليهما وجمع بينهما في خير "
وعقبال كل الناس" اللي لسه ما اتجوزوش طبعا"
:D
السلام عليكم ورحمة الله وبركاته

أول ثمرات النجاح...الحمد لله

السلام عليكم ورحمة الله وبركاته

أنا سعيدة جدا جدا جدا أنا حاسة بإنتصار حاسة إني ناجحة أوي
النهارده لقيت إستجابة ما كونتش متوقعاها لعمل بدأته
فاكرين لما كنت باقولكم على موضوع اللغة العربية
انتم ماتعرفوش انا بحب اللغة دي اد ايه
بأعتز بيها جدا أنا لو علي عايزة الناس كلها تتكلم عربي وتكتب عربي وتاكل عربي وتتنفس عربي وتنام وتحلم بالعربي

أما أقولكم على الموقف بقى
أفاجأ النهارده اني في اجتماع على النت والناس اللي في الاجتماع اغلب كتابتهم إنجليزي -على النت يعني- هما مصريين والله مش أجانب أفاجأ بيهم بيكتبوا عربي واللي مش هيقدر انه يكتب بالعربي بيعتذر ومع ذلك برضه الناس اللي اعتذرت انها مش هتعرف تكتب عربي لأن الإنجليزي أسهلها أفاجأ انهم أغلب كتابتهم عربي
:D
أنا سعييييييييييييييييييييييييييييييييييدة جدا

ما أخبيش عليكم كنت حاسة بفخر كده وانا باكتب عربي النهارده في الاجتماع

الحمد لله يا ربي يا للي وفقتني ووقفت جنبي لحد ما شوفت حاجة زي كده قدامي

أجمل قصة حب

السلام عليكم ورحمة الله وبركاته
ازيكم يا جماعة؟؟
انا النهارده هاحكيلكم ان اجمل قصة حب ...
بس مش بين اتنين
لكن بين اربعة
وكمان كلهم بنات :D
لما تحس انك غالي أوي عند ناس ولما تحس ان مشاعرك بتهمهم ولما تكون محتاج تتكلم وتفضفض وتلاقي اللي بيسمعك
ولما تلاقي ناس بيسهروا علشان بيفكروا يعملوا ايه يبسطك يفكروا في هدية يجيبوهالك

وانا في سنة ثانية كنت لسه في بدايات معرفتي بأحلى صحبة
المهم كان وقتها حصلت مشكلة ما بينا وزعلت منهم
لقيتهم إذ فجأة كاتبين جواب جميل أوي وبيدهولي
حسيت أد إيه أنا غالية عندهم
أنا بحبهم أوي
وديه كلمات الجواب

إنجي دا انتي أجمل زهرة في بستان قلبنا
يوم ما تكوني في مرة زعلتي أو تغضبي مننا
مش هننام ولا حتى في مرة هنسامح نفسنا
دا إحنا أخوات في الله وإيماننا أقوى ما عندنا
عايزين نبني علاقة قوية تعيش جوانا لآخر الدهر
مش هنسيب الشيطان يدخل بينا طول العمر
ممكن تقبلي كلمة بسيطة تعبر عنا
ونقولك آسفين والله وإحنا في شدة ندمنا
وبلاش تخجلي وتقولي خلاص مش عايزة كلام
هنقولك اتنيلي ... هنبطل بس في الأحلام
بس هنطلب حاجة نونو وياريت مش ترفضيها
لما تحسي بزعلة كبيرة قوليها ومش تكتميها
لما تشيلي في قلبك حاجة امتى هييجي اليوم
اللي تفضفضي على اللي في قلبك من غير عتاب ولا لوم
لما تكوني في صحبة جميلة لازم تعرفي أكيد
إن الصراحة والفضفضة بجد شئ مفيد
بنحبك في الله والله وعمرنا ما هنستغنى
عن حبك يا قمرنا علشان نبقى بإذن الله في الجنة

يوم ما ادوني الجواب أنا ماكنتش عارفة أوصفلكم سعادتي ومعرفتش أنام وفضلت أقرأ الجواب أكتر من مرة واشكرهم وكنت طايرة من الفرحة
والصورة اللي فوق دي صورة الجواب
شايفين الرقة والجمال
ربنا يخلينا لبعض ويحفظنا

ما أرى فيكن إلا أخوات صالحات وصديقات صادقات

بارك الله في صداقتنا وجمعنا في الدنيا على حبه وطاعته

وفي الجنة في الفردوس الأعلى

إن شاء الله

قولوا آمين

ربما تكون مفيدة لك في حياتك

السلام عليكم ورحمة الله وبركاته

كلمات رائعة نقلتها من موقع أ/ عمرو خالد

عدة أسطر للتأمل :

اقرأ هذه الكلمات التالية وتأملها فربما تكون مفيدة لك في حياتك:

- أعطِ الناس أكثر مما يتوقعون

-عندما تقول أحبك فلا بد أن تعنيها

- عندما تقول أنا آسف انظر لعيني الشخص الذي تكلمه

- لا تعبث أو تلهُ أبداً بأحلام الآخرين, أحب بعمق وبصدق

- لا تعاقب أو تصدر حكماً على الآخرين وفقاً لما تسمعه عنهم فقط

-تكلم ببطء لكن فكر بسرعة

- إذا سألك أحدهم سؤالاً لا ترغب في إجابته

-ابتسم واسأله: لماذا ترغب في معرفة الإجابة؟

- تذكر دائماً أن الطريق إلى النجاح الكبير يتضمن مخاطر كبيرة

- عندما تخسر لا بد من أن تستفيد من خسارتك

- احترم ثلاثة أشياء

- احترم نفسك

-احترم الآخرين

-احترم تصرفاتك وكن مسؤولاً عنها

- لا تترك أي سوء تفاهم ولو كان صغيراً يدمر الصداقة العظيمة

- عندما تدرك أنك أخطأت قم بتصحيح ذلك مباشرة

- ابتسم عندما ترد على الهاتف فالمتصل سوف يشعر بذلك في صوتك

- اقرأ ما بين الأسطر

-تذكر أنه في بعض الأحيان لا تنال ما تريد وربما تكون محظوظاً في ذلك!!

---------------------------------------------------------------

ما رأيكم ما أروع هذه الأسطر أتمنى أن أنفذها

يـــــــــــــــــــــــــــــــــارب