Success :)

البعض يعتقد بأنهم لم ولن يكونوا

أحيانا الأحلام تكون صعبة الوصول

لكن  عليك بالإستمرار

مهما كانت المسافات بعيدة

إن كنت تؤمن بحلمك

وإن كنت تؤمن بذاتك

فأعلم بأنك ستجعل الحلم حقيقة

منقول

يا شعب

بإيديك وبإيدين الحبايب  ... يا عاشق الاوطان ... هنعيد قمر مصر اللى غايب ... حرية الانسان … ونعيش فى حضن النيل حبايب ...  بمنهج القرآن ...


إزاي نقبل لأجمل وطن … وأغلى شئ في الكون … يتهان ويبقى آخر الأمم … وحقه فينا يهون … والخوف جوانا أكبر صنم …فيه الفساد مرهون …

إخوان وفيه كتير زيهم بينادوا بالإصلاح … شايلين روحهم على كفهم بيقدموا الأرواح … لعيون مصر الحبيبة امهم … هيرجعوا الأفراح …

يا شعب يا كل عشاق الوطن … الصعب ممكن نعديه والمحن … لو كلنا بنقاوم وع الوطن ما نساوم … ولو صحيح نتعاون ضد الفساد والفتن

فرق كبير

صعب أوي إننا نتأثر بفيلم كله تمثيل في تمثيل وما نتأثرش بالواقع والمشاكل الحقيقية

الصحبة الصالحة نعمة كبيرة :)

الصحبة الصالحة كلمة معناها كبير ولو وجدت هذه الصحبة فأنت بيدك كنز ثمين ونعمة كبيرة غيرك يتمناها

فاحمد الله عليها لأنها نعمة كبيرة أشكر ربنا واحمده علشان يدومها عليك ويحفظهالك

لإنه قلما تجد إنسان صالح يعينك على أمور دينك ودنياك تأخذوا بأيدي بعض إلى الخير ومن ثم إلى الجنة بإذن الله

اللهم أجعلنا أناس صالحين يستقيم بنا أمور الدنيا ونكون نعم الصحبة الصالحة :)

الحمد لله :)

نتعامل اه بس في حدود

السلام عليكم ورحمة الله وبركاته

أكيد أنا مش هافتي بس في موضوع مضايقني جدا جدا

إيه يا جماعة حدود العلاقة بين الولاد والبنات

هل هي ممنوعة خالص ولا موجودة بس بشروط

أكيد هي موجودة بس بشروط وحدود

طيب ايه هي الحدود دي 

لما يكون في ضرورة لكده أو إننا مضطرين نعمل كده

يعني ايه برضه

يعني لما نسأل نفسنا في بديل لإننا نتعامل مع الشباب ولا لأ لو في بديل يبقى إحنا بنستهبل :D

بديل يعني هل ممكن أستبدل الشخص ده ببنت والعكس صحيح

أو هل ممكن أحتك بيه بوسيلة مش مباشرة

يعني أنا كنت باشتغل مع شباب وكان ممكن ألاقي واحد ادامي وأكون عايزة منه حاجة مهمة بس مش مستعجلة أقول أنا ممكن أبعت له ميل بدل ما أروح وأتكلم معاه

لكن لو مفيش بديل يبقى إحنا كده مضطرين وبرضه في حدود بمعنى إننا ما نخرجش عن حدود الشغل وبس

لكن اللي باشوفه دلوقتي إن الناس بقت بتاخد على بعض بطريقة غريبة

واللي بيغيظني جدا المنتديات

اللي الشباب يقولوا للبنات يا اختي العزيزة والبنات يقولوا للشباب يا أخي الفاضل

إحنا بنضحك على نفسنا ، أنا بجد مش متخيلة

وناس يبقوا متدينين وصالحين وفاكرين إن ده عادي

يا جماعة إذا كان الناس لما بتشتغل مع بعض يعني في حدود الشغل بس بتتعامل مع بعض كتير في حدود كتيرة بتعق يبقى هنيجي نقول إننا على المنتديات أو في الشغل أو في الدراسة أو في أي حاجة إحنا لما نتعامل مع الجنس الآخر في حاجات مش ضرورية يبقى إحنا كده صح ؟

نتقي الله في الحاجات اللي ممكن تكون صغيرة لإنها بتكبر بعد كده

والبنات يبقوا في حالهم والشباب في حالهم الله يخليكم