ما أروع أن يكون الزوج والزوجة كهؤلاء

حبيبتــي . . .

حبيتك لإلتزامك حبيتك لاحترامك

حبيت فيكي التواضع والعزة اللي ف كلامك

مبسوط منك لأنك إسلامك كل همك

أنا أصلي قابلت بابا واداني فكرة عنك

وسألته عن طباعك إن كانت يعني هادية

فحكالي عن سماعك لكلامه وانت راضية

وازاي بتسلي نفسك بذكرك وانت فاضية

وحلاوة صوت تلاوتك وازاي بتكوني شادية

* * *

وسألته إن كنتي فاهمة معنى كلمة زوجين

قالي هتكونوا ورقة مطبوعة نسختين

غني كنت أو فقير ليك عند بنتي دين

سرك هيكون في بير معرفش مكانه فين

تفضل دايماً كبير في نظرها حبتين

لو جيت بفلوس كتير تطمن جت منين

* * *

هتكون دايماً معاها سيرتك هتكون هواها

والشوق اللي ف خيالك تلقاه لحظة لقاها

لو جيت زعلان ف مرة إرمي همومك وراها

ومهما شوفت بره مش هتشوف مستواها

واطمن يابني خالص عقلها مافيهوش تفاهة

وزي ما هي بنتي بنت حماتها وحماها

* * *

وسألته عن ولادي منك هيكونوا إيه؟

قاللي هيكونوا عادي فسألته يعني إيه؟!

قاللي العادي إللي كان عند الناس من زمان

العادي بتاع سراقة وحذيفة بن اليمان

العادي بتاع أسامة وابن الحكيم لقمان

ده العادي بتاعنا إحنا بنربي عليه عشان

لو جينا ولا رحنا هنقابل الرحمن

عمرك ما تخاف عليهم ولادك في الأمان

أنا بنتي هتربيهم ع السنة والقرآن

هتشوف ابنك بيصحى مادام سمع الأذان

ينزل في الفجر يقرا بالسجدة والانسان

هتشوف في حجاب بناتك العفة والإحسان

هتشوف إزاي مراتك هتعينك إنت كمان

* * *

وسألته عن حياتك من قبل الالتزام

قال أتذكر في ليلة مش فاكر أنهي عام

أذان الفجر أذن وقالتلي سيبني أنام

فدخلت الأوضه جوه أجيب منها الحزام

وعقبال ما رجعت تاني كانت رجعت ف الكلام

الله يجازي الشيطان خلاها تقول أنام

بس اطمن خلاص دلوقتي بقت تمام!

* * *

قدملي مكة كولا قاللي اتفضل وسمي

أحسن من سكة كولا صدقني وخدها مني

قلتله طيب ياعمي يسعدني أقولك إني

بطلب بنتك ونفسي تناسبني وترضى عني

راح شادد فجأه لبسي وقلب وشه وسألني

* * *

حافظ كم جزء يابني وقاري كم كتاب

احكيلي كده عن مؤته أوغزوة الأحزاب

وسمع كم حديث في الأخذ بالأسباب

وكمان سمعلي آيه ذكرت فيها الدواب

ولو شايفها صعبة قللي بتاعة الذباب

واحكيلي حلم يوسف وبراءة الذئاب

واخواته لما جولوه دخلوا من أنهي باب

واديني فكرة برضه بتقبض كم ثواب

وناوي ازاي تحسن أنا شايفك لسه شاب

* * *

وسأل نفسه وسألني هيعوز إيه يعني مني؟

لو عندي كل حاجه وديني مش شاغلني

أحسن لك تنسى بنتي ومهرك مش لازمني

قلتله صبرك ياعمي وبراحتك امتحني

يبقى اما أسأل تجاوب خليك دايماً فاهمني

سألتك وانت ساكت خليتني أظن ظني

وفضل يسأل واجاوب وعشان خاطرك عصرني

وظهرت النتيجة وبفضل الله قبلني

* * *

قاللي مقبول في نظري مبروك عليك ياسيدي

لكن في نظرها هي نجاحك مش بإيدي

وهي زمانها راجعة من تمرين السويدي

خليك قاعد شوية استنا لما تيجي

هعملك من إيديا كباية شاي صعيدي

* * *

سابني وقعدت أفكر هل ممكن ترفضيني

طاب قولي حتى أفكر مش يمكن تفهميني

وفضل مخي يلاعبني يجيبني ويوديني

وخايف م المقابلة مرعوب بينك وبيني

ودق الباب في ثانية وشوفتك مرة تانية

مش قادر أنسى يومها وفاكر كل ثانية

* * *

ونده والدك عليكي عشان أول لقاء

دخلتي وشوفت وشك عليه نور الحياء

نور والله فعلاً مش نور بودرة وزواء

كان أول مرة أخاف من فتنة النساء

أخلاقك مش عادية وجمالك كان شفاء

* * *

قعدتي جنب والدك وسألتيني وجاوبتك

وفكل مرة أجاوب كنت باشوف ابتسامتك

ف أقول من جوه نفسي يارب أكون عجبتك

وبعد شوية قمتي ندهت عليكي مامتك

ورحتي دخلتي جوه وراح وراكي والدك

وانا قلت مش مروح غير لما أكون خطبتك

* * *

وابوكي جاني تاني وقرب من وداني

لابس كرفته سوده وبدله لون فراني

المنظر يعني كله ميدلش ع التهاني

قلتله مالك ياعمي من فضلك قول عشاني

عرقي غرقلي كمي سايبني ليه أعاني

قاللي مستني إيه فين إيدك إديهاني

البنت مش موافقة تتجوز حد تاني

* * *

كان أول مرة أعرف إزاي الناس بتفرح

سعادتي كات غريبة مش ممكن هقدر أشرح

من كتر حبي ليكي نويت أضحي وادبح

رحت اشتريت خروف وكان خروف بينطح

ده أخيراً هبقى جوزك وشجرة صبري تطرح

* * *

خطوبتنا كات بسيطة مكانش فيها زيطة

وفرحنا كان في جامع يعني مش خلطبيطة

ومامتك جت في يومها ورقعت كام سويطة

هاتولي بنتي منه دي مش فاهمة العبيطة

إنه هيخطفها مني وهتوحشني الغتيتة

* * *

صعبت عليا مامتك الموقف كان شديد

لكن فعلاً خطفتك ورحنا مكان بعيد

فاكرة ولا انتي ناسية أكيد فاكرة أكيد

من يوم ما بقيتي زوجتي وانا متهني وسعيد

معايا ف كل يوم ويوم لؤاكي عيد

عمرك ما دقتي نوم وانا تعبان أو مريض

فلوسي كات بتكتر والخير عندك يزيد

وعامله ليه دفتر ومرتبه المواعيد

وبفضل الله قدرتي وجبتيلي الوليد

وبعديها بشوية جبتيلنا عليه يزيد

وبعديه جت سمية وآخرهم كان حميد

بدعيلك كل يوم وأفضل أعيد وازيد

ربيتي عيالي دول ع القرآن المجيد

طول عمرك وانتي صافية قلبك لون الجليد

أخلاقهم مش عادية طلعنلك مش بعيد

وليد دلوقتي ضابط ومعاه رتبة عقيد

ودعوة قلبي صابت ويزيد أهو مات شهيد

وبنتك صيدلية وحميد أصبح معيد

الله برحم أبوكي راجل من نوع فريد

كل اللي قاله فيكي أنا عشته بالتحديد

* * *

عشت معاكي ف حكاية أحلى وأجمل رواية

حكايتي كات معاكي وحكايتك كات معايا

اديتك كل عمري وهمك كان رضايا

وعمرك خدته منك وقربك كان دوايا

وخلاص العمر راح راحت أيام صبايا

ومسافر رحله صعبة وزادي مش كفايه

مش عاوز أشوف دموعك بالذات ف يوم عزايا

أنا عارف إنتي عارفة إن الموت مش نهاية

دي لسة الرحلة طالعة والموت خط البداية

إدعيلي يمكن أوصل وأشوف هناك حمايا

أنا عارف إنه فيها محجوزله هناك سراية

وسلامي في النهاية أنا خلصت الحكاية

لو يوم فكرتي فيه إقري شعري وغنايا

وأمانه ف كل مرة تدعي لي بالهداية

عسى ربي بدعائك يغفر ليا الخطايا

* * *

الدعاء

السلام عليكم ورحمة الله وبركاته
ياجماعة ادعو لابن اخويه هيعمل عملية ان شاء الله يوم الأحد الساعة 11 الصبح
هو اسمه نور الدين ده صغير خالص عنده 7 سنين
الدعاء يا جماعة أرجوكم

لا أملك إلا أن أقول اني أحبك

السلام عليكم ورحمة الله وبركاته
اني اشعر دائما اني لست وحيدة ما لجأت إليه إلا وكان معي يساندني يشد من أزري يساعدني يخفف ألمي لا استطيع ان اقول له إلا أحبك واشكرك على انك جعلتني اسير على طريقك ووفقتني في طريقي لاجمل صحبة وأعظم أهل اتشرف بهم ودائما كنت تجعل في طريقي من يرشدني إليك ويكون سبب في إقبال على طاعة او ترك معصية ولكني مهما كنت بين أعظم الناس فهذا ليس فضل مني ولا مجهود ولكن هذا لانك كريم تحب عبيدك وترعاهم واني والله أحبك

اعذروني

السلام عليكم ورحمة الله وبركاته
اسمحولي لو كنت في بعض الاحيان سأكتب باللغة العامية ولكني اوقات احب ان اعبر عن مابداخلي

بأي قلب نلقاه

...اتركيني يا نفس
إن رضيت الهجر فأنا لا أطيق منه لحظة
إن أبيت إلا الهلاك فأنا لا أتحمل غمسة في جهنم
إن رغبت عن جنات عدن
فأنا المتيم في هواها منذ زمن
ويحك؟؟
أنا منك وأنتِ مني لكن
ماذنبي وقد سددتِ كل منافذ النجاة؟
ماذا أفعل وقد قتلتِ في أي بذرة خير؟
ماحيلتي وأنتِ تريدين قتلي؟
أما أنتم يا أعوان نفسي
أيتها الغفلة الجاثمة
أيتها الشهوة العارمة
أيتها القسوة الغالبة
أيها الضالعون عمدا في المؤامرة
يا كل من شارك في الجريمة
ارحلوا عني للأبد
غادروني إلى غير رجعة
لم يعد لكم عندي موضع قدم
موتوا بغيظكم
فقد رد الله إلي روحي
وعافاني في ديني
وأذن لي بذكره

أعجبني جدا هذا الكلام قرأته في كتاب بأي قلب نلقاه في سلسلة رد إلى روحي للدكتور خالد أبو شادي

حلم وتحقق

السلام عليكم ورحمة الله وبركاته

وأنا صغيرة كنت أتمنى أن أجد من يشاركني فرحي وحزني جدي وهزلي

كنت أتمنى أن أجد كما يقولون نصفي الآخر

قابلت كثيرون وكثيرون لعلي أجد ما أبحث عنه

وعندما وجدتهم الدنيا لم تسعني من الفرحة

لقدت وجدت ما كنت أتمناه تماما

وجدت الاخت والصديقة والحبيبة وكل هذا ليس في شخص واحد بل في ثلاث أشخاص

كل منهم يكمل الآخر

إنهن صديقاتي

آية : دائما أشعر انها تحبني حب فوق ما استحق

هاجر : دائما أشعر انها تحس بكل حركة اتحركها كل نفس اتنفسه تشعر بي ان كنت حزينة او سعيدة دون ان أتكلم

آيات : دائما هي الإنسان الحنون الذي اجده بجواري في فرحي وحزني عندما ألجأ إليها لاتخذلني أبدا

وكلهم أرى فيهن نفسي

والصفة المشتركة فينا جميعا

أن لدينا قاعدة "صداقتنا أقوى شيء في حياتنا " لأنها في الله ولله

ما أرى فيكن إلا أخوات صالحات وصديقات صادقات

بارك الله في صداقتنا وجمعنا في الدنيا على حبه وطاعته

وفي الجنة في الفردوس الأعلى

إن شاء الله

قولوا آمين

ماما جليلة

السلام عليكم ورحمة الله وبركاته
انتقلت إلى رحمة الله منذ ساعات وبالتحديد وقت المغرب جارتنا " الحاجة جليلة " كانت أمي تناديها ب"ماما جليلة " كنت أحبها كثيرا
اللهم ارحمها برحمتك واجعل مثواها الفردوس الأعلى ويسر حسابها يارب العالمين
أطلب منكم الدعاء لها بالرحمة والمغفرة والثواب العظيم

إنا لله إنا إليه راجعون

الوحده والوحده

أحيانا يشعر الانسان انه وحيد واحيانا اخرى يشعر انه بحاجة الى ان يجلس وحيدا
فما أغرب الفرق بينهم!!!
هذه وحده وتلك وحده ولكن واحده مؤلمة واخرى ممتعة

حلمي ...

السلام عليكم ورحمة الله وبركاته
كيف حالكم؟؟
اتمنى ان تكونوا بخير إن شاء الله
هيا بنا نكمل حلمي الذي أود ان نتشارك فيه
اليوم جاء لي خاطر
تخيلت اني اذهب مدرسة ابنتي واحدهم يقول هذه المهندسه انجي بدران رئيس مجلس ادارة جمعيات الجنة في بيوتنا
ووالدة الطالبة "فلانة" المسئولة عن انشطة كذا وكذا وكذا والحاصلة على مراكز كذا وكذا وكذا
ولا استطيع بالطبع ان احدد ماهو كذا وكذا وكذا لاني لست المسئولة عن تحديده ولكن ابنتي هي من ستحدده ان شاء الله
لا استطيع وصف الشعور الذي اشعر به وانا اكتب هذه الكلمات
حقا انني اتمنى ان أرى هذا اليوم
لعلكم تقولون ماذا ماذا ماذا أنسيتي تقولين ماحكاية رئيس مجلس إدارة جمعيات الجنة في بيوتنا
هذا هو باقي حلمي
عندما كبرت وتذكرت حلمي في أولادي قلت وماذا إذا لم يوفقني ربي في زرع ما أريد زرعه في أولادي
أو ماذا لو نجحت في زرعه ولكن المجتمع كان أقوى مني عليهم
حينها قلت وماذا لو كنت سببا في انشاء جيل له هدف وله دور مؤثر في حياته
ماذا لو كنت سبب في احياء أمة وليس أولادي فقط
حينها فكرت وقررت
وجلست مع أصدقائي وعرضت عليهم الفكرة وكانوا عند حسن ظني حينما شجعوني بكلماتهم وتعاونهم معي
وتحدثت مع أناس كثيرين عن حلمي منهم من شجعني ومنهم من أحبطني
ولكني واصلت المشوار مع اصدقائي وبالفعل قمنا بعمل تصور لهذا الحلم
واستطعنا بفضل الله تحديد أهدافنا منه
نريد ان نكون سبب في انشاء اسرة مسلمة تتكون من أب مسلم أم مسلمة ابن مسلم ابنه مسلمة أخ مسلم أخت مسلمة جد مسلم وجده مسلمة
كنا نريد ان نكون بفضل الله سبب في ان نعلم كل المسلمين ان لايستطيع ان يعيش أحد بدون هدف وحلم
ولعلكم ستسألون هل برنامج الجنة في بيوتنا له علاقة بما ذكرته سابقا
أجل له علاقة
في آخر حلقة من حلقات برنامج الجنة في بيوتنا للأستاذ عمرو خالد كان يتحدث وكأنه يتحدث عن حلمي ففكرت في أن أعرض عليه حلمي واتمنى ان يقابله بالقبول والموافقه
وان يكون حلمي هو المقر الرسمي لجمعيات الجنة في بيوتنا
وجزاكم الله خيرا
اطلب منكم الدعاء

أماني

نتــمـنى لـلعــــالم ان يحيى بامان ونقاء ومحبة واخاء وحنـــان

والبسمة لا ترحل تغمر كل مكان هذا حلم حلو لجميع الاوطان

حلمي

السلام عليكم ورحمة الله وبركاته
مثلي مثل اي مسلمة وكأي فرد يحلم ويتمنى ان يحقق احلامه وانا صغيرة كنت احلم ان اربي اولادي تربية صالحة وذات مرة صديقتي قالت لي نفسي ان يكون كل منا متميز في مجال لا اخفي عليكم هذه الكلمة اثرت في جدا وتخيلتها على أولادي بإذن الله حلمت ان يكون منهم أ عمرو خالد منهم د إبراهيم الفقي منهم أسماء بنت ابي بكر وكل منهم متميز في مجال ولست اقصد التميز دراسيا ولكني اقصد ان يكون منهم الدكتور الذي يؤثر في كل كلية الطب بل وفي مجال الطب اجمع بعلمه وبأدبه وتدينه وكيف انه مسلم متميز أخي الاكبر قال مرة كلمة اثرت في جدا قال "عمرو خالد مش أثر في واحد أو أثنين ده أثر في جيل" ولابد ان يكون اسمائهم ايضا تكون اسماء معبرة عنهم وعن تميزهم او يكونوا على اسماء شخصيات عظيمة
سأكمل لكم قريبا باقي حلمي ان شاء الله واتمنى ان تشاركوني بأفكاركم

اتمنى ان يفيد كل المسلمين

السلام عليكم ورحمة الله وبركاته
هذه اول مرة اقوم بعمل مدونة
وهدفي منها تحسين اللغة العربية واللغة الانجليزية
وان نتشارك في الافكار والخواطر
ومن سيرد علي اتمنى ان يرد بنفس لغة المقاله
معا لنشر اللغة العربية