Pages

Tuesday, February 5, 2008

بجد محتاجة رأي أي حد هيدخل على مدونتي

السلام عليكم ورحمة الله وبركاته

فعلا محتاجلكم محتاجة أسمع آراء ومحتاجة نصيحة

أنا باشتغل في كليتي في أسرة وما شاء الله بنشتغل شغل جامد أوي وبإذن الله المشروع اللي شغالين فيه هينجح نجاح كبير بإذن الله
ولكن
انا كنت كتبت على مدونتي اني ليا حلم ونفسي اني احققه جدا
خفت ان الدنيا تاخدني ومالقيش وقت اني ابدأ فيه
النهارده وصلتني رسالة فيها منهج عجبني اوي وجالي احساس ان اللي عملوا المنهج ده بيعملوا اللي انا باحلم بيه طول عمري
المهم دورت على الموقع بتاعهم لغاية ما جبته
مش قادرة اوصفلكم احساسي لما فتحت الموقع بتاعهم حسيت اني عايزة اسيب الدنيا كلها واتغرس جواهم
وبعدين افتكرت كل اللي ورايا سواء في الكلية او في المسؤوليات اللي منتظره الواحد بعد الدراسة
معرفتش اعمل ايه
يعني شغل الكلية انا بحبه جدا ومش عايزة اقصر فيه أبدا
والمسؤوليات اللي ورايا ديه أهم واجب في حياة الإنسان
وأهلي اللي مش عايزة أقصر معاهم
وفي نفس الوقت ده حلم عمري اللي باحلم بيه من وانا في إبتدائي

مش عارفة بجد أعمل إيه هل أبعت للناس اقولهم أنا عايزة أبقى معاكم وأحاول أوفق ما بين كل حاجة
ولا ما اضحكش على نفسي لأني هاجي وقت الجد مش هاعرف أوفق بين أي حاجة

يا جماعة لو أي حد شايف أنه يقدر يقدم لي نصيحة مايستخسرهاش فيا

جزاكم الله كل خير