Pages

Wednesday, May 6, 2009

حاجة نفسي اقولها



السلام عليكم ورحمة الله وبركاته

أحيانا الواحد بيكون ليه طبيعة معينة وعايز يغير طبيعته دي

وفجأة يصدم إنه مش قادر يتأقلم مع الوضع الجديد ده

أنا ماقصدش إنه يغير عاداته ، أو يغير صفات فيه لكن إنه يكون ليه طبيعة وهو مستريح جدا فيها ويعمل حاجة غيرها

زي بالظبط لما يكون الواحد بيحب الهدوء ، وكل ما يروح مكان ويلاقيه زحمة وصوت عالي يتعب ويكون مضايق

أنا كده بالظبط ، من الناس اللي ما بعرفش أتعايش مع حاجة بتخالف طبيعتي

يعني مثلا أنا من الناس اللي يعرفني بجد يعرف إني باحب دايما أهزر وأضحك ، بس جات لي فترة كنت مضايقة أوي

وكنت في مشكلة كبيرة ، وما بقتش عارفة أضحك ولا أهزر ، جيت في وقت مش قادرة أستحمل الجو ده ، مش قادرة أستحمل إني مضايقة ومتنرفزة على طول وباتعصب

علشان أنا مش كده ومش بحب أكون كده

و بسبب المشكلة دي وصلت لمرحلة من اليأس غير طبيعية مع إني والله مش كده أبدا أبدا

يمكن الكلام ده أنا باكتبه علشان أنا مضايقة وحاسة إني عايزة أطلع إحساس الضيق ده بكل وسيلة

حاسة إني عايزة أمسح كل حاجة فاتت وأبدأ من جديد خالص