Pages

Wednesday, April 30, 2008

فزورة



أقولكم فزورة :D

والأسرع والأصح له جايزة البرنامج

ليه الديك ما بيحبش يقعد على القهوة :D

Tuesday, April 29, 2008

Monday, April 28, 2008

دعوة فرح


لا لا دماغكم ما تروحش لبعيد ... أوعى حد يفتكر إني باعزمكم على فرحي

تعرفوا عني كده برضه


كل الحكاية إني نفسي أحضر فرح

الناس مش عايزة تتجوز ولا إيه
:)

بجد بافرح أوي لما أعرف إن في أسرة مسلمة هتتبني

لكن في ظل الظروف الصعبة اللي بنعيشها والغلا اللي بقى محاوطنا من كل ناحية الشباب بيكبر دماغه وما بيفكرش أصلا في الجواز

ولو فكر لما بيتقدم للعروسة أهلها بيطلبوا منه شئ وشويات وطبعا ده مش في كل الأهالي لكن في بعضهم بيغالوا أوي في المهر والشبكة والذي منه

فيا أهالي بسطوا الأمور شوية وخلوا الولاد تفرح :D

لكن نرجع ونقول إني عايزة أحضر فرح فاتصرفوا وأي حد يعزمني على فرح :D

You & others


A smile from you, can bring happiness to anyone, even if they don't like you.
· Every night, SOMEONE thinks about you before they go to sleep.
· You mean the world to someone. · Without you, someone may not be living. · You are special and unique, in your own way.
· Someone that you don't know even exists, loves you.
· When you make the biggest mistake ever, something good comes from it.

Sunday, April 27, 2008

... ماذا لو بدأنا من جديد

ماذا لو بدأنا من جديد؟


يروي برنالد هالدين في كتابه: كيف تجعل من النجاح عادة .. قصة رجل جاوز الثالثةوالأربعين من عمره جاءه يوماً و هو يقول: درست القانون وأنا أعمل اليوم محامياً،

ولكنني أشعر بعد مرور خمسة عشر عاماً على ممارستي لهذه المهنة، أنني لم أحقق النجاح الذي كنت أتطلع إليه وأنا طالب في كلية الحقوق، لم أكمل تعليمي بعد


قال هالدين: وقلت للرجل.. عد إلى سنوات طفولتك و صباك، حاول أن تتذكر عملاً قمت به وشعرت بلذة ومتعة وأنت تؤديه، ألم يكن لك أي ميول أو اتجاهات أخرى في أي مجال؟


جلس الرجل صامتاً يفكر فترة طويلة، وفي النهاية بدأ يتكلم و كأنه تذكر شيئاً.. و بدأ يروي قصته، قال: لقد كان والدي يمتلك بندقية صيد كبيرة.. و كان قد كف عن ممارسة هواية الصيد لفترة طويلة ثم قرر فجأة أن يعود إليها، وبحث عن بندقيته فعلاً وجدها كان الصدأ قد علاها، وأصبحت غير صالحة للاستعمال فما كان منه إلا أن ألقى بها جانباً وقرر العدول عن الخروج مع رفاقه للصيد

وكنت يومها صبياً لم أتجاوز الثالثة عشرة من عمري، وكنت أحب والدي كثيراً، وما كدت

أراه يعود ويشعل الغليون ويضعه في فمه، ويجلس في ملل يرقب النار المشتعلة في المدفأة، حتى شعرت بالأسف من أجله


وعدت إلى البندقية وحملتها في هدوء إلى غرفتي، ثم أغلقت الباب عليّ، بعد أن قررت بيني وبين نفسي، أن أفعل كل ما في وسعي لأعيدها إلى ما كانت عليه. و في اهتمامشديد، رحت أفك أجزاءها قطعة بعد قطعة ثم نظفتها وأزلت الصدأ الذي كان يكسوها، و أعدتها إلى ما كانت عليه


إنني لا أستطيع أن أنسى ذراعي والدي القويتين وهما يرفعانني في الهواء ثم يهبطا بي مرة أخرى وهو يصيح: فليباركك الله يا بني.. عندما عدت إليه ببندقيته صالحة للاستعمال مرة أخرى.. لقد أحسست يومها بفخر وزهو لا يعادلهما شيء في الدنيا.. لقد منحني والدي يومها جنيهاً مكافأة لي


ويقول هالدين: وعدت أسأل صاحبي: هل قمت بأعمال مماثلة بعد ذلك، هل أعدت محاولتك لإصلاح شيء خرب في البيت؟


قال: نعم، فعلت، لقد أصلحت ماكينة الحياكة التي تملكها أمي، و أعدت التيار الكهربائي بعد أن قطع مرة عن البيت، وأصلحت دراجة أختي الصغيرة.. وفي كل مرة كنت أجد متعة وأنا أقوم بهذه الأعمال


وقلت للرجل أخيراً: إن مكانك يا صديقي في مصنع كبير لا في مكتب المحاماة


قال: ولكنني درست القانون لأن والدي أراد لي هذا الطريق


قلت: ولماذا لا تدرس الهندسة؟


قال: وهل أستطيع أن أعود طالباً بعد أن جاوزت الأربعين؟


قلت: بالضبط.. التحق بكلية الهندسة وتعلم، فقد خلقت لتكون مهندساً


هذا المحامي الفاشل أصبح واحداً من أشهر مهندسي بريطانيا بعد أن جاوز الخمسين من عمره


يا له من مستودع للمواهب، لم تمسه يد، ذلك الذي كان يختفي داخل هذا الرجل الذي

تصور في لحظة من لحظات حياته أن الفشل هو كل نصيبه من هذه الحياة

Saturday, April 26, 2008

ملل ملل ملل


يووووووووووووووووووووووووه ، يااااااااااااااااااااااااااااااااااااااااااه ، يييييييييييييييييييييييييييييييييييييه
تعبت أوي ، حاسة بملل ، عايزة أرتاح وأخلص بقى

أوعوا تقولوا إنجي إتجننت ولا إيه ، أحسن أزعل منكم ، إنتم عارفين إني ست العاقلين

بس معرفش ليه جالي إحساس بالملل والتعب

بالراحة طيب فهمينا الإحساس ده جالك من إيه

من الدراسة يا سيدي
مش عايزة أفكر في أي حاجة ليها علاقة بالدراسة
مش عايزة أذاكر ومش عايزة أشتغل ومش عايزة أعمل حاجة أحس منها بملل

عايزة أعمل حاجة جديدة عايزة أسافر و أخرج وألعب وأتفسح

عايزة أشتغل بس مش في حاجة متعلقة بالدراسة

وأنا في سنة أولى ولغاية الترم اللي فات كنت باحب الدراسة جدا وكنت مستمتعة جدا

بس بجد تعبت وحاسة إنها بتتطلب مننا مجهود كبير أوي

وأنا مش من النوع اللي مش باحب المجهود بس حاسة إني ممكن أدي المجهود ده في مكان تاني أحسن

معرفش ده سببه إن الكلية دي مش مكاني ولا لأني محتاجة وقت أستريح فيه علشان أقدر أكمل بعد كده

مش عارفة

والله أنا بحب كليتي جدا ، بس حاسة بملل ومش عايزة أشتغل ومش عايزة أعمل حاجة خالص متعلقة بالشغل

بس بعد دراستي للوضع وفهم المشكلة أقدر أقول رأيي إن المشكلة أغلبها بتكمن في نظام التعليم ، بحس إن الدكاترة شايفينا مكن بيشتغلوا وبس ، بس معرفش ليه الكلية ما فكرتش - هي الكلية بتفكر!!- خلاص خلاص ما تزعقوش قصدي نظام الكلية - ليه نظام الكلية ما بيحتويش على حاجات ترفيهية نعملها
يعني ليه ما يشوفوش الطلبة بتحب إيه وتعملهولنا ويبقى عليه درجات برضه علشان الناس تعمل حاجة تقدر تخرج بيها عن جو المذاكرة والدراسة

بس برضه ملل ملل ملل :((

ادعوااااااااااااااااااااااااااااا لي أخلص من الملل ده

Friday, April 25, 2008

ما تيجو نضرب

وصلني رسالة على الميل جميلة أوي يا ريت ننفذها ولو معرفناش ننشرها حوالينا ننفها بينا وبين نفسنا

بسم الله الرحمن الرحيم
ايه رايكم فى الإضراب اللى حصل ؟
طب إيه رأيكوا إن الناس بدل ما كانت تعمل إضراب عن العمل كانت عملت إضراب عن المعاصي
يوم واحد بس محدش يسرق فيه ولا يرتشى ولا يكدب ولا يغتاب ولا يشتم ولا ولا ولا ............
......... حاجات كتير
وكلنا نصوم فى اليوم ده وندعى ربنا سبحانه وتعالى واحنا بنفطر
تخيلوا كل الناس صايمة تطوع اليوم ده وبتدعى ربنا من قلبها ساعة الفطار
تخيلوا رحمات ربنا سبحانه وتعالى اللى هتنزل علينا
عن الرسول صلى الله عليه وسلم قال " والذي نفسي بيده لتأمرن بالمعروف ، ولتنهن عن المنكر، أو ليوشكن الله أن يبعث عليكم عقابًا منه ، ثم تدعونه فلا يستجاب لكم " رواه الترمذي .
يعنى احنا لازم نأمر بالمعروف وننهى عن المنكر
و نحاول نغير الغلط اللى حوالينا ...
فايه رأيكم احنا ننفذ الفكرة دى ؟
نصوم كلنا يوم ونمتنع فيه عن المعاصي كلها على قد ما نقدر
طبعا الامتناع عن المعاصى المفروض يكون منهجنا أصلا
بس احنا هنقول إن محدش معصوم من الخطأ وإننا بنحاول نكون أحسن
إذا الفكره عجبت الناس نتفق على يوم معين ونصوم فيه كلنا
وهندعى واحنا بنفطر كلنا نفس الدعاء
علشان ربنا يستجيب لينا إن شاء الله لما نكون كلنا متجمعين على شئ واحد
عايزين بقى ننشر الموضوع على قد ما نقدر ونقول لكل الناس ولقرايبنا وأصحابنا وزمايلنا فى الجامعة ونبعت للى نعرفهم اميلات ونكلم الناس فى التليفون وننزل الموضوع على المنتديات ونبعت للجروبات
وبدل الدعوة للإضراب هندعوا للإصلاح
عايزين بقى نشوف انهى دعوة هتبقى أقوى وأكبر
والرسول صلى الله عليه وسلم بيقول فى جزء من حديث " من سنَّ في الإسلام سنّة حسنة فله أجرها وأجر من عمل بها بعده من غير أن ينقص من أجورهم شيء "
يعنى اللى هيقول لحد ويصوم هياخد ثوابه
شوف ممكن تاخد ثواب قد ايه ؟
يلا فرصة نقول ان احنا صح وبنتجمع فى الخير زى ما بنتجمع فى الماتشات والخناقات
وربنا يتقبل منا جميعا
و نفتكر ان اصلاح بلدنا هيبدا من اصلاحنا لأنفسنا
فلازم نغير من أنفسنا
يا ريت يا جماعه نتحد ونتفق على يوم معين ونصوم فيه
بس الموضوع كله اننا نعمل دعايه للموضوع في كل مكان
وربنا أكيد ان شاء الله هيوفقنا

Wednesday, April 23, 2008

أحمد ربنا

السلام عليكم ورحمة الله وبركاته

عارفين المثل اللي بيقول الصحة تاج على رؤوس الأصحاء لا يراه إلا المرضى ولا المثل اللي بيقول اللي يشوف بلاوي الناس تهون عليه بلوته

النهاردة انتم شايفين الجو جميل ازاي درجة الحرارة 42 بس :D

فأنا عاملة حساب الموضوع ده وعمالة أقول طيب أنا هانزل إزاي في الحر ده وبعدين افتكرت إني هاقعد في معامل الكلية " المكيفة " ومش هاحس بالحر فقلت خلاص يعني المشكلة بس في الطريق من البيت للكلية

المهم وقفت تاكسي واحنا في الطريق جيه في بالي نفس الموضوع ده - موضوع الحر - قلت يعني أنا كنت عاملة حساب كام ساعة هاقعدهم في الكلية أومال لو كنت مكان سواق التاكسي اللي شغلته أصلا إنه يقعد في الحر ده

حسيت أد إيه إحنا في نعمة كبيرة أوي وإننا ما بنحسش بقيمة النعمة دي

وقيسوا عليها طبعا كل نعمة في حياتنا سواء نعمة فعلا بنحمد ربنا عليها ومقدرين النعمة دي وكمان النعم اللي مش قادرين نستشعر قيمتها

Friday, April 18, 2008

الإيجابي والسلبي

مقارنة بين الشخص الايجابي والشخص السلبي

COMPARATIVE OF POSITIVE & NEGATIVE PERSONALITIES

الإيجابي
السلبي
POSITIVE
NEGATIVE
يفكر في الحل
يفكر في المشكلة
Thinks of the solution
Thinks of the Problem
لا تنضب أفكاره
لا تنضب أعذاره
He always has ideas
He always has excuses.
يساعد الآخرين
يتوقع المساعدة من الآخرين
Always helps others
Expects helps from others
يرى حل لكل مشكلة
يرى مشكلة في كل حل
Sees solutions for all the difficulties
He thinks that there is a problem in any solution.
الحل صعب لكنه ممكن
الحل ممكن لكنه صعب
Solution difficult but possible.
Solution is possible but difficult
لدية أحلام يحققها
لديه أوهام وأضغاث أحلام يبددها
He has some dreams to realize
He has illusions
شعاره : عامل الناس كما تحب أن يعاملوك
شعاره : أخدع الناس قبل أن يخدعوك
His rule: Deal with others as same as you like them to deal with you.
His rule: Cheat others before they cheat you.
يرى في العمل أمل
يرى في العمل ألم
He sees hope in work.
He sees pain in work.
ينظر الى المستقبل ويتطلع إلى ما هو ممكن
ينظر إلى الماضي ويتطلع إلى ما هو مستحيل
He looks forward to future and thinks of what is possible.
He looks to the past and looks forwards to the impossible
يختار ما يقول
يقول ما يختار
Chooses what he says
He says what he chooses
يناقش بقوة وبلغة لطيفة
يناقش بضعف وبلغة فظة
Discuss strongly and with gentle language
Discuss weakly and in a rude langue
يتمسك بالقيم ويتنازل عن الصغائر
يتشبث بالصغائر ويتنازل عن القيم
Upholds values and overlooks trivial things.
Upholds trivial things and overlooks values.
يصنع الأحداث
تصنعه الأحداث
He makes events
Events make him

Thursday, April 17, 2008

حياتنا

عندما نعيش لذواتنا فحسب، تبدو لنا الحياة قصيرة ضئيلة،

تبدأ من حيث بدأنا نعي، وتنتهي بانتهاء عمرنا المحــــــدود

أما عندما نعيش لغيرنا، أي عندما نعيش لفكــــــــــــــــــرة،

فإن الحياة تبدو طويلة عميقة، تبدأ من حيث بدأت الإنسانية

وتمتد بعـــــــــــــــــــــــــــــــــــد مفارقتنا لوجه هذه الأرض

(سيد قطب)

Tuesday, April 15, 2008

الماسنجر وسنينه


السلام عليكم ورحمة الله وبركاته

انتم عارفين يا جماعة في حاجة لاحظتها بقالي فترة كبيرة
أغلبنا ممكن يكون بيستخدم الماسنجر أو بيبعت رسائل لناس على الميل

معرفش ليه ممكن مرة أكون باكلم واحدة صاحبتي في موضوع على الماسنجر وألاقيها فهمت كلامي بطريقة غير اللي أقصدها خالص
يعني ممكن أكون باكلمها وأنا مبسوطة جدا وهي تفتكر إني زعلانة

وده ممكن يكون مثلا بسبب كلمة كتبتها أو بسبب إني أكون مشغولة في حاجة فمش عارفة أتكلم معاها فتفتكر إني مضايقة

ودايما كنت باقول إن ده كله يرجع لإن الماسنجر أو الرسائل مافيهاش مشاعر

بمعنى إني ممكن أكون باضحك وأهزر على الماسنجر وأنا من جوايا مضايقة أوي

أو ممكن أتناقش مع حد في موضوع على الميل والشخص ده يفتكر إني باتخانق أو مضايقة وده كله لأنه بيتخيل اللي كتب الكلام ده بشكل معين وهو بيقرا الرسالة في حين إن صاحب الرسالة ممكن يكون هادي جدا

غير كده ما قدرش أقول إن الكلام على الماسنجر أو الميل بتوصل وجهة نظر الشخص بالظبط لأن كل حاجة إنت عايز تعبر عنها بتعبر بمجرد وشوش وأشكال مش إحساس

بس كده :D

السلام عليكم ورحمة الله وبركاته

Saturday, April 12, 2008

العريس والعروسة


السلام عليكم ورحمة الله وبركاته

ازيكم يا جماعة ؟

النهارده هاكلمكم عن موضوع لطيف جدا ...
موضوع الزواج ...

الواحد من دول يكمل 21 سنة ويروح يشوف واحدة كده بنت حلال ويقول لأهله أنا عايز أخطب
ويروح العريس كل اللي يعمله إنه يقول لأهل العروسة إنه عايز يتقدم لها ويحددوا معاه معاد علشان يجيب أهله وييجوا

فالسيناريو كالآتي :

كل اللي الراجل يعمله إنه يلبس الحتة اللي على الحبل وياخد بوكيه ورد ويروح لبيت العروسة

لكن البنت هاتك تنضيف وترويق وممكن يبيضوا الشقة ويجيبوا حلويات أشكال وأنواع ويجيبوا شربات وممكن يغيروا عفش البيت ده بقى غير الفستان اللي البنت هتلبسه وتزيين الشقة

لا وكل ما ييجي يزورهم يحتاروا يا ترى يعملوله ايه ، ولا لو هيتغدى يروحوا يشتروا معرفش ايه ويعملوا الحلو ايه ويبقى يوم ما يعلم بيه إلا ربنا

لكن كل اللي العريس بيعمله إنه يتشيك ويروح لبيت العروسة

مش ده ظلم يا إخواننا :D

بس الغريبة بقى إننا - معشر البنات - بنستمتع جدا وإحنا بنعمل الحاجات دي
يعني نتظلم ونقول عايزين كمان ونكون عايزين نعمل أكتر من كده كمان :D

هذا هو الظلم الجميل :)

Friday, April 11, 2008

أي مفتاح سيفتح ؟


يا ترى الناس تقدر تدخل لقلبك بأي مفتاح

مفتاح الحب

مفتاح التقدير

مفتاح الإحترام

مفتاح الجد

مفتاح المرح

مفتاح الحنية

مفتاح الحلم والهدف المشترك

مفتاح الطاعة

مفتاح التشجيع

من الحضانة للكلية


السلام عليكم ورحمة الله وبركاته

النهارده افتكرت أول يوم دخلت فيه المدرسة
بجد اليوم ده أنا عمري ما هانساه أبدا
كان سنة 1993 يعني من 15 سنة
كان عندي 5 سنين
دخلت وأنا مش عارفة أي حاجة في أي حاجة ، اليوم الجميل ده بقى زي كل الطلبة الملتزمين أنا ما دخلتش الفصل وقعدت مع الدادا وهاتك يا عياط وأقولها أنا عايزة ماما وتقولي ماما بس طلعت تعمل حاجة وجاية على طول ، " على طول بتاعتهم دي كانت حوالي 6 ساعات "

والبنات طلعت من الفصل كانت بتغيظني وتقولي شوفتي إحنا خدنا إيه

المهم ده كله يهون في مقابل اللي حصل لي لما روحت البيت :D

زي ما انتم عارفين إني كنت بنت مؤدبة جدا وملتزمة في المدرسة زي ما قلتلكم فوق كده بالظبط ، أول ما روحت بابا كان هيديني حتة علقة ما خدهاش ---- في -----
كملوا انتم بقى ، بس الحمد لله ماما حاشت عني :D

بس يا سيدي ومن يومها وأنا بدأت المشوار اللي لسه فيه لغاية دلوقتي

دخلت إبتدائي وإعدادي وثانوي وكلهم ما يختلفوش عن الحضانة في حاجة يعني يادوب انت تحط رجلك في الحضانة وتلاقي كل السنين بتمر هوا

المهم جت المرحلة الكبيرة والأخيرة ... تاتاتاتا الجامعة
دخلت وأنا معرفش أي حاجة في الكلية ، لقيت ناس كتير ، حياة جديدة داخلة عليها
ده كان سنة 2005 ، ركزت كده شوية لقيت إننا بقينا في 2008 يعني بقالي 3 سنين في الكلية

فاكرة يا إنجي لما دخلتي وأول يوم ما كانش عندك محاضر غير الساعة 2 فاكرة لما قعدتي إتكلمتي مع ناس من سنة رابعة وكان نفسك تكوني زيهم كده وعندك خبرة وبتساعدي الناس فاكرة لما كنتي بتكتشفي الكلية
دلوقتي إنتي خلاص فاضلك شهر في التيرم ده وبعدين سنة رابعة اللي هي اخر سنة في الكلية إنتي داخلة على مشروع تخرج

وبعدين بقى حياة تانية خالص

حياة ما بعد التخرج ، هل هاتجوز وهاقعد في البيت ، هل هاشتغل ، هل هاكمل أحلامي التي كنت أحلم بتحقيقها
هل سأكون أكثر تفرغا أم مشاغل الحياة بعد الدراسة أكتر بكتير من وقت الدراسة

يعني ممكن قولي كام سنة كده وبنتي تكون في نفس الموقف اللي كنت فيه لما دخلت المدرسة وأكون أنا في مكان ماما اللي راحت وجاية على طول :D

تخيلوا ...أنا حاسة إن أول يوم لي في المدرسة كأنه كان إمبارح الأيام بتعدي بسرعة جدا هو العمر فيه كام 20 سنة يعني علشان نقول لسه بدري

طيب والعشرين سنة اللي فاتوا هيعدوا عادي كده ؟؟ قبل ما أفكر أنا هاعمل إيه لو ربنا كاتب لي عمر لازم أشوف أنا عملت إيه في العمر اللي فات

دلوقتي وأنا عمري 20 سنة لازم أقف وأشوف العشرين سنة دول عملت فيهم إيه لازم أشوف الدقيقة اللي جاية هاعمل فيها

لازم أحاسب نفسي قبل ما ييجي يوم ورب العالمين يحاسبني

رحلة مع نفسي


قررت أن أذهب مع نفسي في رحلة طويلة
لا أعلم نهايتها ولا أعلم إلى أين هذه الرحلة
ولكني أحتاج بشدة أن أتعرف على نفسي أناقشها وتناقشني
أرويها بحب ربي وبحب الناس وبحبي لنفسي لعلها تزهر أزهارا جميلة في صحراء قاحلة

قال تعالى "وَتَرَى الْأَرْضَ هَامِدَةً فَإِذَا أَنزَلْنَا عَلَيْهَا الْمَاء اهْتَزَّتْ وَرَبَتْ وَأَنبَتَتْ مِن كُلِّ زَوْجٍ بَهِيجٍ

الحج : 5

نور الله صدرك


نور الله صدرك كلما أفلت الشمس و القمر

و أزاح الله همك كلما حج فوج أو اعتمر

و جعل الله ذريتك كأبي بكر و عمر

و غفر الله لوالديك على مد البصر

أحبك يا ربي


إلهي ... كم أحبك
ماذا يفيدني الناس إن أغضبتك
رضاك عني يكفيني ، حبك لي يرضيني
عبوديتي لك هي أملي في دنياي
لا أريد سواك
لا أريد سوى خدمة دينك
فأنا ما خلقت إلا لعبادتك فكن لي عونا ، إجعلني خادمة لدينك
فما أحلى هذا الإحساس ، إحساس أملك به الدنيا
أحبك يا الله

الله غايتنا


الله غايتنا

رسولنا زعيمنا

رسولنا قدوتنا

قرآننا دستورنا

قرآننا شرعتنا

جهادنا سبيلنا

والموت فى سبيل الله اسمى امانينا


حياة جديدة


مشيت في دنيا مش دنيتي
أخترت سكة مش سكتي

لكن

دنيتي أنا اللي هارسمها
وسكتي أنا اللي هامشيها

بكرة أحلى من النهاردة

Thursday, April 10, 2008

كلماتي


فلنترك الزهور تعبر عن ما بداخلنا

أحبكم في الله

إنه الحنين


إنه الحنين يا صديقي ... الحنين لذكريات طوى عليها الزمان
إنه الحلم ... الحلم بحياة أفضل

ويبقى الأمل ما بقيت الحياة

... ذات ليلة


... فى مساء ذات ليلة

... حين ضاق الصدر مرة

كنت أبكى من ذنوبى

من همومى

... كى أبث الحزن دمعة

لست أدرى أى داء

... قد أصاب القلــــب حيرة

فى سكون الليل دوماً

كنت ألمح طيف نورٍ

... فيه أدركــــــــت القضية

قمت أطرق باب ربى

بانكسار بارتجاف

... ياإلهى إننى أمة عصية

لست أملك من دنايا

غير حبك فى الحنايا

إن فتحت الباب حقا

... إنها نــــــعم العطية

وإن وصدت الباب حقا

... أننى أبقى شقية

رحمتك مولاى أرجو

... أنت رحمــــــن البرية

منقول من إحدى المدونات الرائعات
عندما قرأتها شعرت أنها تتكلم بلساني

Wednesday, April 9, 2008

حياتنا


السلام عليكم ورحمة الله وبركاته
سرت بين الناس حلمت وطفت بخيالي وتمنيت حياة جميلة
ولكني صدمت ببعض المشاكل والتحديات ولكني أيضا وجدت بارقة أمل فيوجد الكثير من الأشياء المفرحة في هذه الدنيا
ولكثرة ما وجدت من إيجابيات وسلبيات أنشئت مدونة لما آراه في حياتي ولما تروه انتم أيضا في حياتكم
مدونتي أسمها
حياتنا
اتمنى ان اراكم هناك
:)

Tuesday, April 8, 2008

استثمر طاقتك


لا تبذر طاقتك في معارك لا تفيد.. بل اختر ما يستحق أن تنفق فيه طاقتك!

فترة

أحتاج إلى تجميع زهراتي

Monday, April 7, 2008

!! وجدتها


أشعر بسعادة بالغة
وجدت ما أبحث عنه

الحب

الحب غير معنى الكون
خلا له شكل.. وطعم .. ولون

الحياة


الحياة حلوة ... بس نفهمها

لا تيأس


قد تكون أخطأت كثيرا ، مررت بحالات فشل
لكن لا محالة ستصيب يوما ما

لا حياة بدونك


حاول إقناعي بأن وجوده غير ضروري في حياتي ، أقنعته أن لا حياة بدونه

لا شئ


لا تبكي ... فلا شئ يساوي دمعتك في هذه الدنيا

يقين


وَلَسَوْفَ يُعْطِيكَ رَبُّكَ فَتَرْضَى

الدنيا جميلة


يا صحابي يا أهلي يا جيراني أنا عايزة أخدكوا في أحضاني

Sunday, April 6, 2008

أمي

إليك يا أمي يا أحلى كلمة نطق بها لساني وفرح لها قلبي وضحكت لها عيني

إليك يا من فرحتي لفرحي وتألمتي لحزني و لألمي إليك يا أغلى ما في الوجود

إليك يا أمي

أمي يا لحنا أعشقه ، ونشيدا دوما أنشده ، في كل مقام أذكره ، وأظل أظل أردده

أمي يا روحي وحياتي ، يا بهجة نفسي ومناتي ، أُنسي في الحاضر والآتي

أُنسي في الحاضر والآتي

أمي يا لحنا أعشقه ، ونشيدا دوما أنشده ، في كل مقام أذكره ، وأظل أظل أردده

الله تعالى أوصاني ، في الجهر ووقت الإعلان ، بالبر لك والإحسان

بالبر لك والإحسان

أمي يا لحنا أعشقه ، ونشيدا دوما أنشده ، في كل مقام أذكره ، وأظل أظل أردده

أسمك منقوش في القلب ، حبك يهديني في دربي ، ودعائي يحفظك ربي

ودعائي يحفظك ربي

أمي يا لحنا أعشقه ، ونشيدا دوما أنشده ، في كل مقام أذكره ، وأظل أظل أردده

أمي يا روحي وحياتي ، يا بهجة نفسي ومناتي ، أنسي في الحاضر والآتي

وأظل أظل أردده

هل وجدت من يفهمك ؟


قرأت هذه الكلمات على منتدى أ مصطفى حسني ، حقا لا أستطيع أن أصف كم أثرت في هذه الكلمات وودت أن أنقلها لكم


السلام عليكم ورحمة الله وبركاته

هل وجدت في حياتك من يفهمك...؟؟

هل يوجد في الحياهـ من يشعر بأحاسيسك

يفهمك في كل أحــــوالك ،، يحس بكل ماتحس فيه

يتفهمك ويتفهم كلماتك وأسلوبك على حقيقتها وبصدقها

دون ان يفهمها ويأخذها بالظن السيئ ،،،،

هل صادفت وقابلت الشخص الذي يفهمك دون أن تتكلم

يترجم أحساسيك ومشاعرك إلى كلمات ليعرف مابك وماذا تريد ..

يقدر ظروفك عندما تمر بمنحنيات صعبه في الحياهـ

وتشعر بأنك في حاله غير مستقرهـ فيقف جنبك

بإحساســــــــــه الصادق

ومشاعــــــــــرهـ النبيله

يشاطرك أحـــزانك ،، و أفــــراحك

يسعى لينزع ويزيل عنك الدمعـــــه

حتى لو تطلب الأمر أن يأخذها عنكـ

يزرع على شفاتك البسمه

يتجاوب معك دون أن تتكلم

أو تطلب منه ،،،

ياله من شعـــــــــــــور رائع

وإحســــــاس جميل

لو وجدت مثل هذا الشخص

فستشعر معه بطعم الحياهـ وجمالها

كنز ثمين دائماً مانبحث عنه

ونـتمنى ان نجدهـ ،، ونحتاج ان يكون بجانبنا دوماً

فنظل

نبحث

نبحــث

ونبحــــث

ونبحــــــــث

فقد نجـــدهـ ،، وقد لا نجــــدهـ

:،،: فتساؤلي لكم:،،:

هل وجدت هذا الشخص وشعرت معه بهذهـ المشــــــاعر ؟؟

هل هو قريب أم صديق أم من عموم الناس ؟؟


.. همســـه ..
إجعل من مشاعرك قلمكـ ودعها تكتب إحساسها بكل صدق

وفي انتظار ما تبوح به اقلامكم

كم أشتاق إليكم


حين يجمعهم طريق واحد وهدف واحد وفكرة واحدة
حين يملأ عقلهم حب الإسلام ويسعوا لتمكينه في الأرض
حين يتحملوا الكثير ويقدموا كل غالي ورخيص في سبيل دين رب العالمين
حين تكون رسالتهم الأولى الحب والتسامح والإصلاح
حقا لم أر أناس مثلكم
عشت معكم وعرفتكم وأيقنت أن الحياة معكم ستختلف ، وقتها لا أتمنى إلا أن أصبح منكم أن أجاهد معكم
حقا إني أحلم كل يوم أني أصبحت واحده منكم
فأنتم أساس قوي تقفون على أرض صلبة
أنتم أملي في خدمة دين الله

الحمد لله



الحمد لله بدأت أول خطوة من خطوات حلمي ، ادعوا لي أن يوفقني الله

الحمد لله حمدا كثيرا طيبا مباركا فيه
يـــــــــــــــارب وفقني وخليني أشوف اللي باتمناه

يـــــــــــــــارب اجعلني ممن ينالوا شرف خدمة دينك

Saturday, April 5, 2008

عقبالي :D


السلام عليكم ورحمة الله وبركاته
يا جماعة أنا بجد مبسوطة جدا جدا
أختي قبضت النهارده أول مرتب ليها في الشغل
أنا كنت مبسوطة أوي ، وجابت لنا تورتة جميلة واحتفلنا بيها
ياه شعور جميل أوي
نفسي أحس إني باخد فلوس نتيجة شغل
يلا عقبال كده تورتة الشهر اللي جاي إن شاء الله
:D

بيت العدل وبيت العوج


السلام عليكم ورحمة الله وبركاته

معرفش ليه بيقولوا على الجواز " بيت العدل "
مرة حماة أختي أتصلت فبتقولي يا رب يا إنجي أشوفك في بيت العدل وبعدين قالتلي أنا معرفش ليه بيقولوا بيت العدل هو يعني البنات قبل الجواز كانت في بيت العوج
مع إن أحسن أيام هي الأيام اللي عايشاها دلوقتي في بيت أبويه :D

بس طبعا ده ما يمنعش إن بيت العدل هيكون ليه مذاق مختلف
ده بقى بيت العدل :D

Friday, April 4, 2008

يا شعب

بإيديك وبإيدين الحبايب ... يا عاشق الاوطان ... هنعيد قمر مصر اللى غايب ... حرية الانسان ونعيش فى حضن النيل حبايب ... بمنهج القرآن ...


إزاي نقبل لأجمل وطن
وأغلى شئ في الكون يتهان ويبقى آخر الأمم وحقه فينا يهون والخوف جوانا أكبر صنم فيه الفساد مرهون

إخوان وفيه كتير زيهم بينادوا بالإصلاح شايلين روحهم على كفهم بيقدموا الأرواح لعيون مصر الحبيبة امهم هيرجعوا الأفراح

يا شعب يا كل عشاق الوطن الصعب ممكن نعديه والمحن لو كلنا بنقاوم وع الوطن ما نساوم ولو صحيح نتعاون ضد الفساد والفتن

Thursday, April 3, 2008

لو كنت مكانه كنت هتعمل إيه ؟


تخيل لو مسكت مكان في الدولة ، ممكن تعمل إيه

هل هتحاول تصلح الدنيا من مكانك ده هل هتستغله أحسن إستغلال ، ولا دي فرصه ما تتعوضش وهتستغل مكانك ده أسوأ استغلال وتحاول تستغل نفوذك ومكانك في مصالحك الشخصية ؟

طيب وليه نتخيل ما احنا فعلا كل واحد فينا ماسك جزء في الدولة ، كل واحد ليه بيت ، ليه شارع ، ليه مدينة هو يعتبر جزء منها يشوف هو عايز أملاكه دي تكون عاملة ازاي

المهم ... بمناسبة أملاك الدولة ، أنا لي خال - ربنا يوفقه ويحفظه - يبقى عضو في مجلس الشعب من سنة 2005 يعني فاضله كمان سنتين في المجلس إن شاء الله ، المهم أول ما ماما تقول ده خالو طلع في التليفزيون أقولها آه أكيد بينخانق

أنا مش قصدي بيتخانق بمعنى الخناق ، كل الحكاية إن خالو فريد كل ما كان بيطلع في التليفزيون كان بيتكلم في مشكلة من اللي بتحصل في الدولة ، وياااااااااااااااااااااه ياما خد كلام في الجرايد من اللي قلبك يحبه

أقرب وقت كان طالع فيه في التليفزيون كان يوم الاحد في برنامج العاشرة مساء وكان بيتكلم برضه على مشكلة ، بس للأسف أنا مش شفته بس كالعادة ماما بتقولي كان بيتخانق :D

أهو ده ربنا سبحانه وتعالى وفقه واداله مكانة في الدولة وبيحاول يصلح في الدولة من مكانه ، وما خافش على نفسه ولا على ولاده ، كان حاسس إن ليه رسالة وإنه مسؤول في مكان هيتحاسب عليه أدام ربنا سبحانه وتعالى

قال كلمة حق وما خافش من حد ، بيعجبني أوي خالي ده :D

حاول في مكانك تكون مؤثر تغير الحال للأفضل لأننا كلنا مسؤولين ادام ربنا سبحانه وتعالى

وفكر لو كنت مكان خالي كنت هتعمل إيه ، هل كنت هتحاول تشوف فين الغلط وتصلحه ولا هتخليك جنب الحيط ؟

وأديكوا عرفتوا إني مسدونة على حيطة جامده يعني ممكن اوديكم كلكم ورا الشمس :D