Pages

Thursday, January 31, 2008

سلمى

السلام عليكم ورحمة الله وبركاته

سلمى ان ان ان
سلمى ديه بنت اخويه عندها 3 سنين بس ما شاء الله عليها بنت زي السكر
واكيد كل صحابي عارفين من هي سلمى :D
المهم أنا معجبه جدا بالبنت دي بنت ذو شخصية قوية :D
لا بجد بقى
بالرغم من انها بنت متشردة زي اللي في سنها بالظبط إلا انها ما شاء الله عليها نفسي ولادي يكونوا زيها
ما شاء الله برغم صغر سنها إلا إنها حافظة كل الأدعية يعني مرة كنت بادور على حاجة ومش لاقياها لقيتها بتقولي طيب يلا نقول الدعاء أنا أول مرة سمعت كده منها قلتلها انتي بتقولي ايه يا سلمى قالتلي نقول الدعاء قلتلها ايه هو يا سلمى
قالتلي بسم الله اللهم يا جامع الناس ليوم لا ريب فيه إجمعنى إلى ضالتي
وعرفت بعد كده انها حافظة ادعية كتير تانية وحافظة اسماء الله الحسنى
ربنا يبارك فيها يا رب وينبتها نبات صالح
بس ده ما يمنعش ان التشرد عندها عالي أوي واللماضة وما يتصف به بنات جيلها

بس بنتنا بقى لازم نستحملها

عائلتي العزيزة شكرا


السلام عليكم ورحمة الله وبركاته
كتبت في مدونتي عن كليتي وصحابي وعن نفسي لكن ما اتكلمتش عن اهم ناس في حياتي


كان واجبا على أن أشكرأحب الناس إلي "
أهلي" أعلم أن هذه الخطوة تأخرت كثيرا

والدي ووالدتي

مهما قلت او عدت لا استطيع ان أوفي جزء ولو صغير جدا من أفضالهم علي
فلولاهم لم أكن موجوده في الدنيا وأشعر بحلاوة القرب من الله وهما من يصبراني على قسوة الحياة
ولا أدري هل سأكون في يوم من الأيام مثلهم مع أولادي في التفاني والتضحية والحب


أحب أن أشكر أخوتي

دينا
تعلمت منها التسامح وكيف كنت أضايقها كثيرا وكانت تسامح بكل بساطة

حاتم
ربنا حباه واكرمه بحفظ القرآن الكريم كاملا كنت دائما أنظر إليه وأتمنى أن أكون مثله فكان نعم القدوة

محمد
كان له دور كبير في تديني الحمد لله لانه كان اول من أشار على أهلي ان اذهب إلى المسجد واتلقى الدروس وأحفظ القرآن

آلاء
تكبرني بعامين دائما أشعر انها الأخت والصديقة وكل شيء وهذا لأن عمرنا تقريبا متقارب لدرجة ان
يوم خطوبتها كنت حاسة اني انا اللي اتخطبت

D:
و في يوم واحنا نازلين مع بعض كنا بنضحك اوي وقتها الدنيا ماكنتش سايعاني من الفرحة

وأخيرا
عبد الرحمن
بجد انا بحبه جدا وباكون مبسوطة جدا لما باقعد معاه وخصوصا ان الفرق ما بينا قليل قوي انا اكبر منه بسنة وعشرين يوم بالظبط

يا رب أجمعنا على طاعتك وحبك واجعلنا دائما على طريقك ورمز للأسرة المسلمة

كم من الأوقات تذهب سدى

قصه قصيره ...

حبذا لو تم التركيز عند قراءته ولكم خالص الشكر.

طفلي الصغير منذ مساء أمس وصحته ليست على ما يرام ... وعندما عدت مساء هذا اليوم من عملي قررت الذهاب به إلى المستشفى ...
رغم التعب والإرهاق إلا أن التعب لأجله راحه . حملته وذهبت .. لقد كان المنتظرون كثيرين .. ربما نتأخر أكثر من ساعة أخذت رقماً
للدخول على الطبيب وتوجهت للجلوس في غرفة الانتظار . وجوه كثيرة مختلفة .. فيهم الصغير وفيهم الكبير .. الصمت يخيم على الجميع ..
يوجد عدد من الكتيبات الصغيرة استأثر بها بعض الأخوة . أجلت طرفي في الحاضرين .. البعض مغمض العينين لا تعرف فيم يفكر ..
وآخر يتابع نظرات الجميع .. والكثير تحس على وجوههم القلق والملل من الانتظار . يقطع السكون الطويل .. صوت المُنادي ..
برقم كذا .. الفرحة على وجه المُنادى عليه .. يسير بخطوات سريعة .. ثم يعود الصمت للجميع . لفت نظري شاب في مقتبل العمر ..
لا يعنيه أي شيء حوله .. لقد كان معه مصحف جيب صغير .. يقرأ فيه .. لايرفع طرفه .. نظرت إليه ولم أفكر في حالة كثيراً ..
لكنني عندما طال انتظاري عن ساعة كاملة تحول مجرد نظري إليه إلى تفكير عميق في أسلوب حياته ومحافظته على الوقت .
ساعة كاملة من عمري ماذا استفدت منها وأنا فارغ بلا عمل ولا شغل . بل انتظار ممل أذن المؤذن لصلاة المغرب .. ذهبنا للصلاة .
في مصلى المستشفى .. حاولت أن أكون بجوار صاحب المصحف .. وبعد أن أتممنا الصلاة سرت معه وأخبرته مباشرة بإعجابي به من محافظته على وقته .
وكان حديثه يتركزعلى كثرة الأوقات التي لا نستفيد منها إطلاقاً وهي أيام وليالٍ تنقضي من أعمارنا دون أن نحس أونندم .
قال إنه أخذ مصحف الجيب هذا منذ سنة واحدة فقط عندما حثه صديق له بالمحافظة على الوقت .
وأخبرني أنه يقرأ في الأوقات التي لا يستفاد منها كثيراً أضعاف ما يقرأ في المسجد أو في المنزل ..
بل إن قراءته في المصحف زيادة على الأجر والمثوبة إن شاء الله تقطع عليه الملل والتوتر .... وأضاف محدثي قائلاً ..
إنه الآن في مكان الانتظار منذ ما يزيد على الساعة والنصف . وسألني ... متى ستجد ساعة ونصف لتقرأ فيها القرآن ؟ تأملت ..


كم من الأوقات تذهب سدى ؟! وكم لحظة في حياتك تمر ولا تحسب لها حساب ؟! بل كم من شهر يمر عليك ولا تقرأ القرآن ؟!


أجلت ناظري .. وجدت أني محاسب والزمن ليس بيدي .. فماذا أنتظر ؟ قطع تفكيري صوت المنُادي ..


ذهبت إلى الطبيب بعد أن خرجت من المستشفى .. أسرعتُ إلى المكتبة .. اشتريتُ مصحفاً صغيراً .. قررتُ أن أحافظ على وقتي ..


فكرت وأنا أضع المصحف في جيبي . كم من شخص سيفعل ذلك .. وكم من الأجر العظيم يكون للدال على ذلك..

منقول

شكر وتقدير - 1

السلام عليكم ورحمة الله وبركاته

وأنا في الثانوي ما كنتش بافكر أنا عايزة أدخل كلية ايه وطبعا ديه مشكلة كبيرة جدا يعني أنا دلوقتي كنت باتمنى ادخل كلية تانية غير اللي انا فيها دلوقتي بصراحة كان نفسي ادخل كلية رياض أطفال
:D
المهم وانا في ثانوي كان عندي هدف تاني خالص عايزة ادخل علشانه الكلية
كان هدفي اني لما ادخل الكلية الاقي صديقات يعينوني بجد اننا نعبد ربنا بما يرضيه بغض النظر ده هالاقيه في انهي كلية انا ماكنش فارق معايا الكلية على اد ما كان فارق معايا الصديقات

واللي خلاني اكتب الكلام ده اني النهارده افتكرتهم كلهم وافتكرت اد ايه كليتي أثرت فيا تأثير إيجابي بشكل كبير جدا واتعلمت منها حاجات كتير جدا
حسيت ان شخصيتي اتغيرت في تفكيري وتعاملي مع الناس وعرفت من الكلية ديه معاني جميلة اوي وعرفت اهم شئ في الدنيا ان لما الواحد بيلجأ لله ربنا بيعينه اوي وعرفت كمان ان الصديق الصالح بيرفع الإنسان من سابع أرض لسابع سماء
حسيت النهارده اني بحب كل الناس واني محبوبة من كل الناس حاسة براحة كبيرة اوي جوايا ونفسي والله اشكر كل انسان حسيت منه ولو للحظة اني مقامي عنده كبير
افتكرت النهارده ايام ماكنت باروح الكلية ونهزر ونرخم على بعض
الكلية ديه شافت مننا ايام بجد انا دلوقتي وانا قاعدة في اودتي لوحدي بعيد عن صحابي حاسة اد ايه ان كليتي ديه عظيمة لانها بتجمعنا ببعض
حاسة ان الكلية كلها هي بيتي التاني وان كل اللي فيها اخواتي وان الدكاترة والمعيدين والطلبة والعمال والموظفين دول عيلتي
خلاصة القول اني من غير صحابي انا صفر على الشمال
وزي ما الكلية طلعت عنينا بس بإذن الله لسه هاتعلم منها كتير وكتير وكتير
وما اقدرش انكر فضلها عليا ابدا وفضل كل انسان اتعلمت منه حاجة

Wednesday, January 30, 2008

هل أنا فعلا كده؟؟

السلام عليكم ورحمة الله وبركاته

يمكن اللي اتعامل معايا كتير يعرف اني دايما عندي أمل في بكرة وأني دايما باحس اني في خير
لكن امبارح حصل لي موقف انا مستغربة منه جدا وباسأل نفسي هل أنا فعلا كده؟؟

كنت مع آيات فبتقلي ايه رأيك تمسكي حاجة معينة معرفش ليه جيه في بالي اني لو مسكته فالموضوع ده هيفشل

أنا مريت بأكتر من تجربة فاشلة الفترة اللي فاتت لكن لما باقعد مع نفسي وأعيد حساباتي ألاقي إني عملت اللي عليا وإني مش أنا السبب في الفشل ده

بس الإحساس ده لما جاللي بشكل تلقائي جدا من غير ما أفكر ولقيتني باقولها لأ انا مش عايزة أمسكه حسيت إني استسلمت ليأس أو لتجارب أحسن لي إني أنساها خالص وما افتكرش منها غير اللي هيعيني إني أكون أقوى وأنجح


لكن ...

أنا فعلا حاسة بالفشل و حاسة بالوحده الشديدة ومحتاجة دفعة أمل وإني أشوف نجاح قدامي أنا حققته بمجهودي

الشعور ده بقى متملكني لدرجة إني بافضل أقعد لوحدي خالص وما اشوفش حد
أنا واثقة جدا في قدراتي وإني أقدر أنجح بس أنا معرفش ليه أي حاجة بحبها ما بتكملش وبيكون نهايتها الفشل وألاقي عقبات كتير أدامي

ما اكدبش عليكم انا في حلم نفسي احققه من وانا في ابتدائي تخيلوا وللأسف الحلم ده كل ما الأيام بتمر كل ما باكتشف إن النهارده انا بابعد عن حلمي اكتر من امبارح و الاقي الناس كلها بتنزل من قدر هذا الحلم وبقيت احس اني لوحدي المسؤولة عن حلمي وكل الناس رافضاه وده اكتر شيء محسسني بالفشل والإحباط الفترة ديه


ولكن...

هل أنا فعلا فاشلة؟؟ هل حلمي لا يستحق التقدير والتعب من أجله؟؟


جزاكم الله خيرا

السلام عليكم ورحمة الله بركاته
انا باعتذر عن اللي انا بابعته كل فترة وكلها حاجات شخصية اوي
بس انا بجد بامر بحالة نفسية غريبة جدا
ومتشكرة اوي للي بيدعيلي جزاكم الله خيرا
انا كان عندي طلب انا محتاجة اخرج اوي فلو ينفع نرتب خروجة في اي يوم انا مستعدة بس قولولي قبلها بوقت كافي
انا بجد محتاجة اخرج علشان اخرج من الحالة اللي انا فيها ديه
جزاكم الله خيرا
السلام عليكم ورحمة الله وبركاته

Monday, January 28, 2008

ربنا يبارك فيك يا نور

السلام عليكم ورحمة الله وبركاته

حصل لي موقف النهارده ومقدرتش أمسك نفسي من الضحك بس أعجبت جدا بنور الدين
هتسألوني طبعا مين نور الدين ده هاقولكم ده ابن اخويه هو عمره 7 سنين
النهارده مسك كتاب لقصص الأنبياء وبيقولي ايه ده هو مفيش قصه السيدة مريم
قلتله لأ السيدة مريم ديه واحده كويسة - طبعا ما عرفتش اقوله سيدة صالحة ماكنش هيفهم- لكن مش من الأنبياء
فبيقولي فاكرة لما الملاك نفخ في بطنها وبقت حامل قلتله اه
بيقولي هو ازاي ينفخ في بطنها هو بطنها فيها خرم
بصراحة انا مقدرتش امسك نفسي من الضحك وهو بيقولها بتلقائية و ببراءة الأطفال
هو طبعا مش نفخ في بطنها هو نفخ في جَيْب قميصها, فوصلت النفخة إلى رَحِمِها
بس أعجبت بنور جدا ربنا يبارك فيه يا رب وينبته النبات الصالح

بموووووت فيكي يا ايه



السلام عليكم ورحمة الله وبركاته
انتم عارفين طبعا ان معجبيني كتير وللاسف المعجبين دول ماسكين في خناق بعض بسبب الكلام اللي كتبته على ايات مش معقول الغيرة اشتغلت على طول
لكن أحب أطمن الشعب اللي بيحبني وأقوله انكم كلكم في معزة واحده ( بفتح الميم وليس كسرها )
فأنا بالأصالة عن نفسي باقول للبنت ايه سامي انا باموووووووووووووووت فيكي والله وربنا أعلم أنا بحبك أد ايه وبلاش الغيرة ديه انا بحبكم كلكم والله أد بعض بس انتي عارفة انا ماكنتش اعرف اني غالية اوي عندك كده بحبك يا آاااااااااااااااااااايه
وباعتذرلك لو كنتي اضايقتي مني
بحبك أوي والله

ناديت وقلبي::فرقة طيور الجنة

ناديت وقلبي منكسر يارب العزة خذ بيدي
يا حي ويا قيوم ومن ينجي المهموم من الشدد ... الله الله

خذني بالعفو وعافية وجميل الستر الى الابد يسر امري يا مقتدر

واجبر كسري وازل شددي .... الله الله

ضاقت بي الارض بما رحبت فسواك غياثي لم اجد

طهر يا ربي بواطننا وظواهرنا من كل رديء .. الله الله

هون سكرات الموت اذا اخرجت الروح من الجسد يا مالك يوم الدين ويا من عز وجل

عن الولد ........ الله الله

كن لي غوثا من كل بلى من كرب الحال وهول غدي واصرف عني ما يفتنني

الهمني اسباب الرشد..... الله الله

الحديقة السرية


في يوم همست في أذني
من يرفع عن قلبي حزني
يرجعني خضراء اللون
أعشـــــاشا للأطيار
لحديقتنا في قريتنا باب و لها أسوار
لا يعلم أحد ما فيها تخفي عنا الأسرار
أقبلت بجد أسقيها
أروي الأشجار أحييها
فغدا من أجمل ما فيها
زهر لا كالأزهار
لحديقتنا في قريتنا باب ولها أسوار
لا يعلم أحد ما فيها تخفي عنا الأسرار
ما أجمل أن تسقي الشجرة
لتضاهي في الحسن القمرا
أن تغرس في اليائس أملا
زرعا يعطي الأثمار
لحديقتنا في قريتنا باب ولها أسوار
لا يعلم أحد ما فيها تخفي عنا الأسرار

حياة القلب وموته


رأيت الذنوب تميت القلوب *** وقد يورث الذل إدمانها
وترك الذنوب حياة القلوب *** وخير لنفسك عصيانها

بحبك اوي يا ايات


السلام عليكم ورحمة الله وبركاته
بصوا بقى انا في كلمة كنت عايزة اقولها ادام الناس كلها انا بجد بحب ايات اوي هي عملت في خدمة انا مش هاقدر اوفيهالها طول عمري بجد جزاها الله كل خير انا بحبها اوي اوي اوي وماتغيروش ياللي في بالي

يا ربنا الكريم يسر لنا أمورا

السلام عليكم ورحمة الله وبركاته
عارفين لما يكون الانسان ماشي في طريق غلط بس نيته كويسه وعايز يخلص من الطريق ده وفجأه يلاقي ربنا خلصه نهائيا يااااااااااااااااااه
في بداية الأمر يكون الموضوع قاسي جدا لأن أكيد الشئ الغلط ده فيه متعة ولكن عندما ندرك ان ما حدث ماهو إلا رحمة وحب من الله لك وأن ما سيأتي سيكون أفضل بكثيييييييييييييييييييييييييييييير جدا وأن الله سيعوضك خير بإذنه وخير كبير جدا جدا جدا ندرك أننا في أمان وأننا في معية الله
ربنا ده كبير أوي أوي أوي وانا بحبه جدا جدا جدا وليا الفخر والشرف أني أمته
ومش قادرة أوصف سعادتي بجد إن ربنا بيراعيني وبيحبني وبيحميني ومش عايزني اضايق أبدا

Sunday, January 27, 2008

كن صادقا

السلام عليكم ورحمة الله وبركاته
سأطرح سؤال وأتمنى من كل واحد يجاوب السؤال ده مع نفسه بصدق وصراحة
هل بإسم الشغل نبيح أشياء هي في الأساس محرمة أو نبيح أشياء لو كانت غير موجودة كان أفضل؟
هل تفعل مالا ترضاه أنت ولا يرضاه المجتمع والأهم من هذا لايرضى عنه الله تحت إسم الشغل؟
كن صادقا وصريحا أمام نفسك وخذ القرار الذي يرضي ربك أولا وأخيرا

Saturday, January 26, 2008

لما نقرب

لما نقرب أوى من بعض واما بجد نخاف على بعض ممكن نعلى حقيقى ونقوى ونصبح أقوى شعوب الارض
لما بإيدنا نأكل روحنا لما نفوق ونداوى جروحنا ولما انا تتحول احنا ونصلح اخطائنا بجد ممكن نعلى حقيقى ونقوى
ونصبح اقوى شعوب الارض

Friday, January 25, 2008

هييييييييه خدنا الاجازة

السلام عليكم ورحمة الله وبركاته

خدنا الاجازة اخيرررررررررررا
أخيرا جيه وقت الإبداع مش النوم والتليفزيون
لو قلنا ان وقت الدراسة للمذاكرة والتعب ووقت الاجازة للعب والنوم والتليفزيون والخروجات
طيب امتى وقت الابداع امتى وقت الشغل بمزاج وانك تطلع كل طاقاتك
انا شايفة ان الاجازة ديه فرصه انا مش هاعرف اعوضها تاني فرصة جاتلي لحد عندي علشان ابدع واتعلم حاجات كتير انا باحبها

يعني مثلا انا الاجازة ديه نفسي جدا ادرب نفسي اني كل يوم الصبح انزل اتمشى طبعا ده ماكنش بيحصل وقت الدراسة لاننا كنا كل يوم الصبح كنا بنروح الكلية

نفسي بجد اقعد مع اهلي اللي ماكنتش باشوفهم تقريبا وقت الدراسة
والله مامتي اوقات كانت بتقولي انتي قاعدة في لوكانده بتيجي على النوم فهما ليهم جزء كبير اوي في الاجازة ديه ان شاء الله
نفسي اقرب من اخواتي اكتر واتكلم معاهم ونخرج مع بعض
انا ليه 5 اخوات ومنهم 3 متجوزين فطبعا حياتهم بقت الى حد ما مش زي الاول كل واحد - وده حقهم طبعا - بقى ليه حياته وحتى الايام اللي كانوا بيجوا فيها عندنا ممكن اكون مش موجوده او باذاكر او او او فطبعا في الاجازة ديه هطب عليهم كلهم في بيوتهم او حتى هاكلمهم في التليفون
انتم عارفين اخواتي بفضل الله رزقوا بأولاد انا بحبهم جدا جدا جدا و بحس اني ليا واجب كبير اوي تجاههم واني نفسي اقرب منهم كلهم واتكلم معاهم ونلعب مع بعض لكن ماكنتش بالاقي وقت في الدراسة فلازم لازم اديهم وقت كبير اوي في الاجازة ديه
عارفين احساس وحش اوي لما تكون حاسس ان في ناس ادامك انت نفسك تقدملهم حاجة وانت مش عارف ده بالظبط نفس الشعور مع ولاد اخواتي
يعني في مرة ابن اخويه كان عندنا هو عنده 7 سنين قلتله تعالى احكيلك قصص الانبياء المهم حكيتله قصه فكل ما كان يجي عندنا يقولي احكيلي قصص الانبياء وانا اوقات كتير جدا يا باكون تعبانة جدا ولسه راجعة من الكلية يا باكون باذاكر ومش باعرف احكيله حاجة خالص بابقى مضايقة من نفسي اوي وانا باقوله معلش مش هاقدر احكيلك

نفسي طبعا اخرج واتفسح مع اصحابي ونفسي اوي نعمل حاجات كتير اوي مع بعض
امبارح خرجت معاهم ياااااااه انا رجعت تعبانة جدا بس كنت في قمة سعادتي
نفسي كمان اتعلم مهارات تساعدني في حياتي زي القيادة ومهارات الاتصال والتعامل مع الناس وخصوصا اني داخلة في مشروع كبير ونفسي اكون اد المسؤولية

معرفش ايه اللي خلاني اكتب الكلام ده بس انا بجد مبسوطة جدا بالاجازة ومش عارفة ليه انا مبسوطة اوي كده
ديه اول اجازة اكون مبسوطة كده يمكن لاننا كنا مضغوطين اوي الترم ده بالذات
لكن انا مبسوطة اوي ونفسي اوي اتكلم عن حاجات كتير جدا جدا جدا

جزاكم الله خيرا

Thursday, January 24, 2008

خاطرة

السلام عليكم ورحمة الله وبركاته

انا عندي خاطرة وباطلب من اي حد يقرا الموضوع ده يرد علي

كتير بنسمع اننا لازم يبقى لنا دور في الحياة وفي نصرة الاسلام
في حاجة بفضل الله باعملها ممكن تكونوا بتحسوا انها صغيرة لكن انا كل ما اعملها بحس بفخر شديد وعزة واحس ان النصر هييجي من هنا

ايه هي الحاجة ديه بقى:
انتم عارفين احساس وحش اوي كل ما احس بالحال اللي المسلمين وصلولها وان احنا بقينا بنتذل اوي
الغرب بقى مأثر علينا في أفكارنا وعلمنا وفي بلدنا وفي ابسط شيء نمتلكه في لغتنا

ومن يومها خدت قرار اني مش هاتخلى ابدا عن لغتي واني هاعتز بيها واي رسالة هابعتها هتبقى بالعربي وكلامي على قدر المستطاع هيكون كله عربي
معرفش ليه بحس اوي اني باعمل حاجة كبيرة اوي لما باكتب رسالة بالعربي
باحس ان اللغة العربية ديه كبيرة اوي واني بفضل الله ربنا جعلني انا الأمة الفقيرة استخدمها
باحس اد ايه اللغة العربية نعمة كبيرة اوي واني نلت شرف عظيم اوي اني اكتب او اتكلم باللغة العربية
باحس اني باقول للغرب انتم ما أثرتوش علي انا قوية انا منتمية للغتي اللي هي اعظم لغة في العالم لغة القرآن لغة النبي لغة أهل الجنة
لغة الإسلام
باحس اني باقولهم انا عربية وبافتخر اني عربية ومش هاندمج وسط عالمكم ومش هاكون جزء منكم ولا هاكون صورة منكم
انا كيان مستقل ينتمي لأمة اللغة العربية
ممكن تقولوا يعني بالرسائل اللي بتبعتيها بالعربي هي اللي هتفرق
هاقولكم على الاقل بتفرق معايا وانا باحاول بفضل الله اخليها تفرق مع كل المسلمين

ديه كانت خاطرة بتجيلي وعايزة نتناقش في موضوع اللغة العربية لاننا لازم يكون لينا دور في نشر اللغة تاني وسط الناس
معا لنشر اللغة العربية

Monday, January 21, 2008

لينا دور ...أكيد لينا دور

السلام عليكم ورحمة الله وبركاته

وصلني النهارده ميل وشعرت ان من واجبي اني ابعته للناس كلها نص الميل :
" أعتقد ان معظمنا يعرف اللى حصل و بيحصل فى غزة و للى مش يعرف غزة فى حصار من فترة و قصف مستمر راح ضحيته العشرات و آخر حاجة اتقطعت عنهم الكهرباء يا جماعة عارفين يعنى مفيش كهربا يعنى ضلمة و برد و الأخطر المستشفيات مش فيه كهرباء تشغل الأجهزة ...الوضع مأساوى
تخيلو ليلة واحدة ممكن نقضيها من غير كهرباء
دلوقتى و بعد ما عرفنا اللى بيحصل لازم يكون لينا دور
دى اقتراحاى و اللى عنده حاجات تانية يا ريت يبعتها :
الدعاء بشكل ثابت
الصدقة بنية داوو مرضاكم بالصدقات
صوم يوم تضامنا
متابعة الأخبار
نحكى للى مش يعرف عن اللى بيحصل
الاستغفار
طبعا المقاطعة و اللى يعرف منتج جديد المفروض نقاطعه يا ريت يقول عليه
و حسبنا الله و نعم الوكيل"

دينك دينك ..لحمك دمك

وماذا بعد؟؟


أرض العروبة تغتصب أين الرجولة يا عرب
هل متِ هل مات الغضب

هل مات بركان اللهب

اين الرجولة يا عرب
اين الشهامة يا عرب

اين الكرامة يا عرب
هل هانت القدس الشريف
هل هان اقصانا الحنيف

سيأتي يوم ونقف امام الله سنسأل عن نصرة شعب فلسطين
القدس ليست لشعب فلسطين فقط ولكنها للمسلمين اجمعين
شعب فلسطين يقول:
لا نريد رجالا رجالنا يكفون ولكن نريد دعم
الشعب الفلسطيني يموت
لا نطالب ان تجيشوا جيوشا ولكن نصرة الاسلام
الدعاء
ارحمونا يا امة محمد
احنا بنموت كل يوم
هنا شعب يناديكم كفى ظلما

351 حالة خطيرة
115 صنفا من الادوية الاساسية نفذت
137 جهاز طبي توقف عن العمل
3000 عامل صيد عاطل بسبب الحصار
370 مريض بالسرطان معرضون للموت
ميت : نقص الدواء ميت : نقص الغذاء ميت : نقص الحليب
هذا جزء بسيط جدا عما يحدث هناك

يا أيها الإنسان يا خير الخليقة
أنت تنظر ولا تغار
اليهود الكلاب عطلوا سبل التجارة والصناعة والزراعة
فاحذر يا عالم من ثورة شعب مقهور ما كان ليقهر
يا اهل غزة لا تهنوا فحصار القوم لن يطول
إنذار بركان يثور



Saturday, January 19, 2008

رفع حالة الطوارئ



السلام عليكم ورحمة الله وبركاته

عندما تجد نفسك فجأه على جزيرة خالية إلا منك حينها يتملكك شعور قاسي بالوحده ومما يسبب هذا الشعور ايضا عندما تجد ان كل انسان اصبح في وادي وهذا ليس تقصير منهم ولكن لأننا في حالة طوارئ

عندما تشعر أنك بلا هدف وتمر بك مواقف كثيرة وتضطر أن تقبلها كما هي , هذا بالظبط ماحدث لي لاني شعرت انه يجب علي دراسة وفهم مواد لا أستطيع فهمها ولا أنكر أنها مواد قيمة وتحتوي على معلومات قيمة جدا ولكن ليس نحن مكانها في هذا التوقيت شعور قاسي بالإجبار

لا أدرى لماذا شعرت وقت الإمتحانات أني وحيدة أني ابتعدت عن كل الناس وأن كل الناس ابتعدوا عني إني أكره هذا الشعور شعور الوحده شعور رفع حالة الطوارئ

Thursday, January 17, 2008

Friends


show your friends how much you care.




F - Few
R - Relations
I
- In
E - Earth
N - Never
D - Die

تعيش جمهورية مصر العربية


يروى أن صياداً عاد إلى زوجته وهو يحمل سمكة كبيرة طالباً منها أن تقليها في الزيت فاعتذرت له الزوجة لأنها لا تملك زيتاً بسبب إرتفاع سعر الزيت فطلب منها الصياد أن تشويها فاعتذرت له بسبب إختفاء الدقيق والردة من الأسواق فطلب منها أن تطبخها مع الصلصة فلما علم أن سعر كيلو الطماطم قد وصل إلى خمس جنيهات أخذ السمكة وألقاها غاضباً في البحر مرة أخرى وهنا هتفت السمكة وهي في الماء
تعيش حكومة مصر العربية