Pages

Friday, January 30, 2009

تعمل إيه ؟؟


السلام عليكم ورحمة الله وبركاته

تعمل إيه لو كنت ماسك شغل وبتشتغل فيه وبعدين عرفت بالصدفة إن شغلك ده إتعمل وإنت لسه بتشتغل فيه يعني بتضيع وقت في حاجة خلصت خلاص ... هتحس بإيه وقتها

يعني إنت تكون بتشتغل وبتتابع شغلك وبعدين تلاقي حد عمل شغلك من غير ما يقولك ، يعني ولا إستأذن منك ولا حتى يبلغك بنتيجة الشغل ده.

طيب لو مريت بالموضوع هيكون إيه رد فعلك ، هل روحت لرؤسائك وبلغتهم باللي حصل ، طيب هل وجدت منهم رد فعل إن الموضوع ده بسيط وإنك إنت اللي مكبر الموضوع ، يعني طلعت إنت كمان اللي غلطان

طيب روحت إتكلمت إنت مع الشخص اللي خد شغلك ولقيتوا مقتنع تماما إنه مش غلطان وإنك إنت اللي غلطان !!

طيب لو حصل معاك كل الحاجات دي ممكن يكون رد فعلك إيه بعدها ؟؟؟

أنا فعلا عايزة أعرف رأي كل الناس اللي هتقرأ الكلام ده ... أي حد يدخل على المدونة يرد على الموضوع ده بعد إذنكم

Sunday, January 25, 2009

جديد × جديد



السلام عليكم ورحمة الله وبركاته

لو فجأة كده قالوا لك إنت هتسيب أهلك وبلدك وأصحابك وشغلك وكل حاجة في حياتك وهتسافر تقعد في بلد تانية مع ناس تانية بيتكلموا لغة تانية وتبدأ حياة تانية

ودي مش حاجة مفروضة عليك ، يعني ممكن ما ترضاش

بس إنت بإيدك هتوافق وهتروح البلد دي مع الناس دي اللي بيتكلموا اللغة دي وتبدأ الحياة دي

يعني كله جديد × جديد

مخاطرة مش كده ...

أنا من رأيي في الموضوع ده حاجتين ...

أولا: الإنسان في أي مكان لازم يكون ليه دور ولازم يرمي بذرة ومش لازم يشوفها لما تطرح بس يسيبها ويحاول يرويها أو يسيب أثر في الشخص اللي بذر فيه البذرة دي تروي البذرة دي

ما ينفعش أقول علشان أنا مش في بلدي ولا مع أهلي إني ما أثرش في المكان الجديد ده

بالعكس ده أنا أتعلم الناس دي بتفكر إزاي وبتهتم بإيه وأحاول أوصل لهم فكري وأفكر إزاي أوصل لهم الإسلام بأحسن صورة وأحسن شكل

وزي ما كنت باعمل في بلدي أعمل في البلد التانية

ثانيا بقى : هل في حاجة كبيرة أوي أكبر من الوطن والإستقرار تسمح للشخص ده إنه يسيب أهله ووطنه وأصحابه وشغله وكل حاجة علشانها

هل هي الفلوس ، هل الحياة الجميلة المرفهة أو حتى الحياة في جو جميل مع ناس بتحترم النظام ، هل الدراسة ،،،

إيه أهم من الإستقرار ودفء الأسرة؟

لو حد قاللي أنا ما بحبش البلد دي ، دي مليانة مشاكل والناس فيها مش منظمة ومش بتحترم بعض والجو فيها دخان وقرف والناس على طول تلاقيها بتتخانق وبتتعصب

طيب لو إنت كنت في مشكلة في أي مكان في الدنيا هل حلها هو إني أهرب منها ولا إني أواجهها وأحلها

زيها برضه بلدنا ، بلدنا زي ما فيها حاجات حلوة كتير فيها برضه مشاكل ، لكن إني أسيبها وأقول أروح أعيش في مكان تاني ده عمره ما كان حل

أي شخص في الدنيا بيأثر ودوره بيفرق ولو هو قال أنا مش بأثر ده أنا واحد يبقى مش مقدر قيمة نفسه

لأ دوره بيفرق وبيأثر جامد في كل اللي حواليه بس هو يسلك الطريق الصح وأولها توكله على الله ثم ثقته بنفسه وقدرته على تغيير الواقع اللي مش قادر يتكيف معاه ...

يعني البلد الجديدة اللي هيروح يقعد فيها ، ليه هو عايز يقعد فيها ، أكيد علشان سبب ما وزي ما قلت ممكن يكون للدراسة ، للبيئة للفلوس

طيب ومين اللي خلى البلد دي بالشكل ده أكيد الإنسان

الإنسان هو اللي طور بلده هو اللي بنى فيها إقتصاد قوي هو اللي بيهيأ فيها مناخ حلو هو اللي بيخلي البلد دي تتطور في كل المجالات العلمية

فليه ندي لغيرنا وممكن ندي لينا ؟؟

وجزاكم الله خيرا

Thursday, January 22, 2009

... لكن

السلام عليكم ورحمة الله وبركاته

ليه العلاقات بين الناس بتتقطع

وليه دايما بنبدي مصالحنا وإهتمامتنا الشخصية على علاقاتنا مع الناس


ليه شايفين إننا لو إدينا من اللي معانا فاللي معانا هينقص مش هيزيد

ليه ما نحبش اللي حوالينا بكل إحساسنا وجوارحنا


ليه ما يبقاش هدفنا هو حب الناس ونشر الحب بينهم

تخيلوا لو الدنيا ملاها الحب

تخيلوا لو السعادة ملت الدنيا

هنعيش ملوك


لكن

Monday, January 19, 2009

إبدأ بالسلام ... عيش حياة جديدة


لما حد بيغلط في حقك بتسامحه ولا بتفضل شايل اللي عمله ده في قلبك ومش بتقدر إنك تتعامل معاه تاني ؟

طيب الموضوع ده مستاهل إنك تضايق وتخسر شخص ...

هتقولي ما هو اللي غلطان ،،،

هاقولك خيركم من بدأ بالسلام

إبدأ بالسلام وسامح اللي حواليك

عيش بحب و في سلام

إخلق سلام داخلي جواك

هتلاقي السلام بقى في كل مكان حواليك

... فيها إيه


فيهـا إيـه ..

لـو حسينـا ببعضنـا لـو وفينـا لبعضنـا لـو نخـاف علـى بعضنـا لـو نسامـح بعضنـا

لـو نحـب الخيـر لبعـض .. مستحيـل أبـدا هنخسـر بعضنـا .. مستحيـل أبـدا هنجـرح بعضنـا

مستحيـل أبـدا هنكـره

لـو نقـول دايمـا يـارب أنـت خطوتنـا لمصيرنـا .. كـل زرع بخيـر وحـب أنـت مولانـا وناصرنـا

لـو نقـول دايمـا يـارب أنـت رب قلـوب .. لـو نأمـن باللـى دايمـا عـالجبيـن مكتـوب

لـو نقـول كلمـة يـارب صافيـة مـن قلبنـا

فيهـا أيـه ..

لـو نقـول هـون يـارب كـل جـرح فـى قلـب غيرنـا .. كـل صبـح وليـل يـارب صحـى إحساسنـا وضميرنـا

لـو نعيـش نخلـص نحـب مانخادعـش النـاس .. لـو نعاشـر نبقـى دايمـا مشجبيـن أحسـاس

لـو فـى يـوم منبعـش حـد كـان صديـق عمرنـا

فيهـا إيـه ..

لـو نادينـا بقلـب حـر كـل نبـضة وكـل دقـة .. كنـا رافضيـن أى مـر قولنـا يـوم للظلـم لاء

لـو بقينـا ضـى شمعـة فـى الضـلام تنقـاد .. لـو نقـول علـى كـل دمعـة والله مـا تنعـاد

لـو نقـول بطلنـا ننـدم عـاللـى ضـاع مننـا

فيهـا أيـه ..

Thursday, January 8, 2009

حصار غزة : الطفلة التي أبكت العالم

وأخيرا ً.. البيت الأبيض ينعي ....قطة

وصلني النهاردة ميل حسسني بالذل وبالغفلة اللي البيت الأبيض عايش فيها ،

نص الميل :

وأخيراً استيقظ ضمير البيت الأبيض في خضم هذه الحرب وهؤلاء الضحايا المدنيين من النساء والأطفال، لينعي قطة ابنة بوش!
معلش يا جماعة الدوام لله وحده، وعزاؤنا لأهل القطة وكل الحيوانات اللي مهتمة بالقطة

http://www.masrawy. com/News/ Various/General/ 2009/january/ 5/whitehouse. aspx

شارك معانا :)

Wednesday, January 7, 2009

بداية



السلام عليكم ورحمة الله وبركاته

بالتأكيد كل منا مر بمشاكل كثيرة ،، قد تكون مشاكل كبيرة تستحق الوقوف عندها وقد تكون مشاكل بسيطة تمر مرورا عابرا

هل في يوم ما شعرت أن هذه المشكلة تسلب منك كل شئ ، سعادتك وفرحتك ،، وقتك ومجهودك ،، سواء مجهود ذهني أو مجهود بدني أو مجهود نفسي أو أيا أن كان هذا المجهود ...

كنت أمر بمشكلة أخذت مني كل شئ ،،، أصبحت كالوردة الذابلة ... كنت أزداد سوءا كل يوم عن اليوم الذي يليه

فعلت كل شئ بعيد تماما عن الصواب ، صرخت وفقدت أقرب الناس لي ، أدخلت نفسي في عالم كئيب ، أسأت الظن بكل من حولي ، ظللت مقتنعة أن كل من حولي يكرهني ... فقدت الثقة حتى في نفسي ، دائما كنت أشعر أني عبء على من حولي ، لا أريد أن أشرك أحد معي في مشاكلي ، لا أريد أن أتعامل مع أحد ،،، دفنت مواهبي ، قتلت كل شئ جميل كان بداخلي ، فقدت كل شئ جميل في حياتي ، فقدت إبتسامتي ، فقدت الكلمة الطيبة ،

اليوم ، واليوم فقط تحول حالي 180 درجة ، شعرت بحب كل من حولي ،،،

شعرت بحب الله ، كم شعرت اليوم أنه راض عني جدا

شعرت بحب أهلي لي فقد أحضر لي شقيقي خاتما جميلا

شعرت بحب أصدقائي ، من صرخت في وجههم من تحملوني في وقت الشدة ، أحضروا لي هدايا جميلة اليوم

اليوم أيضا كنت أتصفح هذه المدونة ، قرأت كلام جميل قلت أنا من كتب هذا الكلام فأين هذه الموهبة الآن ،،، دفنها حزني

هذا هو رد فعلي مع المشكلة ، أعلم أنه خطأ تماما ما فعلت فما كان يجب علي تماما أن أدخل في هذا العالم فهناك الكثير الذي نستحق أن نقف عنده ونفكر فيه ونهتم به

وهنا هي البداية ، سأبدأ في الكتابة في المدونة مرة ثانية وأسأل الله أن يفيد بها كل من يقرأها

وأول السيل قطرة


Tuesday, January 6, 2009

يــــــــــــــارب



يا رب كن لي معين أنا مش عايزة غيرك في الدنيا ، يارب ما تخلينيش أظلم حد

يا رب نور لي طريقي ومشيني على الصراط المستقيم

عينني وما تسبنيش أرجوك أنا محتاجاك أوي

يــــــــــــــــارب

Sunday, January 4, 2009

زارنا رجل من فلسطين
فجلس على الطين
فقلنا اجلس على السرير
قال كيف أجلس على السرير والقدس أسير!!!
بأيدي إخوان القردة والخنازير
قلنا فهل عندك من القدس خطاب؟
قال معي من القدس سؤال يريد الجواب!!
قلنا ما هو السؤال؟
قال ينادى أين الرجال؟
أين أحفاد خالد وسعد وبلال؟
أين حفاظ سورة التوبة والأنفال؟
أين أبطال القتال؟ أين أسود النزال؟
قلنا له هؤلاء ماتوا من زمان!!
وخلت منهم الأوطان