السلام عليكم ورحمة الله وبركاته
أكيد أنا مش هافتي بس في موضوع مضايقني جدا جدا
إيه يا جماعة حدود العلاقة بين الولاد والبنات
هل هي ممنوعة خالص ولا موجودة بس بشروط
أكيد هي موجودة بس بشروط وحدود
طيب ايه هي الحدود دي
لما يكون في ضرورة لكده أو إننا مضطرين نعمل كده
يعني ايه برضه
يعني لما نسأل نفسنا في بديل لإننا نتعامل مع الشباب ولا لأ لو في بديل يبقى إحنا بنستهبل :D
بديل يعني هل ممكن أستبدل الشخص ده ببنت والعكس صحيح
أو هل ممكن أحتك بيه بوسيلة مش مباشرة
يعني أنا كنت باشتغل مع شباب وكان ممكن ألاقي واحد ادامي وأكون عايزة منه حاجة مهمة بس مش مستعجلة أقول أنا ممكن أبعت له ميل بدل ما أروح وأتكلم معاه
لكن لو مفيش بديل يبقى إحنا كده مضطرين وبرضه في حدود بمعنى إننا ما نخرجش عن حدود الشغل وبس
لكن اللي باشوفه دلوقتي إن الناس بقت بتاخد على بعض بطريقة غريبة
واللي بيغيظني جدا المنتديات
اللي الشباب يقولوا للبنات يا اختي العزيزة والبنات يقولوا للشباب يا أخي الفاضل
إحنا بنضحك على نفسنا ، أنا بجد مش متخيلة
وناس يبقوا متدينين وصالحين وفاكرين إن ده عادي
يا جماعة إذا كان الناس لما بتشتغل مع بعض يعني في حدود الشغل بس بتتعامل مع بعض كتير في حدود كتيرة بتعق يبقى هنيجي نقول إننا على المنتديات أو في الشغل أو في الدراسة أو في أي حاجة إحنا لما نتعامل مع الجنس الآخر في حاجات مش ضرورية يبقى إحنا كده صح ؟
نتقي الله في الحاجات اللي ممكن تكون صغيرة لإنها بتكبر بعد كده
والبنات يبقوا في حالهم والشباب في حالهم الله يخليكم
1 comments:
ماشاء الله كلام جميل ويدل على فطره سليمة ومواضيعك كلها جميله
بس كان فيه تعليق لازم اقوله للامانه لما نتكلم فى موضوع من وجهة نظر دينيه لا يصح ان نتكلم براينا الشخصى لابد ان نتكلم برأى الكتاب والسنه
((يا أيها الذين آمنوا لا تقدموا بين يدي الله ورسوله واتقوا الله إن الله سميع عليم)).. ومن مفاهيم الآية: أن من موجبات الإيمان: ألا يقدم المسلم رأيه - ولا رأي غيره - على قال الله، قال رسوله.
وجزاك الله خيرا على النصيحة
Post a Comment