Pages

Wednesday, February 13, 2008

مبروك -1

السلام عليكم ورحمة الله وبركاته
ازيكم يا جماعة؟؟
الفرح كان تحفة
فعلا لقيت فيه معاني جميلة اوي
الفرح كان منفصل يعني البنات لوحدهم في قاعة والشباب في قاعة
وفعلا كنت شايفة الناس كلها نفسها تبسط العروسة والعريس ولو بكلمة مبروك
هيصنا وفرحنا وعملنا كل اللي نفسنا فيه ومن غير ما نغضب ربنا
فعلا الفرح ده من أحلى الأفراح اللي حضرتها في حياتي
كان فيه إيمانيات عالية أوي
والله أنا داخلة القاعة حسيت براحة كبيرة أوي من غير ما يكونوا بدأوا أي حاجة
كل البنات عايزين يفرحوا العروسة ولو بإبتسامة
وأحلى حاجة إن الأغاني كانت حلوة أوي كلها أغاني إسلامية جميلة أوي
وكل الناس جايين علشان هدف كبير أوي إسمه التآخي في الله وإدخال السرور على قلوب ناس مؤمنة
بجد أنا سعيدة

كان نفسي إن الناس كلها تحضر الفرح ده علشان تعرف إن بإسلامنا الحياة أحلى بكتير

ربنا يباركلهم ويعزهم يا رب

0 comments: