Pages

Tuesday, February 12, 2008

أجمل قصة حب


السلام عليكم ورحمة الله وبركاته
ازيكم يا جماعة؟؟
انا النهارده هاحكيلكم ان اجمل قصة حب ...
بس مش بين اتنين
لكن بين اربعة
وكمان كلهم بنات :D
لما تحس انك غالي أوي عند ناس ولما تحس ان مشاعرك بتهمهم ولما تكون محتاج تتكلم وتفضفض وتلاقي اللي بيسمعك
ولما تلاقي ناس بيسهروا علشان بيفكروا يعملوا ايه يبسطك يفكروا في هدية يجيبوهالك

وانا في سنة ثانية كنت لسه في بدايات معرفتي بأحلى صحبة
المهم كان وقتها حصلت مشكلة ما بينا وزعلت منهم
لقيتهم إذ فجأة كاتبين جواب جميل أوي وبيدهولي
حسيت أد إيه أنا غالية عندهم
أنا بحبهم أوي
وديه كلمات الجواب

إنجي دا انتي أجمل زهرة في بستان قلبنا
يوم ما تكوني في مرة زعلتي أو تغضبي مننا
مش هننام ولا حتى في مرة هنسامح نفسنا
دا إحنا أخوات في الله وإيماننا أقوى ما عندنا
عايزين نبني علاقة قوية تعيش جوانا لآخر الدهر
مش هنسيب الشيطان يدخل بينا طول العمر
ممكن تقبلي كلمة بسيطة تعبر عنا
ونقولك آسفين والله وإحنا في شدة ندمنا
وبلاش تخجلي وتقولي خلاص مش عايزة كلام
هنقولك اتنيلي ... هنبطل بس في الأحلام
بس هنطلب حاجة نونو وياريت مش ترفضيها
لما تحسي بزعلة كبيرة قوليها ومش تكتميها
لما تشيلي في قلبك حاجة امتى هييجي اليوم
اللي تفضفضي على اللي في قلبك من غير عتاب ولا لوم
لما تكوني في صحبة جميلة لازم تعرفي أكيد
إن الصراحة والفضفضة بجد شئ مفيد
بنحبك في الله والله وعمرنا ما هنستغنى
عن حبك يا قمرنا علشان نبقى بإذن الله في الجنة

يوم ما ادوني الجواب أنا ماكنتش عارفة أوصفلكم سعادتي ومعرفتش أنام وفضلت أقرأ الجواب أكتر من مرة واشكرهم وكنت طايرة من الفرحة
والصورة اللي فوق دي صورة الجواب
شايفين الرقة والجمال
ربنا يخلينا لبعض ويحفظنا
ما أرى فيكن إلا أخوات صالحات وصديقات صادقات
بارك الله في صداقتنا وجمعنا في الدنيا على حبه وطاعته
وفي الجنة في الفردوس الأعلى
إن شاء الله
قولوا آمين


13 comments:

Ayoy said...

الكلام ده علي الملأ كده :d
و نسيتي تقولي انك مش ارتاحتي نفسيا غير لما عملتي لها برواز:p
لا بجد يا انجي دي اقل حاجه ممكن نعملها لك
:x:X:X:X:X:X

Enjy Badran said...

انتي اللي بتفضحي نفسكوا
انا ماقولتش اني انا اللي عملت البرواز
كنت عايزة الناس تفتكر انكوا انتوا اللي عملينه لكن بعد اللي انتي قلتيه خليني اشتكيكوا لأي حد هيدخل على المدونة
يرضيكوا يستخسروا فيا البرواز
:(
ويخلوني اعمله على حسابي

Ayoy said...

كفايه عليكي اصلا الورقه و الالوان و الجليتر هتطمعوا بقي و لا ايه :D

Enjy Badran said...

بلاش اسيح اكتر من كده
وأقول ان مش انتي اللي كاتباه أصلا
قال يعني انتي جبتي حاجة
:D

Enjy Badran said...

بس للأمانة أنتم فكرتوا جزاكم الله خيرا
وصاحبتنا الفنانة هي اللي نفذت
جزاكم الله كل خير يا حبيباتي

Yasmen Refaat said...

to2 to2 to2 3eeeeeeeb ya kids

3eeeeb 2awy tefda7u ba3d keda, we ell nass te3raf enuku bu7'alla we gedaa le ell daraga dee, lalalalaaaa 3eeeeeeeb bagd, bagd 3eeb

we ba3den ya Enoo assasan ell kalam da bayen gedan enuhum katbemu ta7t da4tt!!!

we ya Ayuyi balsh le3b ebel glaitor, ety 3arfaa eh nategtu, walla nessety youm ma3amalna el kids betu3na "Ramada" we "Lelet el 2addr" ??????

Enjy Badran said...

يا حبيبتي هما كاتبين الجواب ده بكل حب ده حتى كل كلمة عايزة تنطق وتقول بحبك يا إنجي
:D
واسأليهم هيقولولك كده
وهما لازم يقولوا كده وإلا عارفين إيه اللي هيحصلهم
:D

Yasmen Refaat said...

wala nafsehaq ganat ... ENOOO =))

Hajar said...

دااقل حاجة للاجمل صحبة بجد الواحد مش بيحس بقيمة الحاجة غير لما يحس انه هيفقدها او لما يحس انها بعيدة عنة ساعتها مقدرش اوصفلكم الاحساس بيكون ازاى

Ayoy said...

اللي ياززمين بتقوله ده هو ده الحقد الدفييين من جوه
لا طبعا اعترف ان الكلام ده مش تحت ضغط و تم بارادتي و انا بكامل قوايا العقليه :d
ايه اللي حصل يعني بالجليتر كنت بانور ف الضلمه عادي يعني :D

Enjy Badran said...

أعتبر ده أعتراف صريح منك يا آيه
:D

Ayoy said...

أي نعم يا فندم :)

آيـــ الله ـات said...

يا ماما أنا شاركت بأكبر مشاركة ف الكارت دا

يعني كلكم تسكتوا

بس يا إنو لو كان الكلام دا مش طالع من القلب ما كاناش هيطلع مقفى زي إللي عملناه كده

لإنه طالع من القلب .. طلع بيعبر عن إحجساسنا بحبنا ليكي يا إنو

حبك في الله يا قلبي
:X :X :X