Pages

Tuesday, February 26, 2008

... شوفوا لي حل


لما عصام الحضري يسيب مصر ... هنقول لمين دلوقتي أرقص يا حضري

لما الأسعار تغلى وما نلاقيش ناكل ... نقول بقلب جامد وبصدق تحيا جمهورية مصر العربية

لما يدفعوا فلوس بالهبل علشان اللعيبة او علشان حفلات نانسي عجرم ... يبقى وقتها نثبت للعالم إن العرب أغنياء وإن مصر عندها فلوس كتير أصلنا عندنا فلوس كتير مش عارفين نوديها فين ولا فين

لما الناس تروح آخر البلاد علشان تحضر حفلة لتامر حسني ... نقول للعالم إحنا عمرنا ما هنكون جديين وهنمشي دايما ورا مزاجنا

لما الناس تسهر للساعة 3 و4 الفجر علشان تتفرج على فيلم وييجي وقت الفجر وتنام ... يبقى نقول لربنا إننا عندنا حاجات أهم دينك

لما يعرضوا أفلام في السينما ويحطوا قيمة صح جوا ألف قيمة غلط ... نقولهم حاضر إحنا هنشتري السم اللي انتم حاطين عليه نقطة عسل

لما الممثلات اللي الناس مهووسة بيهم يلبسوا الحجاب ويخلعوه ... نقول إن شاء الله هنقابل الرسول بفن وموضه و و و وليس بدين ونصر للإسلام

إيه يا شباب إحنا فين هل هنستنى لما مخططاتهم تكتمل علينا خلينا واقعين وبلاش الكلام اللي بيقول مخططات ايه ولا نقول يا عم خلينا نتبسط
عمر ما كانت السعادة في البعد عن ربنا ولا في الانبساط بطريقة تغضب ربنا

افتكروا يا جماعة قول ورقة بن نوفل للرسول الكريم حين أخبره بنبوته قال له "
ليتني اكون فيها جدعا إذ يخرجك قومك " ... تذكر أسامة بن زيد عندما قاد جيشا وهو لم يتعد العشرين عاما

وقتنا دلوقتي قبل ما نفتن في ديننا ...
خلوني أحكي لكم على موضوع مأثر في جدا ... موضوع كنت قرأته في كتاب بيتكلم عن الدعوة لدين ربنا ...
الكتاب بيقول إن في بلاد - وللأسف بلاد عربية - بتمنع البنات والسيدات من إنهم يلبسوا الحجاب
تخيلوا معايا الوضع هناك عامل ازاي
ووقت الامتحانات منعوا بنات من دخول الامتحان لمجرد انهم محجبات ولما البنات خلعوا الحجاب خدوا عليهم تعهد في قسم الشرطة انهم مش يلبسوه تاني
طيب لو انت او انتي في مكان زي ده هيكون إيه تصرفك ... نفسك تلوذي بنفسك وأهلك من الفتن اللي في العصر ده
ولكن احنا دلوقتي في بلد إلى حد ما لم نصل لنفس هذا المستوى الموجود في البلاد التانية يبقى دورنا كبير دورنا نوصل للناس دين ربنا كبير وأكبر من إنه يكون ضمن خططنا ولكن لابد أن يكون هو من نخطط من أجله

خلوني أختم بحاجة

لما يظهر دعاة زي أ /عمرو خالد و أ / معز مسعود و أ / مصطفى حسني ... وقتها نقول " وكان حقاً علينا نصر المؤمنين "

الإسلام مش بيستنى حد وهينتصر هينتصر يا إما تكون ممن ينصرون هذا الدين وإما أن تكون من المتفرجين
خذ خطوة إيجابية وكن علما من أعلام هذا الدين

4 comments:

Yasmen Refaat said...

"لما يعرضوا أفلام في السينما ويحطوا قيمة صح جوا ألف قيمة غلط ... نقولهم حاضر إحنا هنشتري السم اللي انتم حاطين عليه نقطة عسل"

بشبه :-?
بيتهيالي في سمعتها قبل كدا؟!!!! فييييييين يا ترىىىىىىىى ؟؟؟ فييين ياا ترىىى؟؟؟

بس بجد رغم ان الصوره تبان في الاول انها غامقه وكئيبة .. بس السطرين اللي في الاخر بارقه امل جامده جدا ... الاجمد منها ان في حاجات كتير خير بتحصل - الحمد لله - وان شاء الله القادم اجمل و احلى ... وعلى ايدينا نحن باذن الله

ملحوظه هاااااااامه جدا:
مش كل الفن اللي موجود دلوقتي هابط و مسموم .. الحمد لله موجود فن قوي جدا ومؤثر جدا في المجتمع الاسلامي
صحيح ان معظمه في مجال الموسيقي والاغاني والاناشيد والفيديو كليب .. بس ان شاء الله وباذنه تعالي قريب يكون كمان في مجال الافلام و السينما .. ادعوا انتو بس
;)

Enjy Badran said...

هههههههه
هو متهيألي أنا اللي سمعتها قبل كده لكن بالنسبة لك الوضع مختلف متهيألي إنك قلتيها قبل كده
منكم نتعلم يا
siku
بحبك أوي :)

Yasmen Refaat said...

وانا كمان بجد بموت فيكي يا انوووووووووووو
:X:X:X:X

Ayoy said...

للأسف يا يا جماعه انا كنت باتفرج كده علي كارتون من كام يوم و صجمت بقيم معينه فيه فعلا مش متخيله ان ده يتعرض لأطفال و لا كبار كمان حتي و حيث اني بصراحه باحب الأفلام و المسلسلات الاجنبي مش كلها طبعااااا بس ساعات للاسف كمان الاقيهم بيسخروا من العرب و قيم عجيبه علي قنوت عربيه ، يعني بندفع ليهم عشان يتريقوا علينا يمكن ده خلاني ابطل شويه و احاول اشوف حاجه أحسن