Pages

Sunday, January 3, 2010

لغتنا الجميلة



باستغرب جدا من اللي بيستبدلوا لغتهم بلغة تانية

حتى في مواقفهم اليومية العادية

زمان كان اللي عايز يتعلم العلوم ، لازم يتعلم لغتنا العربية الأول

دلوقتي العكس هو اللي بيحصل ومش كده وبس

ده إحنا كمان بقينا نستخدم اللغة دي في حياتنا اليومية

ومش كده وبس ده احنا بقينا بنتكلم بيها بس بنبدل حروفها بالحروف الإنجليزية

"فرانكو آراب"

كنت مرة باسمع درس ، ومش هاقول إسم الداعية علشان مش باحب التعصب

كان بيقول أي حاجة مرتبطة بالقرآن ربنا كرمها

يعني سيدنا محمد عليه الصلاة والسلام ، كانت رسالته القرآن

وكان هو خير المرسلين

اللغة العربية ، لغة القرآن

وأصبحت لغة أهل الجنة

إحنا ، نزل لينا القرآن

وكنا خير أمة أخرجت للناس

مكة ، نزل فيها القرآن

وأصبحت أم القرى

شهر رمضان ، نزل فيه القرآن

فأصبح خير الشهور

ليلة القدر ، نزل فيها القرآن

فأصبحت خير ليلة

فعيب أوي نتنكر من لغتنا الجميلة

أم اللغات كلها ، أحلى لغة في الدنيا

وممكن ترجعوا لبوست كنت كاتباه عن الفرانكو آراب

2 comments:

Laila Safoury said...

معاكي حق الواحد محتاج يغير نفسو فى الموضوع ده و فى شيخ كان بيتكلم ان فى ناس بتشارك فى اعدام اللغة العربية..

نسأل الله الهداية لنا و لكل شباب المسلمين..

جزيرة صغيورة said...

اللغة العربية من أجمل اللغات الحية و تشتهر بتعدد جذورها اللغوية...
كويس إن الواحد يعرف لغات تانية لكن المفروض التعلم يكون بغرض نقل العلوم الغربية