أبذر بذرة وماتخافش

السلام عليكم ورحمة الله وبركاته

ار بع وسائل تصيغ العقل البشري:

الاعلام:

اكثرهم انتشارا اسرع انتشارا واسرع تأثيرا لكن مش اعمقهم اثرا لو ابني مغروس جواه حاجة من صغره الف جهاز اعلام مايقدرش يغيرها

المدرسة:

نقص المربين والخبراء والاعداد المهولة

المسجد:

لو جبت واحد وجبتله احسن ناس يعلموه بس هو متربي في بيته وحش مفيش فايدة محتاج مجهود ووقت غير عادي

الاسرة:

اعمق تأثيرا

انت في ايدك تخلي ولادك يشوفه القناه ديه ولا لأ

وفي ايدك ولادك يروحوا المدرسه ديه ولا لأ

وفي ايدك ولادك يروحوا المسجد ده او لأ

**********

الابن يلاقي مناخ كويس في البيت يلاقي الاب بيطبطب على الام والام بتحترم الاب ويلاقوا الاتنين بيصلوا جنب بعض ويلاقوا الاب حريص ان فلوسه تيجي من مصدر حلال ويلاقيهم بيقولوا يتعامل مع الناس ازاي ويتأدب مع الناس ازاي ويلاقي حب بيحضنه في البيت

الولد ده لو اتربى كده ماتخافش عليه سيبوا يسافر بره وماتخافش مش هيضيع سيبه يتعرف على ده وده وده ماتخافش مش هيضيع حتى لو فترة المراهقة بعد شوية انت لو الاسرة بذرة البذرة كويسه هيرجع بعد ما هيخلص فترة المراهقة احسن مما كان وهيرجع زي ما كنت بتتمنى كأن ربنا بيقولك انت بذرت صح وانا مش هاضيع بذرتك ابدا