مشكلة وحلها -1

السلام عليكم ورحمة الله وبركاته

ازيكم يا شباب

في حاجة انا ملاحظاها بقالي فترة وللأسف الحاجة ديه انا اكتشفت ان ناس كتير جدا بتعملها
الشئ ده هو عدم التقدير وسوء الظن وعدم الترابط
ممكن تقولولي ايه العلاقة بين الحاجات ديه كلها هاقولكم اللي بيربط بينهم كلهم حاجة واحده ان نهايتهم واحده وهي الفرقة
فعلا الموضوع ده منتشر جدا يعني ممكن الأخ يقاطع أخوه بسبب مشكلة حصلت
مع أول مشكلة بجد تحصل يقاطعوا فيها

النهارده شفت فيلم الصبح كان بجد بيحكي قصه جميلة جدا
قصة ان الصداقة ديه معنى كبير اوي

بيحكي ان رجلين كان الناس بيحكوا ويتحاكوا عن حبهم لبعض وعن صداقتهم القوية وبيقولوا ان لو الاخوات فارقوا بعض دول عمرهم ما هيفارقوا بعض
صداقتهم كانت قوية جدا
المهم بعد مرور سنين كتير ما بينهم
الشيطان تمثل في صورة بني آدم وجيه واحد ووقع بينهم وبمجرد ان لما مشكلة كبيرة حصلت أدت إلى عواقب صعبة جدا
بدل ما كانوا يتناقشوا ويعرفوا إيه تفاصيل المشكلة ويحاولوا يتعاونوا ويحلوها لكن للأسف أول شئ فكروا فيها هو سوء الظن

مفيش أحسن من النقاش والثقة وحسن الظن وحاول تدي لنفسك فرصه تفكر بعدل بس مش قبل ما تسمع منه وحاول تفتكر المواقف الجميلة بينكم