دخلك ياطير ياللى طاير بلا ميعاد
سافر وسلم لي ع احبابي اللى بعاد
**
ناطر وانا قلبي
قاعد على نارين
مشتاق انا ليهم
والعين تلقى العين
***
شوقي لطلتهم
لما يدوموا بعيد
شوق الورد للمى
شوق الطفل للعيد
****
قلت انشغل عنهم
بيهم شغلت البال
بلشت اعاتبهم
ان يوم غيابهم طال
*****
احلم انا بيهم
واصحى بشوق جديد
واصبر عسى الله
بلم البعاد يريد
******
دخلك ياطير ياللى
طاير بلا ميعاد
سافر وسلم لي
ع احبابي اللى بعاد
0 comments:
Post a Comment