ستنصرون

في عالم يعتز بالرقص على الأشلاء

عندما نقف على أرض الواقع

السلام عليكم ورحمة الله وبركاته
عندما نحلم نطلق لخيالنا العنان ونعيش في احلام وردية ونتمنى أن تتحقق أحلامنا وأن نراها أمام أعيننا
ولكن...
حين نقف على أرض الواقع ندرك أن المسؤولية كبيرة ونتردد أنستمر في طريقنا أم ننسحب؟؟
تكلمت في مدونتي عن حلمي
حلمت أني أرى العالم كله يعيش كما أراد الله حلمت أن أولادي والمسلمين جميعا يقودون العالم وتمنيت أن أقود هذا المشروع العظيم
ولكن عندما بدأت في العمل به أدركت أني لست مؤهلة بالدرجة الكافية لأقود هذا المشروع وتحدثت مع صديقاتي اني أخاف من قيادة هذا المشروع وأود أن أعمل تحت قيادة شخص لديه خبرة كافية في القيادة
كنت تحدثت من قبل أني أعمل في أسرة في كليتي...
منذ حوالي أسبوعين عرفت أنني سأقود فريق
لا أخفي عليكم لا أستطيع أن أوصف مدى سعادتي بهذه الخطوة ولكني خفت ... خفت من الفشل ولكني سرعان ماطردت هذه الأفكار عني لأنني أنتابتني حالة من النشوة والسعادة.
هل حقا حانت اللحظة لاتعلم كيف أقود مشروع كبير ... هل حقا حانت اللحظة لأقود مشروعي
كنت قدت مشاريع سواء في الدراسة أو في أسرتي التي أعمل بها في الكلية ولكن توقيت قيادتي لهذا المشروع ومشروع كبير كهذا جعلني أشعر بأن الله معي في كل خطوة في مشروعي وييسر لي كل الأمور لتنفيذ هذا المشروع

كم أحبك يا الله

حلمنا لبلادنا

قريبا إن شاء الله

هل ممكن أن أغير حلمي؟

السلام عليكم ورحمة الله وبركاته

كيف حالكم ؟؟ اتمنى أن تكونوا بخير وتتمتعون بصحة جيدة
كنت قد قرأت في كتاب كتبت أخت مسلمة اهداف وضعتها في حياتها
كتبت في وثيقة أهدافها الشخصية :
التفاؤل وعدم اليأس.
تحري الحلال والحرام حتى لا أقع في الحرام.
لا تتعارض أهدافي مع أهداف من أحبهم.
العلاقات الإجتماعية ضرورة للحياة.
بر الوالدين فرض عين علي.
لا أخفي عليكم قد لفت إنتباهي هدف من هذه الأهداف وظللت أفكر فيه كثيرا
" لا تتعارض أهدافي مع أهداف من أحبهم "
فكرت كثيرا هل يمكن أن أحلم حلم وأجده لايتوافق مع من أحبهم فأتخلى عنه
هل يمكن أن تتخلى كاتبة هذه الأهداف عن حلمها لمجرد أنه يتعارض مع من تحبهم
هل يصل الحب إلى أن أغير مسار حياتي من أجل أشخاص أحببتهم
فكرت كثيرا وقلت وماذا وأحلامي هل سأتركها ولكني قلت إذا وضعت في إعتباري من أحبهم فالأمر سيتغير حتما لأنني ببعض التفكير والجهد أستطيع أن أحول نفس الهدف الذي كنت أنشده من حلمي ليتوافق مع أهداف من أحبهم فنعلو سويا

ولكني أفاجيء أننا في أوقات كثيرة قد نسبب أذى في مشاعر من نحبهم ونشعر أننا على حق حين يطلبون مننا ان يشاركونا احلامنا ويكون الرد هو عدم التوافق

اوقات يكون هذا الرد صحيح تماما قد تكون الاهداف مختلفة تماما وحينها يكون على صاحب هذا الحلم وهذه الأهداف أن يقرر

ولكن ماذا لو أننا نستطيع أن نشارك من نحبهم أحلامهم

أعلم أن كاتبة هذه الأهداف لاتقصد مشاركة من نحبهم أهدافهم ولكنها تقصد أن أهدافها هي لا تسبب أي أذى أو مشاكل لمن تحبهم ولكنني فكرت فيها أيضا من جانب توافق الأحلام والأهداف لأجل من نحبهم

إذا كان أساس العلاقة بين الناس هو الحب فستتغير حياة الناس للأفضل حتما

وشكرا

كلمني عربي

كل عام وأنتم بخير

السلام عليكم ورحمة الله وبركاته
كل عام وانتم الى الله اقرب *** وعلى طاعته ادوم
والى الجنه اقرب *** وعن النار ابعد
وفي سبيل الخير ان شاء الله

ارسم حياتك

ارسم حياتك!

كتابة ورسوم: د.شريف عرفة

في الحلقة دي هنتكلم عن خفة الدم..

دمك خفيف؟
ظريف يعني؟
بتعرف تنكت؟
مش هنتكلم عن خفة الدم اللي تخلي الناس تحبك وتتقبلك.. مش هاكلمك عن العلاج بالضحك اللي بقى مثبت علميا.. كل ده هاتكلم عنه بعدين.. بس اللي أقصده النهارده هو حس الدعابة بينك وبين نفسك.. بتعرف تنكت؟

بدل ما أقعد أسالك أسئلة كده ورا بعض.. خلينا نخش في الموضوع..

نظرتك للعالم

زي ما عرفنا قبل كده.. كلنا بنعيش نفس الواقع.. وكل واحد فينا بينظر للواقع ده بنظرة مختلفة.. والنظرة دي هي اللي بتحدد: هل أنت سعيد في حياتك أم تعيس؟ ناجح أم فاشل؟
في ناس بتنظر طول الوقت للنصف الفارغ من الكوب.. وفي ناس بتركز على النصف الممتلئ..

النص الفارغ..
الظريف في الموضوع إن في ناس كتير جدا جدا جدا بيتفننوا في التركيز على النصف الفارغ ده.. وبيقدروا يحولوا أي حاجة حلوة في حياتهم إلى حاجة بشعة جدا!

لو فقير: هيشتكي من قلة الفلوس..
لو غني: هيشتكي من كتر الفلوس والناس اللي بتطمع فيه طول الوقت..
لو صحته كويسة هيقول: أعمل إيه بالصحة من غير فلوس؟
لو معاه صحة وفلوس: هيشتكي من أي حاجة وخلاص.. هيكتشف حاجة يشتكي منها.. مش باقول لك بيتفننوا؟

عمرك قابلت حد من دول؟
أكيد!!
إنهم بيننا!

النصف الممتلئ..
فيه ناس بتركز طول الوقت في النصف الممتلئ.. مهما كانت المشاكل اللي حواليهم.. هيقدروا يكتشفوا حاجة كويسة يركزوا عليها..

فيه ناس كتير من اللي بيبعتوا لنا تعليقاتهم، بيقولوا إن الكلام ده نظري.. وإن الواقع زفت أساسا.. وإن مافيش حل.. وإن الحياة سودا وإن مافيش أمل في إن الواحد يطور نفسه للأحسن.. يعني إنت اتولدت كده، يبقى هتفضل كده.. هي دي الحياة عندهم!

عارف إن فيه ناس كتير هتبعت لنا تقول الكلام ده كله..
والناس دول هارد عليهم بنموذج حي من المجتمع بتاعنا.. شاب مصري قابلته واتكلمت معاه.. هاحكي لكم الكلام اللي قاله عشان نتعلم كلنا التكنيك ده منه..

خد الموضوع بظرف...

فيه طريقة فعالة جدا للتخلص من الضغوط ومواجهة المشاكل.. وده موجود فينا –احنا المصريين– من زمان..
الطريقة دي ببساطة هي:

خد المشكلة بخفة دم.. خد الموضوع بظرف.. ببساطة.. بضحك..
كده أي مشكلة هتعدي و مش هتسيب ندوب جواك!

فيه ناس كتير هتبعت تقول لي: يعني آخد الحياة تهريج وماواجهش أي مشكلة؟
أقول لهم: مش لازم أكتئب عشان أحل مشاكلي!!

كل كتب إدارة الضغوط والأزمات بتركز في حاجه مهمة جدا وهي إنك تعزل نفسك عن المشكلة... إنك تكون هادي.. ريلاكس!

وهو ده اللي باقوله دلوقتي.. المشاكل بتتواجه بكذا طريقة.. منهم الطريقة الفعالة اللي باقولها لك دي:
خد أي مشكلة بخفة دم!

اضحك على نفسك من الآخر يعني!! عديها وخليك كول!
وفكر بعد كده في حل المشكلة.. وأنت مرتاح وسعيد أساسا..
ما هي حياة واحدة اللي هنعيشها يا جماعة.. إن ماكناش هنعيشها سعداء، يبقى هنكون سعداء أمتى؟

القصة..

مش هاقول غير مثال واحد للفكرة دي..



مثال:
قصة الشخص اللي كلمتكم عنه.. فلنفترض إن اسمه "أحمد"..

"أحمد" ده أيها السادة شاب زينا.. من سننا..
شيك جدا.. مبتسم طول الوقت.. روش..
وبيشتغل في البوفيه في أحد الأماكن التي تنشر لي..

في أحد أيام الشتاء الماضي.. جلست معه بعد أن انتهيت من تسليم مقالاتي ورسومي.. ورحنا نتجاذب أطراف الحديث..

قال "أحمد":
شفت يا دكتور "شريف" المطر اللي غرق الدنيا امبارح ده؟ د أنا اتبهدلت فيه و الله..
(بالنسبة لي –كاتب السطور- كان أسوأ ما حدث هو أنني اضطررت لغسل السيارة مرة أخرى!)

تابع "أحمد":
احنا قاعدين في كشك أساسا.. اللي في الأرض اللي قدام دي..
بعد ما باخلص شغل بارجع أنام في الكشك..
تخيل يا دكتور؟ المطر نزل علينا صحانا من النوم.. تقولش السقف ورق؟؟
المطر نزل غرقنا.. والله العظيم بقيت زي الكتكوت المبلول..
أمي راحت باتت عند خالتي لأن المطر طول كذا يوم.. فضلت أنا والواد أخويا مع بعض في السيول دي.. كانت مسخرة..
صاحب الأرض دخل علينا لقانا نايمين قاعدين وكل واحد حاطط حلة على دماغه.. هاهاها.. كان منظرنا يفطس من الضحك..
قلت له مش تبني لنا سقف عدل بدل ما نتبل كده وتطلع عينينا؟؟
الراجل قعد يضحك وقال لي هيبني لنا بكره الصبح حاجه أحسن..
والله ظريف الشتاء ده يا دكتور.. كان يوم زي العسل والله!!!

سؤال:
لو إنت مكانه.. وحصل لك نفس الموقف ده.. هل هتنظر له بنفس خفة الدم؟
تعرف إن الموقف ده ممكن يتحكي بطريقة حزينة؟

قاعدة:
معظم المشاكل التي قد تواجهها.. لابد أن تجد فيها شيئا يصلح للسخرية!

جرب بنفسك:

خد عندك المشاكل دي جرب فيها مع نفسك.. حاول تحكيها بخفة دم.. السخرية كامنة في كل شيء وتنتظر فقط أن تلاحظها.. أنا رسام كاريكاتير وأعرف ما أتكلم عنه فلا تقلق.. ستجد السخرية.. كل شيء يصلح للسخرية.. فقط، ابحث عنها:

- انطردت من شغلك لأن المدير لا يحبك..
- اتزحلقت على قشرة موزة، رجلك انكسرت..
- تركتك الفتاة التي تحبها، وأحبت بطل الكلية في كمال الأجسام!

خليك مبتسم.. اسخر من هذه المواقف البلهاء المضحكة..
البكاء لن يفيد.. الحزن لا يحل المشكل بل هو خلاصة المشاكل نفسها..
حل مشاكلك ولا داعي لأن تزيدها تعقيدا..


كن سعيدا!! هكذا ببساطة..
حتى وأنت تواجه مشاكلك..

يمكنك أن تحزن طبعا..
يمكنك أن تبكي وتدمع عيناك..

لكن لاحظ:
أن الحزن اختيارك الشخصي..
كما أن السعادة اختيارك الشخصي!
لأنك أنت من يقرر طريقة تفكيرك ونظرتك للأمور..
وأنت حر يا صديقي?!

يــــــــــــارب وفقنا

السلام عليكم ورحمة الله وبركاته
بجد انا نفسي اكتب اوي لكن زي ما قلتلكوا كليتنا ديه رائعة بنحبها لدرجة اننا مش لاقيين وقت نعمل حاجة غير حاجاتها
ادعووووووووووولي عندي تسليم مشروع النهارده الساعة 9:30 ان شاء الله دعاء كتير كتير كتير

بعيد

السلام عليكم ورحمة الله وبركاته
إحساس مؤلم أوي لما تلاقي كل الأبواب مقفولة وإحساس رائع لما تلاقي باب بعيييييييييييييييييييييد مفتوح

فعلا انا معرفش

السلام عليكم ورحمة الله وبركاته
اوقات بنتوقع رد فعل ونفاجأ برد فعل تاني خالص
انا معرفش ده لاننا بنكون مش فاهمين الشخص اللي ادامنا كويس ولا لأننا منعرفش ظروفه ايه ممكن لو هو في ظروف تانية كان يقوم برد الفعل اللي توقعناه
ولا لإننا حطينا نفسنا في مكانة اعلى من اللي احنا فيها وادينا لنفسنا سلطات اكبر من اللي شخص ده حطيهالنا
فعلا انا معرفش

طيب وبعدين؟؟

السلام عليكم ورحمة الله وبركاته
لازم كلنا نقف ونقول طيب وبعدين
انا واقفة في مكان معين طيب وبعدين هل انا ماشية صح ولا غلط هل انا باتصرف صح ولا غلط
انا أنجزت عمل كبير اوي طيب وبعدين هل هاقف وهاقول انا هاكتفي بكده
أنا قمت بخطوات مهمة في حياتي طيب وبعدين
أنا فشلت في حاجة طيب وبعدين
طيب لو فشلت في حاجات مهمة طيب لو فشلت في حلم باحلم بيه
طيب لو ربنا أنعم عليا بنعمة كبيرة وبعدين هل انا عملت كده علشان انا شكرت ربنا قبل كده فهو اكرمني ولا انا وحشة اوي وربنا بيقولي انا معاكي وبحبك
طيب لو ربنا ابتلاني هل سأقف عند الإبتلاء وأبكي أم سأتذكر دائما أن الله لم يبتليني إلا لأنه يحبني
طيب لو كنت في محنة هل سأنغمس داخلها أم سأتذكر أن معي إله عظيم ما خلقني إلا لأنه يحبني و ما أوقعني في هذه المحنة إلا لأنه يحبني
لازم كلنا نقف ونقول طيب وبعدين؟؟

انا زهقت

السلام عليكم ورحمة الله وبركاته
انا بجد زهقت من الكلية بتاعتي بجد مرهقة جدا جدا جدا ومتعبة جدا جدا جدا
والأرخم من كده إني باحس إن في دكاترة بتتلذذ في إنهم يذلونا
والحمل تقل أوي علينا بناخد حاجات كتير جدا و تسليمات بالهبل إحنا خلاص جبنا آخرنا
أنا عمري ماعدى عليا ترم كده من أول ما كان عندي 5 سنين ل 18 سنة
وانا سمعت اكتر من مرة ان سنة تالتة في أي كلية بتبقى صعبة جدا أنا كنت بافتكر إن ده بيختلف من كلية لتانية وكنت فاكرة ان السنة دي هتبقى زي اي سنة في شغل جامد وكتير بس ماكنتش فاكرة ان الكلام بجد
انا معنديش مشاكل اني اشتغل بس نفسي ارتاح شوية
نفسي اقول لكليتنا بكل الدكاترة والمعيدين " ارحموا من في الأرض يرحمكم من في السماء "
يارب عدي السنة دي على خير

معا لنشر العلم

السلام عليكم ورحمة الله وبركاته
إنا لله وإنا إليه راجعون
بالأمس سمعت بالحادثة التي حدثت يوم السبت الماضي في كلية الدراسات الإسلامية بجامعة الزقازيق
حادث أليم وقع للطالبات وتسبب في وفاة عدد منهم

المؤسف أننا لاندري ماذا نفعل وقت وقوع الأزمات وفي حالات الطواريء أيتوجب أن يتعلم الإسعافات الأولية وماذا يحدث في حالات الطواريء على الأطباء والصيادلة فقط
لا والله يجب أن تكون هناك ندوات تقام في كل الجامعات والمدارس وللأمهات وفي كل مكان عن الخطوات اللازمة في حالات الطواريء وماذا نفعل إذا وجدنا مصاب
فإني أطلب من كل دكتور و صيدلي أن يقوم بعمل حملة واسعة لنشر هذا العلم وأطلب من كل طالب ومن كل أم ومن كل فرد أن يحاول تهييء الفرصة المناسبة في كليته ومدرسته وبيته وفي مجتمعه لنشر هذا العلم

معا لنشر العلم

كن جميلا ترى الكون جميلا

السلام عليكم ورحمة الله وبركاته
في أوقات غضبنا نقدم على أفعال نندم عليها عندما تذهب نوبة الغضب ونفكر بهدوء
فلماذا لا نمرن أنفسنا على التفكير وقت الغضب إنه مصطلح غريب "التفكير وقت الغضب" أو نعطي لأنفسنا الفرصة الكافية لإتخاذ القرار أي أننا لانتخذ قرارا إلا بعد أن نفكر جيدا وإن كنا لانستطيع أن نقوم بالتفكير والغضب في نفس الوقت إذن يجب علينا عدم الإقدام على أي أفعال إلا بعد أن نخرج من حالة الغضب تماما ونستطيع أن نفكر بهدوء
حتى لا يحدث مانندم عليه وهذا ما حدث معي اليوم:( فأطلب منكم الدعاء حتى لا أكرر ما حدث مني اليوم
ولكن الأفضل من كل هذا أن نتعود على كظم الغيظ

"كن جميلا ترى الكون جميلا"

فرانكو آراب

أكيد في ناس كتير سمعت مصطلح " فرانكو آراب " قبل كده وأكيد في ناس كتير بتستخدمه في حياتها

تعالوا معايا كده نعمل تجربة

كل واحد يفتح الماسنجر ويختار حد يكلمه

ويكتبله : هاو آر يو

آر يو فاين

ويكمله كتابه كده ويشوف رد فعل اللي بيكلمه ايه

يا إما هيضحك يا إما هيقول إيه اللي انت بتكتبه ده؟؟

من كام يوم كنت في ندوة وكان بيتعرض فيها فيديو الفيديو كان بالإنجليزي فكرت قلت طيب لو الفيديو ده كان بالعربي هل الناس هتتقبله ولا لأ ؟؟

المهم الفيديو اللي بعده كان بالعربي ما أكدبش عليكو جاللي إحساس بالقوة معرفش ليه حسيت ان الحروف العربية فيها قوة

باستغرب أوي لما ألاقي ناس بيكونوا سعيدين جدا إنهم بيتكلموا في كلامهم العادي بالإنجليزي ولو طلبت منهم يتكلموا عربي ياخدوا الموضوع بهزار وتريقة

للأسف أنا كنت واحده من الناس المبهورة باللغة الإنجليزية وده لأن المجتمع كان باني جوانا إن المتحضرين بس هما اللي بيتكلموا باللغة الإنجليزية

وده مش معناه اللي بيدرسوا اللغة الإنجليزية و يتقنوها ولكن معناه اللي بيتكلم عمال على بطال باللغة الإنجليزية وكأنها هي لغته أو كأنه بيتكلم مع أجانب

أخويه الكبير كان بيقولي إنه عايز يعمل حضانة لتعليم اللغة العربية بس أو بمعنى تاني تأسيس اللغة العربية عند الأطفال

وبعد كده اتفرجت على برنامج لدكتور إبراهيم الفقي وكان بيتكلم عن الإنتماء وأننا لازم ننتمي لأهلنا ووطنا وبلدنا وديننا ولغتنا

وقال اننا اوقات كتير بنكون عايزين نحسن اللغة الإنجليزية طيب ولغتنا احنا نهملها ونتركها

قبل رمضان كنت سمعت شريط عن الصيام فالمهم كان بيقول ان ربنا بيكرم اي حاجة ليها علاقة بالقرآن

يعني مثلا شهر رمضان أفضل الشهور – الأمة اللي نزل عليها القرآن " كنتم خير أمة " – الرسول الكريم اللي نزل عليه القرآن هو خير ولد آدم وسيد الخلق – الليلة التي نزل فيها القرآن خير ليله – واللغة التي نزل بها القرآن هي خير لغة في العالم هي لغة أهل الجنة اللغة العربية

وبعدين واحده صاحبتي كانت بتقرا كتاب مكتوب فيه ان اللغة اللي اسمها فرانكو آراب ديه لغة لا بتعلم اللغة العربية ولا الإنجليزية لغة كده بلا هوية

ولكني بعد مابهرت باللغة الإنجليزية وبدأت استعملها في حياتي زي مثلا أبعت رسايل اتكلم على الماسنجر وبعد ما اتعودت عليها وبقت ايدي واخده عليها ربنا كرمني بالمعاني الجميلة اللي في اللغة العربية قلت عيب أوي إني أكون عربية وباكتب وباتكلم بلغة تانية وحتى لو انا عايزة احسن الإنجليزي ما أهملش لغتي ده لازم الأولوية تكون للغة العربية اللي بإذن الله لو دخلت الجنة هاتكلم بيها إن شاء الله

يا جماعة الموضوع عايز ثقة في نفسنا وفي لغتنا لكن طول ما احنا مكسوفين من كلمة أو من مصطلح في لغتنا هنفضل طول عمرنا بنتعلم بالإنجليزي ونفكر بالإنجليزي ولسه ما خفي كان أعظم

تخيلوا معايا لو كل واحد بيقرا الموضوع ده بدأ ياخد على نفسه عهد إنه هيحيي لغته تاني وهينشر المعنى ده بين كل اللي يعرفهم وبدأ هو وصحابه انهم يفكروا في أفكار إبتكارية لنشر اللغة العربية ومش اللغة وبس ده اللغة العربية الفصحى

وأول خطوة نعملها إننا لما نتكلم مع حد على الماسنجر نتكلم بالعربي مش بالفرانكو آراب

واتمنى ان تكون المدونة ديه هي اللي بترعى أفكاركم أو تبعتولي على الميل ده

enjybadran@yahoo.com

وكل أفكاركم هتنزل على المدونة بإذن الله علشان نتناقش فيها وهتلاقوا إن شاء الله أفكار وإقتراحات وتنفيذ بإذن الله

معا لنشر اللغة العربية

Best Friend

The Best Kind of Friend is the kind you can sit on a porch and swing with never say a word , and then walk away with a feeling like it was the best conversation you’ve ever had .! , we won’t remember the words of our enemies, but the silence of our friends.

ملكنا هذه الدنيا قرونا

ملكنا هذه الدنيا قرونا********** وأخضعها جدود خالدونا
وسطرنا صحائف من ضياء **********فما نسى الزمان ولا نسينا
وكنا حين يأخذنا ولي **********بطغيان ندوس له الجبينا
تفيض قلوبنا بالهدي بأسا********** فما نغضي عن الظلم الجفونا
بنينا حقبة في الأرض ملكا **********يدعمه شباب طامحونا
شباب ذللوا سبل المعالي********** وما عرفوا سوى الإسلام دينا
تعهدهم فأنبتهم نباتا **********كريما طاب في الدنيا غصونا
إذا شهدوا الوغى كانوا كماة********** يدكون المعاقل والحصونا
شباب لم تحطمه الليالي**********ولم يسلم الى الخصم العرينا
وإن جن المساء فلا تراهم********** من الإشفاق إلا ساجدينا
كذلك أخرج الإسلام قومي **********شبابا مخلصا حرا أمينا
وعلمه الكرامة كيف تبنى********** فيأبى أن يقيد أو يهونا
وما فتئ الزمان يدور حت**********ى مضى بالمجد قوم آخرونا
وأصبح لا يرى في الركب قومي **********وقد عاشوا أئمته سنينا
وآلمني وآلم كل حر********** سؤال الدهر : أين المسلمون ؟
ترى هل يرجع الماضي ؟ فإني********** أذوب لذلك الماضي حنينا
دعوني من آماني كاذبات **********فلم أجد المنى إلا ظنوناً

أختي أحبك في الله

السلام عليكم ورحمة الله وبركاته

انا باشتغل في أسرة في كليتي إسمها أسرة حياة
السنة اللي فاتت اقترحت اننا نكرم الأوائل وقلت أنا هاجيب الهدايا على حسابي
الهدايا كانت بسيطة جدا وبأسعار رمزية جدا
المهم معرفش كان ايه رد فعل الناس بعد ماخدوا الهدايا ديه واعتقدت ان الهدايا ماعجبتهمش وانهم كانوا بيجاملوني بس ويقوليلي جزاكي الله خيرا دي حلوة اوي
النهارده كان في تكريم برضه من للأوائل لكن مش أنا اللي جبت الهدايا وماشاء الله الهدايا كانت حلوة اوي وشكلها هدايا قيمة وما أكدبش عليكوا جاللي إحساس بالضآلة اوي وقلت شوفوا انا جبت ايه وهما جابوا ايه
واضايقت شوية
المهم وانا باتوضا لقيت واحده صاحبتي ومن الاوائل اللي اتكرموا وقفت جنبي فافتكرتها عايزة تتوضا لقيتها بتقولي لأ انا عايزاكي في موضوع
المهم قلتلها ايه هو الموضوع
قالتلي انا هاطلب منك طلب وعلشان خاطري وافقي
قلتيلها ايه هو الطلب
قالتلي انا عايزاكي تاخدي الهدية ديه
انا ما عرفتش اقولها ايه
لقيتها بتقولي انتي اللي تستاهليها انتي ناسية السنة اللي فاتت لما نزلتي وجيبتلنا الهدايا
بجد انا ماكنتش قادرة أوصفلكوا مدى سعادتي وقتها
انا ماخدتش الهدية طبعا لانه تقدير لمجهودها لكن الكلمة ماتتخيلوش أثرت معايا ازاي
فرقت أوي
ما اقدرش أقول للبنت ديه غير اني بجد اكتشفت فيكي حاجات جميلة اوي ماكنتش اتخيلها
بحبك أوي في الله وربنا يجمعنا على حبه وطاعته في الدنيا ويكافئنا بالجنة في الآخرة إن شاء الله

بأعتذر يا جماعة عن اللغة العامية لكن كان نفسي بجد أعبر عن اللي جوايا

لماذا الإحراج؟

السلام عليكم ورحمة الله وبركاته

لماذا يحرج شخص شخصا آخر هل لأن له سلطة ونفوذ أم لأنه في مركز أعلى من الشخص المحرج
ولكن ماذا يستفيد الذي يحرج شخصا آخر هل يشعر بنشوة وانتصار ولا يفكر في الشخص الآخر
يـــــــــــــــ له ـــــــــــــــــــــــــا من شعور قاسي

يــــــــــــــــــــــــارب

ضاقت فلما استحكمت حلقاتها فرجت وكنت أظنها لا تفرج

السلام عليكم ورحمة الله وبركاته
اليوم كنت في مشكلة كبيرة وكانت مؤثرة علي سلبيا جدا
وضاقت بيا الدنيا
ولكن سبحان الله عندما تحدث لي مشكلة أدعو دعاء وبالفعل أجد المشكلة وكأنها لم تكن

"اللهم أجبر بخاطري"

هذا هو الدعاء ووقتها لا أدري بأي وجه أشكر ربي وأنا الأمة الفقيرة
ولكن ليس هذا فقط كل ما أعطاني الله ولكن في أوقات المحن تجد أناس لم تكن تتخيل يوما أنهم يفكروا فيك ويهتموا بحالك يقفون بجوارك وتشعر بقيمتك عندهم
من مشكلتي تعرفت على ناس من أقرب الناس لي وماكنت أعرفهم حق المعرفة
تعلمت من مشكلتي ألا أسيء الظن في الله في الأشخاص في المشاكل
قد تكون المشكلة سبب فرج كبير لك ولكن توكل على الله ولا تنسى

"اللهم أجبر بخاطري"

وجزاكم الله كل خير

حسن الظن

السلام عليكم ورحمة الله وبركاته
عندما تسيء الظن في شخص ما وتكتشف انه ماكان يستحق هذا الظن تشعر انك ظلمته
وعندما تظن في شخص ظن حسن وتجده عكس ذلك تشعر انك تصرفت التصرف الصحيح
من خبرتي المحدودة في الدنيا أجد أن الظن السيء يزيد القلب سوادا وكراهية ولكن الظن الحسن حتى ولو كان في غير محله ينير القلب ويزيده بريقا وراحة

جزاكم الله كل خير

السلام عليكم ورحمة الله وبركاته
شعور رائع عندما تشعر ان هناك من يهتم بحالك ويشعر بك ويقف بجانبك ويحبك
فلا أملك إلا أن أقول لهم أحبكم ولا أستطيع أن أكافئكم أو أصف لكم مدى تقديري لكم وحبي
لا أملك إلا أن أقول جزاكم الله كل خير وكافئكم من عنده

صفحة جديدة

السلام عليكم ور حمة الله وبركاته
اوقات نظلم اقاربنا واصدقائنا واحبابنا واخواننا وزملائنا وكل من حولنا بقصد او دون قصد
وليس الظلم هو ايقاع أذى مادي للمظلوم فقط ولكن قد يكون ظلم معنوي ايضا
من مظاهر هذا الظلم هو عدم التقدير او القسوة في التعامل او التقليل من شأن المظلوم او تحميله فوق طاقته
وفي رأيي ان هذا الظلم أقوى بكثير من الظلم المعنوي

وأقول لكل من ظلمته سواء بقصد او دون قصد اني اعتذر وارجو أن يسامحوني وسنبدأ صفحة جديدة ان شاء الله كلها حب وعدل في التعامل
ونقول وداعا للظلم

أرجو ان تسامحوني

وأطلب من كل من يشعر انه ظلم احد ان يذهب إليه ويطلب منه أن يسامحه وأن يدعو الله أن يصلح بينهم

قولوا آمين

أحبكم

إني أحبكم نعم أحبكم
أيام عمري كلها تدور حولكم
لأنني كما ترون قلب أختكم

أنا سعيدة جدا

السلام عليكم ورحمة الله وبركاته

أنا سعيدة جدا لأني أيقنت أني خلقت لأفرح وأسعد وليس لأحزن وأصبحت وأمسيت أوقن بهذا

خلقني الله لأفرح ولا مكان للحزن مرة ثانية فالخير والحب هو ماسيسودان قلبي وحياتي من الآن

فعندما توقن ان هناك من يحبك وخلقك لسعادتك ولرفعة شأنك حين توقن ان هناك من يحميك ويكتب لك الخير دائما وقتها فقط توقن ان ملك الملوك خلقك لتعسد وتحيا بفرح وحب

فوداعا يا دنيا الأحزان ومرحبا يا قلبا مليئا بحب الله وحب كل الناس وبحب نفسك لانك تستحق هذا الحب

لو عندي

لو عندي عمر يكفيني
لنشرت تعاليم الديني
مابين القاصي والداني
من أقصى المغرب للصين
لوأملك كل الأقلام
لرسمت جمال الإسلام
وهدمت جميع الأصنام
مابقيت عزمات يميني
لو اتقن كل اللهجات
لصرخت بسمع الأموات
هبوا لنجاة للحياة
لصلاة وسجود جبيني
لو أملك اسلوب عذبا
لفتحت به قلبآ قلب
وصببت الوعي به صبا
وسكبت خضاب الشرايين
أحلام الدعوة تغريني
ترفعني عن دنيا الطين
تخبرني أن الأنسان
يمضي قدما نحو الدين

ما أحلى هذه الكلمات

السلام عليكم ورحمة الله وبركاته
منذ حوالي سنتين حضرت مسرحية كانت بعنوان فيتنام 2 كانت أكثر من رائعة
وحزنت كثيرا ان يكون مارأيته كان تمثيلا وليس حقيقة
ولكني اعجبت جدا بالمسرحية فكم هي كانت فن هادف ومحترم ويناقش قضاية عصرية
كانت بالفعل مؤثرة جدا ومن الاجزاء ا للي اثرت فيا كان احد الممثلين يقول

عبده : (يتنهد) لما تروح هناك ... وتقابل سيدنا النبى عليه الصلاة والسلام ... قوله ... يا سيدى وياحبيبى وتاج راسى ... عبد الفتاح حسين الدهشان ... من مركز الشهداء منوفيه ... إبن نفيسة بنت الحاج زينهم ... بيسلم عليك ... بيسلم عليك أوى ... وبيقولك يا سيدنا المصطفى ... يا طه ... يا أبو الزهرا ... عبد الفتاح بيقولك ... ما تزعلش مننا ... أمانة عليك ما تزعل مننا ... أنى عارف إننا قصرنا ... وضيعنا كل حاجة ... بلد ورا بلد ... وبيت ورا بيت ... بس يا جد الحسنين ... آدينا واقفين هنا أهه ... شايلين الروح على كفوفنا .. وشايلين أكفاننا على كتافنا ... وحالفين ما حد يطول منك يا بغداد تمرة مسكرة ولا شربة مكررة .. ولا حتى نسمة هوا تهف بعد العصارى تملا النفس والجوف ...عايزك تقوله يدعيلنا ربه ... ما هو أصله بيحبه ... يرفع الغضب عنا ... ويرد اللى ضاع منا ... وعهد علينا ... ما ح ننام ولا تغمض عيونا ... لغاية ما الكلاب دول يخرجوا ... أو نجيله إحنا ع الجنة

ما احلى هذه الكلمات وما أروع ان تتحقق بأيدينا وأيدي أولادنا بإذن الله

خواطر

السلام عليكم ورحمة الله وبركاته
سمعنا كثيرا عن أهمية الهدف ولابد ان يكون لنا هدف وحلم نعيش من أجله
ولكن عندما تشعر بأن لك هدف وتسعى للوصول إليه الأمر يختلف تماما عن مجرد سماع كلام عن أهميته
استشعرت هذه القيمة في رمضان الماضي
عندما كنت صائمة كنت أحرص ألا أكل ألا أشرب ألا ألا ألا ألأ وكل هذا لان الله حرم هذه الأشياء لبعد المغرب وان كان منها محرما إلى يوم القيامة
فحينها شعرت بمدى أهمية الهدف هدفي هو فعل ما أمرني الله به إلى آذان المغرب فكنت حريصه للوصول إلى هذا الهدف بكل الوسائل ويا لها من سعادة لاتوصف عندما تشعر أنك قد وصلت إلى هدفك بنجاح

شاركنا برأيك

السلام عليكم ورحمة الله وبركاته
من أهداف هذه المدونة هي ان نتشارك الافكار فإني أرحب بأي مشاركة من أي زائر لمدونتي

الدعاء

السلام عليكم ورحمة الله وبركاته
يا جماعة ارجوكم الدعاء لابن اخويه
العملية النهاردة ان شاء الله

بإمكاننا التقدم ولكن

السلام عليكم ورحمة الله وبركاته

أترون مثلي كيف حالنا الآن وحالنا بالماضي
أترون كم أصبحنا متخلفين عن غيرنا
وليس هذا فحسب ولكننا أصبحنا نخجل ان نقول اننا ننتمي للأمة العربية من الأصل
بهرنا الغرب بأوهام وللأسف ذهبنا وراء هذه الأوهام
كنا بالأمس من الرواد ولكن الآن نحن من الأتباع
نقلد تقليدا أعمى
ولكن بإمكاننا ان نعود كما كنا ولكن أولا يجب علينا ان ننتمي ونفخر بأمتنا وديننا ولغتنا
أتدرون ان بالماضي اللغة العربية أسمى ما يميزنا عن غيرنا من الأجناس كان يكتب بها أغلب العلوم وكان يتطلب على اي فرد يريد ان يتعلم ان يتعلم اللغة العربية أولا كما هو حالنا الآن ولكن بالعكس
أترون معي ان التعليم الآن أغلبه باللغة الانجليزية
كيف لنا ان نرضى بهذا كيف لنا ان نرضى بعد ان كنا الأوائل نرضى بأن نكون توابع لهم
نتعلم لغتهم و نتبع موضتهم وننسى لغتنا وماذا بقى
نفقد هويتنا
كثيرا منا يعتقد انه اذا اتبع موضة الغرب و تكلم بلغتهم " أي أنه يصبح نسخة منهم" انه هكذا وصل إلى أسمى الأماكن ولكنه لايدري انه بهذا يقوي اساسهم ويضعف قوانا فرد من أمتنا ينتمى للغرب
انا لا اشن هجوما على الغرب ولا أقول انهم اعدائنا ولكن أقول ان لنا هوية وأمة يجب ان ندافع عنها
لا أقول اننا نترك العلوم الغربية ونبكي على حالنا ولكننا نأخذ منها ما يفيدنا فقط من علوم ومع ذلك يكون طموحنا وأهدافنا أعلى بأن في المستقبل ان شاء الله ما ندرسه يكون باللغة العربية
انني اتمنى ان تعود اللغة العربية لمكانتها الأولى وكل فرد منا له دور يشارك به
ولكن أولا يجب علينا ان نشعر بالانتماء للأمة العربية
يجب علينا أن نشعر كم كرم الله هذه اللغة وهذه الأمة
يجب علينا أولا ان نؤمن ان اللغة التي كرمها الله بالقرآن وبالجنة ستنتشر في يوم ما بنا ام بغيرنا
أفننتظر أم نسرع لإحيائها
سنتكلم ان شاء الله في المرات القادمة عن هذا الموضوع أكثر وأكثر

دخلك ياطير

دخلك ياطير ياللى طاير بلا ميعاد
سافر وسلم لي ع احبابي اللى بعاد

**

ناطر وانا قلبي

قاعد على نارين

مشتاق انا ليهم

والعين تلقى العين

***

شوقي لطلتهم

لما يدوموا بعيد

شوق الورد للمى

شوق الطفل للعيد

****

قلت انشغل عنهم

بيهم شغلت البال

بلشت اعاتبهم

ان يوم غيابهم طال

*****

احلم انا بيهم

واصحى بشوق جديد

واصبر عسى الله

بلم البعاد يريد

******

دخلك ياطير ياللى

طاير بلا ميعاد

سافر وسلم لي

ع احبابي اللى بعاد

ما أروع أن يكون الزوج والزوجة كهؤلاء

حبيبتــي . . .

حبيتك لإلتزامك حبيتك لاحترامك

حبيت فيكي التواضع والعزة اللي ف كلامك

مبسوط منك لأنك إسلامك كل همك

أنا أصلي قابلت بابا واداني فكرة عنك

وسألته عن طباعك إن كانت يعني هادية

فحكالي عن سماعك لكلامه وانت راضية

وازاي بتسلي نفسك بذكرك وانت فاضية

وحلاوة صوت تلاوتك وازاي بتكوني شادية

* * *

وسألته إن كنتي فاهمة معنى كلمة زوجين

قالي هتكونوا ورقة مطبوعة نسختين

غني كنت أو فقير ليك عند بنتي دين

سرك هيكون في بير معرفش مكانه فين

تفضل دايماً كبير في نظرها حبتين

لو جيت بفلوس كتير تطمن جت منين

* * *

هتكون دايماً معاها سيرتك هتكون هواها

والشوق اللي ف خيالك تلقاه لحظة لقاها

لو جيت زعلان ف مرة إرمي همومك وراها

ومهما شوفت بره مش هتشوف مستواها

واطمن يابني خالص عقلها مافيهوش تفاهة

وزي ما هي بنتي بنت حماتها وحماها

* * *

وسألته عن ولادي منك هيكونوا إيه؟

قاللي هيكونوا عادي فسألته يعني إيه؟!

قاللي العادي إللي كان عند الناس من زمان

العادي بتاع سراقة وحذيفة بن اليمان

العادي بتاع أسامة وابن الحكيم لقمان

ده العادي بتاعنا إحنا بنربي عليه عشان

لو جينا ولا رحنا هنقابل الرحمن

عمرك ما تخاف عليهم ولادك في الأمان

أنا بنتي هتربيهم ع السنة والقرآن

هتشوف ابنك بيصحى مادام سمع الأذان

ينزل في الفجر يقرا بالسجدة والانسان

هتشوف في حجاب بناتك العفة والإحسان

هتشوف إزاي مراتك هتعينك إنت كمان

* * *

وسألته عن حياتك من قبل الالتزام

قال أتذكر في ليلة مش فاكر أنهي عام

أذان الفجر أذن وقالتلي سيبني أنام

فدخلت الأوضه جوه أجيب منها الحزام

وعقبال ما رجعت تاني كانت رجعت ف الكلام

الله يجازي الشيطان خلاها تقول أنام

بس اطمن خلاص دلوقتي بقت تمام!

* * *

قدملي مكة كولا قاللي اتفضل وسمي

أحسن من سكة كولا صدقني وخدها مني

قلتله طيب ياعمي يسعدني أقولك إني

بطلب بنتك ونفسي تناسبني وترضى عني

راح شادد فجأه لبسي وقلب وشه وسألني

* * *

حافظ كم جزء يابني وقاري كم كتاب

احكيلي كده عن مؤته أوغزوة الأحزاب

وسمع كم حديث في الأخذ بالأسباب

وكمان سمعلي آيه ذكرت فيها الدواب

ولو شايفها صعبة قللي بتاعة الذباب

واحكيلي حلم يوسف وبراءة الذئاب

واخواته لما جولوه دخلوا من أنهي باب

واديني فكرة برضه بتقبض كم ثواب

وناوي ازاي تحسن أنا شايفك لسه شاب

* * *

وسأل نفسه وسألني هيعوز إيه يعني مني؟

لو عندي كل حاجه وديني مش شاغلني

أحسن لك تنسى بنتي ومهرك مش لازمني

قلتله صبرك ياعمي وبراحتك امتحني

يبقى اما أسأل تجاوب خليك دايماً فاهمني

سألتك وانت ساكت خليتني أظن ظني

وفضل يسأل واجاوب وعشان خاطرك عصرني

وظهرت النتيجة وبفضل الله قبلني

* * *

قاللي مقبول في نظري مبروك عليك ياسيدي

لكن في نظرها هي نجاحك مش بإيدي

وهي زمانها راجعة من تمرين السويدي

خليك قاعد شوية استنا لما تيجي

هعملك من إيديا كباية شاي صعيدي

* * *

سابني وقعدت أفكر هل ممكن ترفضيني

طاب قولي حتى أفكر مش يمكن تفهميني

وفضل مخي يلاعبني يجيبني ويوديني

وخايف م المقابلة مرعوب بينك وبيني

ودق الباب في ثانية وشوفتك مرة تانية

مش قادر أنسى يومها وفاكر كل ثانية

* * *

ونده والدك عليكي عشان أول لقاء

دخلتي وشوفت وشك عليه نور الحياء

نور والله فعلاً مش نور بودرة وزواء

كان أول مرة أخاف من فتنة النساء

أخلاقك مش عادية وجمالك كان شفاء

* * *

قعدتي جنب والدك وسألتيني وجاوبتك

وفكل مرة أجاوب كنت باشوف ابتسامتك

ف أقول من جوه نفسي يارب أكون عجبتك

وبعد شوية قمتي ندهت عليكي مامتك

ورحتي دخلتي جوه وراح وراكي والدك

وانا قلت مش مروح غير لما أكون خطبتك

* * *

وابوكي جاني تاني وقرب من وداني

لابس كرفته سوده وبدله لون فراني

المنظر يعني كله ميدلش ع التهاني

قلتله مالك ياعمي من فضلك قول عشاني

عرقي غرقلي كمي سايبني ليه أعاني

قاللي مستني إيه فين إيدك إديهاني

البنت مش موافقة تتجوز حد تاني

* * *

كان أول مرة أعرف إزاي الناس بتفرح

سعادتي كات غريبة مش ممكن هقدر أشرح

من كتر حبي ليكي نويت أضحي وادبح

رحت اشتريت خروف وكان خروف بينطح

ده أخيراً هبقى جوزك وشجرة صبري تطرح

* * *

خطوبتنا كات بسيطة مكانش فيها زيطة

وفرحنا كان في جامع يعني مش خلطبيطة

ومامتك جت في يومها ورقعت كام سويطة

هاتولي بنتي منه دي مش فاهمة العبيطة

إنه هيخطفها مني وهتوحشني الغتيتة

* * *

صعبت عليا مامتك الموقف كان شديد

لكن فعلاً خطفتك ورحنا مكان بعيد

فاكرة ولا انتي ناسية أكيد فاكرة أكيد

من يوم ما بقيتي زوجتي وانا متهني وسعيد

معايا ف كل يوم ويوم لؤاكي عيد

عمرك ما دقتي نوم وانا تعبان أو مريض

فلوسي كات بتكتر والخير عندك يزيد

وعامله ليه دفتر ومرتبه المواعيد

وبفضل الله قدرتي وجبتيلي الوليد

وبعديها بشوية جبتيلنا عليه يزيد

وبعديه جت سمية وآخرهم كان حميد

بدعيلك كل يوم وأفضل أعيد وازيد

ربيتي عيالي دول ع القرآن المجيد

طول عمرك وانتي صافية قلبك لون الجليد

أخلاقهم مش عادية طلعنلك مش بعيد

وليد دلوقتي ضابط ومعاه رتبة عقيد

ودعوة قلبي صابت ويزيد أهو مات شهيد

وبنتك صيدلية وحميد أصبح معيد

الله برحم أبوكي راجل من نوع فريد

كل اللي قاله فيكي أنا عشته بالتحديد

* * *

عشت معاكي ف حكاية أحلى وأجمل رواية

حكايتي كات معاكي وحكايتك كات معايا

اديتك كل عمري وهمك كان رضايا

وعمرك خدته منك وقربك كان دوايا

وخلاص العمر راح راحت أيام صبايا

ومسافر رحله صعبة وزادي مش كفايه

مش عاوز أشوف دموعك بالذات ف يوم عزايا

أنا عارف إنتي عارفة إن الموت مش نهاية

دي لسة الرحلة طالعة والموت خط البداية

إدعيلي يمكن أوصل وأشوف هناك حمايا

أنا عارف إنه فيها محجوزله هناك سراية

وسلامي في النهاية أنا خلصت الحكاية

لو يوم فكرتي فيه إقري شعري وغنايا

وأمانه ف كل مرة تدعي لي بالهداية

عسى ربي بدعائك يغفر ليا الخطايا

* * *