أسافر في الصباح ... علي الحجار

أسافر في الصباح أسافر في الغروب

هربان من الجراح ولا من الهروب

غريب شايف البراح أضيق من الدروب

ضاقت بي الفلا وضاق بي الخلا

مين خلا العين حزينة وجرح القلوب

يا بحر النيل يا باكي واسيني في الطريق

جريح عطشان وانت قاسي ما تبل ريق

ياريت تاخدني في حضنك يا ريتني فيك غريق

أسافر في الصباح وأسافر في الغروب

هربان من الجراح ولا من الهروب

خدني من غير رجوع باكي نسي الدموع

مين خلا العين حزينة وجرح القلوب

أسافر في الصباح وأسافر في الغروب

هربان من الجراح ولا من الهروب

برلمانى يتهم الموساد بتدمير متحف فى الشرقية

السلام عليكم ورحمة الله وبركاته

اللينك بتاع الموضوع ده اتبعت لي على الميل ، أنا لما قريته اضايقت أوي بس كنت فخورة جدا بالدكتور فريد أولا لإنه بيستخدم سلطته بصورة ما شاء الله صحيحة جدا وثانيا إنه خالي :D

أنا باتفشخر بيه :D :D

تقدم الدكتور فريد إسماعيل، عضو مجلس الشعب، بطلب إحاطة إلى كل من الدكتور أحمد نظيف، رئيس مجلس الوزراء، ووزير الثقافة، ووزير السياحة، ورئيس المجلس الأعلى للآثار، ووزير التنمية المحلية، بشأن أعمال التخريب التى يتعرض لها متحف "هرية رزنة" بالزقازيق بمحافظة الشرقية ومحاولات لطمس المعالم التاريخية التى يجسدها هذا المتحف، ومن أهما المجزرة الصهيونية فى حرب 1967 على مدرسة بحر البقر وراح ضحيتها العديد من أبنائنا التلاميذ الأبرياء، حيث تعتبر وصمة عار على جبين مجرمى الحرب من الكيان الصهيونى.

وقال النائب إن من أبرز المعالم التى تم التخلص منها دليل الإدانة للكيان الصهيونى عبر التاريخ، وهو إحدى القنابل التى تم إلقاؤها على مدرسة بحر البقر ولم تنفجر، وتم وضعها فى متحف هرية رزنة، لتكون خير شاهد وبرهان على إدانة هذه الضربة الغاشمة، هذا إلى جانب بعض مقاعد المدرسة المدمرة وبعض حقائب وملابس التلاميذ الملطخة بدمائهم.

وأشار النائب إلى أنه بالرغم أن أعمال التخريب وطمس الحقائق والمعالم التاريخية جاءت بعد زيارة قام بها وفد إسرائيلى لهذا المتحف، وبعدها تم تشوين كافة الشواهد التاريخية التى من شأنها دلائل برهانية على الجريمة الشنعاء التى ارتكبها مجرمو الحرب من الكيان الصهيونى فى حق الأطفال الأبرياء فى مدرسة بحر البقر فى جرار زراعى تم إخفاؤها والتخلص منها، ولا يعلم أحد مصيرها إلى الآن.

وتساءل النائب هل للموساد الإسرائيلى علاقة بأحداث التخريب التى ألمت بالمتحف، ومن المسئول عن أعمال الفساد المالى والإدارى الموجود داخل متحف هرية رزنة مع عدم صيانة وترميم الأشياء المتهالكة به، مثل دورات المياه والحديقة والغرف وغيرها؟.

وطالب النائب بتشكيل لجنة عاجلة لبحث هذا الموضوع الخطير، ومحاسبة المتسببين فى هذا الخراب المتعمد للمتحف، مع ضرورة تحويل ملفه للرقابة الإدارية والجهاز المركزى للمحاسبات، لكشف المخالفات المالية والإدارية الجسيمة داخل هذا المتحف.

منقول من موقع اليوم السابع

ممكن ترجعوا للمقال وتقروه وتشوفوا التعليقات من الموقع

الـــــــــــــعـــــــــــــــنــــــــــــــــــو ســــــــــــــــــــــــــــة

أنا الحمد لله اشتركت على منتدى كل الطلبة ، منتدى لطيف جدا ولقيت فيه موضوع جميييييييييييييييييييييل عن العنوسة :D

انا عايز اتكلم عن شوية خواطر كده جاتلي بعد ماقريب كتاب

" عايزة اتجوز "

لد.غادة عبد العال

اللي كان اصلا مدونة على النت مشهورة جدا

وطبعتها دار الشروق , وهي دار كبيرة ومرموقة ..


الكتاب كوميدي لاقصى درجة

انا عمري ما ضحكت على كتاب قد ماضحكت على الكتاب ده ..



لكن ..



الكتاب ده ياجماعة فتح عنيه بجد على حال البنات في مصر

بطريقة ماكنتش شايفها خالص ولا حاسس بيها

يمكن لاني انا معنديش اخوات بنات فمش حاسس بصعوبة الموضوع ..

المهم يعني ..




واضح كده ان عدد البنات في مصر اكتر من عدد الرجالة ..

ونسبة العنوسة كل يوم بتزيد بشكل ملحوظ

والبنت بتفضل عايشة في رعب انها ماتتجوزش

طيب معلش خليكوا معايا شوية

بجد وبقولها مش كلام ..

لو ربنا كاتب للبنت دي انها هتتجوز , والله لتتجوز غصب عن عينين كل الناس

ولو مش كاتب , يبقى مهما عملت , مفيش فايدة

يبقى الموضوع موضوع نصيب وقدر من عند الله يقدر به لمن يشاء

اول خاطرة بقه

ان البنات بتغفل على الجزء ده ... بجد والله

مع انه جزء مهم جدا في القضية ومحوري ...

وهو ان الموضوع بيد الله

فبدل ماتتجه لله وتدعي ان ربنا يرزقها بابن الحلال

بتعمل سلوكيات غلط علشان تتجوز

مثلا تحب واحد في الكلية علشان يتجوزها وكده يعني..

وفي فكرة طاغية عند الشباب الولاد في الكليات ,ان بنات الكليات دول داخليين في مهمة

الا وهي الحصول او الظفر بعريس

فالبنات بتتحايل على الولاد والولاد بتتحايل على البنات

لان فيه شباب كتييييييييييييييير حاطط مواصفات للبنت اللي عايز يتجوزها

وما بتبقاش المواصفات دي في البنات اللي بيكلمهم في الكلية ..

طيب بيدخل معاها في قصة حب ليه طالما هيا مش بالمواصفات ...

لعب وتهريج ..

وكما تدين تدان , ودقة بدقو ولو زدت لزاد السقا

وكل ماستفعله يرد لك ولو بعد طول حين...



د.غادة عبد العال بتقول ان البنت زمان كان مطلوب منها انها تقعد في بيت ابوها باحترامها
وابن الحلال هيخبط باب بيتها ...

لكن دلوقتي العملية بقت ملقاه على عاتق البنات بالكامل , لازم هي اللي تجيب العريس

لا حول ولا قوة الا بالله

انا هقول كلمة للبنات

قد يكون ابتلاء ربنا ليكي بعدم الجواز , اذا صبرتي عليه ورضيتي بقدر الله يمكن ربنا يدخلك الجنة بالعمل ده

واذا دخلتي الجنة ربنا هيعوضك عن كل كدر وضيق اتضايئتيه في الدنيا

فالموضوع قد يكون

محض ابتلاء

ويجب عليك الصبر ليرضى عليك الله وليكتب لكي الاجر

النقطة دي البنات غافلين عنها ..

يبقى انتي مازال ليس عليكي الا انك تقعدي باحترامك في بيت ابوكي

وتدعي ربنا انه يفرج همك ...

لانه هو الوحيد القادر على اصلاح حالك ....

تاني حاجة عايز اقولها

د.غادة بتقول ان البنت طول حياتها بتستنى اليوم اللي هتتجوز فيه وتربية الاهل بتبينلها ان هو ده هدفها الوحيد في الحياة

انها تتجوز

فهي بتقول ان ده غلط ... انا مش صفر على الشمال

انت ممكن تدمري حياتك بسبب الموضوع ده وتكتئبي بجد علشان ماتجوزتيش ..

لكن ده مش حل خالص .. ده مصيبة

انتي ممكن تتعاملي مع الموضوع ده بطريقة تانية خالص .. والله ده مش كلام في الهواء

الحكاية كلها Perspective وجهة نظر

وجهة نظر للحياة بطريقة مختلفة والغرض من وجودنا في الحياة ديه ايه في الاصل

اكيد مش علشان نتجوز ونخلف عيال وبس ..

الموضوع اكبر من كده بكتير

انتي يا اختي ممكن تكوني مشرقة في الحياة وسعيدة لو بصيتي للموضوع بمنظور اعمق

وبجد هقولك كلمة اعنيها تماما مش بطيب بيها خاطرك .. والله ابدا

يمكن تتجوزي راجل يكون هو اللي يدخلك النار

ولا حول ولا قوة الا بالله

فحالك من غيره والله احسن وافضل لدنياكي وآخرتك

قال تعالى :

( وعسى ان تكرهوا شيئا وهو خير لكم )

فكري في معنى الآية دي بعمق .. ارجوكي

انتي ممكن تعيشي حياتك زعلانه ومكتئبة ..

وممكن تعيشي حياتك وهي مليانة امل وود ورضا

الاختيار بايديكي ...




.