بحلم

1-
بحلم لو عاد الاسلام

بحلم لو عاد الاسلام يحكم من تاني
ويخلي صحاري الاوطان خضرا واماني
بحلم لو نسمة ايمان هزت اركاني
يجي الفجر ويضوي الليل حسنه الرباني

*****
بحلم ان العدل يسود
عدل عمر وجنوده أسود
تحمي العدل وعنه تزود
ما تخاف الجاني
*****
حلمنا وإتجمعنا صفوف
كفي في كفك نبقى ألوف
ونموت جوانا الخوف ونعود من تاني
*****
بحلم إن جيوشنا كتير
وسيف الدين عاد للتحرير
والأقصى ينادي يا امير طهر أركاني
*****
الحلم اللى القلب ناداه
شعب بيهتف باسم الله
ويخلي إمامه وهداه
نهج القرآن
*****
بحلم لو عاد الاسلام
يحكم من تاني
ويخلي صحاري الاوطان
خضرا واماني

2-

نفسي ألعب وخصوصا على المرجيحة ، نفسي ألعب على المرجيحة وأطلع لفوق أوي

3-

نفسي أتعلم ديني صح

4-

نفسي إخواتي يرجعوا :(

5-

نفسي أعرف أتعامل مع الناس بطريقة جميلة

6-

نفسي أكون سبب في إسلام الناس ، وأعرف المسلمين وغير المسلمين بالإسلام

7-

نفسي أختم القرأن

8-

نفسي يكون معايا فلوس كتير أوي ويكون كل مليم فيها لله

9-

نفسي يكون عندي ولاد وبنات يأثروا في كل مجالات الحياة

10-

نفسي أحب كل الناس وأحس بحبهم

11-

نفسي أحقق حلمي

12-

نفسي أتعلم أعمل لعب أطفال

أضحك معانا

ليه السمك بيخاف من اتصالات؟
علشان أقوى شبكة
طب ليه عملاء موبينيل محبوبين؟
علشان همّ أحسن ناس
طب ليه عملاء فودافون ما بيبردوش؟
علشان فودافون أقوى تغطية
*******
ليه القطار مهم؟
عشان تحتيه خطين
ليه سندوتشات الكفتة والبطاطس بتجري؟
عشان وجبات سريعة
*******
ليه اليابان معندهاش حنان؟
علشان في قارة آسيا
ليه البرازيل معندهمش تين؟
عشان في امريكا اللاتينية
ليه الفيل بينزل البحر بالشورت الاحمر؟
عشان الشورت الاخضر بيتغسل
*******
ليه الصعيدي بيحط جنبه منبهين؟
عشان واحد يضرب والتاني يحوش
ايه عكس نجيب محفوظ؟
نودّي محفوظ
ايه عكس طارق علاّم؟
طارق تحت اللاّم
*******

منقول

يمرون في حياتنا

لم أكتب هذه الكلمات فقد نقلتها من مدونة ، ولكنها تعبر عن كل ما بداخلي الآن

يمرون في حياتنا

يمرون في حياتنا.. يتركون لنا الكثير .. منهم من يترك صفحات بيضاء ناصعة نقية.. ومنهم من يترك صفحات سوداء قد لوثها حقدهم وكرههم..

يمرون في حياتنا.. فنحبهم ويحبوننا ولكن سرعان ما تفرقنا الأيام لنستيقظ على واقع لا نجدهم فيه وربما لا يجدوننا..

يمرون في حياتنا يتركون لنا ذكرى في قلوبنا ، قد فعلنا المستحيل لأجلهم لكنهم رحلوا.. كنا نظن أن رحيلهم مستحيلا.

يمرون في حياتنا يهدوننا أزهارا وعبيرا ،، وعطرا وياسمين.. لكن لا تلبث تلك الأزهار ان تذبل في أيدينا قبل أن نستنشق المزيد من عطرها..

يمرون في حياتنا نحفظ صورهم.. ملامح وجهوهم .. تاريخ ميلادهم..ما يحبونه ، وما يكرهونه.. نحفظ كل شئ عنهم لكننا ختاما نجدهم فقط صور مرت بنا يوما..

يمرون في حياتنا نكتب لهم الأشعار، ننمق الكلام لأجلهم، نتعلم لأجلهم حلو الكلام، أعذب الغزل، نمطرهم بشتى الألوان.. لكن في النهاية لا يتبقى معنا إلا اللون الأبيض والأسود .

يمرون في حياتنا فتكون حياتنا هي محطة انتقال لهم .. مجرد محطة وسيستقلون قطراً آخر في يوم ما.

يمرون في حياتنا.. فنبكي لأجلهم..نشتاق لهم .. يشغلون قلوبنا وعقولنا..فنناديهم مرات ومرات لكن يرجع إلينا الصدى بائسا... لم يصل صوتنا إليهم..

يمرون في حياتنا فنحتاجهم نحتاج إلى قربهم ، إلى دفء أحضانهم،، إلى نصيحة منهم عن مشكلة وقعنا بها،... نحتاج لكلمة جميلة نسمعها منهم حينما نحتفل بمناسبة ما هنا او هناك.. نبحث عنهم في الحاضرين فلا نجدهم.. فتترسم على وجوهنا خيبة الأمل..

يمرون في حياتنا.. نجد اسماءهم بين صفحات الكتب.. نجد آثارهم في كل ما يحيط بنا.. لا نحتاج لأن نفتش عن آثارهم فهي في كل شئ.

يمرون في حياتنا..ونتمنى أن يطول مرورهم هذه المرة,, وألا يغادرونا ككل مرة.. أن يظلوا بجانبنا .. فنحن نحتاجهم،، نحتاج حبهم،، اهتمامهم،، مساندتهم ،،نصائحهم،، نحتاج لرؤية ملامحهم من جديد.. لكي نستمر في الحياة.

عقبالنا

تباركت وتعاليت يا ربي

ذُكــر في الأثر . . أن إبلــيس جاء لعيســـى عليه السلام .. فقال له : ألـــست تزعم أنــه لا يُصيبك إلا ما كُتب لك؟

قــال : بـــلى،، قــال فارْمِ بنفسك من هذا الجبل، فإنه إن قُدِّر لك السلامــة .. تسلم

فقال يا مــلعون : إن لله عزوجلّ أن يختبر عباده ، وليـــس للعبد.. أن يختـــبر ربـــــــه

بل هي دوما الأشياء الصغيرة

الاشياء الصغيرة هي التي تتكرر كل يوم ،

قد تمر بصديق لك ومجرد أن تسأله عن أحواله يسعد ويشعر بإهتمامك ومن الممكن أن يزداد رصيدك عنده كما لو كنت معه في وقت شدة

قد تتصدق ببعض قروش قليلة كل يوم ، بإمكانها إسعاد المئات

قد تقول كلمة طيبة لأهلك ، لأصدقائك ، لكل الناس ،،، فالكلمة الطيبة صدقة

بإمكاننا كل يوم أن نفعل مئات الأشياء الصغيرة التي نكسب بها رضا الله ونكسب بها أيضا رضا الأهل والأصدقاء والناس

ليس صحيحا أننا نكسب الأصدقاء بالمواقف الشديدة فقط ، بل أيضا بالمواقف الصغيرة التي تحدث كل يوم

ومع الوقت يصبح لك رصيدا كبيرا في نفوس الناس

ومن لم يجعل الله له نورا ، فما له من نور

جاءنا هذا البيان العاجل

هذا وقد تم تحديد موعد غدا الاثنين الموافق يوم السادس من أكتوب لعام 2008 لعقد قران الآنسة آيات السيد في تمام الساعة الرابعة عصرا

وبمناسبة هذا الحدث السعيد فقد قررت أنا إنجي بدران أن أحضر هذا العقد إن شاء الله

يا طيور غردي يا ورود أزهري ، إنجي بنفسها هتحضر

الموج بيجري

يا شمس غيبى يا مراكب حلى
الموج بيجرى و أنا لسه محلى
يا شمس غيبى يا مراكب حلى
الموج بيجرى و أنا لسه محلى
زغلولي يا لولى امتى تطول طولى
تعرف تقول قولى و تعلم اللى جاى
و تعلم اللى جااى
يا شمس غيبى يا مراكب حلى
الموج بيجرى و أنا لسه محلى

حينها يدمى القلب

عندما تتشتت الجماعة وتتحول إلى فرقة ويصبح كل فرد في طريق

عندما تتبدل الكلمة الطيبة وتصبح غصة في حلق من يتفوه بها

عندما يصبح الحب واجبا وليس نابعا من داخل نفوسنا

عندما يجد الإنسان نفسه وحيدا في دنيا مليئة بالوجوه

حينها يدمي القلب وتدمع العين

فنحتاج إلى من يمد يده يمسح الدمع ، يداوي الجرح ، يحب حبا صادقا

نحتاج إلى الأب والأخ والصديق

كل عام وانتم بخير

وداعاً يا شهر القرآن.. وداعاً يا شهر الصيام والقيام.. وداعاً يا شهر الرحمات والبركات.. وداعاً يا شهر الجود والإحسان والخيرات..

وداعاً يا شهر التوبة والغفران والعتق من النيران.. وداعاً يا شهر الاعتكاف والخلوات.. وداعاً يا شهر الانتصارات والغزوات الفاصلات... وداعاً أيها الزائر العزيز... وداعاً أيها الضيف الكريم.

لقد انقضى رمضان وانصرمت أيامه ولياليه

لقد ربح فيه الرابحون وخسر فيه الخاسرون

فهنيئاً لمن صامه وقامه إيماناً واحتساباً

ويا خيبة من ليس له من صومه إلا الجوع والعطش

وليس له من قيامه إلا السهر والتعب هنيئاً للمقبولين

الصمت

يقال أن الصمت أبلغ لغات الكلام...

ويقال ان الكلام من فضة والسكوت من ذهب...

قيل الكثير عن الصمت......والكثير منا يعانون من الصمت...

ولكن ....!


ماذا تفعل إذا كان الصمت طبعك عند الحزن والغضب .. ؟؟

عندما يسيء اليك عزيز لديك بكلمة أو تصرف ...

فيلفك الصمت وتتجمد الحروف على شفتيك

وتتحجر الدموع في عينيك . ماذا تفعل ؟؟



إذا تجاهل هذا الشخص ألمك .. وتناسى إساءته ..

وتابع حياته معك وكأن شيئا لم يكن .. والصمت طبعك

والألم بداخلك يقتلك .. ماذا تفعل ؟؟



إذا تجاهلك عزيز لديك والتفت الى أولويات واهتمامات أخرى

وابتعد عنك .. وأنت تركض خلفه تريد احتضانه

ويستمر باهتماماته الاخرى .. فتتركه وتبقى مع ذكرياتك ....

يعود اليك لائما معاتبا متهما اياك بالبرود والابتعاد عنه ....

وانت بصمتك لاتستطيع ان تقول له انه المخطىء وترد على اتهاماته ...

وتبقى مع ألمك الداخلي لاتستطيع حتى أن ترتشف قطرة الماء

تشعر أن كل شيء فيك قد تجمد .. ماذا تفعل ؟؟




إذا تعلقت بإنسان وشعرت انك بوجوده معك قد ملكت العالم بيديك ..

واختفى من حياتك , وهو يعرف انه بتصرفه سيقتلك قلقا وخوفا عليه

ويتركك تنهار وتنهار وتتحطم ...... ويعود إليك معاتبا متسائلا لماذا تغيرت ؟؟
وأنت تقف حائرا وتشعر أن جميع حروف الهجاء قد اختفت من ذاكرتك .....

فالصمت طبعك .. ماذا تفعل ؟؟؟؟



عندما ينظر إليك الناس على انك متكبرمتعالي عليهم ..

ولكن حقيقتك ونقطة ضعفك أنك تخاف الاختلاط بهم خوفا من اية

اساءة مقصودة أو غير مقصودة تقف امامها عاجزا عن الرد .. ماذا تفعل ؟؟




عندما تهرب بصمتك ممن اساء اليك لتبكي بمفردك وتبكي ...
.
وعليك أن تظهر أمام الناس بانك سعيد وقوي.. مرح متفائل ...
ماذا تفعل ؟؟؟




عندما تشعر بأن قلبك اصبح اضعف من أن يحتمل المزيد من الالم ..

ممن حولك .. وأنت لاتعرف أن تتكلم عند الحزن والغضب ...!

ولا تعرف أن تلوم أو تعاتب ... ماذا تفعل ؟؟



عندما يحضنك ارق انسان واحن قلب عليك _ أمك _ وتبحث في عينيك

عن اسباب حزنك .. فأنت عاجز عن النطق وخائفا من أن تكتشف

بحدسها اسباب حزنك .... وانت حريصا على ان لاتسيء

امام الناس لمن كان سبب آلامك ... ماذا تفعل ؟؟




هل جربتم يوما شيئا كهذا ؟؟

هل احسستم بالم الصمت ؟؟




عند صمتكم بهذه الحالات لن تستطيعون الكلام ولا الشراب أو الاكل

قد تستمرون لساعات أو ايام حسب الإساءة .. يتبعها ألم قاتل

بالمعدة وتشنج ومضاعافات ذلك قد يستمر لاشهر .

ماذا تفعلون إذا كنتم لاتستطيعون التغلب على نقطة ضعفكم التي

هي صمتكم عندما يساء اليكم ؟؟

احترس من السمسم ... قصدي السيستم

نعم أنا حزينة

نعم أنا حزينة ،،،

حزنت عندما إستسلمت لمشاكلي وجعلتها تتحكم في بدلا من أن أسيطر عليها

حزنت عندما جعلت المادة تسيطر على الروح

حزنت عندما جرحت من لا يستحقون مني هذا

حزنت عندما أعطيت كل شئ حقه ونسيت حق نفسي

حزنت عندما بعد عني إخوتي

حزنت عندما تحدثت في وقت يحتاج مني الصمت

حزنت عندما رأيت ما في الكون من لهو وعدم جدية

حزنت عندما أدركت أني لا أستطيع أن أعيش في هذه الدنيا

ولكني سأكون أكثر حزنا إذا إستسلمت لأحزاني ،،،

نعم أنا حزينة ولكن بإذن ربي سأتغلب على أحزاني وأعيش بنفس مطمئنة وراضية

لو شفت المنظر ده هتعمل إيه؟

وصلني إيميل النهاردة لطيف جدا ، قلت لازم ابعته اقروه وردوا بأمانة :D

**********************************************************
تخيلوووووووووووا


بدون أي سبب


وف يوم من الايام
دخلت غرفتك


وفتحت النور
وفجأه



شفت المنظر ده



معقووووووووووووووووله



فركت عيوونك



وما زال المنظر قدامك



رجعت تقفل النور



وتفتحه



وتقرص نفسك



والمنظر قدامك
***
**
*
10
9
8
7
6
5
4
3
2
1
0
************ ********

هتعمل أيه ؟؟؟؟؟؟؟؟؟؟؟؟؟؟؟؟؟؟؟؟؟؟

عايزه أعرف أحلامكووووااااااااااااا كلها

ولااااااادنا

السلام عليكم ورحمة الله وبركاته

لما إتحجبت ، سألت بابا لو ما كنتش إتحجبت كنت هاتقولي إتحجبي ولا لأ؟

قاللي إنتي كبيرة وعارفة الصح من الغلط وعارفة إن الحجاب فرض ،،،

المهم أنا متحجبة بقالي 7 سنين ولسه ما نسيتش الكلمة ودايما بافكر إذا كان دي التربية الصح ولا لأ

يعني إفرضوا ماكنتش إتحجبت وفضلت طول عمري مش محجبة ياترى كان هيقولي حاجة ولا لأ؟؟؟

تفتكروا الطريقة الصح إننا نعرف ولادنا الصح من الغلط ونخليهم هما يختاروا الطريق اللي يمشوا فيه ، ولا دايما نحاسبهم ونوجههم ولو ما عملوش الصح نعاقبهم ، ولا نستخدم معاهم سياسة الإجبار .

كل سنة وأنا طيبة

يلا حالا بالا بالا حيوا أبو الفصاد ، هيكون عيدميلاده الليلة أسعد الأعياد

كل سنة وانا طيبة وعقبال 100 سنة في طاعة الله :)

النهاردة وبعد طول غياب كملت 20 سنة بحالهم

على فكرة أنا باقبل الهدايا طووووووووووول السنة

شفتوا حد بيعمل اللي أنا باعمله ده :D

كتبوا كتابك يا نقاوة عيني

إمبارح كان يوم كتب كتاب أختي ، كان يوم جميل جدا جدا جدا

والعروسة - اللي هي أختي - كانت جميلة أوي وعريسها - اللي هو زوج أختي - كان متألق

بجد كان يوم تحفة ، بس من أحلى الحاجات في الفرح كان البنات الجميلة اللي جت من كليتنا العظيمة

والناس كلها كانوا عايزين يبسطوا أختي بأي طريقة ،

ربنا يبارك لهم ويرزقهم الخير كله

ألفين مبروك

ما أحلى الفرح وما أجمله عندما يكون في الله ولله ،،،

بناء أسرة مسلمة من أحلى وأجمل الأشياء في الدنيا

والأحلى والأجمل أن نكون نحن من ننال هذا الشرف

على أد ما هتوحشني على أد ما أنا مبسوطة علشانها وهاطير من الفرح

قولوا معايا لأختي وزوجها:)

بارك الله لكما وبارك عليكما وجمع بينكما في خير

Funny Animation

Creativity or Destructively :D

Really it's a wonderful movie , hope you like it.

فينك يا سي السيد

أكيد كلنا شفنا الفيلم بتاع سي السيد وأمينة

وشوفنا إن الراجل كان بيشخط الشخطة الستات بيقفوا زي الأرانب

أنا طبعا مش موافقة على الموقف لكن موافقة على المعنى

الراجل زمان كان ليه هيبة ، لما كنا بنقول كلمة راجل كنا نقصد الشهامة والأخلاق والقوة في الحق

كان بيتدخل علشان يقوم أي شئ معووج

يا جماعة دايما الراجل في أي مكان هو اللي ليه أعلى سلطة وأعلى تقدير وإحترام

أكيد ربنا لما خلقنا ، خلى لكل واحد دور الراجل ليه دور والست ليها دور

لكن لما تتبدل الأدوار دي يبقى في حاجة غلط في المجتمع

من زمان واحنا عارفين إن الراجل هو اللي بيشتغل ، والست هي المسئولة عن بيتها وولادها

وأنا مش باقول إن الست تكون جاهله بالعكس العلم فريضة علينا كلنا ، وإننا نكون فاهمين الدنيا من حوالينا ده من أهم واجبتنا كمسلمين

لكن لما تتبدل الأدوار ، لما الشغل يحول الست لراجل والراجل لست يكون أكيد في حاجة غلط

لما نفاجئ إن الست بقت ظابط ولا وزيرة ولا حتى مديرة بس بقت مقصرة في دورها الأساسي ونلاقي الراجل بيشتغل في مجال التجميل ونلاقي اللي شغالين في محلات الكوافيرات رجالة ونلاقيه أحسن الشيفات رجالة أكيد يكون في حاجة غلط

لما الراجل يشتغل شغل الستات والست تشتغل شغل الرجالة يبقى إحنا محتاجين وقفة

أنا خايفة نتحول فجأة من سي السيد ، لست السيد

ده رأيي الشخصي ، الراجل ليه مكانه والست ليها مكانها

أي هذه العبارات تؤلمك

*عندما أفتح عيني يوماً على واقع لا أريده ...

* عندما أتمنى أن يعود زمان جميل انتهـى !!!

* عندما أتذكر إنسان عزيز رحل بلا عودة ....

* عندما أكتشف أن لا أحد حولي سواي ...

* عندما أقف أمام المرآة فلا أتعرف على نفسي ...

* عندما أنادي بصوت مرتفع ولا يصل صوتي ...

* عندما أشعر بالظلم و أعجز عن نصر نفسي ...

* عندما أبدأ أتـنازل عن أشياء أحتاج إليها باسم ' الحب '

* عندما أضطر إلى تغيير بعض المبادئ لتساير حياتي ...

* عندما أضطر يوماً إلى القيام بدور لا يناسبني ...

* عندما أضع أجمل مالدي تحت قدمي كي أرتفع عالياً و أصل إلى القمـة ...

* عندما أصافح بحرارة يداً أدرك مدى تلوثهـا ...

* عندما أنحني لذل العاصفة كي لا تقتلعني من مكاني الذي أحرص على بقائي فيه ...

* عندما اشعر بأن هناك أناس فرضت علي الحياة وجودهم معي ...

* عندما أغمض عيني على حلم جميل و أستيقظ على وهـم مؤلم ...

* عندما أرى الأشياء من حولي تتلوث و تتألم بصمت ...

* عندما يداخلني أحساس قلق بأنني تسببت في ظلم إنسان مـا ...

* عندمـا أجد نفسي مع الوقت قد بدأت أتنازل عن أحلامي واحداً تلوى الآخر ...

* عندما أضحك بصوت عال كي أخفض صوت بكائي ...

* عندما أرتدي قناع الفرح كي أخفي ملامح الحزن عن وجهي ...

* عندما يداخلني إحساس بأني سبب تعاسة إنسان ...

سياسة الطناش :(

شفتوا مسرحية المتزوجون وأكيد فاكرين لما حنفي قال لنجاح الموجي .. إلا ايه رأيك في " سياسة الوفاق " يرد عليه يقوله : يا بخت من وفق راسين في الحلال ..

في سياسات في الدنيا كل واحد بيحاول يطبقها بطريقته ، وفي بعض الناس بتبني سياستها اللي تمشي بيها في الدنيا

يعني مثلا ممكن ناس تمشي بسياسة الحب ، وإنها تحاول تبني علاقات قوية وسعيدة مع الناس اللي حواليها

وفي ناس بتمشي بسياسة الإجبار وإستخدام السلطة ، ودي غالبا ما بتخلي الناس اللي حواليها ينفروا منهم

لكن في سياسة لطيفة جدا اسمها سياسة الطناش ...

وفي ناس اتقنت الموضوع ده ، يعني تلاقيهم عندهم أساليب متطورة في الطناش تكون بتتكلم معاهم في موضوع فيحاولوا يلفوا بالموضوع علشان ما يرودوش عليك ، أو تلاقيهم بيردوا على الحاجات اللي تعجبهم وبس

بس بجد سياسة تضايق أوي ، لما تحس إنك بتتطنش

وفي ناس بتحب تمشي بسياسة الإستغلال الصح، والناس دي بتستغل كل حاجة في إيدها إستغلال صح
يعني في ناس ما تخافش تقول كلمة حق مادام فيها لسان يقدر يتكلم ، بتمنع أذى مادام ليها إيد تقدر تشيل بيها الأذى ده ،

وفي ناس بتستخدم سياسة القوة الجسمانية ، اللي هو هامشي بدراعي ، واللي هيضايقني دراعي هو اللي هيتكلم

وفي ناس بتستخدم سياسة الصوت العالي ، خدوهم بالصوت ليغلبوكم

إمشي بالحق تنعم في الدنيا

يا ترى ليكي كام ضحية ؟؟

وقفتي في المطبخ قبل كده ؟؟

شوفتي طبخة في التليفزيون وعجبتك وقررتي أنك تجربيها؟؟

يا ترى كانت النتيجة زي اللي شوفتيها في التليفزيون ولا قررتي بعدها إنك مش هتدخلي المطبخ تاني؟؟

***********************************************************

مين فينا - نحن معشر النساء - ماكالتش أكله شهيه وأتمنت أنها يكون عندها الإمكانيات الجبارة في الطبخ وتعمل نفس الطبخة دي

وهتشعر بالثقة في نفسها - بفتح الفاء وليس بالسكون - لما تقوم بعمل طبخة وإن كانت بيض مسلوق وتلقى بها إعجاب كل اللي داقها

***********************************************************
على رأي المثل الطريق إلى قلب الرجل معدته

سمعنا أكيد المثل ده ، وكل واحدة قبل ما تتجوز مامتها بتفطمها على كتالوج الجواز

الراجل ما يعيبوش إلا جيبه ، وقصقصي ريشه ،

المهم تعالوا نركز على المثل اللي فوق ده ، الستات نوعين

يا إما واحدة من قبل الجواز تكون أستاذة في الطبيخ ولا الشيف أسامة السيد في زمانه وفي نوع تاني يا عيني بتجرب في اللي مامته داعياله وكانت من نصيبه ومرة تصيب ومرة تخيب

***********************************************************
بس أحلى حاجة فينا - معشر النساء برضه - إننا لما بنبدأ نطبخ بندوس جامد مش مثلا نجرب في حاجات بسيطة زي نقلي بيض ، نحمر بطاطس لأ ده إحنا بنخش في المحاشي والمحمر والمشمر ، واللي يشوفنا وإحنا بنقطع البصل ونعصر الطماطم يقول علينا ولا منى عامر في زمانها ، وبعد ما الطبخة تخلص عربيات الإسعاف ما بتلحقش من كتر الضحايا

***********************************************************
يا ترى نحن يا نساء العالم كان من نصيبنا كام ضحية

السعادة

علمتنا الحياة أن السعادة ليست في خاتم سليمان ،،،

أو مصباح علاء الدين ،،،

أوثوب سوبر مان ،،،

أو مال قارون....

بل إيمان ثابت في القلب ، ورضا كامل بقضاء الله عز وجل

أمي

حقا الأم مدرسة ، نتعلم منها في كل موقف

لو رأيتموها اليوم لتعلمتم كيف يكون الحب

لو رآها كل إبن لأيقن أننا لو جلسنا تحت أرجل أمهاتنا طوال العمر ما نوفي حقهن علينا

شعرت اليوم كم هي عظيمة هذه الأم ، وشعرت بالندم من كل لحظة لم تكن هي من أوائل إهتماماتي

أحبك يا أمي

وووووووو

وووووووووووووووووو

ووووووووووووو

وووووووو

ووووو

ووو

وو

و

فاااااااااااااااااااااااااااااااااااااااااااااااااااارت القهوة

علمتني الحياة

لقد علمتني الحياة بأني .. أمر عليها مرة في الزمان
فإن كنت أعرف ربي ودربي .. نجوت وفزت ونلت الجنان

لقد علمتني الحياة بأني .. مزيج تراب وروح وماء
وأني ضعيف إذا كنت وحدي .. وأني قوي برب السماء

لقد علمتني الحياة بأني .. فتى عابر في الربى والحقول
فقلت وماذا أكون أجابت .. ألا فلتكن كالربيع الجميل

لقد علمتني الحياة بألا .. أطأطئ رأسي للنائبات
وأن أحتمي في ظلال اليقين .. وبالصبر عند الأسى والصلاة

لقد علمتني الحياة التفاؤل .. في كل حال وفي كل حين
وأن التشاؤم ليس يحل .. بقلب فتى عامر باليقين

لقد علمتني الحياة الصفاء .. وقد علمتني الحياة العطاء
فأمسيت للحب أحيا وصرت .. أجود بعمري كينبوع ماء

الصداقة

إنـ كانتـ الصداقة تنتهي بانتهاء اللقاء ~ ~ فتبا للحياة وتبا للأصدقاء !
وإن كانتـ الصداقة تعني الوفاء ~فيا ليتـ كل العالم أصدقاء !
وإن كانتـ الصداقة تمحو الدموع وترويـ الزهور وتضيـ ء الشموع
فهيّا يا صداقة أنيريـ حياتيـ ولا تتركينيـ أذرف الدموع

عندك كام سنة ؟

انت عارف ان عمرك مش كله عمرك ..؟! يعني اللي عشته ...مش كله عشته ... يعني عايز اقولك : ان انت مش كلك انت .. فاهم حاجة ؟؟؟؟؟!!! طبعا لأ وعندك حق بص يا سيدي .. في ناس بتعيش 100 سنة ولكن ....ماعشتش ولا سنة من عمرها وفيه ناس بتعيش 20 سنة ..بس بتعيش كل دقيقة في عمرها .. باختصار ... العمر الحقيقي مش هو اللي في البطاقة ..العمر الحقيقي حاجة تانية خالص ..شكل تاني ... ستوووووووووووووووووووووووووووووووب دي كانت مقدمة لموضوع جميل جدا قرأته على النت إمبارح سمعت جملة أكتر من رائعة كل يوم بيمر علينا بتمر بينا 24 ساعة وال 24 ساعة دول هيكونوا 24 خزنة هيتعرضوا علينا يوم القيامة فمين فينا عايز الخزنة تكون مليانة وتفتحها تحس إنها بتوصلك لهدفك الكبير ، ومين عايز يفتحها يلاقيها فاضية كل ساعة بتضيعها من عمرك معناها انك ضيعت 365 ساعة في السنة يعني حوالي 15 يوم أكيد كلنا بنضيع من عمرنا سنين وسنين ..واحنا للأسف مش حاسين ولكن يجب علينا ان نستثمر كل ثانية من وقتنا ..في عبادة ..في مذاكرة ..قراءة ..رياضة ..كتابة المهم يكون شئ مفيد ..ومنضيعش وقتنا من غير فائدة ..حاول تغير نفسك وبعد شهور جرب ان تلعب مرة اخري وانظر الفرق لتعلم عندك كام سنة ستوووووووووووووووووووووووووووووووب دي كانت نهاية لموضوع جميل جدا قرأته على النت فعايزين نملا الخزن ويكون عمرنا زي ما موجود في البطاقة نص منقول ونص مش منقول :D

إرمي بذرة ... هتطرح زهرة

لما ترمي بذرة في تراب ، البذرة دي بتكبر وتزهر

طيب إحنا مخلوقين من إيه ، مخلوقين من تراب

لو رميت بذرة طيبة في أي إنسان وسقيتها بالحب فالبذرة دي هتكبر وتزهر

ممكن تكون في مرة عملت موقف طيب في شخص فأثر فيه الموقف ده

ممكن تكون ابتسمت في وقت الناس من حواليك كانت محتاجة الإبتسامة دي

ممكن الناس اللي حواليك يحسوا بإهتمامك بيهم

إرمي بذرة وإسقيها بالحب هتطرح أحلى زهرة

من أرقى ما يتعلّمه الإنسان

من أرقى ما يتعلّمه الإنسان

في الحياة

أن يتعلّم

أن يستمع لكل رأي ويحترمه

وليـس بالضرورة أن يقتنع به

أن يتعلّم

أن يبكي ، فالبكاء راحة للنفـوس

شرط أن يمسح دمعـته

قبل أن يراها الآخرون

أن يتعلّم

أن لا يسرف بحـزنه وفرحه

لأن الحـياة لا تتم على

وتيرة واحدة

أن يتعلّم

أن لا يتدخّل فيما لا يعنيه

حتى ولو بالإشارة

أن يتعلّم

أن الأخوّة عطاء

ثم عطاء

ثم عطاء

أن يتعلّم

أنه عندما يغـيب المنطق

يرتفع الصراخ

أن يتعلّم

أن يتحمّل المسؤولية مهما عظمت

طالما تصدّى لها بكل إرادته الحرة

ويتحمل كافة نتائجها

أن يتعلّم

أن لا تكون نهاية علاقته

مع صديق

هي بداية كرهه له

فقد تنتهي المحبة

ولكن يبقى التقدير والاحترام

أن يتعلّم

أن يكون النجم الذي يقضي عمره

من أجل بث النور للجميع

دون أن ينتظر من أحد رفع

: رأسه ليقول له

شكراً لك

منقول

الذهب المدفون

الذهب المدفون

اشترى رجل من أحد الناس بيتًا، وعاش فيه، وفي يوم من الأيام كان الرجل يحفر حفرة في البيت، فوجد إناءً مملوءًا بالذهب، فاندهش، وبدأ يفكر، ويقول لنفسه: ماذا أفعل بهذا الكنز الكبير؟

وفي الحال تذكر الرجل الذي باع له البيت، فأسرع إليه والإناء في يديه، وقال له: يا صاحبي! هذا الإناء وجدته في بيتك الذي بعته لي.

فقال الرجل: إنني قد بعت لك البيت بما فيه، والذهب من حقك أنت.

واستمر الاثنان في خلاف حتى مر بهما رجل ثالث، فطلبا منه أن يحكم بينهما، فقال لهما: هل لكما أبناء؟ فقال أحدهما: لي ابن. وقال الآخر: لي فتاة.

فاقترح الرجل عليهما أن يتزوج الابن بالفتاة، وأن ينفق عليهما من هذا الذهب.

فوافق الرجلان على هذا الحكم، وشكر كل منهما صاحبه.

وهذه القصة مما حكاه لنا رسول الله صلى الله عليه وسلم في أحاديثه الشريفة

كلكم راع وكلكم مسئول عن رعيته

السلام عليكم ورحمة الله وبركاته
ازيكم يا جماعة ،،،

عارفين لما حد يكون فيه في إيده سلطة ويستخدمها في إجبار اللي تحت سلطته على فعل حاجات هو مش عايزها بيكون إحساس قاسي

والعكس صحيح ، لما حد يستخدم سلطته في منفعة الناس اللي تحت سلطته بيبقى شئ جميل

وأكيد كلنا حسينا بموضوع فرض السلطة والأمثلة حوالينا كتير وفعلا بيكون إحساس قاسي أوي بالإجبار .

لكن تعالوا أحكي لكم عن موقف عاجبني أوي لواحد أستخدم سلطته لصالح الناس اللي تحته ،

أنا رايحة إن شاء الله سنة رابعة في الكلية والمفروض إننا نتدرب في الصيف . المهم لقيت دكتور عمل تدريب للطلبة في الصيف والتدريب هيكون في الكلية ، يعني الطلبة هتدرب وفي نفس الوقت هتستريح من المشوار الصعب للشركات بجد الدكتور زاد في نظري أوي .

يا جماعة لو حد عنده سلطة بلاش يستخدمها في ضرر الناس أو إجبارهم لأن في حديث شريف بيقول
"كلكم راع وكلكم مسئول عن رعيته ، الرجل راع في بيته ومسئول عن رعيته ، والمرأة راعية في مال الزوج ومسئولة عن رعيتها ، والخادم راع في مال سيده ومسئول عن رعيته ، والإمام راع ومسئول عن رعيته ، ألا كلكم راع وكلكم مسئول عن رعيته" متفق عليه

أكيد كلنا تحت إيدينا مسئولية وأكيد في أكتر من طريقة تخلينا ننفع الناس بمسئوليتنا دي وبلاش سياسة الإجبار

! انقطاع تيار ... أم أزمة أمة

واعتصموا بحبل الله جميعاً ولا تفرقوا

في وقت تستقبل فيه الدول العربية مجرم الحرب ورمز الشر في العصر الحديث المعتوه بوش بالأهازيج والرقصات , تنقطع الإمدادات الإنسانية ويزداد الحصار و يكتمل بانقطاع التيار عن غزة قلب الأمة ونبضها ليخرج التيار المنقطع لسانه لولاة أمور الأمة قائلاً بلسان حاله : إنه ليس انقطاعي وإنما انقطاع الغيرة والنخوة والرجولة من معظمكم , إن انقطاعي بمثابة انقطاع الدم المسلم والغيرة العربية من عروقكم

يا أهل الإسلام بادروا بمد يد العون لأهلنا في غزة , بادروا بمد يد العون لأهلنا في العراق , بادروا بمد يد العون لأهلنا في الشيشان بادروا بمد يد العون لأهلنا في الصومال بادروا بمد يد العون لأهلنا في السودان بادروا بمد يد العون لأهلنا في كشمير بادروا بمد يد العون لأهلنا في سائر الأوطان الإسلامية للعودة إلى التحاكم لشرع الله وإعادة الطهر والنقاء والريادة لأمة الإسلام

منقول من موقع طريق الإسلام

الإسلام

لا يحاربون سوى الاسلام
لا تراهم يحاربون النصرانية واليهودية المحرفتين
لا تراهم يحاربون البوذية والهندوسية
لا تراهم يحاربون الكتب المختلفة إنما القرآن
لا تراهم يحاربون إلا محمدا - صلى الله عليه وسلم -

فلماذا هذه الهجمة المسعورة على الاسلام وشعائره وأهله؟؟

ومما هم خائفون ويرتعدون ..؟؟

ثبتنا الله وإياكم على الاسلام لا نترضي غيره دينا

منقول من موقع طريق الإسلام

سأعود

ان ضاق العمر بـأحزاني ؛؛

أو تاه الدمـع بـأجفاني ؛؛

أو صرت وحيدا في نفسي ؛؛

وغدوت بقايا انسانِ ؛؛

سـأعود أداعب أيكتنا

وأعود أردد ألحاني ؛؛

وأعانق دربا يعرفني ؛؛

وعليه ستهدأ

أحزاني ؛؛

جاهز ولا تفصيل

لما يكون في مشروع زواج ، كل واحد من الولد أو البنت بيكون حاطط مواصفات معينة عايزها في شريك / شريكة حياته

المهم لما بيتقدم وبيقعدوا مع بعض كل واحد فيهم بيكتشف صفات في الشخص التاني ممكن يكون بعضها من المواصفات اللي كانوا حاطينها وبعضها ما يكونش

يا ترى التصرف وقتها بيبقى إزاي ...

في بعض الشباب بيكونوا عايزين الشخص التاني يكون متفصل على المواصفات اللي حاطينها ، ولو لقوا في حاجة مش مطابقة للمواصفات :D

ممكن الموضوع كله يتفشكل

لكن الجزء الثاني من الشباب بيكون ليه تصرف تاني خالص ، لما بيلاقي بعض المواصفات مش موجودة بيحاول إنه يغيرها في الشخص ده ، مادام الشروط الأساسية موجودة فيه

يعني ما بيكونش الرفض أول إختيار بالعكس بيكون آخر إختيار

مادام الشخص قابل للتغير ، ليه ما نحاولش ومرة في مرة التغيير هيحصل إن شاء الله وهيكون مطابق للمواصفات :D

والجاهز مفيش أحسن منه :D

لحظات

في هذه الدنيا

تمر بنا لحظات جميلة نتمنى أن يقف عقرب الساعة عندها حتى نظل في هذه اللحظة وقتا طويلا

وتمر بنا لحظات قاسية نتمنى أن يرجع الزمان للوراء ونعيش حياتنا بدون هذه اللحظات

ولكن

مايمكننا فعله

أن نستمتع باللحظات الجميلة ونمتع بها من حولنا

وأن نتعلم من اللحظات القاسية ولا نقسو بها على غيرنا

... قد نختلف ولكن سنبقى

قد نختلف ولكن سيبقى بيننا خيط رفيع ولكنه قوي

وبقوته يبقي بيننا منطقة مشتركة

واحد اتنين

إحنا كلنا بنفضل الجزء العملي أكتر من الجزء النظري ، يعني لما بندرس في كلية بنحب إننا نطبق اللي بناخده بصورة عملية
لما بيكون مطلوب مننا نذاكر جزء معين بنحاول نخزنه في عقلنا بصورة تخلينا ما ننساش اللي قريناه

والموضوع ده بيتنفذ بأكتر من طريقة ، يعني ممكن مثلا نحول درس معين لرسمه كبيرة و نحطها على الحيطة في أوضتنا أو تحت زجاج المكتب علشان كل مانشوفها نفتكر الدرس بسرعة

وممكن إننا نكرر الكلام أكتر من مرة علشان نحفظه

ده وإحنا كبار كده وقربنا نتخرج ، طيب والأطفال الصغيرين اللي لسه بيتعلموا أ ب أو واحد اتنين

يا ترى الأطفال دي هتوصلهم المعلومة إزاي ، ممكن إننا نمثلهم درس في العربي مثلا علشان يفتكروه

ممكن نغينلهم أغنيه في الإنجليزي علشان تثبت

ممكن نجيبلهم مكعبات يتعلموا عليها الحساب

كل دي حاجات ممكنة ولطيفة وهتوصل للأطفال المعلومة بسرعة وبطريقة تجذبهم إن شاء الله

لكن اللي بيختلف هو طريقة تنفيذ الحلول دي

يعني خلوني أفكركم بأغنية كانت بتتقال للأطفال علشان يحفظوا بيها الأرقام

الأغنية بتقول

واحد ... اتنين ..... على و حسين
تلاتة ... اربعة ..... فى المطبعة
خمسة ... سته ..... قفلوا السكة
سبعة ... تمانيه ..... طبخوا البامية
تسعة ... عشرة ..... دشوا البصلة !!!


ممكن يكون كتير مننا سمع الأغنية دي قبل كده

وممكن تكون وصلت لهدفها بإمتياز وإن الأطفال فعلا حفظوا الأرقام دي

وجزاهم الله خيرا إنهم فكروا وعملوا أغنية تجذب الأطفال

لكن من رأيي إنه من الأفضل لو الأغنية إتقدمت بس جواها معلومة مفيدة

إنتم عارفين في قناة جديدة إسمها طيور الجنة بتجيب أغاني أطفال رائعة وأكتر من رائعة كمان

وبتجذب الأطفال جدا وجواها معاني وقيم غالية جدا

لو عايزين فعلا نقدم للأطفال حاجة تجذبهم يبقى نحط لهم جوا الحاجة اللي تجذبهم حاجة تنمي عقولهم وترسخ إيمانهم وعقيدتهم