استثمر طاقتك

لا تبذر طاقتك في معارك لا تفيد.. بل اختر ما يستحق أن تنفق فيه طاقتك!

فترة

أحتاج إلى تجميع زهراتي

!! وجدتها

أشعر بسعادة بالغة
وجدت ما أبحث عنه

الحب

الحب غير معنى الكون
خلا له شكل.. وطعم .. ولون

الحياة

الحياة حلوة ... بس نفهمها

لا تيأس

قد تكون أخطأت كثيرا ، مررت بحالات فشل
لكن لا محالة ستصيب يوما ما

لا حياة بدونك

حاول إقناعي بأن وجوده غير ضروري في حياتي ، أقنعته أن لا حياة بدونه

لا شئ

لا تبكي ... فلا شئ يساوي دمعتك في هذه الدنيا

يقين

وَلَسَوْفَ يُعْطِيكَ رَبُّكَ فَتَرْضَى

الدنيا جميلة

يا صحابي يا أهلي يا جيراني أنا عايزة أخدكوا في أحضاني

أمي

إليك يا أمي يا أحلى كلمة نطق بها لساني وفرح لها قلبي وضحكت لها عيني

إليك يا من فرحتي لفرحي وتألمتي لحزني و لألمي إليك يا أغلى ما في الوجود

إليك يا أمي

أمي يا لحنا أعشقه ، ونشيدا دوما أنشده ، في كل مقام أذكره ، وأظل أظل أردده

أمي يا روحي وحياتي ، يا بهجة نفسي ومناتي ، أُنسي في الحاضر والآتي

أُنسي في الحاضر والآتي

أمي يا لحنا أعشقه ، ونشيدا دوما أنشده ، في كل مقام أذكره ، وأظل أظل أردده

الله تعالى أوصاني ، في الجهر ووقت الإعلان ، بالبر لك والإحسان

بالبر لك والإحسان

أمي يا لحنا أعشقه ، ونشيدا دوما أنشده ، في كل مقام أذكره ، وأظل أظل أردده

أسمك منقوش في القلب ، حبك يهديني في دربي ، ودعائي يحفظك ربي

ودعائي يحفظك ربي

أمي يا لحنا أعشقه ، ونشيدا دوما أنشده ، في كل مقام أذكره ، وأظل أظل أردده

أمي يا روحي وحياتي ، يا بهجة نفسي ومناتي ، أنسي في الحاضر والآتي

وأظل أظل أردده

هل وجدت من يفهمك ؟

قرأت هذه الكلمات على منتدى أ مصطفى حسني ، حقا لا أستطيع أن أصف كم أثرت في هذه الكلمات وودت أن أنقلها لكم

السلام عليكم ورحمة الله وبركاته

هل وجدت في حياتك من يفهمك...؟؟

هل يوجد في الحياهـ من يشعر بأحاسيسك

يفهمك في كل أحــــوالك ،، يحس بكل ماتحس فيه

يتفهمك ويتفهم كلماتك وأسلوبك على حقيقتها وبصدقها

دون ان يفهمها ويأخذها بالظن السيئ ،،،،

هل صادفت وقابلت الشخص الذي يفهمك دون أن تتكلم

يترجم أحساسيك ومشاعرك إلى كلمات ليعرف مابك وماذا تريد ..

يقدر ظروفك عندما تمر بمنحنيات صعبه في الحياهـ

وتشعر بأنك في حاله غير مستقرهـ فيقف جنبك

بإحساســــــــــه الصادق

ومشاعــــــــــرهـ النبيله

يشاطرك أحـــزانك ،، و أفــــراحك

يسعى لينزع ويزيل عنك الدمعـــــه

حتى لو تطلب الأمر أن يأخذها عنكـ

يزرع على شفاتك البسمه

يتجاوب معك دون أن تتكلم

أو تطلب منه ،،،

ياله من شعـــــــــــــور رائع

وإحســــــاس جميل

لو وجدت مثل هذا الشخص

فستشعر معه بطعم الحياهـ وجمالها

كنز ثمين دائماً مانبحث عنه

ونـتمنى ان نجدهـ ،، ونحتاج ان يكون بجانبنا دوماً

فنظل

نبحث

نبحــث

ونبحــــث

ونبحــــــــث

فقد نجـــدهـ ،، وقد لا نجــــدهـ

:،،: فتساؤلي لكم:،،:

هل وجدت هذا الشخص وشعرت معه بهذهـ المشــــــاعر ؟؟

هل هو قريب أم صديق أم من عموم الناس ؟؟


.. همســـه ..
إجعل من مشاعرك قلمكـ ودعها تكتب إحساسها بكل صدق

وفي انتظار ما تبوح به اقلامكم

كم أشتاق إليكم

حين يجمعهم طريق واحد وهدف واحد وفكرة واحدة
حين يملأ عقلهم حب الإسلام ويسعوا لتمكينه في الأرض
حين يتحملوا الكثير ويقدموا كل غالي ورخيص في سبيل دين رب العالمين
حين تكون رسالتهم الأولى الحب والتسامح والإصلاح
حقا لم أر أناس مثلكم
عشت معكم وعرفتكم وأيقنت أن الحياة معكم ستختلف ، وقتها لا أتمنى إلا أن أصبح منكم أن أجاهد معكم
حقا إني أحلم كل يوم أني أصبحت واحده منكم
فأنتم أساس قوي تقفون على أرض صلبة
أنتم أملي في خدمة دين الله

الحمد لله

الحمد لله بدأت أول خطوة من خطوات حلمي ، ادعوا لي أن يوفقني الله

الحمد لله حمدا كثيرا طيبا مباركا فيه
يـــــــــــــــارب وفقني وخليني أشوف اللي باتمناه

يـــــــــــــــارب اجعلني ممن ينالوا شرف خدمة دينك

عقبالي :D

السلام عليكم ورحمة الله وبركاته
يا جماعة أنا بجد مبسوطة جدا جدا
أختي قبضت النهارده أول مرتب ليها في الشغل
أنا كنت مبسوطة أوي ، وجابت لنا تورتة جميلة واحتفلنا بيها
ياه شعور جميل أوي
نفسي أحس إني باخد فلوس نتيجة شغل
يلا عقبال كده تورتة الشهر اللي جاي إن شاء الله
:D

بيت العدل وبيت العوج

السلام عليكم ورحمة الله وبركاته

معرفش ليه بيقولوا على الجواز " بيت العدل "
مرة حماة أختي أتصلت فبتقولي يا رب يا إنجي أشوفك في بيت العدل وبعدين قالتلي أنا معرفش ليه بيقولوا بيت العدل هو يعني البنات قبل الجواز كانت في بيت العوج
مع إن أحسن أيام هي الأيام اللي عايشاها دلوقتي في بيت أبويه :D

بس طبعا ده ما يمنعش إن بيت العدل هيكون ليه مذاق مختلف
ده بقى بيت العدل :D

يا شعب

بإيديك وبإيدين الحبايب ... يا عاشق الاوطان ... هنعيد قمر مصر اللى غايب ... حرية الانسان … ونعيش فى حضن النيل حبايب ... بمنهج القرآن ...

إزاي نقبل لأجمل وطن … وأغلى شئ في الكون … يتهان ويبقى آخر الأمم … وحقه فينا يهون … والخوف جوانا أكبر صنم …فيه الفساد مرهون …

إخوان وفيه كتير زيهم بينادوا بالإصلاح … شايلين روحهم على كفهم بيقدموا الأرواح … لعيون مصر الحبيبة امهم … هيرجعوا الأفراح …

يا شعب يا كل عشاق الوطن … الصعب ممكن نعديه والمحن … لو كلنا بنقاوم وع الوطن ما نساوم … ولو صحيح نتعاون ضد الفساد والفتن

لو كنت مكانه كنت هتعمل إيه ؟

تخيل لو مسكت مكان في الدولة ، ممكن تعمل إيه

هل هتحاول تصلح الدنيا من مكانك ده هل هتستغله أحسن إستغلال ، ولا دي فرصه ما تتعوضش وهتستغل مكانك ده أسوأ استغلال وتحاول تستغل نفوذك ومكانك في مصالحك الشخصية ؟

طيب وليه نتخيل ما احنا فعلا كل واحد فينا ماسك جزء في الدولة ، كل واحد ليه بيت ، ليه شارع ، ليه مدينة هو يعتبر جزء منها يشوف هو عايز أملاكه دي تكون عاملة ازاي

المهم ... بمناسبة أملاك الدولة ، أنا لي خال - ربنا يوفقه ويحفظه - يبقى عضو في مجلس الشعب من سنة 2005 يعني فاضله كمان سنتين في المجلس إن شاء الله ، المهم أول ما ماما تقول ده خالو طلع في التليفزيون أقولها آه أكيد بينخانق

أنا مش قصدي بيتخانق بمعنى الخناق ، كل الحكاية إن خالو فريد كل ما كان بيطلع في التليفزيون كان بيتكلم في مشكلة من اللي بتحصل في الدولة ، وياااااااااااااااااااااه ياما خد كلام في الجرايد من اللي قلبك يحبه

أقرب وقت كان طالع فيه في التليفزيون كان يوم الاحد في برنامج العاشرة مساء وكان بيتكلم برضه على مشكلة ، بس للأسف أنا مش شفته بس كالعادة ماما بتقولي كان بيتخانق :D

أهو ده ربنا سبحانه وتعالى وفقه واداله مكانة في الدولة وبيحاول يصلح في الدولة من مكانه ، وما خافش على نفسه ولا على ولاده ، كان حاسس إن ليه رسالة وإنه مسؤول في مكان هيتحاسب عليه أدام ربنا سبحانه وتعالى

قال كلمة حق وما خافش من حد ، بيعجبني أوي خالي ده :D

حاول في مكانك تكون مؤثر تغير الحال للأفضل لأننا كلنا مسؤولين ادام ربنا سبحانه وتعالى

وفكر لو كنت مكان خالي كنت هتعمل إيه ، هل كنت هتحاول تشوف فين الغلط وتصلحه ولا هتخليك جنب الحيط ؟

وأديكوا عرفتوا إني مسدونة على حيطة جامده يعني ممكن اوديكم كلكم ورا الشمس :D

حقق حلم بنشر العلم

طبيب ، مهندس ، أديب ، كاتب ، عامل ، محامي

أيا كان مجالك ، في يديك كنز غالي لا تحبسه داخلك

بإستطاعتك أن تزكي عن علمك

بإستطاعتك أن تتميز في مجالك

كن متميزا في مجالك

زكي عن علمك بنشر ما تعلمته وسط الناس

فإن كنت طبيبا

علم الناس مبادئ الطب ،

كن أول من يجمع مجموعات يعلمونا الإسعافات الأولية

وفي جميع المجالات أنتشروا ،

أنشروا علم حققوا حلمنا بالتميز والتفوق

و حقق حلم بنشر العلم

خاطرة

السلام عليكم ورحمة الله وبركاته

النهارده جيه في بالي خاطر وكنت عايزة أشاركم فيه

فكرت إحنا ليه عايشين في عالم كله حروب وفقر وتخلف

ليه مش بنجمل المكان من حوالينا

ليه مش بنرقى بنفسنا وبآدميتنا

قلت الحروب والتعب والذل اللي إحنا فيه ده سببه إن في بلاد بيحلموا بالسيطرة وماعندهمش مانع تماما إنهم يضحوا بأنفسهم وبكل ما يملكوا في سبيل السيطرة دي في سبيل ملك الدنيا في سبيل باطل أو بلاش نقول باطل في سبيل شئ منتهي

وعلشان يملكوا السيطرة على البلاد دي لازم يسيطروا على شعبها على ثقافتهم على علمهم على تقاليدهم وللأسف نجحوا

وإحنا لما أهلنا وولادنا يكونوا عايزين يحاربوا نمنعهم بدعوى إننا خايفين عليهم

شاغلين نفسنا بمشاكل صغيرة جدا ، شاغلين نفسنا بمكانتنا العلمية أو العملية في الدنيا ودي حاجة جميلة بس ما ينفعش تكون لوحدها ، نسينا حاجات جميلة أوي زي الفردوس الأعلى زي الجنة زي الإسلام

للأسف الشباب تفكيره بقى متدني جدا ... أوقات بابقى قاعده في المحاضرة وأشوف الدفعة بتاعتنا واحلم إننا كلنا اتجمعنا وكونا جيش قوي ننصر بيه الإسلام

النهارده قرأت إن في بلد عملت فيلم تسئ فيه للقرآن الكريم ، وبلاد تسئ في الرسول ، وبلاد تحاربنا ، وبلاد تذلنا

طيب أبسط شئ نعمله إننا نحس بالمشكلة اللي إحنا فيها إننا نغير على ديننا وعلى إخوانا وعلى آدميتنا ونبدأ ناخد خطوات إيجابية ، نصلح من أنفسنا ، نصلح حوالينا ، ما نخليش تفاهات تتحكم فينا وفي قراراتنا وتصرفاتنا

مش هننتصر غير بتمسكنا بدينا ، مش هننتصر غير لو كنا أد المسؤولية ، مش هننتصر غير بالعلم والتفوق

بجد يا جماعة إحنا لو فضلنا كده هنشوف أيام ربنا وحده يقينا شرها

نحاول نصلح من نفسنا نجاهد نفسنا ونترك معاصي كنا بنعملها

نحاول نصفي نفوسنا ونسامح أي حد ضايقنا ، نجري على أي حد كان زعلان مننا ونصالحه

بجد يا جماعة إحنا مش ينفعنا غير إن المسلمين يتحدوا

كان في إعلان جميل أوي كنت باشوفه بيجيب الناس من كل بلاد العالم ويقول هؤلاء أهلي

أيوه كده فعلا ، المسلمين كلهم أهلنا إحنا كلنا عيلة واحده عيلة مترابطة

يلا يا جماعة ندعي ، نقاطع ، نصلح

لو كنتي مكانها هتعملي ايه :)

اتنين متجوزين من عشرين سنة ..

قرروا يروحوا يصيفوا ع البحر بنفس الفندق اللي قضوا فيه شهر العسل أيام زمان ..

لكن الزوجة كانت مشغولة فاتفقت مع زوجها على إنه يسافر لوحده

و هي ح تلحقه بعد يومين ..

وصل الزوج ع الفندق و دخل الغرفة

فوجد كمبيوتر بالغرفة و متوصل بكابل الإنترنت فقال: يبعت إيميل

لزوجته يطمئنها فيه على أحواله ..

بعد ماكتب الرسالة وهو بيكتب عنوان البريد الالكتروني لزوجته

أخطأ في كتابة حرف في العنوان ..

وبالطبع راح الإيميل لشخص تاني ، وكان ها الشخص أرملة لسة راجعة

من مراسم دفن زوجها اللي توفاه الله بنفس اليوم ..


الست الأرملة فتحت الكمبيوتر بتاعها لتقرأ إيميلات التعازي ..


وقعت ع الأرض مغمى عليها بلحظة دخول ابنها إللى حاول يسعفها

بكل الطرق و لم يفلح في إفاقتها

نظر الابن إلى كمبيوتر والدته و قرأ الرسالة التالية :

زوجتى العزيزة .. وصلت بخير .. و يمكن تتفاجئي لأنك ح تعرفي

أخباري عن طريق الإنترنت

لأنه دلوقتي بقى فيه كمبيوتر عندهم و يقدر الواحد يبعت أخباره

لأهله و أحبابه يوم بيوم

أنا بقى لي ساعة واصل

و تأكدت إنهم جهزوا المكان و كل شيء

و مش باقي غير وصولك لعندي هنا بعد يومين .. إشتقت لك كتير و

مشتاق أشوفك و بأتمنى تكون رحلة سريعة زي رحلتي

ملاحظة : مش ضروري تجيبي ملابس كتيرة معاكي لأنو هون الحر

كتير كتير قوي ، يعني جهنم !!!!!!

مجروحين و جارحين

تعجبت من أشخاص يداوو جراح غيرهم وهم جرحى
تمنيت أن أكون مثلهم ولكن جراحي صرخت ومنعتني

وتعجبت من أشخاص يجرحوا غيرهم دون مراعاة جروح الآخرين
أتمنى ألا أكون منهم

انتحار هندي

انتحار هندي !!!!!!!!

هندي أسمه كومار عايش في عمارة من ثمان طوابق

جت له مكالمة هاتفية من الهند , و المتحدث يقول له :

راجو باي , تومارا ما, تومارا با , تو مارا بجا , تومارا بيتي ,

تومارا بيبي , تومارا باي , تومارا بهن سب مرقيا

(( يعني أخي راجو , أمك , و أبوك , و أبنك , و بنتك , وزوجتك , و أخوك , و أختك كلهم ماتوا )) .

فما كان من راجو إلا و حذف نفسه من الطابق الثامن

لما وصل إلى الطابق السابع تذكر أن امه ماتت من زمان
لما وصل إلى الطابق السادس تذكر أن أبوه مات من زمان
لما وصل إلى الطابق الخامس تذكر أن زوجته ماتت من زمان

لما وصل إلى الطابق الرابع تذكر أنه ما عنده عيال
لما وصل إلى الطابق الثاني تذكر أنه لا عنده أخو و لا أخت

لما وصل إلى الأرض و مات شر موته تذكر أنه كومار و ليس راجو وووو

السعادة

انظر بتمعّن إلى الصورة
سوف تجد أنه ليس هناك مكان كاف للنوم، ومع ذلك فقد استطاعوا أن يجدوا مكاناً لنوم القط والكلب
الماء يتساقط من السقف ومع ذلك فقد ارتسمت على وجه الأب ابتسامة مسالمة وهو ممسك بالمظلّة فالمشكلة ليست معقّدة
قدم السرير مكسورة ومع ذلك قطعتان من الخشب أو الأحجار كفيلة بالقيام بالمهمة كأفضل ما يكون
*******
ليس السعيد في هذا العالم من ليس لديه مشاكل ولكن السعداء حقيقة هم أولئك الذين تعلّموا كيف يحلون مشاكلهم ويقتنعون بتلك الأشياء البسيطة التي لديهم نصيحة مني.. احتفظ بابتسامتك دائماً مهما كل الظروف

منقووول

بحبكم

أنا بحبكم أوي أوي أوي
بحب كل الناس
:)
أي حد عملت فيه أي حاجة ضايقته أرجوك سامحني
ويلا نبدأ صفحة جديدة
أنا في نعمة كبيرة إني أعرف ناس زيكم
بجد أنا سعيدة جدا بكل اللي بيشرفني ويدخل مدونتي ويقرا الحاجات البسيطة اللي باكتبها
بجد باشكر كل واحد حسسني في لحظة إني ليا مكانة كبيرة في حياته
باشكر كل واحد حسسني بحبه لي
بجد باشكر كل واحد استحملني في كل وقت كنت فيه باتصرف تصرفات سيئة
وباعتذر لكل واحد ضايقته وكنت سخيفة معاه

رايح جاي FCI

كليتي العظيمة ، كلية الحاسبات والمعلومات

كل يوم بانزل من الساعة 8 وارجع الساعة 8 برضه ، سبحان الله ما بتأخرش

بس الأولى 8 الصبح والثانية 8 بالليل

اللي يشوف كده يقول إحنا بنخترع الذرة

بس بجد أنا باستمتع بالشغل فيها ، ومضايقة أوي إني قربت أتخرج

بالرغم من إنها بتطلع عنينا وبنتعب فيها لكن أنا بحبها جدا

وصحيح إن الدكاترة بيطلعوا عنينا في مشاريع وواجبات ولكن في الأول والآخر هما عايزين مصلحتنا

وعلى رأي الشاعر لما قال

اصبر على مر الجفا من معلم ****** فإن رسوخ العلم في نبراته
من لم يذق ذل التعلم ساعة ****** تجرع ذل الجهل طول حياته

وواحد تاني قال

أخي لا تنال العلم إلا بستة ***** سأنبئك عن تفصيلها ببيان
ذكاء ، وحرص ، واصطبار ، وبلغة *****وصحبة استاذ وطول زمان

... بيسألوني عن معنى كلمة حب

بيسألوني عن معنى كلمة حب ... أنا قلت إحساس بيسكن كل قلب
بيسألوني عن معنى كلمة حب ... ده الحب إحساس بيسكن كل قلب

وبين قلوب الناس ... يتبدل الإحساس
في ناس بتعشق نفسها ... وناس تحب الناس

نبدأ بحب كبير ... نبدأ بحب الله
حب العبد الفقير ... بينه وبين مولاه
يقوم من شوقه يتوضى ... ويسجد للكريم سجده
ويبكي على زمن عدى ... ما دقش في القلوب إحساس

وبين قلوب الناس ... يتبدل الإحساس
في ناس بتعشق نفسها ... وناس تحب الناس

والحب التاني لينا ... حب محمد نبينا
اللي حبه في قلوبنا ... ومنهجه بيهدينا
لما طيفه ينادينا ... من أنوار المدينة
تسيل دمعة عنينا ... وده أحلى حب يا ناس

وبين قلوب الناس ... يتبدل الإحساس
في ناس بتعشق نفسها ... وناس تحب الناس

والحب اللي ابتدا ... كله مودة ورضا
حب الأم لضناها ... قبل معاد اللقا
شهور تحلم بصورته ... وتحكي عن غلاوته
ومهما في شوقها قلتوا ... الحب ده إحساس

وبين قلوب الناس ... يتبدل الإحساس
في ناس بتعشق نفسها ... وناس تحب الناس

ومحبة الأزواج ... الرحمة والسكن
حب وود وسعادة ... وربيع طول الزمن
إنسانة تحس جرحك ... عايشة حزنك وفرحك
تحبها وتحبك ... وحبكم إخلاص

وبين قلوب الناس ... يتبدل الإحساس
في ناس بتعشق نفسها ... وناس تحب الناس

والحب اللي في رحاب ... المولى يضمنا
ياريت نعرف نعيشه ... ونخاف على بعضنا
الحب لو في الله ... محلاه يا ناس محلاه
ماهوش لمال أو جاه ... ولا يتقالش بمال

وبين قلوب الناس ... يتبدل الإحساس
في ناس بتعشق نفسها ... وناس تحب الناس

يا كل طلاب جامعتنا

يا كل طلاب جامعتنا ... يا طيف نهار المستقبل
ما تبعدوش عن سكتنا ... وحاولوا تختاروا الأفضل
دا إنتوا اللي جاي عليكوا الدور ... تمدوا جسر وتبنوا قصور
و إنتوا الأمل وطاقات النور ... والحمل من غيركوا هيتقل
يا يا يا كل طلاب جامعتنا
دا الطب مستني الجراح ... والهندسة عايزة مهندس
يزرع في ليل الجهل صباح ... ويبني عالم متأسس
وفي الأداب نفرح بأديب ... وفي العلوم يبقى لنا نصيب
ومن الحقوق نطلع ونجيب الحق لصحابه ونعدل
يا يا يا كل طلاب جامعتنا
تاريخ وطنا اسهروا واقروه ... وشوفوا فين احنا وصلنا
ولا تسيبوش العقل يتوه ... في سكة مش هتوصلنا
عايزين نوسع خطوتنا ... ونعدي عالم سبقتنا
وإن كانوا تلاميذ أمتنا ... قبل الخضار فيها ما يدبل
يا يا يا كل طلاب جامعتنا

يـــــــ كن معي ــــارب

كيف ادعوك وانا عاص
وكيف لا ادعوك وانت كريم
اللهم لا تشمت بى اعدائى
واجعل القران الكريم دوائى وشفائى
انت ثقتى ورجائى
واجعل حسن ظنى بك شفائى
اللهم ثبت علي عقلى ودينى
وبك يارب ثبت لى يقينى
وارزقنى حلالا يكفينى
وابعد عنى شر من يؤذينى
ولا تحوجنى لطبيب يداوي

كلمات عجبتني

لاتتأمل الوجوه السوداء
والقلوب الحقوده
والزهور الذابله
لأنك ستشعر باليأس بل بالحزن والكئابه
إلتفت يميناً ستجد وجوه بيضاء مشرقه
تبتسم لك
وقلوب طاهره

*******************

لا تحزن كثيراً
فكم منا من عاش نصف عمره حزناً ويأساً
لسبب ما فراق خساره ضياع الأحلام
ها هو اللآن لا شيء
يستكين في غرفةٌ كئيبة
لا يرضى بشيء
هل تعرف الناس عنه ؟
من هو ذلك لانعلم
فهل إستفاد شيئاً
بكل تأكيد لا

*******************

لا تضع كل أحلامك في شخص واحد
ولا تجعل رحلة عمرك وجه شخص تحبه مهما كانت صفاته
ولا تعتقد أن نهايه الأشياء هي نهاية العالم
فليس الكون هو ما ترى عيناك

*******************

صديق

حزينا ، اثقلتك همومك ، لا تستطيع أن تتنفس من كثرة الحزن والأسى الذي ملأ صدرك
إذهب لصديق لأب لأم لأخت لأخ لزوج لزوجة لطبيب
اذهب وارمي عليه كل همومك

لا تدع شيئا داخلك ، احكي عن كل ما بداخلك
اذهب لمن تشعر أنه نفسك تتحدث معه دون خجل

حاول أن تخرج كل ما بداخلك حتى تعود كطفل صغير لا يحمل من مشاكل الدنيا شيئا

وقتها تستطيعوا معا أن تحلوا مشاكلكم تستطيعوا أن تكونوا أفضل
إذا كان بداخلكم قدر من الحب والتحمل والتضحية من أجل الآخر

وقتها تستطيع أن تحيا حياة جميلة وسعيدة ، حياة بدون مشاكل

حياة مع صديق هي حياة بدون مشاكل

ولكن أختر الشخص المناسب

سلام على الدنيا إذا لم يكن بها صديق صدوق صادق الوعد منصفا

If you are alone , i'll be your shadow
If you want to cry , i'll be your shoulder
If you need to be happy , i'll be your smile
But any time you need a friend , i'll just be me

أهلي ، بلدي ، ربي

إذا اشتكى مسلم في الصين أرَّقني,,,وإن بكى مسلم في الهند أبكاني

ومصر ريحانتي والشام نرجستي,,,وفي الجزيرة تاريخي وعنواني

وحيثما ذكر اسم الله في بلد ,,, عددت أرجاءه من لب أوطاني

جاءنا البيان التالي

جاءنا هذا البيان العاجل
نحيط علم سيادتكم أنه اليوم قبل آذان المغرب بقليل ظهرت النتيجة الأخيرة للطالبة إنجي بدران
ونفيد سيادتكم أن حالة إنجي الآن مستقرة وذلك بعد علمها بنجاحها وحصولها على تقدير عام جيد جدا

وعلى رأي سي عبد الحليم لما كان بيقول
" الناجح يرفع إيده "

يلا عايزة تهاني كتير وهدايا

التورتة فوق اهي ، اتفضلوا يا جماعة ما تتكسفوش :)

لننتظر غدا

وغَداً يَفََْرَحُ المُؤمِنُونَ بِنَصِرِ اللهْ

مسلمة وأفتخر بكوني مسلمة

نعم ... فخورة بأني مسلمة
لا أريد إلا أن أكون بين يديك
لا يهمني شخص ولا منصب ولا تقدير في الدنيا
لا أريد إلا أنت
أحبك يا ربي وأحتاج إليك

نفسي

ندمانة على كل لحظة مرت بي وأنا بعيدة عن الله

ندمانة على كل لحظة مرت بي دون أن أفكر فيها

كل من ظلمني وجرحني ترك بي جرح كبير لا أستطيع مدواته

كل من أساء الظن بي ولم يقدرني أدعو الله أن يقويني ويقدرني على مسامحتهم

ولكن ماذا لو أن من ظلم وجرح واساء واهان ولم يقدر هو أنا

أنا من ظلمت نفسي

هل أستطيع أن أسامح نفسي ...


يـــــــــــــــــــــــــــــارب

يا رب

خلقنا الله مخيرين في بعض أمورنا ... أخشى أن أخطئ في الإختيار

يا رب كن لي عونا ، ولا تدعني أضل أو أُضل

افتقدك

حينما كنت بيننا كنت تملك الدنيا بحب الله
عندما فقدناك شعرنا اننا فقدنا حياتنا
كم افتقدناك بيننا
بالرغم من أني لم أعرفك إلا فترة قليلة ولكنك لا تتخيل كم افتقدك لا تتخيل كم اتمنى أن أراك
مرت على وفاتك 17 عاما ولكن ما سمعته عنك يشعرني أنك مازلت بيننا
ربنا يرحمك ويبدلك حياة افضل مما كنت فيها يا خالو
كم أحبك واتمنى أن أراك في الجنة ، كم أتمنى أن أرى ذلك الشخص الجميل
الشخص الذي كان يملأ الدنيا بحب الله ، كان رمز الخير والحب

ما سمعته عنك لا يمكن أن يكون في شخص عادي ، ولكن أكيد ما سمعته عنك هو ما أراد الله لعباده في الإنسان المسلم
افتقدك ولكن ما أراده الله لك هو الخير ، و أنا راضية بقضاءه ، وسأصبر إلى أن ألقاك

ولكن حين ألقاك ستكون فخورا أن لك إبنة أخت مثلك ، تتمنى أن تكون مثلك

ابدأ

مستني إيه ، إمتى هتاخد خطوة تحس بيها إنك بتشكر ربنا على نعمه الكتيرة عليك

يلا أبدأ ، أنشر الخير حواليك

حب الله حب الناس وحب نفسك

اقترب من الله ، ساعد الناس ، اسعد نفسك

العمر لحظة

عيشها في طاعة الله وبحبه ، كن ممن يمكنون دين الله في الأرض

أحلم بالفردوس الأعلى ولا تقبل بما دونها

اترك معصية من أجل الله

كن لله ومع الله

استمتع بالحياة وأنت مع الله

لماذا يموت الطفل الذي بداخلنا

تعجبت كيف يرى الأطفال كل شيء جميلا
تعجبت من بساطة الحياة عندهم
تعجبت كيف يصرخوا عندما لا يعجبهم شئ ، وكيف يضحكوا من قلوبهم عندما يزورهم الفرح

و لكن عندما يكبروا ... يموت الطفل الذي كان بداخلهم
يبحثوا عن الشقاء وعن الهم والحزن
يخافوا أن يصرخوا عندما يرفضوا الواقع ، يمنعهم همهم وحزنهم من الضحك عندما يفرحوا

أين الطفل الذي كان بداخلي

تائهة في أرض الأحلام

منذ طفولتي وأنا أحلم ...
حلمت وحلمت وحلمت
تمنيت ورسمت حلمي

ولكن ...

ولكني الآن تائهة في أرض الأحلام

لا أدرى ماذا حدث لأنسى أحلامي
لا أدري ماذا حدث لأكون تائهة هكذا

أين أحلام الطفولة ، أين أحلام الشباب
أين الحماسة ، أين الهدف والحلم

لماذا لا أستطيع أن أحدد ماذا أريد
منذ فترة كانت لدي أحلاما كثيرة ، أخطط أبدأ بأي منها
ومن كثرتها كنت حائرة أبدأ بأي منها

ولكني الآن تائهة
هل أترك نفسي هكذا

إذا كنت أعتقد أن أحدا سيأتي ليأخذ بيدي أكون واهمة
لأن هذه أحلامي أنا وليست أحلامهم


ولست أرضى لنفسي أن أقف على عتبات حلم ضائع

يقظة

صباح هذا اليوم
أيقظني مُنبّه الساعة

و قال لي : يا بن العرب

قد حان وقت النوم

( أحمد مطر )

كل اللي يجيبه ربنا كويس

السلام عليكم ورحمة الله وبركاته

أفاد مصدر مسؤول عن ظهور نتيجة الآنسة إنجي بدران ذلك وقد ظهرت كل المواد إلا مادة مازال يتعسر ظهورها و من الواضح أنها ستحتاج إلى تدخل جراحي ، فعلينا بسؤال كبير الجراحين ... أقصد العميد .... حتى تتم ظهورها على خير وحتى لا نضطر إلى أن نضحي بأحد من أجل سلامة وصول النتيجة الأخيرة ، إلى الآن رزقت إنجي بخمس مواد منهم تؤام.

ربنا يقومك بالسلامة يا إنجي ويرزقك بالإمتياز ويبعد عنك المقبول يارب

ومن موقعنا هذا نهنئ المواطنة إنجي بالدرجات السعيدة وعقبال اللي فاضلة ، ربنا ينتعك بالسلامة يا رب

حياتنا الجميلة

السلام عليكم ورحمة الله وبركاته

لازالت الدنيا بخير ...
سرحت بفكري وتخيلت أننا أصبحنا في المدينة الفاضلة ، الكل يراعي ربه في تصرفاته وتعامله مع الاخرين ، يحترم ادميته ويحافظ على كرامته
رجعنا نعيش على الفطرة ، الكل يتسابق ليعمل أعمال يرضي بها ربه
كل مجموعة من المسلمين تميزت في مجال
نسينا الكره والحقد ، أصبح ما يبكينا هو أننا نرى من يتهاون في دينه ولا يحيا مثلما نحيا
لأننا العالم كله يعيش بالإسلام ومبادئ الإسلام

أصبح التسامح هو الأصل ، أصبح الحب هو السائد

الرضا هو أصل حياتنا

أصبحنا نعيش في عالم كله حب وسعادة وأمانة ورضا وإسلام
الكل يحب الآخر ولا يرفض وجوده يتميزوا معا

أولادنا هم ثمرة هذه الدنيا ما أحلى أن نجعلهم قدوة للإسلام ، ومن قبلهم نحن نكون قدوة نعبر عن ديننا في هذه الدنيا
نبعد عن الأطماع الشخصية

نجعل من هذه الدنيا جنة

معنا كتاب الله معنا سنة نبينا الكريم معنا منهج الإسلام ومعنا إرادة وحب لله وإسلام

يــــــــــــــــــــــــاه ما أحلى هذه الحياة

الحب في الله

بها نجد حلاوة الإيمان ، بها يغبطنا الشهداء والنبيين

الله لو نرضى

"الله لو نرضى"

الله لو نرضى و ما حد ش فينا يخاصم حد
يزعل حد
يفارق حد
الله لو نرضى

وان ضاقت بينا نحن لبعض
نحس ببعض
نخاف على بعض
ترتاح قلوبنا
ويهون عذابنا
الخوف يسيبنا نرضى بنصيبنا ونخاف على بعض

الله لو نرضى باللى جالنا واللى مقسوم لينا
الله لو نرضى باللى عدى واللى جاى علينا
الله لو نرضى من قلوبنا الله يرضى علينا
ترتاح قلوبنا
ويهون عذابنا
الخوف يسيبنا نرضى بنصيبنا ونخاف على بعض

الله لو نرضى كلناوبقلب تايب
نغلب غرورنا في نفسنا نبقى حبايب
ونقول ما يرضى ربنا فى حق الغايب
ترتاح قلوبنا
ويهون عذابنا
الخوف يسيبنا نرضى بنصيبنا ونخاف على بعض

الله لو نرضى
و ما حد ش فينا يخاصم حد
يزعل حد
يفارق حد
الله لو نرضى

----------------------------

كليتي ونفسيتي

السلام عليكم ورحمة الله وبركاته
قبل ما ادخل الكلية ولفترة كمان بعد دخولي الكلية ماكنش عندي اي ميزة تميز الكلية دي عن اي كلية تانية - بس طبعا كان ليا هدف لما دخلت الكلية - وما اكدبش عليكم انا كنت فاكرة اني نفسي ادخل كلية رياض أطفال بس بجد بعد ما دخلت الكلية وقربت اتخرج منها حسيت ان ده فعلا كان مكاني
انا بحب الكلية جدا ، وبحب البرمجة أوي ، لكن مش كده ده حب بالتعذيب
احنا بنتعذب في الكلية دي بجد كلية مرهقة جدا ، انا بارجع منها تعبانة أوي
معرفش هل ده في كليتي بس ولا كل الكليات كده
نفسي يكون التعليم ممتع شوية نتعلم ونستفاد ونرجع بيوتنا بآدميتنا من غير بهدلة

يعني ممكن ناس يقولوا مادام انتي مش اد البهدلة ادخلي كلية سهلة ما فيهاش مجهود ، طيب لو انا بحب الكلية دي ، لو انا نفسي ادخل كلية الطب مثلا

يعني بقى عندي حاجة من اتنين يا اما اتبهدل وادرس اللي انا عايزاه ، يا اما اتدلع واتهنى وادخل كلية مافيهاش مجهود بس ادرس اللي انا مش بحبه

تحبي تكوني أكثر جمالا وجاذبية

السلام عليكم و رحمة الله

تحبي تكوني اكثر جمالا و جاذبية تعالى معايا

انصحك بالاتي :-

1- اجعلي غض البصر كحل عينيكي تزداد صفاءا و بريقا .
2- ضعي لمسات من الصدق على شفتيك تصبحان اكثر جمالا .
3- اما احمر الخدود فاستعمليه من ماركة الحياء الذي يباع في مركز الايمان للتجارة الرابحة
4- استعملي صابون الاستغفار لازالة اي ذنوب تشتكين منها .
5- اما شعرك فاحميه من التقصف بالحجاب الاسلامي الذي يحفظه من نظرات الاجانب المحرقة .
6 - و ضعي في اذنيك حلق الادب .
7 - وزيني يديكي بسوار التواضع واصابعكي بخاتم التسامح وقلادة العفة خير ماتطوقين به عنقك.

أشهر صفعة (كف) في التاريخ

أشهر صفعة (كف) في التاريخ

هذه القصة حدثت في أحد القرون الوسطى

تقريبا في القرن السادس عشر

وبالتحديد في إحدى القرى الألمانية

كان هناك طفل يدعي (جاوس) وكان جاوس طالبا

ذكيا وذكائه من النوع الخارق للمألوف

وكان كلما سأل مدرس الرياضيات سؤالا كان

جاوس هو السباق للأجابه على السؤال، فيحرم

بذلك زملائه في الصف من فرصه التفكير في

الإجابة

وفي أحد المرات سال المدرس سؤالا صعبا...

فأجاب عليه جاوس!!..بشكل سريع... مما أغضب

مدرسه

فأعطاه المدرس مسأله حسابيه!!!

وقال : اوجد لي ناتج جمع الاعداد من 1 الي

100!!

طبعا علشان يلهيه عن الدرس ويفسح المجال

للآخرين!!!!!!!

بعد 5 دقائق قال جاوس بصوت منفعل: 5050!!

فصفعة المدرس صفعة قوية!!

وقال: هل تمزح؟!!!!....

أين حساباتك؟

فقال جاوس: اكتشفت ان هناك علاقه بين 99 و1

ومجموعها = 100

وأيضا 98 و 2 تساوي 100

و 97 و 3 تساوي 100

وهكذا الى 51 و 49!

واكتشفت بأني حصلت علي 50 زوجا من
الأعداد

وبذلك ألفت قانونا عاما لحساب هذه المسأله وهو

n (n+ 1) /2

وأصبح الناتج 5050

فاندهش المدرس من هذه العبقريه ولم يعلم انه

صفع في تلك اللحظة

العالم الكبير فريدريتش جاوس

احد اشهر ثلاث علماء رياضيات في التاريخ

... بحب النور

بحب النور وصوت عصفور يناجى فى السما ربه
بحب الخير ولو للغير وبسأل ربنا قربه
بحب القلب لو طيب وأقول الله
دية كلمة حب تكفينا لا مال ولا جاه
تعالوا نزرع الدنيا بحب الله
ندوس على كل احزنا وقولت أه
نلاقى أرضنا جنة مليها النور

وأحب اللقمة من فاسى وأحب اللمة بين ناسى
ومهما كبرت مش ناسى نداء قلبى واحساسى

بيرسم لى طريق مقدور

بحب النور وصوت عصفور

آه آه آه آه آه آه آه آه آه
بحب الحب يجمعنا وحلم جميل يرجعنا
لصدق الكلمة والمعنى نداوى بيها أوجعنا
ونرسمها حروف من نور

بحب النور وصوت عصفور

آه آه آه آه آه آه آه آه آه آه آه آه

رسمت الفجر فى عنيا وبعزف صبح اغنية
تغنيها الطيور ليا وانا والشمس والمية
نردد ويا صوت عصفور بحب النور وصوت عصفور

سبيل العالم..

هيا بنا نكون قدوة صالحة نعبر عن ديننا نطبقه وننشره وبإذن الله سنصل لأبعد الأفاق

أملاك الحاج شمر

السلام عليكم ورحمة الله وبركاته
النهارده كنت رايحة شارع مراد ، وانا في التاكسي لقيت شارع مكتوب عليه شارع أبي شمر والشارع اللي جنبه شارع إبن شمر
تفتكروا الحاج شمر كان دوره ايه في الحياة لدرجة انه يملك الشارع باللي فيه ومش كده وبس ده بالوراثة
بس تصدقوا فكرة كويسة ،،، يوزعوا مصر على عائلاتها
ويبقى المهر من العريس للعروسة شارع على النيل
ويبقى في شارع بإسمي ، يـــــــــــــــــاه واعمل فيه اللي انا عايزاه