الإسلام

لا يحاربون سوى الاسلام
لا تراهم يحاربون النصرانية واليهودية المحرفتين
لا تراهم يحاربون البوذية والهندوسية
لا تراهم يحاربون الكتب المختلفة إنما القرآن
لا تراهم يحاربون إلا محمدا - صلى الله عليه وسلم -

فلماذا هذه الهجمة المسعورة على الاسلام وشعائره وأهله؟؟

ومما هم خائفون ويرتعدون ..؟؟

ثبتنا الله وإياكم على الاسلام لا نترضي غيره دينا

منقول من موقع طريق الإسلام

سأعود

ان ضاق العمر بـأحزاني ؛؛

أو تاه الدمـع بـأجفاني ؛؛

أو صرت وحيدا في نفسي ؛؛

وغدوت بقايا انسانِ ؛؛

سـأعود أداعب أيكتنا

وأعود أردد ألحاني ؛؛

وأعانق دربا يعرفني ؛؛

وعليه ستهدأ

أحزاني ؛؛

جاهز ولا تفصيل

لما يكون في مشروع زواج ، كل واحد من الولد أو البنت بيكون حاطط مواصفات معينة عايزها في شريك / شريكة حياته

المهم لما بيتقدم وبيقعدوا مع بعض كل واحد فيهم بيكتشف صفات في الشخص التاني ممكن يكون بعضها من المواصفات اللي كانوا حاطينها وبعضها ما يكونش

يا ترى التصرف وقتها بيبقى إزاي ...

في بعض الشباب بيكونوا عايزين الشخص التاني يكون متفصل على المواصفات اللي حاطينها ، ولو لقوا في حاجة مش مطابقة للمواصفات :D

ممكن الموضوع كله يتفشكل

لكن الجزء الثاني من الشباب بيكون ليه تصرف تاني خالص ، لما بيلاقي بعض المواصفات مش موجودة بيحاول إنه يغيرها في الشخص ده ، مادام الشروط الأساسية موجودة فيه

يعني ما بيكونش الرفض أول إختيار بالعكس بيكون آخر إختيار

مادام الشخص قابل للتغير ، ليه ما نحاولش ومرة في مرة التغيير هيحصل إن شاء الله وهيكون مطابق للمواصفات :D

والجاهز مفيش أحسن منه :D

لحظات

في هذه الدنيا

تمر بنا لحظات جميلة نتمنى أن يقف عقرب الساعة عندها حتى نظل في هذه اللحظة وقتا طويلا

وتمر بنا لحظات قاسية نتمنى أن يرجع الزمان للوراء ونعيش حياتنا بدون هذه اللحظات

ولكن

مايمكننا فعله

أن نستمتع باللحظات الجميلة ونمتع بها من حولنا

وأن نتعلم من اللحظات القاسية ولا نقسو بها على غيرنا

... قد نختلف ولكن سنبقى

قد نختلف ولكن سيبقى بيننا خيط رفيع ولكنه قوي

وبقوته يبقي بيننا منطقة مشتركة

واحد اتنين

إحنا كلنا بنفضل الجزء العملي أكتر من الجزء النظري ، يعني لما بندرس في كلية بنحب إننا نطبق اللي بناخده بصورة عملية
لما بيكون مطلوب مننا نذاكر جزء معين بنحاول نخزنه في عقلنا بصورة تخلينا ما ننساش اللي قريناه

والموضوع ده بيتنفذ بأكتر من طريقة ، يعني ممكن مثلا نحول درس معين لرسمه كبيرة و نحطها على الحيطة في أوضتنا أو تحت زجاج المكتب علشان كل مانشوفها نفتكر الدرس بسرعة

وممكن إننا نكرر الكلام أكتر من مرة علشان نحفظه

ده وإحنا كبار كده وقربنا نتخرج ، طيب والأطفال الصغيرين اللي لسه بيتعلموا أ ب أو واحد اتنين

يا ترى الأطفال دي هتوصلهم المعلومة إزاي ، ممكن إننا نمثلهم درس في العربي مثلا علشان يفتكروه

ممكن نغينلهم أغنيه في الإنجليزي علشان تثبت

ممكن نجيبلهم مكعبات يتعلموا عليها الحساب

كل دي حاجات ممكنة ولطيفة وهتوصل للأطفال المعلومة بسرعة وبطريقة تجذبهم إن شاء الله

لكن اللي بيختلف هو طريقة تنفيذ الحلول دي

يعني خلوني أفكركم بأغنية كانت بتتقال للأطفال علشان يحفظوا بيها الأرقام

الأغنية بتقول

واحد ... اتنين ..... على و حسين
تلاتة ... اربعة ..... فى المطبعة
خمسة ... سته ..... قفلوا السكة
سبعة ... تمانيه ..... طبخوا البامية
تسعة ... عشرة ..... دشوا البصلة !!!


ممكن يكون كتير مننا سمع الأغنية دي قبل كده

وممكن تكون وصلت لهدفها بإمتياز وإن الأطفال فعلا حفظوا الأرقام دي

وجزاهم الله خيرا إنهم فكروا وعملوا أغنية تجذب الأطفال

لكن من رأيي إنه من الأفضل لو الأغنية إتقدمت بس جواها معلومة مفيدة

إنتم عارفين في قناة جديدة إسمها طيور الجنة بتجيب أغاني أطفال رائعة وأكتر من رائعة كمان

وبتجذب الأطفال جدا وجواها معاني وقيم غالية جدا

لو عايزين فعلا نقدم للأطفال حاجة تجذبهم يبقى نحط لهم جوا الحاجة اللي تجذبهم حاجة تنمي عقولهم وترسخ إيمانهم وعقيدتهم

قم وحيدا

أبيضيكا

اللون الأبيض له مغزى ومعزة خاصة داخل نفوسنا ...

فهو دليل على النقاء والصفاء

دليل على الفرحة والبهجة

دليل على الحب والتسامح

- - - - - - - - - - - - - -

قد يكون لبعض الألوان الأخرى نفس المغزى ولكن من المؤكد أن للون الأبيض إنطباع مختلف

عند الخطوبة أو العقد تلبس الفتاة فستان بأزهى الألوان وأجملها ولكن في ليلة العمر لا تجد أنسب من الأبيض

وفي الحج لون الرداء أبيض

اللون الأبيض في المنزل يهدئ النفس

وإذا وجدنا إنسان ذو قلب صافي نوصفه بأن قلبه أبيض

وعندما نموت أكفاننا تكون بيضاء

وأخيرا في الإعلانات بيقولوا للحصول على ملابس ناصعة البياض ماقالوش ناصعة الألوان

أنا شخصيا بحب اللون الأبيض جدا

خواطر

أوقات بنسمع أو نقرأ كلمات تؤثر فينا وممكن تغير مسرى حياتنا كلها

النهاردة قرأت الجملة دي

فلنشهر سيف النوايا ولنغزوا الارض خيرا

يااااااااااااه جملة قوية جدا معرفش ليه لما قرأتها حسيت إننا هنملا الدنيا حب

مرة سمعت جملة جميلة أوي

في كئووس الحياة حلو ومر وفي دروبها تعب ويسر

ويبقى التفاؤل نورا وملاذا في الطريق الطويل

كنت اشتركت في تنظيم مشروع فشخص من الحاضرين شكر كل اللي شاركوا في التنظيم وقال كلمة أثرت في جدا
بيقول ربنا يجازي كل الناس اللي شاركوا في المشروع ده حتى لو كانت مشاركته إنه جاب ورقة أو قلم

أنا عايزة أقولكم إن الكلمة دي إتقالت من سنتين ولسه لغاية دلوقتي مأثرة معايا ، ومقتنعة تماما إن مهما إن كان الحاجة اللي أي شخص بيعملها بسيطة فأكيد هتأثر

مرة سمعت جملة أثرت معايا جدا
محدش بيشتغل في حلم حد تاني ، لازم المكان اللي هاشتغل فيه يبقى حلمي أنا قبل ما يكون حلم الناس حتى لو مش أنا اللي قلت الفكرة أو حتى لو كانت مشاركتي بسيطة

دي بعض خواطر افتكرتها

لو حد عنده خواطر تانية نحب إننا نسمعها :)

نحبهم

البعض نحبهم
لكن لا نقترب منهم فهم في البعد أحلى
وهم في البعد أرقى وهم في البعد أغلى

البعض نحبهم
ونسعى كي نقترب منهم ونتقاسم تفاصيل الحياة معهم
ويؤلمنا الابتعاد عنهم ويصعب علينا تصور الحياة حين تخلو منهم

البعض نحبهم
نعيش حكاية جميلة معهم ونتمنى أن نلتقي بهم ونفتعل الصدف
ونختلق الأسباب كي نراهم ونعيش في الخيال أكثر من الواقع معهم

البعض نحبهم
لكن بيننا وبين أنفسنا فقط فنصمت برغم ألم الصمت فلا نجاهر بحبهم
حتى لهم لأن العوائق كثيرة والعواقب مخيفة ومن الأفضل لنا ولهم
أن تبقى الأبواب بيننا وبينهم مغلقة

البعض نحبهم
فنملأ الأرض بحبهم ونحدث الدنيا عنهم ونثرثر بهم في كل الأوقات
ونحتاج إلى وجودهم كالماء والهواء ونختنق في غيابهم أو الابتعاد عنهم

البعض نحبهم
لأننا لا نجد سواهم وحاجتنا إلى الحب تدفعنا نحوهم فالأيام تمضي
والعمر ينقضي والزمن لا يقف ويرعبنا بأن نبقى بلا رفيق

البعض نحبهم
لأن مثلهم لا يستحق سوى الحب ولا نملك أمامهم سوى أن نحب
فنتعلم منهم أشياء جميلة ونرمم معهم أشياء كثيرة
ونعيد طلاء الحياة من جديد ونسعى صادقين كي نمنحهم بعض السعادة

البعض نحبهم
لكننا لا نجد صدى لهذا الحب في قلوبهم
فننهار وننكسر ونتخبط في حكايات فاشلة
فلا نكرهم ولا ننساهم ولا نحب سواهم
نبكيهم بعد كل محاولة فاشلة ونعود
=========
للحب معنى كثيرة لا نعلمها
وأهمها حبنا لرسول الله صلى الله عليه وسلم

يلا حالا بالا بالا حيوا أبو الفصاد

يلا حالا بالا بالا حيوا أبو الفصاد ، هيكون عيد ميلاده الليلة أسعد الأعياد فليحيا أبو الفصاد

أزف إليكم هذا الخبر السعيد

النهاردة فرح كملت سنة ، شفتوا فرح كبرت وبقت عروسة :D

عامة هي بعد سنة بقت بتاعني من كسور ومناعتها ضعفت بس أهي شغالة

بس إيه رأيكم فيها زي القمر

ولكن حسبنا

رسول الله لا يرضيك هذا الحال للعـرب ,,,, ولا يرضيك ما يبدو من الإعلام في الغرب
ولكن حسبنا يرضيك عودتنا إلـى الـدرب ,,,,بعودتنا إلى الإسلام تعلـو رايـة الحـب

من الأزمات يغمرني شعور أنني السبـب ,,,,فلو أني إلى الإسلام حقـا كنـت انتسـب
لما طالت محمدنا رسوم صاغهـا الكـذب ,,,, ولا عمت محافلنا دعاوى عافها الأدب

إلى الإسلام يا دنيا لقـد أعـددت أولادي ,,,, لئن قصرت في ديني فقـد هيـأت للهادي
شبابا أولعوا حبـا بـه إذ نورهـم بـادي ,,,, لكل الناس مذ صاغوا من القـرآن أحفـادي

فهيا يا شبـاب الجيـل للإسـلام نظهـره ,,,, بأجمل حلة حتـى يشـد النـاس منظـره
فان من شد للإسلام من قـد كـان ينكـره ,,,, رأيت الناس في حب لدين الحـق تنشـره

2AEH - - -> I'm Sorry

أحبكم في الله

عن رسول الله صلى الله عليه و سلم : " لو أن اثنين تحابا في الله و كان أحدهما في المشرق و الآخر في المغرب لجمع الله تعالى بينهما يوم القيامة و قال هذا الذي كنت تحبه فيّ".

لا تبك

أيا حبيبا فارق البريق عيناه

وغاب السنا

وخفت وهج النور في محياه

...

لا تجزع

...

فما عرفتك واهنا

لا

لا تدمع

...

لا تدمع

عاجزا لا

بل أطلق لدمع الفرح

عنانا يقطع المدى

سابحا

يطوي الفضا

كانت تسمى سابقا كرامة

في مقلب القمامه ,
رأيت جثة لها ملامح الأعراب ،
تجمعت من حولها النسور والذباب ،
وفوقها علامة ،
تقول هذي جثة

كانت تسمي سابقا كرامه


من ابداعات أحمد مطر

أحتاج إلى نقل حب

سبيل العالم

هذه هي الكلمات فتأملوها صوتا وكتابة
======================
إنسانيون بلا حد انتم وقلوب للرحمات
بشر تدفعني طيبتهم لأحلق في دفئ النظرات
وأرى أرواحا مذهلة تقتسم البسمة والعبرات
قوم عظماء ككعبتهم تلك المحفوفة بالدعوات
يتوقف نبض شوارعهم ان سمعوا الداعي للصلوات
ملكتني الدهشة حين مضت للمسجد الألأف الخطوات...
=-=-=-=-=-=-=
..أحسست الكون يشاركهم ويصلي في تلك اللحظات
حتى مرضاهم في المشفى لاينشغلون عن الركعات
تستفسر عيني أعينهم فترد شفاهم بالبسمات
اقرأ فقرات مسراتي ومساراتي في ديني حياة
وارتبك الشوق وخالطني إحساس بالحاجة لدعاة
=-=-=-=-=-=-=
وسالت الشيخ فقدم لي مفتاح الجنة في كلمات
ودعاني لأوحد ربا قد جل الهي عن الشبهات
فالآن ولدت على يده والدنيا من حولي نفحات
ووقفت أصلي في صف السبق إليه من القربات..
=-=-=-=-=-=-=
يارب ارحم من أرشدني واجعله موفور الحسنات
أهداني حسن معاملة ودعاني بسلوك وعظات
من يهدي للجنة نفسا فعليه الرحمة والبركات
خير من حمر النعم ومن مافي دنياه من الخيرات..

للتحميل

من أصلح سريرته أصلح الله علانيته
و من أصلح ما بينه و بين الله أصلح الله ما بينه و بين الناس
و من عمل لآخرته كفاه الله أمر دنياه

أنا مهما كبرت صغير

أنا مهما كبرت صغير
أنا مهما عليت مش فوق
مهما الأيام تتغير
ما نسيتش إن أنا مخلوق
مخلوق طيب بالفطرة
عايش في الدنيا لفترة
والفكرة تاخدني لفكرة
والخير والشر فروق
وانا مهما وصلت مفارق
وفي غربة قلبي شروق
الدنيا توه ومفارق
متاهة وتوهة وشوق
وفي عز الليل الغارق
مانسيتش إن أنا مخلوق

إسم التهمة إخواني

وجع وفى قلب يتعبني

فى وسط الليل مغلبني

وبسأل نفسي ليه بابني

وغيري بيهدموا فيكي

وارجع تانى واناديكي

يروح عمري وافديكي

ولو ترضى اكون ليكي

واموت مبسوط ما خاف من سوط

ورغم الضرب اعلى الصوت

لمين غيرك يهون الموت

يامصر يا اعز اوطاني

ولو قالوا فى يوم جاني

واسم التهمة اخوانى

ورغم ما اشوف وما اعاني

هقول برضه يطول عمرك ياسجاني

ويهديك ربي ياجاني

وتعرف حق اوطاني

واموت لو موتى فيه راحتك

واعيش ساكت عشان خاطرك

ولو حكموني بعساكر وجيش كامل

هيفضل قلبي ليكي حامل

وانا راضى وهتحاكم

ومهما يكون مين الحاكم

ولو قالوا فى يوم شاطر

ويعرف يكسب الخاطر

عشان خاطرك لازم اخاطر

لو حتى منش قادر

واصحي ولادي من نومهم

يشوفوا شيطان بيخنقهم

ويسرق بسمه من فوقهم

عشان يبقى على الكرسي

وترسي زي ما ترسي

ياحلى سفينة فى حياتى

عليكي حلم اولادي

ولاجلك كل شئ عادي

يامصر يا غالية يابلادي

اهداء الى المهندس خيرت الشاطر واخوانه

بقلم / محمود المصري

دعوة للإتزان

أوقات مشاغل الحياة بتخلينا ننغمس في الدنيا ونكون عايزين ناخد فترة نستريح فيها ، بنحس إننا مخنوقين رغم إنه ممكن نكون من المتميزين في مجالتنا.

كتير سمعنا إن في البلاد الغربية زي السويد مثلا ، الناس عايشين حياتهم بالطول والعرض وفي الآخر بينتحروا .

وده كله لأن مفيش إتزان ما بين الروح والجسد ، ربنا سبحانه وتعالى خلق الإنسان من روح وجسد ولما نهمل جزء ونهتم بجزء الجزء التاني بيموت ، يعني لو مش كلت فجسمك هيموت ، وزي ما الجسم بيحتاج للغذاء فالروح كمان محتاجة تتغذى

وإنتم أكيد بتحسوا لما مابناكلش في يوم إيه اللي بيحصلنا ده بالنسبة للجسد ، فما بالكم باللي ما بيغذيش روحه بقاله سنين.

وإنتم أكيد بتحسوا بإنتعاش في القلوب وراحة في النفس لما بنقرأ قرآن ، لما بنصلي ...

حد في مرة جرب إنه يفضفض مع ربنا ، مرة عملتها وقعدت أتكلم معاه ، هتحس براحة كبيرة أوي ، هتلاقي حد بيسمعك وبيحبك وبيخاف عليه وبيحميك وبيريحك ويسعدك

عايزين بجد نصلي بخشوع ، عايزين نحب كتاب ربنا ، عايزين ننشر الحب والخير والسلام ، عايزين نروى قلوبنا بحب ربنا ...

عايزين نحب نفسنا ونرقى بيها

أحبكم في الله :)

عودة

أريد أن أعود من غربتي ، أن ألملم نفسي

أن أفوق من هذا الكابوس ، الذي طالما تمنيت لو لم أكن مررت به

الذي أدعوا كل يوم أن يموت بداخلي

أريد أن أرجع كما كنت

زهرة تنشر عبيرها على من حولها

Without Engineers !!

Electronics EngineersAeronautical Engineers

Civil Engineers

Communication Engineers

Computer Engineers

Mechanical Engineers

الحق

الحق أحق أن يتبع

دنيا

كنت باتفرج على التليفزيون إمبارح ، ما كنتش متخيلة إن الأصل في علاقة الناس ببعض هو الصراع و الكره والحقد

بجد الوضع في البلاد العربية سئ جدا ، سواء المحتلة أو الغنية ، ومش البلاد العربية وبس والبلاد الغربية كمان

الناس بقت مغرورة وحاسة إن مفيش زيها في الدنيا بالظبط زي المثل اللي بيقول يا أرض إتهدي ما عليكي قدي

كل واحد عايز يعلى بغض النظر هيطلع على أكتاف مين وهيدوس على كام واحد وهو طالع

في مجتمعات كل حياتها هو إزاي أكون أنا الأقوى ، إزاي أدوس على كل اللي حواليا علشان أطلع

بجد الناس الرحمة بتموت من قلوبهم ،

وللأسف بيعيشوا حياتهم كلها في حقد وكره ، قلبهم الأبيض من كتر الحقد والظلم بيسود ، مش عارفين يتنفسوا هوا نضيف

بيتنفسوا كره ومشاكل وحقد وظلم

أنا عارفة إن الكلام ده مش جديد عليكم ، بس أنا ماكنتش متخيلة إن الوضع كده


واحسرتاه على دنيا إن لم يكن بها قلب رحيم محب غيور على دينه

... كن من الأوائل ولكن

السلام عليكم ورحمة الله وبركاته

النهاردة كان آخر إمتحان في سنة ثالثة ، وووووووووووووووخدنا الأجازة

الأجازة دي هتكون آخر أجازة لينا في الكلية :(

خير ، المهم قلتلكم قبل كده إني هاكلمكم عن رأيي في موضوع الأوائل دراسيا.

إنك تكون متفوق أو متميز فدي حاجة جميلة أوي ، ومش كده وبس دي حاجة تاخد عليها ثواب كمان .

لكن لما يكون هدفك هو إنك تجمع درجات وبس ، من غير ما تفهم فأكيد أكيد دي حاجة مش كويسة ، ولما يكون نظام التعليم في المدارس والكليات مستواه متدني يبقى أكيد أكيد دي حاجة مش كويسة ، ولما يكون الدكاترة في الكلية مش متمكنين من المادة ويكون مطالب منك إنك تحفظ كلمتين تحطهم في ورقة الإجابة فأكيد أكيد دي حاجة مش كويسة .

لكن إحترامك لعقلك وإنك فعلا داخل كلية معينة أو داخل مدرسة أو بتدرس بصفة عامة علشان تنمي عقلك وتكون فعلا إنسان متميز فده أكيد أكيد حاجة جميلة ، لما يكون هدفك إنك تكون من الأوائل علشان تتعلم بجد وتبذل في كده مجهود تثاب عليه أكيد هيكون أفضل بكتير من إن يكون هدفك إنك تكون من الأوائل بأي طريقة وإن كان منها إنك ما بتقدرش قيمة عقلك وتعمل بالظبط زي النموذج اللي سمعنا عنه كتير اللي بيحفظ كلمتين قبل الإمتحان وييجي يحطهم في الإمتحان وبعد الإمتحان ولا كأنه كان يعرف حاجة ،،،

ده اللي باتكلم عليه ، العلم حاجة جميلة أوي ومش كده وبس دي فريضة علينا ، وعلشان ما تجيش يوم القيامة وتتحاسب على علم ضيعته فمن دلوقتي شوف إنت بتحب إيه وإتعلموا


حاول تدرس اللي بتحبه أو على الأقل حب اللي بتدرسه .

إشرب حب الإسلام و استمتع بالحياة وحب اللي حواليك هتعيش أسعد إنسان

إحلم وخلي حلمك كبييييير ، بص لبعد الشمس

إكتشف نفسك ، إعرف إيه المفتاح اللي هيوصلك للنجاح

إبدأ وكن من الأوائل ولكن بتميز وتقدير لنفسك و لعقلك

حكم

ليس القوي من يكسب الحرب دائما و إنما الضعيف من يخسر السلام دائما

لا يحزنك إنك فشلت مادمت تحاول الوقوف على قدميك من جديد

أن تضيء شمعة صغيرة خير لك من أن تنفق عمرك تلعن الظلام

خير الناس من فرح للناس بالخيــــــر

حب الكلام يموت لو عاش أيام و حب القلوب يعيش لو كان مدفون

أعتذر

أعتذر للأمل ...

حينما رحلت عنه بدون إستئذان

ولازمت اليأس في محنتي

حكاية الطفل ساجد

وا معتصماه

في زمن المعتصم امرأة تستصرخ وامعتصماه

خاطبهم يا كلب الروم آتيناكم بجنود الله

واليوم ألوف تستصرخ نخوة عربي وا آسفاه

لا معتصم فينا لبى فعليك بهم يا الله

يا من يحرم أطياري عيشا بسلام

ويحاصرني في الضحكات وفي الأحلام

لا لا لن تخمد صوتي

أبدا فحياتي موتي

جرحي صاروخ يرجوكم يلعن صمتا في الأكوان

أغلق الصنبور أولاً

لو قُّدّر لنا أن نرى إنساناً انكسرت لديه ماسورة الماء، وبدأ الماء يتسرب بقوة، ثم رأينا ذلك الشخص ينصرف بكل جهده وقوته ليحجز الماء، ويمنعه من أن يمضي في كل اتجاه.. من المؤكد أن كل من رآه سيضحك، ويوقن بأنه يسبح في بحيرة من الغفلة، فيبادر فيه صائحاً: أغلق الصنبور أولاً

درس فى الغيرة من أمريكية!!

درس فى الغيرة من أمريكية!!

قدم ذاك الشاب العربي إلى ولاية أوهايو الأمريكية وكان بصحبته زوجته المحتشمة بالحجاب و لم تمض الأيام حتى انصهرت هذه المرأة في نمط الحياة الغربي انبهاراً بحرية الفتاة الغربية المزعومة ثم حرصت على لبس بنطال الجينز والقمصان فاقعة اللون لقد صارت عربية الدم غربية الشكل.
دخلت هذه المرأة يوماً أحد الأسواق فرأت امرأة متحجبة حجاباً كاملاً فأرادت أن تسخر منها وتزدري تمسكها بالحجاب في بلاد الحرية فقالت متهكمة: "حجاب هنا دعينا من هذا التخلف"، فالتفتت إليها تلك المرأة المتحجبة ولم ترد عليها فكررت سخريتها ولم تجبها تلك المرأة بشيء إلا أنها قالت باللغة الإنجليزية: "عفواً لا أعرف اللغة التي تتكلمين بها أنا أمريكية!!!".
صعقت المرأة العربية من لبسها الحجاب فقالت تلك المرأة الأمريكية المسلمة بلهجة واثقة: "اسمعي أنا أمريكية عشت العري والخلاعة أصالة وأعرف تماماً ماذا جلب لنا العري من بلاء ولكن أحمد الله أن هداني للإسلام وشرع لي الحجاب، لقد صار لأجسادنا وذواتنا قيمة بعد أن كنا ألعوبة للغادين والرائحين، افهمي يا مسكينة هذا الكلام جيداً وانتبهي لنفسك ولا تكوني صورة سيئة عن مسلمات العرب".
وانهالت عليها بالنصائح حتى ذهلت تلك المرأة المتبرجة وبدأت تبكي، قال قريبون منها: ظلت أسبوعاً كاملاً لا تخرج من دارها ثم رأيناها تخرج محتشمة بحجابها معتزة بإسلامها.

أختاه يا بنت الإسلام تحشمـي *** لا تـــرفعي عنكِ الخمـار فتندمي
هذا الخمار يـزيـد وجهــك بهجــةً *** و حـــلاوة العينيـــن أن تتحجبــي
صونـي جمــالكِ إن أردتِ كــرامةً *** كـي لا يصـول عليـكِ أدنى ضيغمِ
لا تعرضي عن هدي ربكِ ساعةً *** عضي عليه مدى الحياة لتغنمي
*****
ما كان ربكِ جـــائراً فــي شــرعـه *** فاستمسكي بعراه حتى تسلمي
ودعـي هـــراء القائــلين سفاهة ً *** إن التقـدم فـي السفــور الأعـجـمِ
إن الــذيــن تبـــرأوا عـن دينـهــــم *** فــهــمُ يبيـعــون الـعفــاف بــدرهـمِ
حــــلل التبــرج إن أردتِ رخيصــةً *** أمـا العـفــاف فـدونـه سـفــك الــدمِ
لا تمنحي المستشرقين تبسماً *** إلا ابتســامــة كــاشــرٍ متجهّـــــــمِ
*****
أنــا لا أريـد بأن أراكِ جهولةً *** إن الجهـــالة مــرة كــالعلقــــمِ
فتعلمـي وتثقـفي و تنوري *** والحــق يــا أختــاه أن تتعلمـي
لكنني أمسي وأصبح قائلاً *** أختاه يابنت الإسلام تحشمي

الوقت

أنا النت عندي بايظ من كام يوم ولما بادخل النت بادخل من التليفون ، وما أقلكوش أد إيه النت بطئ وهو بالتليفون وعلشان أعمل حاجة باخد فيها وقت كبير أوي وقلت لو كنت عملت الحاجة دي وأنا باستخدم النت القديم كان زماني خلصت من زمان

جيه في بالي خاطر

زمان الناس كانت بتتحسر على الوقت اللي غيرها بتضيعه وكانت بتقول لو كان الوقت بيتباع كانوا يشتروا بكل الفلوس اللي معاهم الوقت اللي الناس بتضيعه

ده زمان لكن دلوقتي بقى عندنا خدمات كتير حوالينا وبنستخدمها وبنقدر إننا نشتري الوقت بالفلوس ومع ذلك بنضيع وقت كتير جدا ، في حين إننا لو حسينا بجد بقيمة الوقت وبالنعمة اللي إحنا فيها ماكنش هيكون ده الوضع

وأنا باقول لنفسي الكلام ده قبلكم ، بجد الوقت نعمة غالية أوي ربنا يعينا ونقدرها ونستخدمها في خدمة دينه

برضه متفائل

السلام عليكم ورحمة الله وبركاته

أنت تكون نازل تتمشى ، نفسك تشم هوا نضيف وتشوف منظر حلو - مش بيقولولك الخضرة والماء والوجه الحسن - فأنت نازل في الشارع مستمتع بالطبيعة ، ماشي بإنتعاش تيجي تاخد نفس عميق تلاقي جسم غريب بيدخل جوا النخاشيش تبص حواليك تلاقي واحد بيشرب سجاير والدخان مالي المكان ، تكح لك كحتين وتسيب المكان وتتمشى في مكان تاني ، لسه في تفاؤل وإصرار على مبدأ التمشية والإستمتاع، سرحان في ملكوت الله وبتتأمل في الطبيعة تسمع أصوات غريبة وكأن الحرب قامت جوا ودانك تلتفت تلاقي إتنين بيتخانقوا وبيشتموا بعض وكأنهم أعداء ، فتسيب المكان وتروح مكان تاني ، لسه في جواك أمل كبير إنك تستمتع بالطبيعة ، المهم وإنت ماشي قاعد بتفكر إنك عايز تبسط كل الناس اللي تعرفهم ، فبتفكر مثلا ممكن تجيب هدية لمامتك تسأل على زمايلك في الشغل تعزم أختك على الغداء وإذا بيك تشم ريحة ربنا ما يوريك تتخض وتبص تلاقي خرابة ماليانة زبالة ، تكتأب يا عيني
لكن لسه في إصرار على إنك متفائل ونازل من بيتكم علشان تتمشى ، قاعد بقى بتفكر في يوم الجمعة اللي جاية أصله يوم خطوبتك وبتفكر في البدلة اللي هتلبسها ويا ترى اليوم هيبقى عامل إزاي وإنت في الماشية الرومانسية دي فجأة تلاقي نفسك بقيت مش على نفس المستوى اللي الناس بتمشي عليه تلاقي نفسك في مستوى أقل شوية وتشم ريحة أقذر شوية من الريحة اللي شمتها وإنت بتتمشى ، ويا عيني تحس بوجع في جسمك كله ، وتسمع أصوات ناس بس بعييييييييييييييييييييدة عنك وفجأة تكتشف إيه سبب اللغز ده وهو إنك وقعت في بلاعة

وفي لحظة كل التفاؤل اللي كنت حاسس بيه ، والرومانسية اللي كنت عايش فيها تتحول ل .........................

نسيب النهاية مفتوحة ليكم وإنتم تقولوا يا ترى لو مكان الراجل ده إيه شعورك وإنت بتمر بكل المواقف دي وفي الآخر تقع في بلاعة :D

وإنت يا عيني نيتك سليمة ونازل تستمتع بالطبيعة

دنيا من غير أغلى الناس ما تنداس

بدايتنا كانت واحدة

عشنا معا سنين عمرنا كلها

فرحنا معا وتألمنا معا

ولكن إكتشفنا أن لكل منا طريق

وهذه هي سنة الحياة

فيا الله ألهمني الصبر حتى أستطيع أن أتحمل ألم بعدهم عني

ويا رب لا تحرمني منهم فإنهم أغلى ما في حياتي

... إعتذار

حلمت أن أحمل رسالة عظيمة ، وحين حملتها ما كنت قدر المسؤولية

فهل لك أن تعطيني فرصة أخرى ، وأعني على مسؤوليتها ولا تتركني وحدي

وإن أخطأت مرة أخرى سامحني وكن لي معينا

فإني أحتاج إليك بشدة

نعناع الجنينة

إحنا عندنا أرض بنزرع فيها فاكهة وخضار ومربيين فيها معيز - لا مؤاخذة يعني - بغض النظر إن كل شوية معزة تموت بس لسه فاضلنا كام معزة كده

خلينا ندخل في المفيد ، بابا كل ما كان بيروح هناك كان يجيب لنا معاه حاجات منها ، أوقات كان بيجيب مانجة وخوخ وقصب وبصل وحاجات كده يعني ، لما كنا بناكل الحاجات دي كان بيبقى فرق شاسع في طعمها وطعم الفاكهة والخضار اللي موجودين في السوق

معرفش ليه حسيت إننا لما يكون في إيدينا مورد ونقدر إننا نستغله ده بيكون أفضل بكتير من إننا نكون مضطريين إننا نستغل موارد الآخرين

ومش لازم يكون عندنا أرض علشان نقول إحنا نقدر نزرع أكلنا ، لكن شوف إنت في إيديك إيه ، وأكيد كل واحد فينا فيه في إيده حاجة وهو مش شايفها ، دوروا كويس بس ، يعني مثلا إحنا كنا زارعين نعناع في البلكونة في بيتنا وكان رائع وسهل جدا

فشوفوا إنتم ممكن تعملوا إيه ولو حاجة بسيطة بس أكيد هتحس بفرق بعدها لإن الحاجة دي إنت اللي عملتها

إنتم طبعا عارفين أزمة العيش ، وإن الناس بتقف بالطوابير علشان تاخد كام رغيف

مرة كنت أنا وبابا في مشوار فشوفنا راجل شايل كذا رغيف عيش وماشي بيهم قبل شارع السودان بشوية ، فبابا بيقولي الراجل ده جايب العيش ده منين ، ده مفيش أفران قريبة من هنا ، قلتله تلاقيه راح الفرن اللي جنبهم ومعرفش يشتري فراح أي فرن بعيد

قلتله إحنا حلنا إننا نخبز العيش في بيوتنا بدل ما نكون دايما تحت رحمة أصحاب الأفران ، بابا قاللي دي سهلة جدا إحنا كل اللي عايزينه فرن وعجينة :D

أنا عجبتني أوي الفكرة وحسيت إني مادام في قوة وصحة وعلم يكفيني إني أنتج أكلي بنفسي فليه أحتاج لغيري

وده مش على الأكل وبس ده في كل حاجة في حياتنا ، لما يكون عندك سلاح العلم وتستغله صح وتطوره هنكون أحسن بكتير من إننا نحتاج للآخرين اللي عندهم العلم ده ، زي مثلا دول الغرب ، إحنا بإيدينا إننا نتميز في مجالات كتير أوي وبإيدينا إننا نرجع أمجادنا وبإيدينا إننا نكون أوائل

بس كل اللي محتاجينه إننا نقتنع إني صاحب رسالة وإن النصر والعزة هيبدأوا من عندي أو على الأقل أكون من اللي بيشاركوا فيه ونقتنع كمان إني لو في مكان ومش هاكون متميزة فيه يبقى أشوف أنا أقدر أكون متميزة فين وأروح المكان ده بس لازم التميز

دايما مقتنعة ، أنا مش هاضيع 4 سنين من عمري في الكلية علشان بعد كده أقعد أدام جهاز كمبيوتر زيي زي أي حد خريج كلية حاسبات ومعلومات أنا لو ده فعلا مجالي يبقى لازم أكون رقم 1 في كل حاجة فيه لو حاسة إنه مش مجالي يبقى آخد منه اللي يفيدني في المجال اللي أنا بحبه


وخليكم فاكرين إن نعناع جنينتنا أحلى بكتير من نعناع جنينتهم :D

أحبكم في الله

أنا في إنتظارك :D

إمتى بقى الأجازة تيجي ، عايزة ألعب :)

أوعي تكون منهم :(

سمعت النهاردة حاجة أحزنتني جدا

كنت باتفرج على التليفزيون فكانوا بيتكلموا عن السجائر فقالوا جملة قوية جدا

بيقولوا السجائر تعتبرمن طعام أهل النار

لأن السجائر فيها قطران وطعام أهل النار منه القطران

ولأن السجائر لا تسمن ولا تغني من جوع

أنا مسلمة

كان يا ماكان في قديم الزمان وما يحلى الكلام إلا بذكر النبي عليه الصلاة والسلام

كان في بنت جميلة إسمها ندى

اتولدت في بيت جميل مع أب رحيم وأم حنونة

أتولدت وهي بتشرب حب الإسلام ، قرأت كتير عنه

حبته لدرجة إنها كانت بتعشق اليوم المخصص لذهابها المسجد وكانت بتحلم باليوم اللي تبقى فيه مكان معلماتها

عرفت يعني إيه يكون عندها صحبة ما اجتمعوا إلا لله

قرأت كتير عن الإسلام و عن فضل سورة البقرة وسورة آل عمران

وكانت شايفة إن ده حلم مستحيل بالنسبة لها ، كانت شايفة إنهم سورتين عظيمتين جدا وكانت تتمنى إنها تحفظهم

وفجأة وبدون مقدمات حفظتهم ومش كده وبس دي ختمت كمان المصحف

ما كانتش بتضيع أي فرصة ولو صغيرة علشان تتعلم فيها

كانت كل حياتها حب لله سبحانه وتعالى، ماكانتش بتستنى حاجة من حد

كان كل أملها في الدنيا إنها تحب ربنا ، إنه يرضى عنها

كانت بتحب الناس كلها ، كان حلمها في الدنيا إنها تخرج جيل صالح يعبد ربنا وينصر دينه

وفعلا جيه اليوم اللي جالها الفارس اللي هيكمل معاها حلمها

عاهدوا ربنا إنهم يكملوا الحلم ده و اتعلموا ازاي يربوا ولادهم تربية صالحة ، قرأوا أكتر وأكتر عن الإسلام وعن سيرة الرسول عليه الصلاة والسلام

اتعلموا ازاي الرسول الكريم والصحابة كانوا بيربوا ولادهم ويشربوهم حب الإسلام

اتعلمت إزاي تخلي بيتها جنة وولادها هما طيور الجنة :)

حبت الناس ونشرت دين ربنا ، أخلاقها كانت أخلاق الإسلام

أدبها كان بيتكلم عنها

كانت من المتميزين في المجال ده

وكان كل الناس بتحب تيجي عندها وتشوف جنتها ، الناس لما كانت مهمومة كانت بتجيلها لما بتكون مبسوطة دي أول واحده بيفكروا فيها تشاركهم فرحهم

كانوا بيتعلموا منها إزاي تعيش في الدنيا في جنة

وقبل ما تقابل ربها الكريم افتكرت كل أيامها ، وافتكرت أد إيه هي عاشت حياة جميلة

وفرحت أوي لما حلمها اتحقق

لأن كان شعارها

أنا مسلمة

وفرحت أكتر لما ربنا أختارها علشان تروح له

بالإيمان والعلم نملك الدنيا ونفوز بالفردوس الأعلى

السلام عليكم ورحمة الله وبركاته

لما الواحد بيرسم صورة جميلة ويطلع فيها كل طاقته ويكون عايزها تطلع بأحسن صورة ويقعد يقول الألوان هنا لو زودناها شوية هيكون أحسن لو رسمنا هنا وردة هتدي للصورة شكل أحلى

لو الحاجة دي فعلا ليها قيمة غالية عنده هيحاول إنه يطلعها بأحسن صورة ممكنة ، هيكون عايز كل حاجة فيها ولو حاجة بسيطة جدا تكون طالعة في أحلى شكل

ده بيفكرني بالمثل اللي بيقول "إن لم تعمل ما تحب فحب ما تعمل"

كتير مننا بيكون عارف هو عايز إيه بالظبط في الدنيا ، يعني بيكون عارف هو عايز يطلع دكتور عايزة تكون مهندسة عايزة تكون أحسن طباخة في الدنيا عايزة تكون خياطة عايز يكون ميكانيكي ...

ويحاول يبذل مجهود علشان يكون أحسن واحد/ة في المجال ده ومش كده وبس ويحب كمان إنه يعلم الناس العلم اللي عنده ويحس إنه لما بيعمل الحاجة دي يبقي عمل حاجة كبيرة أوي

يعني لو مثلا مهندس يكون عايز يبني العماير للناس كلها عايز يشوف الحاجة اللي بيحبها أدام عينيه وعايز يفيد الناس بالعلم اللي معاه

ده نوع من الناس لكن في نوع تاني في ناس بتجبر على حاجات معينة زي مثلا اللي دخل كلية مش عايزها أو أجبر على حاجة هو مش بيحبها
فالناس دي مادام هي دلوقتي في وضع لازم تشتغل في الحاجة دي يبقى تحب الحاجة اللي بتشتغلها علشان تطلع بأحسن شكل

ولو عندها فرصة إنها تبدأ في الحاجة اللي بتحبها بس بشرط تتميز فيه يبقى ده أفضل بكتير

عايزين نحس الإحساس ده ، إحساس إن في أي مكان لازم أكون الأول ...

أنا مش قصدي الأول بمفهوم الأوائل دراسيا مثلا - دي طبعا حاجة جميلة - بس هاكلمكم عن رأيي في الموضوع ده قريب جدا إن شاء الله

أنا قصدي إننا نكون متميزين في مجالتنا ، نستفاد ونفيد

لكن المشكلة إن ناس كتير بتشتغل لمجرد إنها تشغل وقت فراغها أو علشان الفلوس وللأسف المنطق ده هو اللي خلى كتير مننا مش متميزين في مجالات كتير وده كمان اللي خلى الناس تسافر لبلاد غير بلادها وتتغرب علشان اللي اسمه إيه ده القرش

وده مش بيأثر عليهم بس لكن بيأثر على حاجات كتير ، منها إنه ممكن يفقد إحساسه بقيمة شغله لأنه مش لاقي نفسه أو ممكن لإحساسه إنه آلة بتشتغل وبس أو لأنه كان بيشتغل علشان رئيسه في الشغل يعجب بيه فيرقيه أو أو لكن لو فعلا بيشتغل الحاجة اللي بيحبها أو على الأقل حب الحاجة اللي بيشتغل فيها وحس من شغله إنه لهدف كبير وهو إنه يدخل الفردوس الأعلى بشغله ده لما يحس إن بكل جرة قلم بكل كلمة حق في شغله بيقرب من هدفه أكتر ، بينصر دين الله

علشان عايزين نكون الأوائل لازم المكان اللي نكون فيه نكون فعلا مؤثرين فيه ما ينفعش يتقدم ويتطور من غيرنا لازم الناس تقول المكان من غيري ومن غيرك ما ينفعش وما نرضاش لنفسنا أبدا إن الشيطان يأثر علينا

عايزين ناخد الخطوة دي ونبدأ بقى شوف إنت بتحب إيه وطور نفسك فيه ، خليك أفضل واحد فيه

ولو معرفتش تعمل الحاجة اللي بتحبها فحب الحاجة اللي بتعملها

بس لازم تعمل

وما تنساش

بالإيمان والعلم نملك الدنيا ونفوز بالفردوس الأعلى