درس فى الغيرة من أمريكية!!

درس فى الغيرة من أمريكية!!

قدم ذاك الشاب العربي إلى ولاية أوهايو الأمريكية وكان بصحبته زوجته المحتشمة بالحجاب و لم تمض الأيام حتى انصهرت هذه المرأة في نمط الحياة الغربي انبهاراً بحرية الفتاة الغربية المزعومة ثم حرصت على لبس بنطال الجينز والقمصان فاقعة اللون لقد صارت عربية الدم غربية الشكل.
دخلت هذه المرأة يوماً أحد الأسواق فرأت امرأة متحجبة حجاباً كاملاً فأرادت أن تسخر منها وتزدري تمسكها بالحجاب في بلاد الحرية فقالت متهكمة: "حجاب هنا دعينا من هذا التخلف"، فالتفتت إليها تلك المرأة المتحجبة ولم ترد عليها فكررت سخريتها ولم تجبها تلك المرأة بشيء إلا أنها قالت باللغة الإنجليزية: "عفواً لا أعرف اللغة التي تتكلمين بها أنا أمريكية!!!".
صعقت المرأة العربية من لبسها الحجاب فقالت تلك المرأة الأمريكية المسلمة بلهجة واثقة: "اسمعي أنا أمريكية عشت العري والخلاعة أصالة وأعرف تماماً ماذا جلب لنا العري من بلاء ولكن أحمد الله أن هداني للإسلام وشرع لي الحجاب، لقد صار لأجسادنا وذواتنا قيمة بعد أن كنا ألعوبة للغادين والرائحين، افهمي يا مسكينة هذا الكلام جيداً وانتبهي لنفسك ولا تكوني صورة سيئة عن مسلمات العرب".
وانهالت عليها بالنصائح حتى ذهلت تلك المرأة المتبرجة وبدأت تبكي، قال قريبون منها: ظلت أسبوعاً كاملاً لا تخرج من دارها ثم رأيناها تخرج محتشمة بحجابها معتزة بإسلامها.

أختاه يا بنت الإسلام تحشمـي *** لا تـــرفعي عنكِ الخمـار فتندمي
هذا الخمار يـزيـد وجهــك بهجــةً *** و حـــلاوة العينيـــن أن تتحجبــي
صونـي جمــالكِ إن أردتِ كــرامةً *** كـي لا يصـول عليـكِ أدنى ضيغمِ
لا تعرضي عن هدي ربكِ ساعةً *** عضي عليه مدى الحياة لتغنمي
*****
ما كان ربكِ جـــائراً فــي شــرعـه *** فاستمسكي بعراه حتى تسلمي
ودعـي هـــراء القائــلين سفاهة ً *** إن التقـدم فـي السفــور الأعـجـمِ
إن الــذيــن تبـــرأوا عـن دينـهــــم *** فــهــمُ يبيـعــون الـعفــاف بــدرهـمِ
حــــلل التبــرج إن أردتِ رخيصــةً *** أمـا العـفــاف فـدونـه سـفــك الــدمِ
لا تمنحي المستشرقين تبسماً *** إلا ابتســامــة كــاشــرٍ متجهّـــــــمِ
*****
أنــا لا أريـد بأن أراكِ جهولةً *** إن الجهـــالة مــرة كــالعلقــــمِ
فتعلمـي وتثقـفي و تنوري *** والحــق يــا أختــاه أن تتعلمـي
لكنني أمسي وأصبح قائلاً *** أختاه يابنت الإسلام تحشمي

الوقت

أنا النت عندي بايظ من كام يوم ولما بادخل النت بادخل من التليفون ، وما أقلكوش أد إيه النت بطئ وهو بالتليفون وعلشان أعمل حاجة باخد فيها وقت كبير أوي وقلت لو كنت عملت الحاجة دي وأنا باستخدم النت القديم كان زماني خلصت من زمان

جيه في بالي خاطر

زمان الناس كانت بتتحسر على الوقت اللي غيرها بتضيعه وكانت بتقول لو كان الوقت بيتباع كانوا يشتروا بكل الفلوس اللي معاهم الوقت اللي الناس بتضيعه

ده زمان لكن دلوقتي بقى عندنا خدمات كتير حوالينا وبنستخدمها وبنقدر إننا نشتري الوقت بالفلوس ومع ذلك بنضيع وقت كتير جدا ، في حين إننا لو حسينا بجد بقيمة الوقت وبالنعمة اللي إحنا فيها ماكنش هيكون ده الوضع

وأنا باقول لنفسي الكلام ده قبلكم ، بجد الوقت نعمة غالية أوي ربنا يعينا ونقدرها ونستخدمها في خدمة دينه

برضه متفائل

السلام عليكم ورحمة الله وبركاته

أنت تكون نازل تتمشى ، نفسك تشم هوا نضيف وتشوف منظر حلو - مش بيقولولك الخضرة والماء والوجه الحسن - فأنت نازل في الشارع مستمتع بالطبيعة ، ماشي بإنتعاش تيجي تاخد نفس عميق تلاقي جسم غريب بيدخل جوا النخاشيش تبص حواليك تلاقي واحد بيشرب سجاير والدخان مالي المكان ، تكح لك كحتين وتسيب المكان وتتمشى في مكان تاني ، لسه في تفاؤل وإصرار على مبدأ التمشية والإستمتاع، سرحان في ملكوت الله وبتتأمل في الطبيعة تسمع أصوات غريبة وكأن الحرب قامت جوا ودانك تلتفت تلاقي إتنين بيتخانقوا وبيشتموا بعض وكأنهم أعداء ، فتسيب المكان وتروح مكان تاني ، لسه في جواك أمل كبير إنك تستمتع بالطبيعة ، المهم وإنت ماشي قاعد بتفكر إنك عايز تبسط كل الناس اللي تعرفهم ، فبتفكر مثلا ممكن تجيب هدية لمامتك تسأل على زمايلك في الشغل تعزم أختك على الغداء وإذا بيك تشم ريحة ربنا ما يوريك تتخض وتبص تلاقي خرابة ماليانة زبالة ، تكتأب يا عيني
لكن لسه في إصرار على إنك متفائل ونازل من بيتكم علشان تتمشى ، قاعد بقى بتفكر في يوم الجمعة اللي جاية أصله يوم خطوبتك وبتفكر في البدلة اللي هتلبسها ويا ترى اليوم هيبقى عامل إزاي وإنت في الماشية الرومانسية دي فجأة تلاقي نفسك بقيت مش على نفس المستوى اللي الناس بتمشي عليه تلاقي نفسك في مستوى أقل شوية وتشم ريحة أقذر شوية من الريحة اللي شمتها وإنت بتتمشى ، ويا عيني تحس بوجع في جسمك كله ، وتسمع أصوات ناس بس بعييييييييييييييييييييدة عنك وفجأة تكتشف إيه سبب اللغز ده وهو إنك وقعت في بلاعة

وفي لحظة كل التفاؤل اللي كنت حاسس بيه ، والرومانسية اللي كنت عايش فيها تتحول ل .........................

نسيب النهاية مفتوحة ليكم وإنتم تقولوا يا ترى لو مكان الراجل ده إيه شعورك وإنت بتمر بكل المواقف دي وفي الآخر تقع في بلاعة :D

وإنت يا عيني نيتك سليمة ونازل تستمتع بالطبيعة

دنيا من غير أغلى الناس ما تنداس

بدايتنا كانت واحدة

عشنا معا سنين عمرنا كلها

فرحنا معا وتألمنا معا

ولكن إكتشفنا أن لكل منا طريق

وهذه هي سنة الحياة

فيا الله ألهمني الصبر حتى أستطيع أن أتحمل ألم بعدهم عني

ويا رب لا تحرمني منهم فإنهم أغلى ما في حياتي

... إعتذار

حلمت أن أحمل رسالة عظيمة ، وحين حملتها ما كنت قدر المسؤولية

فهل لك أن تعطيني فرصة أخرى ، وأعني على مسؤوليتها ولا تتركني وحدي

وإن أخطأت مرة أخرى سامحني وكن لي معينا

فإني أحتاج إليك بشدة

نعناع الجنينة

إحنا عندنا أرض بنزرع فيها فاكهة وخضار ومربيين فيها معيز - لا مؤاخذة يعني - بغض النظر إن كل شوية معزة تموت بس لسه فاضلنا كام معزة كده

خلينا ندخل في المفيد ، بابا كل ما كان بيروح هناك كان يجيب لنا معاه حاجات منها ، أوقات كان بيجيب مانجة وخوخ وقصب وبصل وحاجات كده يعني ، لما كنا بناكل الحاجات دي كان بيبقى فرق شاسع في طعمها وطعم الفاكهة والخضار اللي موجودين في السوق

معرفش ليه حسيت إننا لما يكون في إيدينا مورد ونقدر إننا نستغله ده بيكون أفضل بكتير من إننا نكون مضطريين إننا نستغل موارد الآخرين

ومش لازم يكون عندنا أرض علشان نقول إحنا نقدر نزرع أكلنا ، لكن شوف إنت في إيديك إيه ، وأكيد كل واحد فينا فيه في إيده حاجة وهو مش شايفها ، دوروا كويس بس ، يعني مثلا إحنا كنا زارعين نعناع في البلكونة في بيتنا وكان رائع وسهل جدا

فشوفوا إنتم ممكن تعملوا إيه ولو حاجة بسيطة بس أكيد هتحس بفرق بعدها لإن الحاجة دي إنت اللي عملتها

إنتم طبعا عارفين أزمة العيش ، وإن الناس بتقف بالطوابير علشان تاخد كام رغيف

مرة كنت أنا وبابا في مشوار فشوفنا راجل شايل كذا رغيف عيش وماشي بيهم قبل شارع السودان بشوية ، فبابا بيقولي الراجل ده جايب العيش ده منين ، ده مفيش أفران قريبة من هنا ، قلتله تلاقيه راح الفرن اللي جنبهم ومعرفش يشتري فراح أي فرن بعيد

قلتله إحنا حلنا إننا نخبز العيش في بيوتنا بدل ما نكون دايما تحت رحمة أصحاب الأفران ، بابا قاللي دي سهلة جدا إحنا كل اللي عايزينه فرن وعجينة :D

أنا عجبتني أوي الفكرة وحسيت إني مادام في قوة وصحة وعلم يكفيني إني أنتج أكلي بنفسي فليه أحتاج لغيري

وده مش على الأكل وبس ده في كل حاجة في حياتنا ، لما يكون عندك سلاح العلم وتستغله صح وتطوره هنكون أحسن بكتير من إننا نحتاج للآخرين اللي عندهم العلم ده ، زي مثلا دول الغرب ، إحنا بإيدينا إننا نتميز في مجالات كتير أوي وبإيدينا إننا نرجع أمجادنا وبإيدينا إننا نكون أوائل

بس كل اللي محتاجينه إننا نقتنع إني صاحب رسالة وإن النصر والعزة هيبدأوا من عندي أو على الأقل أكون من اللي بيشاركوا فيه ونقتنع كمان إني لو في مكان ومش هاكون متميزة فيه يبقى أشوف أنا أقدر أكون متميزة فين وأروح المكان ده بس لازم التميز

دايما مقتنعة ، أنا مش هاضيع 4 سنين من عمري في الكلية علشان بعد كده أقعد أدام جهاز كمبيوتر زيي زي أي حد خريج كلية حاسبات ومعلومات أنا لو ده فعلا مجالي يبقى لازم أكون رقم 1 في كل حاجة فيه لو حاسة إنه مش مجالي يبقى آخد منه اللي يفيدني في المجال اللي أنا بحبه


وخليكم فاكرين إن نعناع جنينتنا أحلى بكتير من نعناع جنينتهم :D

أحبكم في الله

أنا في إنتظارك :D

إمتى بقى الأجازة تيجي ، عايزة ألعب :)

أوعي تكون منهم :(

سمعت النهاردة حاجة أحزنتني جدا

كنت باتفرج على التليفزيون فكانوا بيتكلموا عن السجائر فقالوا جملة قوية جدا

بيقولوا السجائر تعتبرمن طعام أهل النار

لأن السجائر فيها قطران وطعام أهل النار منه القطران

ولأن السجائر لا تسمن ولا تغني من جوع

أنا مسلمة

كان يا ماكان في قديم الزمان وما يحلى الكلام إلا بذكر النبي عليه الصلاة والسلام

كان في بنت جميلة إسمها ندى

اتولدت في بيت جميل مع أب رحيم وأم حنونة

أتولدت وهي بتشرب حب الإسلام ، قرأت كتير عنه

حبته لدرجة إنها كانت بتعشق اليوم المخصص لذهابها المسجد وكانت بتحلم باليوم اللي تبقى فيه مكان معلماتها

عرفت يعني إيه يكون عندها صحبة ما اجتمعوا إلا لله

قرأت كتير عن الإسلام و عن فضل سورة البقرة وسورة آل عمران

وكانت شايفة إن ده حلم مستحيل بالنسبة لها ، كانت شايفة إنهم سورتين عظيمتين جدا وكانت تتمنى إنها تحفظهم

وفجأة وبدون مقدمات حفظتهم ومش كده وبس دي ختمت كمان المصحف

ما كانتش بتضيع أي فرصة ولو صغيرة علشان تتعلم فيها

كانت كل حياتها حب لله سبحانه وتعالى، ماكانتش بتستنى حاجة من حد

كان كل أملها في الدنيا إنها تحب ربنا ، إنه يرضى عنها

كانت بتحب الناس كلها ، كان حلمها في الدنيا إنها تخرج جيل صالح يعبد ربنا وينصر دينه

وفعلا جيه اليوم اللي جالها الفارس اللي هيكمل معاها حلمها

عاهدوا ربنا إنهم يكملوا الحلم ده و اتعلموا ازاي يربوا ولادهم تربية صالحة ، قرأوا أكتر وأكتر عن الإسلام وعن سيرة الرسول عليه الصلاة والسلام

اتعلموا ازاي الرسول الكريم والصحابة كانوا بيربوا ولادهم ويشربوهم حب الإسلام

اتعلمت إزاي تخلي بيتها جنة وولادها هما طيور الجنة :)

حبت الناس ونشرت دين ربنا ، أخلاقها كانت أخلاق الإسلام

أدبها كان بيتكلم عنها

كانت من المتميزين في المجال ده

وكان كل الناس بتحب تيجي عندها وتشوف جنتها ، الناس لما كانت مهمومة كانت بتجيلها لما بتكون مبسوطة دي أول واحده بيفكروا فيها تشاركهم فرحهم

كانوا بيتعلموا منها إزاي تعيش في الدنيا في جنة

وقبل ما تقابل ربها الكريم افتكرت كل أيامها ، وافتكرت أد إيه هي عاشت حياة جميلة

وفرحت أوي لما حلمها اتحقق

لأن كان شعارها

أنا مسلمة

وفرحت أكتر لما ربنا أختارها علشان تروح له

بالإيمان والعلم نملك الدنيا ونفوز بالفردوس الأعلى

السلام عليكم ورحمة الله وبركاته

لما الواحد بيرسم صورة جميلة ويطلع فيها كل طاقته ويكون عايزها تطلع بأحسن صورة ويقعد يقول الألوان هنا لو زودناها شوية هيكون أحسن لو رسمنا هنا وردة هتدي للصورة شكل أحلى

لو الحاجة دي فعلا ليها قيمة غالية عنده هيحاول إنه يطلعها بأحسن صورة ممكنة ، هيكون عايز كل حاجة فيها ولو حاجة بسيطة جدا تكون طالعة في أحلى شكل

ده بيفكرني بالمثل اللي بيقول "إن لم تعمل ما تحب فحب ما تعمل"

كتير مننا بيكون عارف هو عايز إيه بالظبط في الدنيا ، يعني بيكون عارف هو عايز يطلع دكتور عايزة تكون مهندسة عايزة تكون أحسن طباخة في الدنيا عايزة تكون خياطة عايز يكون ميكانيكي ...

ويحاول يبذل مجهود علشان يكون أحسن واحد/ة في المجال ده ومش كده وبس ويحب كمان إنه يعلم الناس العلم اللي عنده ويحس إنه لما بيعمل الحاجة دي يبقي عمل حاجة كبيرة أوي

يعني لو مثلا مهندس يكون عايز يبني العماير للناس كلها عايز يشوف الحاجة اللي بيحبها أدام عينيه وعايز يفيد الناس بالعلم اللي معاه

ده نوع من الناس لكن في نوع تاني في ناس بتجبر على حاجات معينة زي مثلا اللي دخل كلية مش عايزها أو أجبر على حاجة هو مش بيحبها
فالناس دي مادام هي دلوقتي في وضع لازم تشتغل في الحاجة دي يبقى تحب الحاجة اللي بتشتغلها علشان تطلع بأحسن شكل

ولو عندها فرصة إنها تبدأ في الحاجة اللي بتحبها بس بشرط تتميز فيه يبقى ده أفضل بكتير

عايزين نحس الإحساس ده ، إحساس إن في أي مكان لازم أكون الأول ...

أنا مش قصدي الأول بمفهوم الأوائل دراسيا مثلا - دي طبعا حاجة جميلة - بس هاكلمكم عن رأيي في الموضوع ده قريب جدا إن شاء الله

أنا قصدي إننا نكون متميزين في مجالتنا ، نستفاد ونفيد

لكن المشكلة إن ناس كتير بتشتغل لمجرد إنها تشغل وقت فراغها أو علشان الفلوس وللأسف المنطق ده هو اللي خلى كتير مننا مش متميزين في مجالات كتير وده كمان اللي خلى الناس تسافر لبلاد غير بلادها وتتغرب علشان اللي اسمه إيه ده القرش

وده مش بيأثر عليهم بس لكن بيأثر على حاجات كتير ، منها إنه ممكن يفقد إحساسه بقيمة شغله لأنه مش لاقي نفسه أو ممكن لإحساسه إنه آلة بتشتغل وبس أو لأنه كان بيشتغل علشان رئيسه في الشغل يعجب بيه فيرقيه أو أو لكن لو فعلا بيشتغل الحاجة اللي بيحبها أو على الأقل حب الحاجة اللي بيشتغل فيها وحس من شغله إنه لهدف كبير وهو إنه يدخل الفردوس الأعلى بشغله ده لما يحس إن بكل جرة قلم بكل كلمة حق في شغله بيقرب من هدفه أكتر ، بينصر دين الله

علشان عايزين نكون الأوائل لازم المكان اللي نكون فيه نكون فعلا مؤثرين فيه ما ينفعش يتقدم ويتطور من غيرنا لازم الناس تقول المكان من غيري ومن غيرك ما ينفعش وما نرضاش لنفسنا أبدا إن الشيطان يأثر علينا

عايزين ناخد الخطوة دي ونبدأ بقى شوف إنت بتحب إيه وطور نفسك فيه ، خليك أفضل واحد فيه

ولو معرفتش تعمل الحاجة اللي بتحبها فحب الحاجة اللي بتعملها

بس لازم تعمل

وما تنساش

بالإيمان والعلم نملك الدنيا ونفوز بالفردوس الأعلى

إن مقدرتش تضحك متدمعش ولا تبكيش،

وإن مفضلش معاك غير قلبك مش هتموت هتعيش،

وإن سألوك الناس عن ضي جوا عيونك مبيلمعش متخبيش،

قولهم العيب مش فيا ده العيب في الضي

وأنا مش عاشق ضلمة ولا زعَلت الضي،

ومصير الضي لوحده هيلمع ومصير الضحك هيطلع

دا الضحك لوحدة مبيجرحش ولا يأذيش.

منقول

فيك من يكتم السر؟

ياختي جميلة ، إيه رأيكم في القمر ده ...

هاقولكم على سر بس أوعى حد يطلع السر ده بره

فيك من يكتم السر

في بيييييييييييييييييييييييييييير

مش إحنا - أعني البني آدمين - طلعنا إخوات البقرة في الرضاعة

يا خبر أبيض ، القمر دي تبقى أختي

بس تعالى هنا قوليلي أختي إزاي

إيه يا إنجي مالك بتاكلي وتنكري يخونك العيش واللبن

عيش إيه ولبن إيه مش فاهمة حاجة من فضلك قولي بسرعة

يوووووه دايما كده متسربعين هاقولكم أهو

القمر دي أختنا في الرضاعة لأننا بنشرب لبن بقري

ههههههههههههههههههههههههههههه

موزيينا

السلام عليكم ورحمة الله وبركاته

أخييييييييييييييييييييييييييييييرا إفراااااااااااااااااااااااااااااااج
مش مصدقة إن الأيام دي عدت على خير الحمد لله

النهاردة كان آخر يوم في تسليمات المشاريع في الكلية ، كان يوم طويييييييييييييييييييييييييييييييييل بس عدى على خير الحمد لله

المهم بعد ما خلصنا قلنا لازم نحتفل فبما إننا لسه بناخد مصروف من أهلنا وكلنا كنا بنمر بحالة مادية صعبة جدا جدا جدا قلنا خلاص نديها كشري

المهم روحنا كلنا كشري تحفة وبعدها روحنا كلنا فخفخينا

المهم الفخفخينا كانت جميلة جدا بس كان كلها موز فواحده صاحبتي بتقولنا دي إسمها موزيينا مش فخفخينا

أنا وصحابي قعدنا نتناقش يا ترى إيه مكوناتها بالظبط

فالمهم إتفقنا على المكونات دي :

معاكم ورقة وقلم :D

المقادير :

عصير فراولة
عصير جوافة
عصير مانجة
موز
فراولة
تفاح
كانتلوب
كريمة

الطريقة بقى يا جماعة :

كمية قليلة عصير فراولة
وفوقها كمية قليلة عصير جوافة
وعليهم كمية قليلة عصير مانجة

ومتقطع جواهم موز وفراولة

ونزينها بالتفاح والكانتلوب والكريمة

وبالهنا والشفا :D

وماتنسوش تعزموني عليها

بس اللي غايظني إن العصير كان واقف فوق بعضه نفسي أعرف إزاي ، لما أجربه إن شاء الله هاقولكم إيه اللي حصل

المهم كلنا كنا مبسوطين جدا إننا خارجين مع بعض وواحده صاحبتي علقت علينا بتقول ايه الفخفخة اللي إنتم فيها دي نسبة إلى الفخفخينا بس كانت جمييييييييييييييييييييييييييييييلة

صدق الله العظيم

قُلْ هَلْ نُنَبِّئُكُمْ بِالأَخْسَرِينَ أَعْمَالاً (103) الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعاً (104)

Bugs - - - Tricks

i tried it, it works !!!

TRICK #1
An Indian discovered that nobody can create a FOLDER
anywhere on the computer which can be named as "CON".
This is something pretty cool...and unbelievable. ..
At Microsoft the whole Team, couldn't answer why this
happened!
TRY IT NOW ,IT WILL NOT CREATE " CON " FOLDER

------------ --------- --------- --------- --------- --------- --------- --------- -----

TRICK #2
For those of you using Windows, do the following:

1.) Open an empty notepad file
2.) Type "Bush hid the facts" (without the quotes)
3.) Save it as whatever you want.
4.) Close it, and re-open it.

is it just a really weird bug? Confused?

------------ --------- --------- --------- --------- --------- --------- --------- -----

TRICK #3
Microsoft crazy facts

This is something pretty cool and neat...and
unbelievable. .. At Microsoft the whole Team,
including Bill Gates, couldn't answer why this
happened!

It was discovered by a Brazilian. Try it out
yourself...

Open Microsoft Word and type

=rand (200, 99)

And then press ENTER

Try it

بدون عنوان

بكل لحظة أفقدكم

دموعي أغرقت قلبي

أتسمح لي أن أبكي على بابك ...

والقي كل هم الدنيا في ردهات أعتابك ...

ويرسو مركبي المقهور في مينائك المزدان بالورود

هل يمكنني أن أرتاح في عينيك

سأحفر في جبين الدهر إذا ما جئت أروي لك حكاياتي

وتسمعني أقص عليك بعضا من شكياتي

فلا تبكي على قبري إذا

ما اطفأت ريحي شموع العمر

ولم تبقى سوى الذكرى

أمنيات

كثيرا ما نتمنى أمنيات ولكنها لا تتحقق وقد ننساها ،
وإذ فجأة نجد أن بيننا وبينها خطوة
حينها لا ندري أنأخذ هذه الخطوة أم أن وقتها لم يحن

... ارحمينا

حاجة كده على ما أُقسم

class FCI
{

private int subjects = 6 ;
private int projects ;
private boolean reports , assignments ;
private String same_deliver_week;
private boolean kefaya = false;

public FCI(int subjects , int projects , boolean reports , boolean assignments , String same_deliver_week)

{
this.subjects = subjects ;
this.projects = projects ;
this.reports = reports ;
this.assignments = assignments ;
this.same_deliver_week= same_deliver_week ;

}

public void check()

{
if(subjects == 6 && projects == subjects && reports && assignments && same_deliver_week .equals("6-5-2008 --> 12-5-2008"))
{
kefaya = true ;
System.out.println(" it's sufficient er7amooona ");
System.out.println(" 7araaaam kefaya ");
}

else
{
System.out.println("enta etganint <--> Invalid inputs");
}

}

public static void main(String args [])
{
FCI fci = new FCI (6,6,true,true,"6-5-2008 --> 12-5-2008");
fci.check();
}
}

أضحك كركر

من طلب العلا يتفضل فى كابينه 4

اللى بيته من إزاز ميغيرش هدومه فى الصالون

فاقد الشىء يدور عليه

اقلب القدره على فومها الفول يقع منها

تأتى الرياح محملة بالأتربة

ياخبر النهاردة بفلوس بكره ينزل عليه أوكازيون

اللى معاه قرش محيره يجيب حمام ويحمره

قال يامحشحشين يكفيكوا شر الكمين

اللى ياكل لوحده يشبع

لاتبكى على اللبن فى البسكوت

اقطع عرق وحتة بتلو

اطبخى ياجاريه الأنبوبه فاضيه يا سيدى

لو حبيبك عسل ما تحطلوش طحينة

اللى يتلسع من الشوربه يتصل بالمطافى

وبكره ترجع ريما من عند خلتها فى مارينا

ياداخل بين البصله وقشرتها حط قطرة علشان هاتدمع من ريحتها

اصوم اصوم وافطر على المدفع

القرش الأبيض بيعوم فى البحر الأحمر

ضربوا الأعور على عينه قالهم كسرتوا النضاره

اللى ميشفش من الغربال يكشف نظر;

المال السايب يعلم الطلبة

نام وارتاح وكل عسل نحل التمساح

من خرج من داره مينساش يأخد المفتاح معاه

الباب اللى يجيجلك منه الريح شيله وركب قبنورى

المضطر يركب التاكسى

رب صدفة خير من ألف ليلة و ليلة

اللى يخاف من العفريت يعمل عبيط

المركب اللى فيها رايسين يلعبواطاولة

اللى خدتوا القرعه تخدوا ام الخلول

أكل العيش يحب الطعميه

طعم النجاح لو دقتوا مش هتصدقوا

أون سيراميك يعني على بلاطة النونو ده جميل أوي :D
واللي يعرفني هيشبه على النونو ده ويقول إنه شبهي بالظبط :D

المهم ندخل في موضوعنا

شعور جميل جدا لما تحس بنجاح ، سمعت أغنية جميلة أوي إسمها جدد حياتك فكان فيها جزء عجبني أوي بيقول طعم النجاح لو دقتوا مش هتصدقوا *** عايز تجرب حط حلم وحققه

بجد يا جماعة كلمة جميلة أوي

ناس بتفتكر إن راحتها وسعادتها وان ضميرها بيبقى مستريح لما بتعيش حياة عادية كل اللي بتعملوا انها بتصحى الصبح بتروح شغلها بترجع تنام بتقعد مع ولادها ، من غير اي دور مؤثر

مع إنهم لو بدأوا فعلا إنهم يحطوا حلم ويبدأوا فيه ، لو حاسوا إنهم بيتعبوا فعلا في الدنيا علشان هدف تفكيرهم هيختلف تماما

افتكرت حديث الرسول عليه الصلاة والسلام

"إذا قامت القيامة وفي يد أحدكم فسيلة فليغرسها"

إن أد إيه العمل مهم جدا حتى لو كان آخر لحظة مش في حياتك وبس لكن آخر لحظة في الحياة

ملحوظة : ممكن تسألوا إيه العلاقة بين الصورة دي والكلام اللي كاتباه ، بصراحة لما شفت الصورة دي والنونو ماسك الوردة افتكرت الحديث الكريم

إحساس أكثر من رائع

إحساس أكثر من رائع
أن تمد يدك فتجد من يصافحك ... بحب
وتفتح قلبك فتجد من ينصت إليك ... بصدق
وتصرخ فتجد من يستقبل صرختك ... بإخلاص
وتبكي فتجد من يجمع حبات دموعك ... بوفاء
فالصداقة كالقناعة كلاهما كنز لا يفنى
بشرط أن لا تكون العملة مزيفة

يا صديقي مد إيدك

السلام عليكم ورحمة الله وبركاته

بقالي فترة باسمع حاجة وما تتخيلوش مضايقاني أد إيه
من أكتر من شخص باسمع إنهم كانوا أيام الدراسة علاقتهم بصحابهم كانت قوية جدا ولما اتخرجوا ما باقوش بيعرفوا حاجة عن بعض ولو حتى بالتليفون

النهاردة كنت باكلم واحده كانت معانا في الكلية واتخرجت من سنتين باسألها عن واحدة كانت صاحبتها أوي بتقولي إنها بقالها فترة ما تعرفش عنها حاجة أنا بجد صعقت وقلت إزاي عشرة 4 سنين تضيع كده ، ومش أي عشرة ، دي صداقة يعني رباط قوي

هل ده واقع ، هل بعد الدراسة الناس ما بتعرفش بعض ، هل ده بسبب المشاغل ولا لإنهم لقوا حاجات تانية أهم ، زي الزواج أو الشغل أو أو أو

بجد باتمنى إن الدراسة ما تخلصش علشان يكون في ود وتواصل ما بيني وبين صحابي :((

يا رب اربط بينا برباط الإسلام والحب ، يا رب ما تفرقناش أبدا

جمال مصرنا في إيدينا

بنعيب كتير في النظام ، ومش عاجبانا السلطة في مصر
ومتهيألنا لو النظام إتغير إن مصر هتكون أحسن
وللأسف إحنا مش مدركين إن المشكلة فينا إحنا ، وإن كمان الحل مش هيطلع غير مننا

في شعر بيقول
نعيب زماننا والعيب فينا وما لزماننا عيب سوانا

وفي مقولة كنت سمعتها بتقول
إن كنتم تريدون أميرا مثل أبو بكر فكونوا مثل خالد وعمر

إمبارح كنت باكلم واحده صاحبتي فباكلمها على بلال دياب اللي كلم د.نظيف في مؤتمر جامعة القاهرة

بتقولي أنا في حالي وماليش دعوة بالسياسة

مين فينا كده ، وكام واحد بيقول أنا عايز أعيش وأربي ولادي
وهو مش عارف إنه بكده بيظلم ولاده قبل ما يظلم نفسه

أنا مش باقول إننا نعمل ثورة ونقلب نظام الحكم
أنا كل اللي باقوله إننا نبدأ من نفسنا ثم من اللي حوالينا ، نصنع حياة جميلة في المنطقة المحيطة بينا
باقول إننا نتميز في مجالنا ، باقول إننا ندي الناس من غير ما ناخد ، باقول إننا نحب بعض ونسامح بعض

أنا باقول إننا نكون مثل خالد بن الوليد وعمر بن الخطاب

وصدقوني لو كلنا عملنا كده مصرنا هتكون جنة

هنرجع أقوياء تاني

عيش حياتك بإستمتاع وبحب وبإسلام :)

الحلة والغطا

النهاردة سمعت ناس كانوا بيتكلموا عن التوافق بين الزوجين
يعني ما ينفعش يكون في حد أقل من التاني بصورة كبيرة
فالمهم ضربوا مثال عجبني اوي ، بيقولوا الراجل ومراته زي الحلة والغطا
لازم الغطا يكون أد الحلة يعني ما ينفعش الغطا يكون أكبر ولا أقل من الحلة
:D
عجبتني أوي

فزورة

أقولكم فزورة :D

والأسرع والأصح له جايزة البرنامج

ليه الديك ما بيحبش يقعد على القهوة :D

يــــــــــــارب

دعوة فرح

لا لا دماغكم ما تروحش لبعيد ... أوعى حد يفتكر إني باعزمكم على فرحي

تعرفوا عني كده برضه


كل الحكاية إني نفسي أحضر فرح

الناس مش عايزة تتجوز ولا إيه
:)

بجد بافرح أوي لما أعرف إن في أسرة مسلمة هتتبني

لكن في ظل الظروف الصعبة اللي بنعيشها والغلا اللي بقى محاوطنا من كل ناحية الشباب بيكبر دماغه وما بيفكرش أصلا في الجواز

ولو فكر لما بيتقدم للعروسة أهلها بيطلبوا منه شئ وشويات وطبعا ده مش في كل الأهالي لكن في بعضهم بيغالوا أوي في المهر والشبكة والذي منه

فيا أهالي بسطوا الأمور شوية وخلوا الولاد تفرح :D

لكن نرجع ونقول إني عايزة أحضر فرح فاتصرفوا وأي حد يعزمني على فرح :D

You & others

A smile from you, can bring happiness to anyone, even if they don't like you.
· Every night, SOMEONE thinks about you before they go to sleep.
· You mean the world to someone. · Without you, someone may not be living. · You are special and unique, in your own way.
· Someone that you don't know even exists, loves you.
· When you make the biggest mistake ever, something good comes from it.

... ماذا لو بدأنا من جديد

ماذا لو بدأنا من جديد؟

يروي برنالد هالدين في كتابه: كيف تجعل من النجاح عادة .. قصة رجل جاوز الثالثةوالأربعين من عمره جاءه يوماً و هو يقول: درست القانون وأنا أعمل اليوم محامياً،

ولكنني أشعر بعد مرور خمسة عشر عاماً على ممارستي لهذه المهنة، أنني لم أحقق النجاح الذي كنت أتطلع إليه وأنا طالب في كلية الحقوق، لم أكمل تعليمي بعد

قال هالدين: وقلت للرجل.. عد إلى سنوات طفولتك و صباك، حاول أن تتذكر عملاً قمت به وشعرت بلذة ومتعة وأنت تؤديه، ألم يكن لك أي ميول أو اتجاهات أخرى في أي مجال؟

جلس الرجل صامتاً يفكر فترة طويلة، وفي النهاية بدأ يتكلم و كأنه تذكر شيئاً.. و بدأ يروي قصته، قال: لقد كان والدي يمتلك بندقية صيد كبيرة.. و كان قد كف عن ممارسة هواية الصيد لفترة طويلة ثم قرر فجأة أن يعود إليها، وبحث عن بندقيته فعلاً وجدها كان الصدأ قد علاها، وأصبحت غير صالحة للاستعمال فما كان منه إلا أن ألقى بها جانباً وقرر العدول عن الخروج مع رفاقه للصيد

وكنت يومها صبياً لم أتجاوز الثالثة عشرة من عمري، وكنت أحب والدي كثيراً، وما كدت

أراه يعود ويشعل الغليون ويضعه في فمه، ويجلس في ملل يرقب النار المشتعلة في المدفأة، حتى شعرت بالأسف من أجله

وعدت إلى البندقية وحملتها في هدوء إلى غرفتي، ثم أغلقت الباب عليّ، بعد أن قررت بيني وبين نفسي، أن أفعل كل ما في وسعي لأعيدها إلى ما كانت عليه. و في اهتمامشديد، رحت أفك أجزاءها قطعة بعد قطعة ثم نظفتها وأزلت الصدأ الذي كان يكسوها، و أعدتها إلى ما كانت عليه

إنني لا أستطيع أن أنسى ذراعي والدي القويتين وهما يرفعانني في الهواء ثم يهبطا بي مرة أخرى وهو يصيح: فليباركك الله يا بني.. عندما عدت إليه ببندقيته صالحة للاستعمال مرة أخرى.. لقد أحسست يومها بفخر وزهو لا يعادلهما شيء في الدنيا.. لقد منحني والدي يومها جنيهاً مكافأة لي

ويقول هالدين: وعدت أسأل صاحبي: هل قمت بأعمال مماثلة بعد ذلك، هل أعدت محاولتك لإصلاح شيء خرب في البيت؟

قال: نعم، فعلت، لقد أصلحت ماكينة الحياكة التي تملكها أمي، و أعدت التيار الكهربائي بعد أن قطع مرة عن البيت، وأصلحت دراجة أختي الصغيرة.. وفي كل مرة كنت أجد متعة وأنا أقوم بهذه الأعمال

وقلت للرجل أخيراً: إن مكانك يا صديقي في مصنع كبير لا في مكتب المحاماة

قال: ولكنني درست القانون لأن والدي أراد لي هذا الطريق

قلت: ولماذا لا تدرس الهندسة؟

قال: وهل أستطيع أن أعود طالباً بعد أن جاوزت الأربعين؟

قلت: بالضبط.. التحق بكلية الهندسة وتعلم، فقد خلقت لتكون مهندساً

هذا المحامي الفاشل أصبح واحداً من أشهر مهندسي بريطانيا بعد أن جاوز الخمسين من عمره

يا له من مستودع للمواهب، لم تمسه يد، ذلك الذي كان يختفي داخل هذا الرجل الذي

تصور في لحظة من لحظات حياته أن الفشل هو كل نصيبه من هذه الحياة

ملل ملل ملل

يووووووووووووووووووووووووه ، يااااااااااااااااااااااااااااااااااااااااااه ، يييييييييييييييييييييييييييييييييييييه
تعبت أوي ، حاسة بملل ، عايزة أرتاح وأخلص بقى

أوعوا تقولوا إنجي إتجننت ولا إيه ، أحسن أزعل منكم ، إنتم عارفين إني ست العاقلين

بس معرفش ليه جالي إحساس بالملل والتعب

بالراحة طيب فهمينا الإحساس ده جالك من إيه

من الدراسة يا سيدي
مش عايزة أفكر في أي حاجة ليها علاقة بالدراسة
مش عايزة أذاكر ومش عايزة أشتغل ومش عايزة أعمل حاجة أحس منها بملل

عايزة أعمل حاجة جديدة عايزة أسافر و أخرج وألعب وأتفسح

عايزة أشتغل بس مش في حاجة متعلقة بالدراسة

وأنا في سنة أولى ولغاية الترم اللي فات كنت باحب الدراسة جدا وكنت مستمتعة جدا

بس بجد تعبت وحاسة إنها بتتطلب مننا مجهود كبير أوي

وأنا مش من النوع اللي مش باحب المجهود بس حاسة إني ممكن أدي المجهود ده في مكان تاني أحسن

معرفش ده سببه إن الكلية دي مش مكاني ولا لأني محتاجة وقت أستريح فيه علشان أقدر أكمل بعد كده

مش عارفة

والله أنا بحب كليتي جدا ، بس حاسة بملل ومش عايزة أشتغل ومش عايزة أعمل حاجة خالص متعلقة بالشغل

بس بعد دراستي للوضع وفهم المشكلة أقدر أقول رأيي إن المشكلة أغلبها بتكمن في نظام التعليم ، بحس إن الدكاترة شايفينا مكن بيشتغلوا وبس ، بس معرفش ليه الكلية ما فكرتش - هي الكلية بتفكر!!- خلاص خلاص ما تزعقوش قصدي نظام الكلية - ليه نظام الكلية ما بيحتويش على حاجات ترفيهية نعملها
يعني ليه ما يشوفوش الطلبة بتحب إيه وتعملهولنا ويبقى عليه درجات برضه علشان الناس تعمل حاجة تقدر تخرج بيها عن جو المذاكرة والدراسة

بس برضه ملل ملل ملل :((

ادعوااااااااااااااااااااااااااااا لي أخلص من الملل ده

ما تيجو نضرب

وصلني رسالة على الميل جميلة أوي يا ريت ننفذها ولو معرفناش ننشرها حوالينا ننفها بينا وبين نفسنا

بسم الله الرحمن الرحيم

ايه رايكم فى الإضراب اللى حصل ؟
طب إيه رأيكوا إن الناس بدل ما كانت تعمل إضراب عن العمل كانت عملت إضراب عن المعاصي
يوم واحد بس محدش يسرق فيه ولا يرتشى ولا يكدب ولا يغتاب ولا يشتم ولا ولا ولا ............
......... حاجات كتير
وكلنا نصوم فى اليوم ده وندعى ربنا سبحانه وتعالى واحنا بنفطر
تخيلوا كل الناس صايمة تطوع اليوم ده وبتدعى ربنا من قلبها ساعة الفطار
تخيلوا رحمات ربنا سبحانه وتعالى اللى هتنزل علينا
عن الرسول صلى الله عليه وسلم قال " والذي نفسي بيده لتأمرن بالمعروف ، ولتنهن عن المنكر، أو ليوشكن الله أن يبعث عليكم عقابًا منه ، ثم تدعونه فلا يستجاب لكم " رواه الترمذي .
يعنى احنا لازم نأمر بالمعروف وننهى عن المنكر
و نحاول نغير الغلط اللى حوالينا ...
فايه رأيكم احنا ننفذ الفكرة دى ؟
نصوم كلنا يوم ونمتنع فيه عن المعاصي كلها على قد ما نقدر
طبعا الامتناع عن المعاصى المفروض يكون منهجنا أصلا
بس احنا هنقول إن محدش معصوم من الخطأ وإننا بنحاول نكون أحسن
إذا الفكره عجبت الناس نتفق على يوم معين ونصوم فيه كلنا
وهندعى واحنا بنفطر كلنا نفس الدعاء
علشان ربنا يستجيب لينا إن شاء الله لما نكون كلنا متجمعين على شئ واحد
عايزين بقى ننشر الموضوع على قد ما نقدر ونقول لكل الناس ولقرايبنا وأصحابنا وزمايلنا فى الجامعة ونبعت للى نعرفهم اميلات ونكلم الناس فى التليفون وننزل الموضوع على المنتديات ونبعت للجروبات
وبدل الدعوة للإضراب هندعوا للإصلاح
عايزين بقى نشوف انهى دعوة هتبقى أقوى وأكبر
والرسول صلى الله عليه وسلم بيقول فى جزء من حديث " من سنَّ في الإسلام سنّة حسنة فله أجرها وأجر من عمل بها بعده من غير أن ينقص من أجورهم شيء "
يعنى اللى هيقول لحد ويصوم هياخد ثوابه
شوف ممكن تاخد ثواب قد ايه ؟
يلا فرصة نقول ان احنا صح وبنتجمع فى الخير زى ما بنتجمع فى الماتشات والخناقات
وربنا يتقبل منا جميعا
و نفتكر ان اصلاح بلدنا هيبدا من اصلاحنا لأنفسنا
فلازم نغير من أنفسنا

يا ريت يا جماعه نتحد ونتفق على يوم معين ونصوم فيه

بس الموضوع كله اننا نعمل دعايه للموضوع في كل مكان

وربنا أكيد ان شاء الله هيوفقنا

أحمد ربنا

السلام عليكم ورحمة الله وبركاته

عارفين المثل اللي بيقول الصحة تاج على رؤوس الأصحاء لا يراه إلا المرضى ولا المثل اللي بيقول اللي يشوف بلاوي الناس تهون عليه بلوته

النهاردة انتم شايفين الجو جميل ازاي درجة الحرارة 42 بس :D

فأنا عاملة حساب الموضوع ده وعمالة أقول طيب أنا هانزل إزاي في الحر ده وبعدين افتكرت إني هاقعد في معامل الكلية " المكيفة " ومش هاحس بالحر فقلت خلاص يعني المشكلة بس في الطريق من البيت للكلية

المهم وقفت تاكسي واحنا في الطريق جيه في بالي نفس الموضوع ده - موضوع الحر - قلت يعني أنا كنت عاملة حساب كام ساعة هاقعدهم في الكلية أومال لو كنت مكان سواق التاكسي اللي شغلته أصلا إنه يقعد في الحر ده

حسيت أد إيه إحنا في نعمة كبيرة أوي وإننا ما بنحسش بقيمة النعمة دي

وقيسوا عليها طبعا كل نعمة في حياتنا سواء نعمة فعلا بنحمد ربنا عليها ومقدرين النعمة دي وكمان النعم اللي مش قادرين نستشعر قيمتها