أشهر صفعة (كف) في التاريخ

أشهر صفعة (كف) في التاريخ

هذه القصة حدثت في أحد القرون الوسطى

تقريبا في القرن السادس عشر

وبالتحديد في إحدى القرى الألمانية

كان هناك طفل يدعي (جاوس) وكان جاوس طالبا

ذكيا وذكائه من النوع الخارق للمألوف

وكان كلما سأل مدرس الرياضيات سؤالا كان

جاوس هو السباق للأجابه على السؤال، فيحرم

بذلك زملائه في الصف من فرصه التفكير في

الإجابة

وفي أحد المرات سال المدرس سؤالا صعبا...

فأجاب عليه جاوس!!..بشكل سريع... مما أغضب

مدرسه

فأعطاه المدرس مسأله حسابيه!!!

وقال : اوجد لي ناتج جمع الاعداد من 1 الي

100!!

طبعا علشان يلهيه عن الدرس ويفسح المجال

للآخرين!!!!!!!

بعد 5 دقائق قال جاوس بصوت منفعل: 5050!!

فصفعة المدرس صفعة قوية!!

وقال: هل تمزح؟!!!!....

أين حساباتك؟

فقال جاوس: اكتشفت ان هناك علاقه بين 99 و1

ومجموعها = 100

وأيضا 98 و 2 تساوي 100

و 97 و 3 تساوي 100

وهكذا الى 51 و 49!

واكتشفت بأني حصلت علي 50 زوجا من
الأعداد

وبذلك ألفت قانونا عاما لحساب هذه المسأله وهو

n (n+ 1) /2

وأصبح الناتج 5050

فاندهش المدرس من هذه العبقريه ولم يعلم انه

صفع في تلك اللحظة

العالم الكبير فريدريتش جاوس

احد اشهر ثلاث علماء رياضيات في التاريخ

... بحب النور

بحب النور وصوت عصفور يناجى فى السما ربه
بحب الخير ولو للغير وبسأل ربنا قربه
بحب القلب لو طيب وأقول الله
دية كلمة حب تكفينا لا مال ولا جاه
تعالوا نزرع الدنيا بحب الله
ندوس على كل احزنا وقولت أه
نلاقى أرضنا جنة مليها النور

وأحب اللقمة من فاسى وأحب اللمة بين ناسى
ومهما كبرت مش ناسى نداء قلبى واحساسى

بيرسم لى طريق مقدور

بحب النور وصوت عصفور

آه آه آه آه آه آه آه آه آه
بحب الحب يجمعنا وحلم جميل يرجعنا
لصدق الكلمة والمعنى نداوى بيها أوجعنا
ونرسمها حروف من نور

بحب النور وصوت عصفور

آه آه آه آه آه آه آه آه آه آه آه آه

رسمت الفجر فى عنيا وبعزف صبح اغنية
تغنيها الطيور ليا وانا والشمس والمية
نردد ويا صوت عصفور بحب النور وصوت عصفور

سبيل العالم..

هيا بنا نكون قدوة صالحة نعبر عن ديننا نطبقه وننشره وبإذن الله سنصل لأبعد الأفاق

أملاك الحاج شمر

السلام عليكم ورحمة الله وبركاته
النهارده كنت رايحة شارع مراد ، وانا في التاكسي لقيت شارع مكتوب عليه شارع أبي شمر والشارع اللي جنبه شارع إبن شمر
تفتكروا الحاج شمر كان دوره ايه في الحياة لدرجة انه يملك الشارع باللي فيه ومش كده وبس ده بالوراثة
بس تصدقوا فكرة كويسة ،،، يوزعوا مصر على عائلاتها
ويبقى المهر من العريس للعروسة شارع على النيل
ويبقى في شارع بإسمي ، يـــــــــــــــــاه واعمل فيه اللي انا عايزاه

كان بدري علينا البتنجان

السلام عليكم ورحمة الله وبركاته
بشرى سارة لكل من حالفه الحظ وكان من المبرمجين ... سمعت النهارده خبر لطيف جدا ويا خوفي احسن يكون حقيقي

سمعت إن في أمريكا المبرمجين بعد 10 سنين خبرة لا يؤخذ بشهادتهم في المحاكم

يا عيني الناس المبرمجين دي بتكون لسعت خلاص بعد 10 سنين ، طب وبعدين هنسيب الناس دي كده ، ناس دي ايه ده انا منهم يا خبر ابيض انا هيجيلي يوم وهاكون من اللاسعين في الأرض

الحقوا شباب المبرمجييييييييييييييييييييييييييييييين

الحقووووووووووووووووووووووووونا

هل حان الوداع؟

يا شاطئ الذكرى رمالك لم تزل تروي لنا ما يلهب الوجدان

يا من يعاتبني إذ اقتــــحم الأسى شعري وداهم قلبي الولهان

أتريد مني أن تكون مشـــــاعري ثلجا فأضحك والضلوع حزان

لغة الوداع فصيحة لكنما لهو الحياة يغلق الأذان

قالوا لنا حان الوداع حان الفراق مع الضياع

من بعد ما كانت لنا دار بها أحلى اجتماع

هل بعد هذا نفترق ؟

هل بعد هذا نبتعد ؟

لالا لن نفترق ..... لالا لن نبتعد

للإستماع

إمامي ... لك مني تحية

هكذا الحياة

هكذا الحياة ... شخص يذهب وشخص يأتي

... صديقي

أحيانا لا تجد صديقا غير كشكول تكتب فيه مذكراتك ، تسرد همومك ، تتناقش مع نفسك

لا تجد صديقا غير نفسك

خاطرة شخصية

السلام عليكم ورحمة الله وبركاته

معلش هاكلمكم عن حاجة شخصية أوي ... بس أنا بجد نفسي أتكلم
أنا كنت في مشكلة بقالها سنين ، وما كنتش حاسة بأد إيه المشكلة دي كبيرة غير من فترة صغيرة

النهارده اتكلمت مع محمد أخويه فيها ، اتكلمت كتير وقلت كل اللي جوايا لدرجة إني بكيت ...
هو سمعني وحسيت إنه فاهمني أوي ومش بس كده ده لما كلمني كنت حاسة إنه بيقول الكلام اللي كان نفسي أسمعه من زمان ، حسيت إنه بيفكر بنفس تفكيري ، حسيت إنه بيرسم الصورة اللي أنا باحلم بيها ، هو سمعني وفهمني ونصحني

بجد أنا كنت محتاجاله أوي ...

بجد أنا اتمنيت إني أعيش معاه على طول ، وكل ما احتاجه ألاقيه

ولكني نفسي أنفذ اللي اتفقنا عليه ولكني أشعر أني ما زلت في مرحلة لا أريد أن أرى فيها أي خسائر
حاسة ان لو اي مشكلة حصلت لي او سمعت اي خبر يضايقني ممكن ارجع زي ما كنت

خايفة قلبي ينزف حزنا وألما مرة أخرى
ادعوا لي كتير

إلى الإخوان المسلمين

لقد اوجبت دعوه الاخوان على اصحابها ان يكونوا جزء من قلب المجتمع لا ينفصل عنه يشاركونه فى كل احداثه ويعيشون معه كل ظروفه ويعبرون عن اماله والامه ويحفظون شعائره ويلمسون مشاعره ويتحملون فى سبيل ذلك كل ما يواجههم من عقبات وتحديات من السجن والاعتقال والاضطهاد محتسبين كل ذلك عند الله ولا يسالون احدا جزاء ولا شكرا

إلى الحج

خرج اعرابى الى الحج ماشيا فراى رجلا على ناقته

فقال له الرجل الى اين ؟

قال الى الحج

فقال اين الراحله فالطريق طويل

فقال له : لى مراكب كثيره لا تراها فقال ماهى ؟

قال : اذا نزلت بى مصيبه ركبت مركب الصبر

واذا نزلت بى نعمه ركبت مركب الشكر

واذا نزل بى القضاء ركبت مركب الرضا

فقال له سر على بركه الله فانت الراكب وانا الماشى

يا ليتنا هذا الرجل

رجل ذو همه***يحيى الله به امة

يا دعوتي سيري

يا دعوتى سيرى ***سيرى ***سيرى
كل الوفا ليكى وكل تقديرى
مايوقفك ظالم او غدر شرير
وانت يا دعوتنا فى الشدة سلوتنا
يا دعوتى سيرى
*******************
يا دعوتى انت*** روحى ووجدانى
كل البشر يفنى ***وانتى اللى شئ تانى
بالدم افديكى ***انا واخوانى
نفديكى بالملايين***باقية ليوم الدين
يا دعوتى سيرى
*******************
يا اخوتى هيا ***هيا بنا هيا
خلوا القلوب صاحية***خلوا القلوب حية
النصرة دي جاية***لو نخلص النية
هنكون امام الله***م اللى ينولوا رضاه
يا دعوتى سيرى
*******************
مين غيره مولانا ***ينصرنا عرفينوا
قرآنه دستورنا***فى قلوبنا شايلينوا
هنعاهده يا اخوانا***نفضل فدا دينه
يارب ثبتنا***بارك اخوتنا
يا دعوتى سيرى
*******************
للإستماع

...وردة

وردة فتحت بعض اوراقها ولسه مستنية الندى علشان تفتح باقى الاوراق

عش لله ... تملك الدنيا

عندما تعيش حياتك من أجل شخص ... وتسعى بكل الوسائل أن تسعد هذا الشخص
حين تفقده ، وقتها تشعر أن ليس لحياتك معنى ، وأنك فقدت ما كنت تعيش من أجله
ولكن
عندما تعيش لله ... وتسعى بكل الوسائل أن ترضي ربك
وقتها تشعر أنك ملكت هذه الدنيا وأنك ستعيش سعيدا طوال حياتك

2AEH...

السلام عليكم ورحمة الله وبركاته

عندما يُكتب لك أن تقابل أشخاص في حياتك يغيروا مسرى حياتك ...
يغيروا شكل حياتك للأفضل
تطيعوا الله معا ، تنشروا الخير وتعلموا العلم ، تنصحوا وتتناصحوا ،
تجد معهم الأخت والصديقة والأم ، عندما تتحدث معهم كأنك تتحدث مع نفسك
يشاركوك أفراحك وأحزانك ، يخففوا همك ويمسحوا دمعك ، يحاولوا بشتى الطرق أن يسعدوك

وقتها ...

تشعر أنك من المحظوظين في هذه الدنيا ، تشعر أنك من الذين أنعم الله عليهم
لا أستطيع أن أقول لصديقاتي إلا أني بدونكم مثل الظمآن في الصحراء
أحييتم حياتي ، بكم أنا أفضل ،بكم أشعر بالأمان
ألف حمد وشكر لك يا رب على نعمتك علي

إني أحبكن في الله

مقولة رائعة

كل اللي يعجبك وإلبس اللي يعجبك برضه

السلام عليكم ورحمة الله وبركاته

سمعنا كتير عن المثل اللي بيقول "كل اللي يعجبك وإلبس اللي يعجب الناس"
طيب وهل دي حاجة معقولة؟
يعني لبسي اللي يتحكم فيه الناس مش أنا
هو أنا بالبس علشان الناس ولا علشاني
طيب واشمعنى الأكل اللي الناس مش بتدخل فيه؟
لا بجد حاجة غريبة جدا أنا عن نفسي مش بامشي بالمثل ده خالص
لكن المثل بتاعي هو " كل اللي يعجبك وإلبس اللي يعجبك برضه"
أنا شايفة مادام اللي باعمله لا يعارض ديني ولا يضر بحالتي المادية والاجتماعية ولا بشكلي العام ولا يضر أحد فأنا براحتي تماما

وشكرا

وا إسلاماه

كلمةٌ قالها اليهود عندما استولوا على القدس في عام 67 ، حيث عبروا عن فرحهم وخرجوا في مظاهرات عارِمة وصاحوا قائلين : محمد مات مات .. محمد خلَّف بنات .

من المؤكد أنكم فهمتوا ما يقصدوه ... لم يعد هناك رجال في أمة محمد ... هل هذا صحيح يا أحفاد النبي هل هذا صحيح يا خير أمة أخرجت للناس

هل لنا دور في هذه المهزلة وهذه الإهانة ، لم نقل أن نذهب ونحارب ولكن لنا دور هنا في مكاننا ، في تربيتنا الصالحة لأولادنا في مقاطعتنا لمنتجات اليهود والأمريكان لنا دور في توعية الناس بأهمية القضية لأن أغلب العرب للأسف لا يدركون أهمية القضية العربية لنا دور في إصلاح أنفسنا وإصلاح ما حولنا لنا دور في إعداد جيل النصر وتحصينه بالدين والأخلاق والعلم لنا دور في أن نترك الفرقة ونتحد

أرض العروبة تغتصب ، أين الرجولة يا عرب

هل مُت ِهل مات الغضب

هل مات بركان اللهب

أين الرجولة يا عرب

أين الشهامة يا عرب

أين الكرامة يا عرب

هل هانت القدس الشريف

هل هان أقصانا الحنيف

...مع الله

مع الله

مع الله في القلب لما انكسر .... مع الله في الدمع لمـا انهمـر
مع الله في التوب رغم الهوى .... مع الله في الذنب لما استتـر
مع الله في الروح فوق السما .... مع الله في الجسم لمـا عثـر
مع الله في الروح فوق السما .... مع الله في الجسم لمـا عثـر

ينادي يناجي .. أيا خالقي .... عثرت .. زللت .. فأيـن المفـر

مع الله في نسمات الصباح .... وعند المساء في ظـلال القمـر
مع الله في يقظة في البكور .... مع الله في النوم بعـد السهـر
مع الله فجرا .. مع الله ظهرا .... مع الله عصرا .. وعند السحر
مع الله سرا .. مع الله جهرا .... وحين نجد .. وحيـن السمـر
مع الله عند .. رجوع الغريب .... ولقيا الأحبة .. بعـد السفـر
مع الله في .. عبرة النادمين .... مع الله فـي العبـرات الأخـر
تبوح وتخبر..عن سرهـا .... وفـي طهرهـا يستحـم القمـر

مع الله في جاريات الريـاح .... تثيرالسحـاب فيهمـي المطـر

فتصحو الحياة ويربو النبات .... وتزهو الزهور.. ويحلو السمـر

مع الله في الجرح لما انمحى .... مع الله في العظم لمـا انجبـر
مع الله في الكرب لما انجلى .... مع الله في الهـم لمـا اندثـر
مع الله في .. سكنات الفؤاد .... وتسليمـه بالقضـاء والقـدر
مع الله في عزمات الجهاد .... تقود الأسود .. إلـى مـن كفـر
مع الله عند التحام الصفوف .... وعند الثبـات .. وبعـد الظفـر
مع الله حين يثور الضمير .... وتصحو البصيرة يصحـو البصـر

وعند الركوع .. وعند الخشوع .... وعند الصفا حين تتلى السور

مع الله قبل انبثاق الحياة .... وبعد الممـات .. وتحـت الحفـر
مع الله حين نجوز الصراط .... نلوذ .. نعوذ .. به مـن سقـر
مع الله في سدرة المنتهـى .... مـع الله حيـن يطيـب النظـر

أنا مسجون

حتى متى سيلومني من أخطأ في حقي
حتى متى عندما أحتاج إليهم يكونوا أول من يبعدون عني
ألجأ إليهم ويصدوني بقسوة
لا أدري ماذا أفعل ... أحتاج إليهم كثيرا
أحتاج إلى نصيحة ... إلى توجيه
سأفعل الصواب ولكن عندما أعلمه أولا
أخطئ ولكني لا أدري حقا أني أخطئ
أكيد عندما لجأت لهم كنت أريد أن أعرف هل أنا على صواب أم خطأ
سأحاول مرة أخرى وأتمنى أن أصيب

يا رب

السلام عليكم ورحمة الله وبركاته

ليس كل ما يتمناه المرء يلقاه ولكن ... الأكيد أن ما يكتب للمؤمن هو الخير

يا رب أكتب لي الخير يا رب العالمين

الشكر على النعمة

الشكر على النعمة
الشكر شيمة الحمادين لربهم عز وجل . وأمة الاسلام هي أمة الحمد لله عز وجل . فنجد سليمان وأبيه داوود عليهما السلام كثيري الحمد لله عز وجل وكثيري الشكر له على نعمه

يقول القرآن الكريم) : وَلَقَدْ آتَيْنَا دَاوُودَ وَسُلَيْمَانَ عِلْماً وَقَالَا الْحَمْدُ لِلَّهِ الَّذِي فَضَّلَنَا عَلَى كَثِيرٍ مِّنْ عِبَادِهِ الْمُؤْمِنِينَ (

و( إِنَّ هَذَا لَهُوَ الْفَضْلُ الْمُبِينُ ) و (وَقَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحاً تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِين)

وهنا نجد سليمان عليه السلام كثير الحمد لربه غير ناكر لجميله عليه . أولم يعطه من النعم ما لم يعطه أحداً من العالمين أعطاه العلم النافع فعلمه منطق الكائنات أعطاه من كل شيء . أعطاه الجنود من الانس والجن والطير . ولكن سليمان مع كل هذه النعم لم يجحد فضل ربه ولم يتأله بقدراته ولم يتجبر بما لديه لأن الذي وهبه إياها هو الله . والشكر يزيد النعمة ويزيل النقمة .

فقد قال عنه ابن مسعود : ( الشكر نصف الإيمان (
إذاً فالواجب على كل حاكم أن يكون شاكراً لنعم الله عليه غير جاحد بها حتى لا يصاب بالتأله والتجبر والتكبر مما يسقطه في مهاوي الردى . أولم يكن النبي محمد صلى الله عليه وسلم إمام الشاكرين . فقد روى ابن حبان من حديث عطاء أن الرسول قال لعائشة لما سألته عما يبكيه وقد غفر الله له ما تقدم من ذنبه وما تأخر قال أفلا أكون عبداً شكوراً

تعاونوا

مسند احمد:
‏‏حدثنا ‏ ‏عفان ‏ ‏حدثنا ‏ ‏أبو عوانة ‏ ‏عن ‏ ‏أبي بشر ‏ ‏عن ‏‏ سلام بن عمرو اليشكري ‏ ‏عن ‏ ‏رجل ‏ ‏من ‏ ‏أصحاب النبي ‏ ‏صلى الله عليه
وسلم ‏ ‏قال ‏ ‏قال رسول الله ‏ ‏صلى الله عليه وسلم ‏ "‏إخوانكم فأصلحوا إليهم واستعينوهم على ما غلبكم وأعينوهم على ما غلبهم "
وفى هذا الحديث نجد أن رسول الله صلى الله عليه وسلم يحث المؤمنين على الاستعانة ببعضهم على إنجاز ما يصعب عليهم

ما أحلاك يا حبيبي يا رسول الله

يُذكر ان رسول الله فى يوم بدر حين وقف وقال أشيروا على أيها الناس أنت يا رسول الله تنتظر مشورة الناس!!! فصعد أبو بكر وعمر وغيرهما وذكروا ما ينفع ولكنه سألهم الجلوس لأنه يريد أن يأخذ رأى الأنصار فالبلد بلدهم ويجب أن يقولوا رأيهم... فصعد سعد بن معاذ وقال: لكأنك تريدنا يا رسول الله... فقال: نعم... فقال سعد امضِ يا رسول الله وسالم من شئت وعاد من شئت وخذ من أموانا ما شئت واترك لنا ما شئت.. فاستبشر النبي وتهلل وجهه... فبالرغم من أنه النبى والقائد إلا أنه انتظر آراء الناس لأن آراء الناس يجب أن تحترم ... وبناءا عليه عندما سيدخلوا غزوة بدر والقرار قرارهم فسيحاربوا بدماءهم....

... لكل صديقة لي

رباه علي دروب الخير ألف بيننا

رباه لانرجو خلودا فديارنا ليست هنا وجنان خلدك حلمنا

وترابها وطن لنا رباه فاجمعنا بها واجعل اعاليها لنا

*************************

يتذكر المرء أحبابه فيعجز القلب عن صيد الخواطر

ويحتار في ترتيب العبارات

ويتلعثم اللسان في تنسيق الحروف

فعندها اقوول :

اللهم يسر أمره ووفقه في حياته ، اللهم اجعل له من كل هم فرجا ،

ومن كل ضيق مخرجا

ما أقسى الأيام الماضية

... ما أقسى الأيام الماضية

... حاسب

السلام عليكم ورحمة الله وبركاته
كنت مرة سمعت حديث أو مقوله بس للأسف مش فاكراها بالنص لكن مضمونها
كان واحد بيعمل عمل صالح فحد قال الراجل ده أكيد بيرائي ...
فالراجل اللي قال على الشخص ده بيرائي حُرم من الطاعة لمدة سنة ...
تخيلوا لأنه وصفوا بالرياء حُرم من الطاعة سنة ...
فما بالكم بينا لما نشوف واحده كويسة نقول اه دي راحة ساعدت الشخص الفلاني علشان الناس يقولوا عليها انها كريمة ، نقول الراجل ده بيجمع العمارة مع بعض وبيسأل عنهم علشان يتشهر في العمارة ويكون له سلطة ومكانة
يا جماعة ما ينفعش ... دع الخلق للخالق
وفي نوع تاني من الناس اللي ييخافوا انهم يعملوا حاجة معينة لمجرد ان الناس ممكن تقول عليهم انهم بيعملوا كده للشهرة مثلا
يعني هما خايفين من الرياء فده بيمنعهم إنهم يقولوا حاجة كويسة هما عملوها أو إنهم يعملوا حاجة كويسة
..............................
كان عمرو خالد قال مرة ما تخبيش عمل صالح انت عملته
لعل الناس تستفاد منه وتقلده ... بس في نفس الوقت طبعا إجعل العمل ده لله وحده ... يعني اتقوا الرياء ولكن لا تخافوه
ممكن يكون الشيطان بيصورلك إنك لو قلت حاجة كويسة إنت عملتها إن ده هيكون رياء وعلشان تبعد عن الرياء يخليك ما تقولش الحاجة اللي انت عملتها دي فمنعت بكده حاجة كويسة ممكن الناس تستفاد منها

وما تنساش إنك تدعي كتير إن ربنا يحفظك من الرياء ويجعلك زخر للمسلمين

ضاقت فلما استحكمت حلقاتها فرجت ...

كأنهم سمعوا ندائي
لا أدري كيف أحمدك يا رب ... إني أحبك كثيرا

أحتاج إلى أن أحيا ...

سوف نبقى هنا كي يزول الألم
سوف نحيا هنا سوف يحلو النغم

موطني موطني موطني ذا الإباء
موطني موطني موطني يا أنا

رغم كيد العدا رغم كل النقم
سوف نسعى إلى أن تعم النعم
سوف نرنو إلى رفع كل الهمم
بالمسير للعلا ومناجاة القمم

فلنقم كلنا بالدواء والقلم
كلنا عطف على من يصارع السقم
فلنواصل المسير نحو غايات أهم
ونكون حقا خير أمة بين الأمم

سوف نبقى هنا كي يزول الألم
سوف نحيا هنا سوف يحلو النغم

كم سهرنا من ليالي للصباح لا ننم
كم عراقيل كسرنا كم حفظنا من رزم
كم جسور قد عبرنا كم ذرفنا من حمم
نبتغي صيد المعالي نبتغي رأس الهرم

نقضي ساعات طوال نستقي علم العجم
نستهين كل غالي كي نحقق الحلم
إن سئمنا لا نبالي بل نسير للأمام
إن قمة الجبال تستحق لا جرم

سوف نبقى هنا كي يزول الألم
سوف نحيا هنا سوف يحلو النغم

فضلكم يا والديّ عمني حتى اللجم
كل هم قد أصبنا زادكم بالطبع هم
إن كل ما جنينا من جهودكم نجم
والدي يا خير عون كان لي عند المحن

أنت يامن تملكين جنة تحت القدم
كل ألقاب النساء كل شكر قد رهن
إجمعو كل المعاني من عراب أو عجم
لا توافي شكركن لا تجاوز العدم

سوف نبقى هنا كي يزول الألم
سوف نحيا هنا سوف يحلو النغم

هذي فرحة الأهالي لا يساويها رقم
حين يشهدون حالي بالسرور أبتسم
إذ أقلد اللآلئ والشهادة أستلم
فرحتي وصرختي تكاد تسمع الأصم

يا نجوم السماء يا عبائق النسم
يا سحائب الرجاء يا طيور الحرم
يا رعود الشتاء يا جميع الأنام
اشهدو هذا المساء إنني قلت القسم
اشهدو هذا المساء إنني قلت القسم

سوف نبقى هنا كي يزول الألم
سوف نحيا هنا سوف يحلو النغم

حقا أشتقت لكم ... وأحتاج لكم

حل مشكلتك

السلام عليكم ورحمة الله وبركاته

أوقات كتير باحس إن في ناس كتير لما تحصلهم مشكلة بيفضلوا إنهم ينغلقوا جوا المشكلة دي
ومش كده وبس دي بتأثر سلبيا جدا عليهم
يمكن كلنا مرينا بمشاكل كتير ولكن هل إني أحبس نفسي جوا المشكلة أو إني أتأثر بيها سلبيا ده الصح
هل إني أؤذي نفسي وأؤذي اللي حواليا ده اللي صح ولا إني أحاول أحل المشكلة وأستشير اللي حواليا وأفضفض للناس على مشاكلي يمكن أسمع نصيحة أو ألاقي حل للمشكلة
يا جماعة إيه رأيكم نخرج بره دايرة المشكلة ونروح لدايرة الحل

جربوا ومش هتندموا

مبروك .. خطبت كام مرة السنة دي؟؟

مبروك .. خطبت كام مرة السنة دي؟؟

سهير : بحبك يا أحمد

أحمد : وأنا كمان بحبك أكتر

سهير :طيب وآخرة حبنا

أحمد : حبنا لازم يعيش

سهير : يعني هنعمل إيه يا أحمد؟؟

أحمد : حتقدم لك .. وأخطبك

سهير : هو انت لاقي تاكل يا أحمد..وبعدين أنت لسه في سنة تانية ومحلتكش حاجة ؟؟

أحمد : مش مهم عشانك أتحدى الدنيا .. أنت واثقة فيّ ؟

سهير : طبعا ياأحمد

أحمد : يبقى خلاص ..أنا حتصرف

زملاءنا ..

ليس هذا جزء من مشهد في فيلم هندي .. لكن الحكاية دي أو شبه دي بتحصل في جامعتنا كتير - طبعا مع تغيير الأسماء والأشخاص - و أنا مش هكلم عن شرعية علاقة زي دي لأننا عارفين طبعا إنها حرام .. لكننا فعلا عايزين نتكلم عن الخطوبات اللي بالهبل اللي بنشوفها في الجامعة

في يوم عادي جدا وأنا رايح محاضرة برضه عادي جدا .. ألاقي الشلة بيبصوا على ولد وبنت قاعدين على جنب لوحديهم والإتنين هاتك يا سهتنة .. ولقيتهم بيقولولي : مش فلان خطب فلانة!!.. أقولهم : بجد ؟؟ ..طيب الخطوبة كانت إمتى؟

- لأ.. ما هو محصلش خطوبة

- طيب فين الدبل ؟؟

-لأ.. ماهو مفيش دبل

- يبقى أكيد قرأوا فاتحة ؟؟

- لأ برضه!!

-الله ..أمال اتخطبوا إزاي يعني ؟؟ كده بالنية يعني ولا إيه ؟؟

-أنت مش فاهم .. أصل أهلهم عارفين الموضوع وموافقين

- مش تقولوا كده م الأول!! يا سلام هما دول أهل ؟؟ لا يا جماعة مش معقول وهو في أب يرضى لبنته كده ؟؟

- آه طبعا في !!

- اضرب كف بكف .. وأصرخ : عليه العوض ومنه العوض

بصراحة أن سمعت من مصادر غير موثوق فيها .. إن في أمهات بيوصوا بناتهم يوقعوا عريس .. وطبعا يكون محترم وده عشان أزمة الجواز اليومين دول وقلة العرسان فالأم بتخاف على بنتها من العنوسة .. بس اللي أنا فاهمه إنها توقع عريس .. مش تتخطب كل شوية لعريس

المهم .. تلاقي الواد جارر البنت وراه في كل حتة ومقضين اليوم في الكلية سرمحه ..يا إما قاعدين في كافيتيريا الكلية وشهم في وش بعض وهيمانين ومسهتنين ومتنيلين.. واللي يسأله مين دي يرد : دي الجماعة خطيبتي يعني.. وهي ترد :ده خطيبي...

وفي يوم تاني عادي برضه ..رايح محاضرة .. ألاقي فلان إياه واقف لوحده في حتة وفلانة إياها في حتة تانية .. وطبعا نفس الشلة بيبصوا عليهم ويقولوا : مش فلان و فلانة انفصلوا !! .. يا حلاوة .. لما بسمع الكلام ده بجد ببقى خلاص حتشل .. هما اتخطبوا بجد عشان ينفصلوا ؟؟ .. ناقص تقولوا ده طلقها !!

وطبعا ممكن الشلة تتدخل قي حل الموقف .. والتنسيق بين الطرفين ..وعمل مباحثات مشتركة لحل الأزمة ..ويرجعوا لبعض تاني ..أو كل واحد يشوفله حد تاني يعيش معاه الفيلم من جديد ..وطبعا أوعى حد يجي في دماغه حاجة كده ولا كده كلها خطوبة مش صحوبية وخلاص .. لأ طبعا..ده أحلى م الشرف مفيش !!!

المهم إن كل اللي قابلتهم أو عرفتهم من العالم دول .. أقعد أقنع الواد إن اللي بيعمله ده غلط ..وأقوله : أنت لسه مخلصتش ومحلتكش اللضى ولسه الجيش والشغل .. والجواز زي ما لازم يكون فيه عاطفة لازم يكون فيه عقل برضه .. ولما تعقد تمشي معاها من دلوقتي .. فيقاطعني : أنا مش ماشي معاها .. دي خطبتي

فأرد : ماشي ياعم الكتكوت .. وعلى فرض إنها خطيبتك معايير اختيارك لشريكة حياتك حتتغير بعد الـ 4 أو 5 سنين اللي فاضلنلك

- أنا بحبها ومقدرش أعيش من غيرها.. ولو حصلها حاجة أنا ممكن أموّت نفسي ..ده هيّ النور اللي في حياتي اللي بيصحيني من عز النوم وأقولهم ياجماعة طفوّا النور

- يا بني اللي عايز يتجوز يبني بيته م الأول على رضه ربه عشان يوفقه مش يبتديها بمعصية

- فيقاطعني مرة آخرى : أنا مصمم .. خلاص

- فأنهي الحوار وأنا في قمة القرف : خلاص أنت حر بس افتكر إني في يوم نصحتك

والقصص من دي كتير ..وكل واحد أقابله يحلفلي مية يمين أنه خلاص لقي اللي بيدور عليها .. وأنه مش حيسبها لأي سبب من الأسباب .. وأقعد أحاور وأقنع وأتخانق .. والنتيجة واحدة .. والرد واحد " خلاص يا بني دي بقت خطيبتي " والمشكلة فعلا إن أنا مقتنع جدا جدا جدا إن ده شغل مراهقين والعالم الخطّيبة دول بيخنوقوني من الدور اللي عايشينه ..

المهم تمر الأيام وأقابل صاحبنا ..فأسأله بعد إذيك وبقالي سنة ماشفتكش والكلام ده : إيه أخبار الخطوبة ؟؟

فيحمر وجهه ويبقى عامل زي الطمطماية بتاعت الطبيخ: أصل حصل بينا....

فأقاطعه والنشوى تملأ صدري - اللهم لا شماتة- :أنا يا بني مش قولتلك

يا جماعة.. فعلا أنا قابلت قصص من دي كتيييييييييييييييييير وكلها وهم كبير ..و أنا متأكد إنكم برضه قابلتم قصص خطوبة وهمية والمهم إن الرابط بينها واحد إنها عاطفة مراهقة مندفعة .. وعلى رأي واحد صاحبي إتلدع مرة ففهم الموضوع ..قالي: لو جبت أي واحد وقولتله البنت الجميلة اللي واقفة هناك دي بتحبك - والبنت أصلا واقفة بظهرها وهو مش شايف وشها - حيولقك أنا حبتها وعايز أخطبها.

خالد عمر

دي مصر اللي بتفخر بولادها

لكل محبي عصام الحضري ونادي الأهلي ... إليكم هذا الخبر السعيد
عصام الحضري يعود لمصر
وعلى رأي المثل ... اللي يشرب من مية النيل لازم يرجعلها تاني
دي مصر اللي دايما بتفخر بولادها
وأفرحوا يا شعب مصر الكريم لاقينا اللي نقوله
أرقص يا حضري
ونقول ربيتي يا مصر

إسم التهمة إخواني

وجع وفى قلب يتعبني

فى وسط الليل مغلبني

وبسأل نفسي ليه بابني

وغيري بيهدموا فيكي

وارجع تانى واناديكي

يروح عمري وافديكي

ولو ترضى اكون ليكي

واموت مبسوط ما خاف من سوط

ورغم الضرب اعلى الصوت

لمين غيرك يهون الموت

يامصر يا اعز اوطاني

ولو قالوا فى يوم جاني

واسم التهمة اخوانى

ورغم ما اشوف وما اعاني

هقول برضه يطول عمرك ياسجاني

ويهديك ربي ياجاني

وتعرف حق اوطاني

واموت لو موتى فيه راحتك

واعيش ساكت عشان خاطرك

ولو حكموني بعساكر وجيش كامل

هيفضل قلبي ليكي حامل

وانا راضى وهتحاكم

ومهما يكون مين الحاكم

ولو قالوا فى يوم شاطر

ويعرف يكسب الخاطر

عشان خاطرك لازم اخاطر

لو حتى منش قادر

واصحي ولادي من نومهم

يشوفوا شيطان بيخنقهم

ويسرق بسمه من فوقهم

عشان يبقى على الكرسي

وترسي زي ما ترسي

ياحلى سفينة فى حياتى

عليكي حلم اولادي

ولاجلك كل شئ عادي

يامصر يا غالية يابلادي

اهداء الى المهندس خيرت الشاطر واخوانه

بقلم / محمود المصري

الصحوبية بين الولاد والبنات عيب ولا حرام؟؟

الصحوبية بين الولاد والبنات عيب ولا حرام؟؟

هو عيب ولا حرام
اصحابي كلهم ماشين مع بنات و مش بنت واحدة لا ممكن اكتر من بنت و ماشين معاهم على حب وكلام كدة يعنى وكانوا بيعرضوا عليا أنى اخرج معاهم وهما يعنى حيجبولى بنات وانا اخرج معاهم
بس انا كونت برفض فا ممكن اعرف هو انا كدة عبيط ولا لاء وايه راى حضراتكم مش احسن ما اخرج مع البنت دى النهاردة والتانيه بكرة ويبقى لعب بالبنات صح ولا انا غلطان والنبى ردكم حتى لو حطلعونى غبي مش مهم بس اعرف كدة إيه رايكم

الــــرد

هو عيب وحرام
أولاً: هو عيب:
• عيب انك تخدع بنت لأنها ( أغلب البنات ) ضعيفة بعواطفها، تشتاق لكلمة طيبة، وإن سمعتها من شاب تعلقت به، وظنت أنها ملكت الدنيا بها ، وليس من المروءة أن تخدع الضعيف .
• عيب في حق رجولتك أن يدفعك لما لا تقتنع به أن تكون مثل أصحابك. أنت أنت ولست مضطر أن تكون غيرك فقط كن نفسك تكسبها وتكسب بها.
• عيب انك تشك في نفسك لدرجة أنك تتهم نفسك بالعبط لمجرد أن فطرتك السليمة ترفض فعل خاطئ ورغم أن كل من يفعلوه إلا أن فعلهم لن يغير الخطأ، فيجعله صواباً فكن واثقاً من نفسك ولا تتهمها بل اشكرها وثبتها ثبتك الله.
ثانياً: هو حرام .
• حرام أنك تخون الأمانة وتنقض العهد لقوله صلى الله عليه وسلم:" آية المنافق ثلاث: إذا حدّث كذب, وإذا أؤتمن خان, وإذا وعد أخلف " حديث صحيح..
• صحيح مسلم حديث شريف
• حرام أنك تتخذ أخدان ( رفيقات من غير زواج ) لقوله تعالى مُحْصِنِينَ غَيْرَ مُسَافِحِينَ وَلاَ مُتَّخِذِي أَخْدَانٍ وَمَن يَكْفُرْ بِالإِيمَانِ فَقَدْ حَبِطَ عَمَلُهُ وَهُوَ فِي الآخِرَةِ مِنَ الْخَاسِرِينَ }المائدة5 "
• حرام أنك تنساق وراء الخطأ، وإن كان شائع لقول رسول الله صلى الله عليه وسلم: " لا يكونن أحدكم إمعة يقول أنا مع الناس إن أحسن الناس أحسنت وإن أساؤوا أسأت ولكن وطنوا أنفسكم أن إذا أحسن أن تحسنوا وإن أساؤوا أن تجتنبوا إساءتهم"
باختصار رأينا الذي تسأل عنه هو: اثبت يا راجل على ما أنت فيه واترك شلة الفساد اللي حولك دول، وابحث عن أصحاب كلامهم وحياتهم غير ذلك فيعينوك على الحق بدلاً من أن يزينوا لك الباطل.

الدكتورة / هبة عبد العزيز بغاغو مستشارة الموقع

منقول من موقع جامعة أون لاين

رسالة إلى كل ديك وكل فرخة

منقول من موقع جامعة أون لاين

رساله الى كل ديك وكل فرخه

اخى الديك الكريم اختى الفرخه

بعد التحيه والسلام ابعث اليكم بخالص أمنياتى القلبيه أنا وجميع شباب جامعه الاسكندريه بالشفاء العاجل وأن ترزقوا الصبر والسلوان فى مصابكم الجلل بفقدانكم الالاف من الاهل والاصدقاء فقد فقدت مصر كوكبه من خيره فراخها بسبب هذا المرض المسمى بأنفلونزا الطيور

الله يرحمكم يافراخ ياكبار اتعلمنا منكم كتير بالذات الفرخه اللىكانت بتطلع ف الاعلانات وتصرخ وتقول( ادبحنى يامعلم قطعنى يا معلم) اتعلمنا منها التضحيه بالنفس من اجل راحه الاخرين وكذلك اتعلمنا منكم الفقس فعرفنا ازااى نفقس الحكومه بتاعتنا الى عامله زى المنشار طالع واكل ونازل واكل

اللى بيننا وبينكم اكتر من عشرة عمر أنا لوحدى من ساعة م اتولدت حتى الآن لاهط بتاع500صدر وورك حتى ماما وأنا صغير كانت بتضحك عليا وترضعنى شوربة قال ايه عشان لما أكبر أريش0

نعلنها للدنيا كل الدنيا وللعالم كل العالم أن لحم كتفنا من خيركم وعمر اللحمه أوالسمك ماهيسدوا الفراغ اللى انتوا هاتعملوه فى بطننا مين يقدر ينسى الصدور الحنينه اللى ياما اتعاركت عليها أنا وأخويا الصغير ومين هيقدر ينسى الوراك ولا الكبد والاوانص والشوربه وسنين الشوربه (فاصل من البكاء) ياما اخد ناكم لحم ورمناكم عضم خلاص مفيش رحمه حتى الحكومه بتاعتنا سايقه عليكم النداله بدل ماتقف جنبكم عماله تدبح وتموت فيكم انا سامعهم بيقولوا من يومين أنهم عندهم حل من اتنين إماإنهم يدبحوكوا عشان ما تعدوناش أوإنهم يدبحونا عشان منتعديش منكم وكان نفسنا نقوم معاكم بالواجب لكن نعمل ايه الحكومه بتاعتنا ايديها طايله ولوشمت خبر ممكن تعدمنا معاكم وإحنا شعب أغلب من ا لغلب

والسلام ختام

اخوكم جمعاوى

سؤال الحلقه للفراخ اللى ف المنازل ياترى الفرخه بتلد أم تبيض ؟

ترسل الإجابات على قفص بريد الموجود بشارع الفرخه الديخه ولا تنسوا يرفق بالخطاب بيضه بلدى

لو البنات حكموا العالم ... هيكون شكله إيه؟

حد فكر لو البنات حكموا العالم ، العالم هيكون شكله إزاي

دي محطة البنزين

وده الصاروخ


دي الطيارة الحربية

ودي المكنسة الكهربائية

قولولي هل فكرتم؟

السلام عليكم ورحمة الله و بركاته

قولولي يا جماعة ... هل حد فيكم فكر هو شايف بيته عايز يبنيه إزاي
يعني " غير المتزوجين " هل فكرتم عايزين بيتكم تبنوه إزاي؟
حلمت مرة بشكل البيت يعني ألوان الحيطان ، عدد الحجرات
هل فكرت العفش هتيجبه منين؟
هل فكرت في أسماء أولادك؟
هل فكرت هتوديهم مدارس إيه؟
هل فكرت في شريك أو شريكة حياتك ؟ ما هي صفاته
هل أهلت نفسك أن تتحمل مسؤولية بيت وأسرة؟
هل رسمت لحياتك حياة تحلم أن تحولها لواقع
هل فكرت إيه الأساس اللي عايز تبنيه عند أولادك

أنا مثلا ناوية إن شاء الله بعد ما أخلص كليتي أروح أتدرب في كلية رياض أطفال إن شاء الله

أوقات بافكر بالاقي إن الحياة اللي بعد الزواج هي دي الحياة اللي ممكن أرسمها على مزاجي
بمعنى أنا في بيت أهلي - ربنا يحفظهم ويخليهم يا رب - عايشة في بيت مش أنا اللي اختارته أودتي مش أنا اللي مختاراها من وأنا صغيرة ودي أودتي
كنا بنبيض شقتنا من فترة وأنا مصرة على لون معين وبرضه بابا وماما عملوا اللون اللي هما عايزينه
لكن في بيتك دي فرصة إنك ترسم صورة وتحققها كمان ، ما تضيعوش الفرصة دي من إيدكم

هاحكيلكم حكاية واحد رسم لبيته حياة وعاشها زي ما هو عايز بالظبط

هو عشق الله وعشق الإسلام وقرر أن يتحول بيته لجزء من حياة الصحابة
أولاده أسماؤهم : البنات ... خليدة وأمامة وسنينة وسراء ونسيبة ورفيدة
الأولاد ... خلاد وأويس وأبي
هذا الرجل عشق اللغة العربية كان يتحدث معهم في البيت باللغة العربية الفصحى
وقت مذاكرتهم كان يقول لهم " أحبوا العلم " وكأن لديك ضيف وتريد أن تشوقه لأكله مثلا
عندما كان يرى أي عطل في المنزل " كهرباء مثلا " كان يقول أحب الإصلاح وكان يقصد إصلاح العطل وإصلاح كل فاسد حوله ومنها إصلاح لقلوب أولاده
عند زواج كل بنت من بناته كان يحضر لهم هدية من ضمن الهدايا طقم فضة ومكتوب عليها وصايا
ونفس الكلام مع أخواتها واحده أهداها رخام ومكتوب عليها أيضا وواحده حافر لها على خشب

كان في أعياد ميلادهم كان يحضر لكل منهم كارت مكتوب عليه أبيات من الشعر

لا يخرج من بيته إلا ومعه كتيبات ومطويات ليوزعها على إخوانه
كان أحب أوقاته عندما يسأله أحد عن الصلاة أو القرآن

كان دكتور وكان يعمل في تخصص يخدم دعوته للإسلام

هذا الرجل توفي يوم الخميس الماضي ... قبل أن يتوفي كان مريض مرض شديد كأن الله يريد أن يضعه في مكانة كبيرة
وبعد وفاته أحد معارفه رأى له رؤية أنه في إختبار وحصل على الدرجة النهائية

أختي راحت العزاء يوم السبت اللي فات بتقولي بنته بتقابلها بإبتسامة غريبة جدا وبتقولها البيت نازل عليه سكينة وطمأنينة من وقت وفاة أبيهم

أنا معرفش تفاصيل من حياتهم بس ده اللي اتحكالي

ربنا يغفر له ويحشره مع الحبيب المصطفى ويرضى عنا ويعزنا ويجعلنا خدام لدينه

شوفتوا يا جماعة ده راجل رسم حياة جميلة وكان قائدها ومعاه زوجة أعانته على تحقيق حلمه وأولادهم ناس تفخر بيهم أمم
كونوا فريق رائع هم زخرا للإسلام

فكروا وأبدعوا وإرسموا حياتكم عايزينها إزاي

فك قيدك

... شوفوا لي حل

لما عصام الحضري يسيب مصر ... هنقول لمين دلوقتي أرقص يا حضري

لما الأسعار تغلى وما نلاقيش ناكل ... نقول بقلب جامد وبصدق تحيا جمهورية مصر العربية

لما يدفعوا فلوس بالهبل علشان اللعيبة او علشان حفلات نانسي عجرم ... يبقى وقتها نثبت للعالم إن العرب أغنياء وإن مصر عندها فلوس كتير أصلنا عندنا فلوس كتير مش عارفين نوديها فين ولا فين

لما الناس تروح آخر البلاد علشان تحضر حفلة لتامر حسني ... نقول للعالم إحنا عمرنا ما هنكون جديين وهنمشي دايما ورا مزاجنا

لما الناس تسهر للساعة 3 و4 الفجر علشان تتفرج على فيلم وييجي وقت الفجر وتنام ... يبقى نقول لربنا إننا عندنا حاجات أهم دينك

لما يعرضوا أفلام في السينما ويحطوا قيمة صح جوا ألف قيمة غلط ... نقولهم حاضر إحنا هنشتري السم اللي انتم حاطين عليه نقطة عسل

لما الممثلات اللي الناس مهووسة بيهم يلبسوا الحجاب ويخلعوه ... نقول إن شاء الله هنقابل الرسول بفن وموضه و و و وليس بدين ونصر للإسلام

إيه يا شباب إحنا فين هل هنستنى لما مخططاتهم تكتمل علينا خلينا واقعين وبلاش الكلام اللي بيقول مخططات ايه ولا نقول يا عم خلينا نتبسط
عمر ما كانت السعادة في البعد عن ربنا ولا في الانبساط بطريقة تغضب ربنا

افتكروا يا جماعة قول ورقة بن نوفل للرسول الكريم حين أخبره بنبوته قال له " ليتني اكون فيها جدعا إذ يخرجك قومك " ... تذكر أسامة بن زيد عندما قاد جيشا وهو لم يتعد العشرين عاما

وقتنا دلوقتي قبل ما نفتن في ديننا ...
خلوني أحكي لكم على موضوع مأثر في جدا ... موضوع كنت قرأته في كتاب بيتكلم عن الدعوة لدين ربنا ...
الكتاب بيقول إن في بلاد - وللأسف بلاد عربية - بتمنع البنات والسيدات من إنهم يلبسوا الحجاب
تخيلوا معايا الوضع هناك عامل ازاي
ووقت الامتحانات منعوا بنات من دخول الامتحان لمجرد انهم محجبات ولما البنات خلعوا الحجاب خدوا عليهم تعهد في قسم الشرطة انهم مش يلبسوه تاني
طيب لو انت او انتي في مكان زي ده هيكون إيه تصرفك ... نفسك تلوذي بنفسك وأهلك من الفتن اللي في العصر ده
ولكن احنا دلوقتي في بلد إلى حد ما لم نصل لنفس هذا المستوى الموجود في البلاد التانية يبقى دورنا كبير دورنا نوصل للناس دين ربنا كبير وأكبر من إنه يكون ضمن خططنا ولكن لابد أن يكون هو من نخطط من أجله

خلوني أختم بحاجة

لما يظهر دعاة زي أ /عمرو خالد و أ / معز مسعود و أ / مصطفى حسني ... وقتها نقول " وكان حقاً علينا نصر المؤمنين "

الإسلام مش بيستنى حد وهينتصر هينتصر يا إما تكون ممن ينصرون هذا الدين وإما أن تكون من المتفرجين
خذ خطوة إيجابية وكن علما من أعلام هذا الدين

هعيش واتحدى احزانى

ما دام الشمس لما تغيب بتطلع فوق مكان تانى
هروح وياها كل مغيب واخلى شروقها عنوانى

بنبض وعزم اصرارى هجيب الورد من الصبار
واجيب من ضلمتى نهارى .. واشق الصخر والاعصار

ومهما يعاند التيار همد لاخر المشوار
وهمشى فى سكه الابرار
واخلى الدنيا سمعانى

هعيش واتحدى احزانـــــــــى

هشيل احلامى فوق ضهرى وهمشى بالامل رحال
لحد ما يجى يوم زهرى يهون قسوه الترحال
وألاقى جواب لكل سؤال
واشد الآه من الموال
واشوف قمرى طلعله نهار وانس الااه وتنسانــــــــــــــــــــى

هعيش واتحدى احزانى
هعيش واتحدى احزانى

ما دام الشمس لما تغيب بتطلع فوق مكان تانى
هروح وياها كل مغيب واخلى شروقها عنوانى

يا ليالي الفرح خدينا

يا ليالي الفرح خدينا وخلي النور يسبق خطاوينا وخلي البال يرتاح

خلي الفرح معدي يهدي نرسم بيه الحلم الوردي ونملا الكون أفراح

أشتقنا والله للفرحة وبعدنا عن القسوة الجارحة ونسينا الآه

وبقت أيامنا بتحلالنا شايفنها بتضحك أدامنا الله الله

يا رب ... صفحة جديدة

‏"اللهم إني أعوذ بك من فتنة النار وعذاب النار وفتنة القبر وعذاب القبر وشر فتنة الغنى وشر فتنة الفقر اللهم إني أعوذ بك من شر فتنة ‏ ‏المسيح الدجال ‏ ‏اللهم اغسل قلبي بماء الثلج والبرد ونق قلبي من الخطايا كما نقيت الثوب الأبيض من الدنس وباعد بيني وبين خطاياي كما باعدت بين المشرق والمغرب اللهم إني أعوذ بك من الكسل والمأثم والمغرم"

"يا قلوب مشتاقة أكيد والله للبهجة وللأفراح"

يا رب أغفرلي وفرحني
وأبدلني خيرا مما كنت
وإن كنت على حق أرني وقدر لي الخير وإن كنت على باطل أرني وأمنعه عني

‏

فن التجويد

التجويد
فعلا التجويد ده فن
بتحس إنك بتقدر القرآن أوي وإنت بتجوده
بجد إحساس مختلف تماما من القراءة المجودة والقراءة الغير مجودة
انا بانصح اللي ميعرفش تجويد إنه يتعلمه
بجد مش هتندموا بالعكس هتحسوا إحساس مختلف تماما
جربوا وقولولي رأيكم

جعلنا الله وإياكم ممن يقال له اقرأ وارتقي ورتل كما كنت ترتل في الدنيا

تعديل ...

السلام عليكم ورحمة الله وبركاته

فاكرين يا جماعة لما كتبت عن صلاح الدين وقلت إنه ماكانش بيضحك أبدا ولما سٌئل لماذا لايضحك قال "كيف أضحك والأقصى أسير"
إمبارح كنت في مناقشة في الموضوع ده واقتنعت - مع إحترامي الشديد لصلاح الدين - أن صلاح الدين كان خاطئا في هذه النقطة فرسولنا الجميل كان يُقال عنه " ما رأيناه إلا بساما ضحوكا " وما أشد ما كان فيه الرسول الكريم من إبتلاء واسمحولي إن قلت إنه كان أشد من صلاح الدين ومع ذلك كان بساما ضحوكا ...
يا حبيبي يا رسول الله

إسمحوا لي أني مسحت هذه المقالة

بحلم لو عاد الإسلام يحكم من تاني

بحلم لو عاد الاسلام يحكم من تاني

و يخلى صحارى الأوطان خضرة وأمانى

بحلم لو عاد الاسلام يحكم من تانى

ويخلى صحارى الأوطان خضرة وأمانى

بحلم لو نسمة ايمان هزت اركاني

ييجي الفجر ويطوى الليل حسنه الرباني

ييجي الفجر ويطوى الليل حسنه الرباني

بحلم لو عاد الاسلام يحكم من تاني
و يخلى صحارى الأوطان خضرة وأمانى

بحلم لو عاد الاسلام يحكم من تانى
ويخلى صحارى الأوطان خضرة وأمانى

بحلم لو نسمة ايمان هزت اركاني
ييجي الفجر ويطوى الليل حسنه الرباني
ييجي الفجر ويطوى الليل حسنه الرباني

بحلم ان العدل يسود

عدل عمر وجنوده أسود

تحمي الحق وعنه تذود لا تخاف الجانى

تحمي الحق وعنه تذود لا تخاف الجانى

بحلم لو عاد الاسلام يحكم من تانى

ويخلى صحارى الأوطان خضرة وأمانى

حلمنا لو اتجمعنا صفوف

كفى فى كفك نبقى ألوف

ونموت جوانا الخوف ونعود من تانى

ونموت جوانا الخوف ونعود من تانى

بحلم ان جيوشنا كتير

وسيف الدين عاد للتحرير

والأقصى ينادي يا أمير..طهر أركاني

والأقصى ينادي يا أمير..طهر أركاني

الحلم اللى القلب ناداه

شعب بيهتف باسم الله

ويخلى ايمانه وهداه...نهج القرانٍ

ويخلى ايمانه وهداه...نهج القرانٍ

بحلم لو عاد الاسلام يحكم من تانى

بحلم

ويخلى صحارى الأوطان خضرة وامانى

بحلم

بحلم لو نسمة ايمان..هزت اركانى

بحلم

ييجى الفجر ويطوى الليل حسنه الرباني